رواية دار الايتام الفصل الثاني والثلاثون 32 - بقلم أميرة أسامة

ليل.... تحبي تروحي مكان معين ولا اطلع انا على مكان؟ ريما.... عايزه اروح المكان بتاعنا يا ليل... ليل.... حاضر. طلع بالعربيه. وصل جاسر قدام البيت. زهره... حمدالله على السلامه. جاسر... تعبكم راحه. جاسر.... عشق مالك ساكته ليه؟ عشق.... لا ابدا مفيش بس مصدعه شويه. شكرا يا جاسر. جاسر.... على ايه بس. نزلت زهره وعشق. جاسر.... هتروحو بكرة لنور؟ تمارا.... ان شاء الله هتروح. جاسر.... هتروحو امته؟ تمارا....

يعني هننزل بعد العصر بشويه. جاسر.... تمام. يلا اطلعو واول ما تدخلو طمنوني. تمارا.... تمام. وانت لما تروح طمني. وخلي بالك من نفسك عشان خاطري. جاسر.... وهو بيغمزلها خايفه عليا؟ تمارا.... مش اوي 🙄. جاسر.... بقى كده طب مش هخلي بالي. تمارا.... خلاص خايفه عليك اوي. جاسر.... بحبك. تمارا.... وانا بحبك اوي. جاسر.... طب يلا انزلي قبل ما اتهور. وهموت واعمل حاجة. تمارا.... ضربته على كتفه. قليل الادب. فتحت الباب ونزلت.

فضل جاسر يضحك عليها. تمارا.... يلا بااي. جاسر.... اطلعو يلا وطمنيني اول ماتطلعي عشان امشي. تمارا.... حاضر. دخلت تمارا للبنات وركبو الاسنسير وطلعو. ودخلو الشقه وقفلوا. وكلمته تمارا طمنته ومشي. ادم.... مساء الخير. سهام.... مساء النور يا حبيبي. حمد الله على السلامه. ادم.... باس ايدها الله يسلمك يا امي. عامله ايه؟ سهام.... الحمد لله يا حبيبي. نوح.... ازيك يا امي. وباس راسها. سهام.... بخير يا قلبي. راحوا قعدوا. نوح....

نور. عامله ايه؟ سهام.... صحتها احسن. بس نفسيتها وحشه اوي يا نوح. نوح.... شوفتوا الحلقة؟ سهام.... اه شوفناها. بس برضو هي مش تمام اوي. نوح.... وهو بيتنهد بحزن. ان شاء الله خير. سهام.... امال فين ليل؟ بص نوح وادم لبعض. سهام.... في ايه بتبصو لبعض كده ليه؟ ليل كويس. ادم.... بخير يا امي الحمد لله. سهام.... امال في ايه مالكم. نوح.... ليل مع ريما يا امي. سهام.... ايييه ريما! ازاي؟ ادم.... جاتله الشركه وخدها وطلع بيها.

سهام.... يعني ايه جاتله ويعني ايه خدها وطلع بيها. اتجنن ده ولا ايه؟ نوح.... اهدي يا امي. من فضلك. سهام.... اهدى ايه وزفت ايه. اخوكم هيموتني قريب بعمايله دي. احنا مش كنا خلصنا من ريما دي. ازاي ليها عين ترجع وازاي يوافق اصلا يديها وش. بدل ما يرميها بره يخرج معاها. نوح.... بعد الشر عنك يا ست الكل. متقوليش كده. سهام.... رجعت ليه وراح معاها فين؟ ادم....

ولله يا امي ما نعرف. ده اللي حصل. جاتله وخرج بيها. واتعصب علينا لما سألناها نفس السؤال. ايه اللي جابك. مسكتش واتعصب وجه ادامنا كلنا خدها من ايديها وخرج بيها. سهام.... ده اكيد حصل حاجة في عقله. انا لازم اكلمه يجي فورا. ومسكت الموبايل. نوح.... استني بس يا امي. ادم.... عشان خاطري انا بلاش. اكيد هنعرف منه هي عايزة ايه. بس خليه لحد ما يجي. سهام.... ازاي ازاي. بعد كل اللي حصل ده يوافق اصلا يبص في وشها. ادم....

محدش عارف ليل بيفكر ازاي. انتي هتوهي عنه يعني يا امي. انتي عارفه ليل دماغه محدش يعرف فيها ايه. سهام.... ستترك يارب. احنا مصدقنا ابتدا يتحسن. هترجع تظهر في حياته تاني. نوح.... صلي على النبي كده يا امي واهدي. واكيد هنسأله ونعرف منه. سهام.... عليه الصلاه والسلام. قومو يلا حبايبي غيروا هدومكم لحد ما احضر العشا. نوح.... ماشي يا امي. انا هطلع اشوف نور. سهام.... هات نور معاك. انا قولتلها تنزل تتعشى معانا ووافقت. نوح....

حاضر يا امي. وطلع نوح وادم. خبط نوح على الباب. ومكنش في رد. فتح. مكنتش في الاوضه. بس اطمن لما سمع صوت ميه جاي من الحمام. قعد نوح بتعب على السرير وسند راسه لحد ما تخرج.

فات حوالي عشر دقايق. خلصت نور شاور. وكانت لابسه بچامه بيتي مرسوم عليها اشكال ديزني. فتحت نور الباب واتخضت اول ما لمحت نوح قاعد على السرير. لكن تنحت اول لما شافته نايم وهو قاعد وساند راسه على السرير. صعب عليها خصوصا انه صاحي من بدري. راح عمل بلاغ ورجع خدها وراح الجامعة ورجعها وراح على الشغل وبعدين راح صور ورجع تاني على الشغل. حست انه مرهق بجد وشكله لوحده كان بيأكد كده. فضلت واقفه بصاله من بعيد. ملامحه وحشتها. كل حاجة فيها وحشتها.

ثواني. ورأسه فضلت تتزحلق براحه لتحت. وفجأه فاق نوح. وعدل نفسه. لمح نور واقفه قدامه بتبص عليه. واول ما عينها جت في عينه. بعدت عينها بسرعه. نوح.... ازيك يا نور. اسف. يظهر اني روحت في النوم. وانا مستنيكي تخرجي. نور.... مش بترد. اضايق نوح انها مردتش عليه. لكن من جواه كان مبسوط انها واقفه قدامه بشعرها ولبسها من غير ما تلبس قدامه. حس ان على الأقل فيه أمل.

مشي نوح ناحية الدراسينج. طلع غيار ليه وخرج. راح من سكات على الحمام ياخد شاور. قعدت نور على حرف السرير وهي سرحانه ومضايقه من الفجوه الكبيره اللي حصلت بينها وبين نوح. مسكت نور الفرشه وفضلت تمشي الفرشه على شعرها بشرود. خرج نوح بعد مده بسيطه. كان لابس تيشرت اخضر فاتح وبنطلون أسود. كان شكله يجنن. خرج اتسرح ورش من البرفيوم بتاعه. وقعد على الكنبه. مسك موبايله واتصل بجاسر. كل ده تحت نظرات نور. جاسر.... ايه يانوح؟ نوح....

روحت؟ جاسر.... داخل على الڤيلا خلاص. انت فين وفي جديد بخصوص ليل؟ نوح.... روحت اه من شويه. ومفيش جديد. لا كلمته ولا كلم حد فينا. جاسر.... انا كمان مكلمتوش. ولا طايق اكلمه بعد اللي عمله. نوح.... انا مش مطمن يا جاسر. جاسر.... ومين سمعك. ربنا يعدي اليومين دول على خير. كل يوم مفاجأة. الواحد زهق. نوح.... ربنا يسترها. المهم قربت. انا اصلا بتصل عشان اطمن عليك. جاسر.... دخل الڤيلا. اه انا وصلت خلاص ودخلت الڤيلا اهو. نوح....

طيب كويس. يلا ادخل انت بقى. جاسر.... تمام. لو حصل حاجة قولي. نوح.... ماشي تمام. يلا سلام. جاسر.... سلام. قفل جاسر مع نوح. مسك موبايله واتصل على تمارا. تمارا.... الو. جاسر.... ايه ياحبيبي. انا وصلت خلاص. تمارا.... طيب الحمد لله. جاسر.... مالك قلقانه كده ليه يا تمارا؟ تمارا.... انا فعلا قلقانه. جاسر.... لا ياحبيبي متقلقيش. احنا اتفقنا نخلي بالنا بس مش لدرجة القلق والتوتر. تمارا.... ربنا يستر. انت جوه الڤيلا خلاص.

جاسر.... اه. انا فالجنينه وداخل اهو. بس قولت اكلمك على طول عشان مطولش عليكي اكتر من كده وتقلقي. تمارا.... طيب يلا ادخل بقى. جاسر.... ماشي ياقلبي. يلا روحي كلي حاجة وانا هاخد شاور واكل واكلمك. تمارا.... تمام. هستناك باي. جاسر.... باي ياحبيبي. ودخل جاسر الڤيلا. فضل نوح قاعد على الكنبه بعد ما قفل مع جاسر. مش باصص لنور ولا بيتكلم. وهي قاعده على السرير سرحانه ماسكه الفرشه في ايدها وباصه على الأرض.

قام نوح وقف مرة واحدة. بص ناحية نور بسرعه وبعد عنها تاني. نوح.... نور. العشا جهز وماما بتقول انها قالتلك تنزلي تتعشي تحت. لو مش حابه او مش قادرة هخلي الشغاله تطلعلك العشا هنا. نور.... لا انا هنزل. نوح.... تمام. طيب يلا عشان تنزلي معايا. قامت نور وقفت واتحركت ببطئ. نوح.... استني هنا. انتي رايحه فين؟ نور.... وهي بصاله بغضب. مش قولت هننزل تحت. نوح.... ايوة انا قولت هننزل تحت. بس انتي نازله بمنظرك ده. نور....

انتبهت على لبسها اللي ماسك عليها وشعرها. بس حبت تضايق نوح. نور.... ماله منظري. نوح.... بغضب. انتي بتتكلمي جد ولا بتحاولي تستفزيني؟ نور.... انا مش هزر معاك. واصلا مليش دعوه بيك عشان استفزك. نوح.... نوووور اتعدلي وبلاش تستفزيني اكتر من كده. نور.... انت عايز ايه. نوح.... عايزك تغيري اللي انتي لبساه ده. نور.... اغيره ليه. عاجبني. ولا جنابك شايف ان شكله مش حلو. نوح....

عاجبك انتي مش عاجبني انا. وايوة شايف شكله مش حلو. الظاهر حضرتك مخدتيش بالك ان في هنا رجاله معاكي في البيت. وبعدين انتي نازله ازاي من غير طرحتك. هي هبت منك ولا ايه. نور.... من فضلك وطي صوتك. وبعدين انت ملكش دعوه بيا اصلا. البس ايه وملبسش ايه دي بتاعتي مش بتاعتك. اغطي شعري ابينه بردو بتاعتي. شئ ميخصكش. قرب منها نوح بغضب ومسك ايدها بعنف. نوح....

انتي كلك على بعضك كده بتاعتي. انا اللي اقول تلبسي ايه ومتلبسيش ايه. مش انتي. انتي تنفذي وبس. انتي فاهمه. وقسما بالله يانور اسمعك تقولي الكلام ده تاني هكرهي نفسك من اللي هعمله فيكي. وشعرك ده لو شفت منه خصله بس. يوم مش هيبقى فايت. طول ما ادم وليل موجودين. لا اشوف جسمك ولا اشوف شعرك. نور....

انت مالك بيا اصلا. انت فاكر نفسك هتتحكم فيا تبقى بتحلم. وبعدين انا حره. وبمناسبة شعري انا هريحك خالص. انا قررت اني هقلع الطرحه خالص. نوح.... مسكها. نور. اكتر من ايدها. صرخت نور بوجع. نوح.... بتقولي ايه. سمعيني كده تاني تقلعي الطرحه. بصي يانور. واضح ان التعب اللي انتي تعبتيه مأثر على دماغك. وانا مش هتكلم معاكي غير لما تفوقي كده. عشان وقتها لو نفس الكلام ده اتعاد وديني يا نور. هتزعلي مني بجد. نور....

انت فاكر انك جوزي بجد واني هسمع كلامك. انت جوزي مؤقتا فاهم. يعني على الورق. وشويه وهبعد عنك وارتاح منك. نوح.... الكلمة وجعته اوي بس محبش يبين. حتى لو مؤقتا. بس بردو انا جوزك. ومن هنا لحد ما ترتاحي مني يانور. تنفذي كل حاجة بقولها. مفهوم. تروحي تغيري هدومك وتلبسي طرحتك. بسرعة. نور.... بصتله بغضب. وراحت على الاوضه. طلعت بنطلون جينز وتيشيرت بكم. ولبست عليه طرحه. وخرجت.

بصلها نوح وكأنه بيتفحصها من فوق لتحت. وفتح الباب. نزلت نور قدامه بغضب. ونزل وراها. سحب ليل الكرسي ل ريما. ليل.... اتفضلي. قعدت ريما عالكرسي. وقعد ليل قدامها. ليل.... تحبي تشربي ايه؟ ريما.... عادي اي حاجة. ليل.... نادي الوتر. الويتر.... تحت امر حضرتك. ليل.... عايز قهوه مظبوط وعصير فراوله. الويتر.... حالا الاوردر هيكون جاهز. ليل.... شكرا. ريما.... لسه فاكر اني بحب الفراوله. ليل.... اكيد. ريما....

شكلك متغيرش خالص ياليل. مفيش حاجة اتغيرت فيك غير ملامحك ونظرتك. ليل.... ودول اتغيرو ازاي. ريما.... يعني ملامحك بقت جد. وجامدة. نظراتك بقت حادة. ليل.... وده احسن ولا اوحش. ريما.... مش حكاية احسن او اوحش. بس الأول كنت اهدى. ملامحك ونظراتك فيهم هدوء. الوقت بقيت تخوف شويه. ابتسم ليل. ليل.... مش يمكن انا كنت كده وانتي اللي مكنتيش واخده بالك. ريما.... استحاله. ليل....

انتي كمان متغيرتيش. شكلك زي ماهو. وفضل باصصلها شويه. رجعتي ليه يا ريما؟ ايه اللي رجعك بعد 3 سنين. ريما.... عشانك ياليل. ليل.... عشاني انا. ريما.... ايوه عشانك انت. ايه مضايق اني رجعت. ليل.... بالعكس. بس مستغرب رجوعك. وبعدين انتي جيتي امته من سويسرا. ريما.... يعني من فترة كذا شهر. ليل.... فين جوزك. ريما....

لا ما انا انفصلت من سنه تقريبا. وفضلت هناك شويه كنت بصفي شغلي عشان ارجع. بس بعد الانفصال بشهر اتوفى. واتفاجأت انه كان كاتب كل ثروته بأسمي. فأضطريت اني اعد الفتره دي عشان اصفي اي حاجة ليا هناك. وقررت اني اجي هنا وابدأ من جديد في مصر. ليل.... واضح انه كان بيحبك. ريما.... اكتشفت ده بعد ما مات. ليل.... وقبل كده مكتشفتيش. ريما.... لا. كنت عارفه انه بيحبني. بس مكنتش اعرف انه بيحبني لدرجة انه يكتب ثروته بأسمي. ليل....

وعملتي بزنس هنا ولا لسه. ريما.... في الحقيقة لسه. بس طبعا مقررة هعمل ايه. ليل.... وناويه على ايه بقى. ريما.... يعني نفس النشاط اللي كان في سويسرا. هفتح مصحة تجميل متكاملة. ليل.... يعني ايه. ريما....

يعني هي فكرتها جديدة بس اكيد معروفة. الشخص اللي بيدخل بيفضل في المصحة مده 10 ايام. 20 يوم. شهر. وممكن اكتر. والمدة بتتحدد على حسب اللي هو محتاجه. بيدخل شخص بيخرج شخص اصغر من سنه 10 سنين. صحيا وجسديا. حتى المظهر الخارجي. وبيتعمل جلسات نفسيه. يعني لو حد عنده اضطرابات مأثره على شكله. ملامحه. بيعاني من مشكلة. بيقعد معاه دكاترة نفسيين بيظبطوه خالص. لو في سلوك مش حلو مش حابه في نفسه بيتعمله تعديل سلوك. يعني باختصار اللي بيدخل بيخرج واحد تاني خالص. من جوه ومن بره.

ليل.... حلو ده. على كده انا هكون اول كلاينت عندك. ريما.... بابتسامه. ياسلام. احنا نطول ليل باشا بنفسه. يشرفني. بس انت عايز تصغر اكتر من كده. انت سنك مش باين عليك. ليل.... لا ما انا محتاج الجزء بتاع من جوه ده اوي. جه الويتر وحط القهوه والعصير ومشي. ليل.... بس بردو انا معرفتش انتي رجعتي ليه يا ريما. خصوصا انك بتقولي انك واصله مصر من كذا شهر. اشمعنى ظهرتي الوقت. ريما....

انا من ساعة ما جيت. كنت بدور على المكان المناسب لشغلي. يعتبر كل حاجة خلصانه. حتى الموظفين اللي هيشتغلوا. ولقيت المكان. يمكن من يوم ما جيت وانا بفكر فيك. بس مكنتش قادرة اخد الخطوة دي. لحد يعني ما شوفت اخبار الفترة اللي فاتت وشوفتك انهرده في التلفزيون. لقيت نفسي بلبس بعد نهاية الحلقة وجيالك. كنت خايفه الاقيك مش في الشركة لاني مكنتش هقدر اجي البيت. انت عارف. بس الحمد لله لقيتك. لما شوفتك في التلفزيون مقدرتش امنع نفسي اني اشوفك في الحقيقة ياليل. كنت حاسه انك مضايق. وحسيت اني لازم اقف معاك. يمكن ده يكون مضايقك. بس انا مقدرتش اعمل كده.

ليل.... مين قالك اني مضايق. ريما.... بابتسامه. يعني مبسوط انك شوفتني. ليل.... خد نفس بحزن. جدا. وياريت كنت شوفتك من يوم ما جيتي. ريما.... اشمعنى. ليل.... مش عارف. صدقيني. بس انا الفترة دي تعبان اوي. ريما.... لسه زعلان من اللي حصل زمان ياليل. ليل....

بحزن. اوي يا ريما. اللي حصل زمان عمري ما نسيته. ولا عمري كنت كويس من بعده. اوقات كتير بحاول اقنع نفسي اني كارهك بسبب اللي عملتيه فيا. بس مبعرفش. يمكن لو كان حد سألني قبل ما اشوفك انهرده بثواني. وقاللي لو ريما رجعت هتعمل ايه. كنت قولت هقتلها. بس لما شوفتك مقدرتش اعمل اي حاجة. غير اني باخدك من ايدك وبمشي بيكي. وحشتيني يا ريما. وحشتني بنوتي الصغيرة اللي كنت بلف بيها في كل مكان. وكأنها توأمي اللي لا يمكن امشي من غيره.

ريما.... بدموع. انت كمان وحشتني اوي ياليل. كنت واثقه من ان رد فعلك هيكون غير كده خالص. كنت عارفة انك هتثور وتتعصب وتغضب. ومع ذلك مقدرتش مجيش اشوفك. بس انت خالفت كل توقعاتي ياليل. ليل.... بلاش دموعك دي ياريما. ومش يوم ما هشوفك بعد كل الوقت ده اشوف دموعك. ومد ايده مسك ايدها باسها. انا مش عارف اعمل ايه. اخدك في حضني زي زمان. اقتلك على اللي وصلتينا ليه. صدقيني مش قادر اعمل اي حاجة. من بعد ما شوفتك. ريما....

سامحني ياليل. اللي حصل زمان كان غصب عني. والله العظيم عمري ما قصدت اني اوجعك. يمكن غلطت بس كنت عيلة. مكنتش فاهمه بعمل ايه ولا بتصرف ازاي. بعد ما سبتني ياليل. اترجيت احمد انه يتقدملي بس رفض. وبعدها اختفى. بعد ما اهلي عرفوا حياتي بقت سودة. ومع اول عريس اتقدملي اهلي وافقوا عليه. وطبعا عملت عملية عشان متفضحش. وفعلا اتجوزته وسافرت معاه. وكل اللي قعدتهم معاه سنه ونص. وكان دايما في خلافات بينا. هو كان طيب بس كان اهم حاجة

عنده شغله. طول الوقت في شغل. كان مهمل معايا جدا. مكنش بيهتم بيا خالص. بقيت اقارن كل حاجة بتحصل منه بيك. كنت دايما معايا. وفي الاخر قررت اني لازم انفصل. وفعلا انفصلت. وقولت هخلص كل حاجة خاصة بيا هناك وانزل. كان ليا نفس الشغل ده هناك. كانت الحاجة الوحيدة اللي تقريبا مسلياني وحبتها في سويسرا. ولما قررت انزل اتفاجأت انه مات. وكتب كل فلوسه بأسمي. فضلت هناك شهور تاني لحد ما كل حاجة خلصت ونزلت. من كذا شهر. ومن يوم ما نزلت

وانا مش بعمل غير حاجتين. اني افكر فيك واني ادور على مكان لشغلي. وانهرده بعد ما شوفتك اقدر اقول اني حققت الاتنين.

ليل.... وهو مبتسم. نورتي مصر ونورتي حياتي من تاني ياريما. ريما.... ابتسمت. ليل.... هتبتدي شغلك امته. ريما.... المكان لسه المفروض هيتبني. وصراحة دي حاجة انا لسه مش فاهمه فيها خالص. ليل.... متحمليش هم. سبيها عليا. ريما.... يعني ايه. ليل.... انتي ناسيه ان التأسيس ده شغلي ولا ايه. ريما.... لا طبعا مش ناسيه. ليل....

خلاص يبقى سبيها عليا. ومن يوم السبت ياستي هنبتدي شغل على طول. وهاجي انا بنفسي اشوف المكان. قبل ما نبدأ فيه رمي الأساس. ريما.... بجد 😍. ليل.... بجد. ريما.... طيب ممكن بقى توصلني عشان متتأخرش. ليل.... على الڤيلا. ريما.... لا انا مش قاعده مع مامي وبابي. انا قاعده لوحدي. ليل.... طيب تمام يلا. قام ليل وريما وركبوا. وبعد مده بسيطه وصلها ليل للڤيلا بتاعتها. ريما.... ميرسي ياليل بجد. ليل.... على ايه بس. ريما....

انا عايز رقمك. ريما.... مسكت موبايلها ورنت على موبايل ليل. ليل.... باستغراب. رقمي لسه معاكي يا ريما. ريما.... رقمك عمره ما اتمسح ولا هيتمسح يا ليل. ليل.... مسك ايدها وباسها. مبسوط انك رجعتي واني شايفك من تاني. ريما.... انا مبسوطه اكتر منك بكتير. ليل.... هشوفك يوم السبت. ريما.... ان شاء الله. انا رايحه بكره المكان وهبعتلك من هناك اللوكيشن. وانت يوم السبت تيجي على هناك على طول. ليل....

تمام. انتي بس عرفيني المعاد وهتلاقيني عندك. ريما.... ماشي. ليل.... يلا ادخلي بقى عشان الوقت ميتأخرش اكتر من كده. ريما.... حاضر. خلي بالك من نفسك وسوق براحه بلاش جنان. ابتسم ليل. ليل.... حاضر هسوق براحه وهبطل جنان. ريما.... باي. ليل.... باي. وفضل ليل واقف لحد ما دخلت. ودور عربيته بسعادة وطار على الڤيلا بتاعته. سهام.... كملي اكلك يا نور. نور.... شبعت والله يا طنط. سهام....

شبعتي ايه بس انتي مكلتيش كويس. وبعدين انتي ناسيه انك لازم تاكلي كويس زي ما قال الدكتور. نور.... والله كلت الحمد لله. تسلم ايد حضرتك. ادم.... بابتسامه. عامله ايه يانور. أحسن. نور.... بابتسامه. بخير الحمد لله يا ادم. ادم.... مش كفايه دلع بقى ويلا شدي حيلك عشان ترجعي الشغل. زهره محتاسه بيني انا ونوح. شايله شغلك وشغله. نور.... انا كمان الشغل وحشني اوي. انا هنزل يوم السبت. نوح....

كان قاعد يهز رجله ومتغاظ انها بتتكلم مع ادم. بس كان ساكت. لكن كلمتها خلته اتكلم. نوح.... شغل ايه اللي هتنزل بيه يوم السبت. انتي محتاجه ترتاحي. نور.... وهي مش بصاله. انا كويسه. نوح.... لا مش كويسه يانور. انتي محتاجه تقعدي شويه كمان. وبعدين اصلا انتي مش هتنزلي شغل غير بعد الامتحانات. امتحاناتك ناقص عليها اسبوعين. نور.... انا عارفه انا بعمل ايه كويس. وبعدين مين قالك اني ناويه اروح الامتحان. نوح....

نعم. اللي هو ازاي يعني. نور.... زي ما سمعت. مش ناويه اروح. نوح.... بعصبيه. هو ايه اللي مش ناويه. بصتله نور بغضب عشان زعقلها بصوت عالي قدامهم. سهام.... نوووح. وطى صوتك وانت بتتكلم. نوح.... انتي مش سامعه يا امي كلامها. سهام.... ليه يانور مش عايزه تروحي. عايزه تضيعي سنة عليك. نور....

مش مهم يا طنط. انا مش مستعده خالص للامتحانات. حاسه ان كل حاجة ذاكرتها مش بس السنادي. كل السنين طارت من دماغي. ولو دخلت مش هقدر احل. وهعيد السنة. فا هي هي مش فارقة كتير. سهام.... لا طبعا فارقة. وبعدين مين قال ان اللي انتي ذاكرتيه طار من دماغك. انتي بس عشان مضغوطة. بس لو ذاكرتي هتفتكري كل حاجة تاني. نور.... معتقدش يا طنط. خصوصا اني مش هقدر اصلا اروح الجامعة. ادم....

لا هتقدري يانور. ولازم تقدري. ولازم تتحدي نفسك. ولازم تقفي على رجلك وتبيني للكل ان مفيش حاجة تقدر تأثر فيكي. وبعدين انتي ناسيه ان ده حلم عم محمد ولا ايه. نور.... عارفه ان حلمه اني اخلص دراستي. ودي كانت حاجة هتفرحه. بس هو مش موجود خلاص. نوح.... بس حاسس بيكي. وهتدخلي الامتحان يا نور. ومن بكره هترجعي تذاكري تاني. ولو محتاجه احسن دكاتره في كل مادة عندك. يشرحولك وينجزوا معاكي هجبهملك. بس هتدخلي الامتحان. نور....

شكرا. مش محتاجه حاجة. نوح.... انا مبعزمش عليكي بعصير. على فكرة. واللي قولته هيتعمل. بصتله نور بغضب. ورجعت بصت لسهام وادم. نور.... معلش يا طنط. انا هطلع ارتاح. بعد اذنك. بعد اذنك يا ادم. وطلعت وسابتهم. ونوح بيطلع شرار من عينه. سهام.... عاجبك كده انت يا ابني. مش هتتغير. هتفضل متسرع وعصبي كده. نوح.... مش شايفه طريقتها. ادم....

اهدى عليها يانوح شويه. وبعدين يا اخي راعي اللي هي فيه. انت مش قادر تستوعب اللي حصل ولا ايه يا نوح. نوح.... لا قادر. بس اللي حصلها ده حصلي انا كمان معاها. ومأثر عليا زي ما هو مأثر عليها. ليه بقى بتحملني المسؤولية. سهام.... بعصبية. هي مش بتحملك المسؤولية يا نوح. نور شيفاك انت السبب في كل اللي حصلها. وهي معذورة. ومهما حلفت وقولت هي صحيت لقيتك جمبها. افهم بقى اللي هي بتمر بيه صعب. لازم تقدره. نوح....

سكت. عارف ان سهام كلامها صح. ادم.... نوح عشان خاطري اهدى. ولو حصل ايه متحاولش تتعصب. وتقبل منها اي حاجة لحد ما اللي حصل ده يبانله اخر. متحاولش تبوظ اللي فاضل يا نوح. خدها براحه وبالهداوة. عارف انك مشدود ومضغوط. بس اللي انت فيه برده مش زي اللي هي فيه. سايسها يا اخي. لكن متبوظش اللي باقي. سهام....

اسمع الكلام يا ابني. ربنا يهديك. نور بتحبك اوي. هي بنفسها قالتلي الكلام ده. قالتلي انها مش قادرة تكرهك. بس بالعقل بردو مش هتيجي تترمي في حضنك يا نوح. اللي مرت بيه صعب. ومهما كانت بتحبك وواثقه فيك. هي ليها باللي صحيت وشافته. فاهمني يا نوح. نور مشوشة الوقت. احاسيسها متخبطة. خدها براحه زي ما ادم قالك. نوح.... وهو بياخد نفس بقلة حيلة ولانه عارف ان اللي بيقوله ده صح. حاضر. حاضر يا امي. ادم....

متقولش حاضر وترجع تتعصب. احنا قولنا عايزين طولة بال. نوح.... حاضر يا ادم. هعمل كده. انا هقوم بقى. عشان مش قادر. هطلع انام. ادم.... ايوه انت من الصبح وانت بره. اطلع ريح يلا. سهام.... هما البنات جايين بكره. نوح.... قالو جايين اه. ادم.... ايوه يا امي هييجوا عشان يشوفوا نور. وبعدين بكره احنا اجازة. فا هييجوا يأعدوا معاها شويه. سهام.... ان شاء الله. نوح.... يلا تصبحوا على خير. ادم.... انا كمان هطلع معاك. مش هتنامي يا امي.

سهام.... وهي بتبص بغموض. لا انا شويه وطالعة. ادم.... تصبحي على خير. سهام.... وانت من اهل الخير يا حبيبي. نوح.... تصبحي على خير يا امي. سهام.... وانت من اهل الخير يا نوح. طلع ادم ودخل اوضته. ودخل نوح الاوضه من غير ما يخبط. لقى نور غيرت هدومها. دخل من غير ما يكلمها. راحت قعدت على السرير. نوح.... عشق وزهره وتمارا هييجوا بكره. عشان يشوفوكي ويأعدوا معاكي. نور.... طيب.

ولع نوح سيجارة. وقعد على الكنبه. فضلت مراقباه من بعيد وهو مش باصصلها. خلص سيجارته. وسند دماغه وهو قاعد على الكنبه بارهاق شديد. وغمض عينه. دقيقة وكان نوح نايم وفي دنيا تانيه. فضلت نور بصاله وصعبان عليها نومته دي. والكنبه صغيرة مينفعش ينام عليها عشان طويل. فضلت نور تفكر. تعمل ايه. لحد ما هي نفسها راحت في النوم. تمارا.... عشق. عشق.... عشق. تمارا.... هااا. في حاجة يا تمارا. عشق....

انتي اللي في ايه. قاعده تلعبي في طبقك ومش بتاكلي. ليه. تمارا.... لا ابدا سرحت شويه. بس انا شبعت اصلا الحمد لله. عشق.... شبعتي ايه. انتي كلتي اصلا. تمارا.... انا مش جعانه اوي والله. زهره.... مالك يا عشق. عشق.... مفيش يا حبيبتي. انا كويسه بس مصدعه شويه. محتاجه انام. زهره.... لا تنامي ايه. انهرده الخميس. احنا مش هنسهر. عشق....

معلش يا زهره. مش قادرة والله محتاجه ارتاح. وبعدين احنا بكره هنروح لنور ونقعد مع بعض براحتنا ونعوض اليوم ده. تمارا.... متبقيش رخمه بقى. عشق.... معلش والله ما قادرة. تمارا.... ماشي حبيبتي. عشق.... تصبحو على خير. مسكت تمارا ايدها. تمارا.... عشق. متأكده انك كويسه. عشق.... بابتسامه حزينه. اه والله يا تيمو. هنام وارتاح وهصحى احسن. زهره.... ماشي يا قلبي يلا ادخلي نامي. عشق.... تصبحو على خير. تمارا.... وزهره....

وانتي من اهله. دخلت عشق الباب وقفتلت وراها بالمفتاح. واول ما دخلت انهارت. وكأن كان في حاجة على رقبتها بتخنقها ومحتاجة تخرج منها. راحت على السرير وفضلت تعيط. مسكت صورته بايدها. ونامت وهي في حضنها. من كتر ما تعبت من العياط. تمارا.... عشق مضايقه اوي. زهره.... شكلها باين من واحنا في الشركة اصلا. تمارا.... طيب هنفضل ساكتين كده. زهره.... احنا في ادينا ايه نعمله. تمارا.... معرفش. بس هي صعبانه عليا اوي. ومش قادرة اشوفها كده.

زهره.... عشق حبت ليل. بس محدش فينا يعرف ليل حبها ولا لا. حتى هي نفسها متعرفش. تمارا.... ايوه بس ليل باين عليه انه بيحبها. انتي مبتشوفيش طريقته معاها هي بالذات عامله ازاي. زهره.... بس بردو احنا منعرفش هو ليه مشي مع اللي اسمها ريما دي. تمارا....

معرفش. بس واحد يكتشف ان اللي هيتجوزها تعمل كل ده. المفروض لو مقتلهاش يفضل كارهها العمر كله. مش يشوفها ويتكلم معاها عادي. ويجي قدامنا وياخدها من ايدها ويخرج بيها. صراحة نزل من نظري. بعيدا عن عشق يعني. زهره.... هو تصرفه حقيقي غريب. بس بردو هما بيقولو انه كان بيعشقها. واللي بيحب ياتمارا. مستحيل يكره. تمارا.... عشق. معرفش بقى. انا مش هاممني اي حاجة الوقت غير عشق. زهره....

فعلا. بس متقلقيش عشق قوية ومش صغيرة وهتعرف تتحكم في نفسها وتسيطر على مشاعرها. تمارا.... ابتسمت. زهره.... بتضحكي على ايه. تمارا....

من يوم ما خرجنا من الدار. وانا كنت شايلة همك اكتر ما كنت شايلاه في الدار. وفعلا لما خرجنا كنتي خايفه اوي. لحد من بعد ما اشتغلتي في محل خان الخليلي. ابتديت احس انك ابتديتي تتأقلمي شويه. ومن بعد وفاة بابا محمد وانا حاسة فيكي بتغيير. عمري ما اتخيلت انك توصليله. طريقتك. شخصيتك. كلامك. كل حاجة اتغيرت. انا حتى مش مصدقه اني بقولك انتي الكلام ده يا زهره. حساكي واحدة تانيه غير زهره اللي اعرفها. واحدة مختلفة. وكأنك مولوده بشخصيتك دي. يمكن لو حد سمعني هيقول اني ببالغ في وصفي ليكي مابين شخصيتك الأولى وشخصيتك الوقت. بس دي حقيقة فعلا. وبيتهيألي ان مفيش تشابه غير في اسمك وبس. انا اللي بقوله ده صح ولا غلط.

زهره....

صح وصح جدا كمان. انا نفسي مستغربه نفسي ياتمارا. وكل ما افتكر اني كنت زمان بالضعف ده اكره نفسي اوي. كل ما افتكر اللي كان بيحصل فيا فالدار واسكت من كتر ما انا خايفه. احس اني بقوى اكتر. تعبت يا تمارا من الضعف. تعبت من الخوف. تعبت من الظلم. تعبت من حاجات كتير اوي. عارفه يوم ما الولاد دول اتهجموا علينا. لما ضربت ولد فيهم بالسكينة. انا مش بس كنت بضربه عشان يبعد عني او صحابه يخافوا ويبعدوا عن نور وعشق. انا كنت بضرب كل حد في

حياتي آذاني. اهلي اللي رموني فالشارع. حنان. والكلاب اللي كانو معاها. بضرب ظلم وعذاب وكسرة وقهره. انا فعلا اتغيرت ياتمارا. بقيت واحدة تانيه. حاسه اني مش عايزة اعمل اي حاجة غير اني اشتغل وانجح واثبت نفسي واخد شهادتي وبس. حتى اني ارتبط بشخص مش قادرة اعمل كده ولا هقدر. ولا بيتهيألي اني هحط حاجة زي دي في حساباتي. حاسه اني مش هقدر اعمل كده.

تمارا.... ليه بتقولي كده بس يا زهره. انتي الف حد يتمناكي. وادام قررتي انك تكوني قوية وتتغيري. يبقى لازم تحبي وتعيشي وتعملي حياة. زهره.... انا هقولك على حاجة بس. من بعد ما هقولهالك انسيها. ومتحاوليش تفتحيها معايا تاني. تمارا.... قولي يازهره. زهره.... يمكن اكون انا اول واحدة فيكم حسيت باعجاب. ويمكن مع الوقت كبر وبقى ارتياح وامان مع الشخص ده. بس انا من جوايا رفضت الفكرة نفسها. تمارا.... تقصدي ادم صح. زهره....

اشمعنى ادم. تمارا.... معرفش. بس حسيت. ويمكن محستش منك انتي. انا حسيت منه هو. انا كتير بحسه مركز معاكي. بس عشان انتي مكنش بيبان عليكي. كنت بكذب نفسي واقول عادي يعني. مفيش حاجة. بس انا مش فاهمه ليه بتعملي كده يازهره. يمكن ادم يكون احسن واحد فيهم. طيب وحنين ومؤدب جدا ومحترم. بحسه منك. لايق عليكي. ليه لا يازهره. ليه بتقولي انك رفضتي الفكرة. زهره.... عشان مش هينفع يا تمارا. ودخلت دموعها. تمارا.... ليه. ليه مش هينفع.

زهره....

عشان من يوم ما شوفت ادم وحسيت اني بحبه. وانا خايفه اتعلق بيه. رافضه الفكرة من ادم او من غيره. عشان خايفه يا تمارا. خايفه اورث قلب امي وابويا. خايفه يبقى عندي نفس جحود قلبهم. خايفه اكون قاسية على ولادي. وخايفه من الجينات المشتركة بيني وبينهم. اتمنيت كتير لو يكون في حاجة اسمها اختبار للحنية يا تمارا. عشان اقدر اعرف هكون رحيمة بولادي واحبهم ولا هعمل زيهم واسيبهم وامشي. خايفه معرفش اربيهم واكون حنينه عليهم. لاني معرفش يعني ايه امومة ويعني ايه حنية. عرفتي يا تمارا. انا رافضه ليه.

تمارا....

مسحت دموعها اللي نزلت من كلام زهره. مينفعش تفكري بالطريقة دي. ومش شرط يا زهره انك تورثي قساوة قلبهم. انتي مفيش اطيب من قلبك. بصي يمكن الظروف اللي اتحطينا فيها خلت عند كل واحدة فينا عقدة مختلفة. بس مينفعش يا زهره العقدة دي تأثر عليكي. وفي نفس الوقت مش دايما يا زهره فاقد الشئ لا يعطيه. بالعكس انتي المفروض تدي اللي اتحرمتي منه. ويبقى نفسك يكون لك بيت وعيلة وولاد تربيهم وتعوضيهم من اللي اتحرمتي منه. وتعيشي معاهم طفولتك اللي معشتيهاش في وسط اهلك. وبعدين يا بت انتي. هو انا وعشق مش اهلك. وكل حاجة ليكي.

زهره.... وهي بتمسح دموعها. طبعا. انتوا كل حاجة في حياتي. تمارا.... فكي كده يازهره. وعشان خاطري ادي لقلبك فرصة يعيش ويحب ويجرب. صدقيني ادم ابن حلال وهيصونك. بلاش تصديه. بلاش تتعاملي معاه على انه زي اخوكي او مجرد مدير في شغل. زهره.... حاضر ياتمارا. ورن موبايل زهره. زهره.... تمارا.... في ايه يابت مالك بلنتي كده ليه. زهره.... ده. ادم. تمارا.... طب قومي ردي عليه بسرعه. زهره.... بس. تمارا....

انتي لسه هتبسبسي. قومي يلا اتحرك يا ابو الهول. قامت زهره راحت على اوضتها وفتحت الخط. زهره.... الو. ادم.... الو. زهره.... ازيك يا ادم. ادم.... الحمد لله. انتي كنتي نايمه. زهره.... لا انا صاحيه. في حاجة ولا ايه. ادم.... سكت شويه. زهره.... ادم. ادم.... معاك. زهره.... مالك يا ادم انت كويس. ادم.... مش اوي. زهره.... في حاجة حصلت ولا ايه. ادم.... لا لا مفيش. بس انا مش مظبوط شويه ولقيت نفسي بكلمك. زهره....

وانتي موجودة. انت ايه اللي مخليك مش مظبوط. ادم.... والله ما عارف. بس لقيت نفسي مخنوق مش اكتر. زهره.... اكيد بسبب المشاكل يا ادم. ادم.... ممكن. بس اللي مضايقني اكتر اللي حصل انهرده. زهره.... تقصد على ليل. ادم.... ايوه. زهره.... بص انا من بعد اللي اتقال ده وحكيته. بصراحة مش قادرة اعرف ليل اتصرف كده ليه. بس ليل مش صغير يا ادم وعارف بيعمل ايه. ادم....

عارف انه مش صغير. بس هو للاسف مش عارف بيعمل ايه. انتي مهما سمعتي مني عن ليل وحبه لريما مش هتتخيلي ابدا. عارفه يا زهره. هقولك حاجة بس تفضل سر بيني وبينك. زهره.... طبعا يا ادم. ادم....

لما روحتي لعشق ولقيتك اتأخرتي. روحت اشوفك. خفت يكون في مشكلة مع عشق او معاكي. لما عشق حكتلي هي عايزكي ليه. قعدت تحكيلي عاللي حصل من ساعة ما. وفجأة ليل دخل علينا. وحسيت انه وشه اتغير عشان شافني قاعد مع عشق. ومن كلامه كنت حاسس ان ليل بيغير على عشق. ومش بس انهرده. لا كذا موقف وكذا مرة نتكلم وتيجي سيرة عشق. ومش انا بس اللي حسيت بكده. نوح وجاسر كمان. واحنا كنا متأكدين من احساسنا ده. بس بعد اللي حصل انهرده حسيت اني مش فاهم اي حاجة.

زهره.... انا كمان عشق صعبانه عليا اوي. من ساعة ما جينا وهي في الاوضه. حتى مكلتش. ومودها مش تمام خالص. ادم.... انا لاحظت انها كانت ساكته خالص في المكتب. زهره.... فعلا. ادم.... هي عشق في حاجة من ناحيتها لليل يازهره. زهره.... بارتباك. اا لا يعني اقصد. ادم.... يبقى في. زهره.... بص انا مليش دعوة. هو مش بالظبط. بس يمكن. ادم.... لا هو اكيد وواضح اوي كمان. مش منها هي بس. من ليل كمان. زهره....

طيب لما هو من ليل. تفتكر ليه عمل كده. ادم.... والله ما عارف يا زهره. بس عموما. انا اللي قلقني ان ليل يحن لريما. زهره.... ربنا يستر. ان شاء الله خير. عموما. هو مش صغير وفاهم بيعمل ايه وعايز ايه. ادم.... المهم هتيجي بكره. زهره.... اه ان شاء الله. ادم.... خلاص هستناكي. يلا بقى روحي نامي عشان متتعبيش. زهره.... انت هتنام. ادم.... انا عايز انام. وفي نفس الوقت مش جايلي نوم. زهره.... بضحك. عروستي. ادم....

بابتسامه. والله بتتريقي. زهره.... طب قولي انت اللي هو ازاي عايز انام ومش عايز دي. ادم.... والله زهقان جدا. بفكر اخرج اسهر. زهره.... الوقت. هتروح فين. ادم.... اه الوقت. هروح اي مكان من اللي بنسهر فيهم. زهره.... لا مفيش سهر. خليك في البيت. ادم.... الله. طب وانتي ايه اللي مضايقك بس. زهره.... انا لا خالص. بس الوقت اتأخر. وبعدين ايه الاماكن اللي بتروحوها. ادم.... يعني نايت كلوب. في كافيه تحفة عالنيل كده يعني. زهره....

وهتروح ازاي لوحدك. حتى الخروجة هتبقى وحشة. ادم.... لا ما اكيد هلاقي اي حد اعرفه. الكل سهران يعني. زهره.... اه قولتلي بقى. يعني حاجة كده فيها بنات. ادم.... يعني. زهره.... طيب 😔. ادم.... ايه. تيجي معايا. زهره.... 😳. انا لا طبعا. الوقت متأخر. وبعدين انا عمري ما روحت مكان زي ده. وصراحة محبش اروح. ادم.... ليه بس. زهره.... يعني حرام. ادم.... حرام. زهره.... اه حرام. وعلى فكرة بقى انت كمان مش هتروح. 😡. ادم....

انتي شايفه كده. زهره.... اه. ادم.... وانا مش هخرج خلاص. زهره.... بجد 😊😊😊. اقصد 🙄. يعني طيب. ادم.... بابتسامه. شكرا يا زهره. زهره.... على ايه. ادم.... يعني عشان اتكلمت معاكي وخرجتيني شوية من الزهق والخنقة اللي كنت فيها. زهره.... بابتسامه. اي خدمة. انا موجودة اي وقت. واي وقت تحس انك محتاج تتكلم كلمني. ادم.... اكيد هعمل كده. انا اصلا برتاح وانا بتكلم معاكي. زهره.... باحراج. بجد ولا مجاملة. ادم....

انا مش بعرف اجامل يازهره. وحقيقي برتاح وانا بتكلم معاكي. والدليل اني كلمتك لما حسيت اني محتاج اتكلم. زهره.... احممم. على فكرة. انا كمان برتاح لما بتكلم معاك. ادم.... بجد. ولا بترديها لي. زهره.... لا بجد والله العظيم. ضحك ادم على طريقتها. ادم.... طيب يلا روحي نامي بقى عشان ترتاحي واشوفك بكرة. زهره.... حاضر. وانت كمان نام. ادم.... حاضر. زهره.... ومتخرجش. ادم.... حاضر. اي اوامر تانيه يا برنسس. زهره....

ابتسمت زهره مع نفسها بأحراج. لا كفاية عليك كده انهرده. ادم.... حاضر يا ستي. يلا تصبحي على خير. زهره.... وانت من اهل الخير. ادم.... سلام. زهره.... سلام. قفلت زهره وهي مبسوطه وضحكتها مش راضيه تفارق وشها. وكان نفس الحال عند ادم. تمارا....... كل ده. جاسر..... على بال ما خدت شاور وكلت. واعدت معاهم شويه. متأخرتش اوي يعني ياحبيبي. تمارا.... لا اتأخرت 😔. جاسر.... طب حقك عليا. تمارا.... لا مخصماك. صالحني. جاسر....

ياسلام. بس كده اصالحك. وسعي كده خديني جمبك. تمارا.... بضحك. لا يا قليل الادب. جاسر.... الله. مش انتي زعلانه. وانا مينفعش اسيب حبيبي زعلان. لازم اصالحك. تمارا.... بضحك. لا مش عايزه اتصالح خلاص. جاسر.... ضحك. طب خلاص اصالحك ازاي. تمارا.... امممممم عايزة شوكولاته. جاسر.... بحب عيلة. بزمتك ده صلح. تمارا.... اه. انا بتصالح بشوكولاتة عادي. جاسر....

ماشي ياستي عيوني ليكي. احلى شوكولاتة هتكون عندك بكره. بس اعملي حسابك انتي بتتصالحي بشوكولاتة. لما ازعل انا بقى هتصالح بالطريقة اللي ترضيني. تمارا.... بضحك. يبقى هتفضل زعلان ياروحي. جاسر.... واهون عليكي. تمارا.... لا متهونش. بس هتفضل زعلان ومش هصالحك. جاسر.... وهو بياخد نفس. بحبك يا تمارا. تمارا.... حست ان قلبها بيدق جامد. وانا كمان بحبك اوي. جاسر.... بقولك ايه. تمارا.... قول. جاسر.... انا هعدي عليكو بكره نروح سوا.

تمارا.... طب ليه تعب عليك. هنروح مع السواق. جاسر.... ياستي انا هكون مرتاح كده. تمارا.... خلاص زي ما تحب. جاسر.... وانا بتحرك من الڤيلا هقولك عشان تجهزوا. تمارا.... تمام. يلا بقى نام عشان ترتاح شويه. جاسر.... مش هتاخديني في حضنك طيب. تمارا.... طب ما احكيلك حدوته قبل النوم بالمرة. جاسر.... ياسلام. ده كده يبقى تمام اوي. تمارا.... اتلم يا جاسر ونام يلا. جاسر.... ياساتر. طيب هنام. تمارا.... جاسر. جاسر....

نعم. عايزة مني ايه 😏. جاسر.... بحبك اوي. جاسر.... بابتسامه. وانا بموت فيكي يا قلب جاسر. تمارا.... تصبحي على خير. جاسر.... وانتي من اهلي ❣️. ابتسمت تمارا على كلمته. تمارا.... باي. جاسر.... باي ياحبيبي. فضل ليل قاعد مستني. الوقت اتأخر وهو كل ده لسه مجاش. كان جواها غضب منه وقلق وخوف عليه. طلعت موبايلها تكلمه. لكن ثواني ولقت الباب بيتفتح. دخل ليل. وعلى وشه ابتسامه وسعادة. ليل.... مساء الخير يا امي. سهام....

قصدك صباح الخير. ليل.... دخل ليل باس ايدها. ايه اللي مسهرك يا امي. سهام.... مستنياك ياليل. ليل.... ليه يا امي. ودي اول مرة اتأخر فيها بره. سهام.... لا مش اول مرة. كنت فين ياليل. ليل.... ايه يا امي انتي كويسه. سهام.... هو انا لما اسالك كنت فين ابقى فيا حاجة. ليل.... لا يا امي طبعا. بس يعني اول مرة تسأليني. بس عموما كنت في مشوار مهم. سهام.... مشوار ايه. قعد ليل وهو بياخد نفس طويل. ليل....

واضح من اسئلتك انك عارفه. يبقى بتسألي ليه. سهام.... مش يمكن عايزة اتأكد اللي سمعته ده صح ولا لا. ليل.... ايوه يا امي صح. كنت مع ريما. سهام.... بصاله بحزن. ليه يا ليل. ليل.... هي جت وطلبت تتكلم معايا. سهام.... وانت وافقت ياليل. وافقت بعد كل اللي حصل ده. طب ازاي قولي. ازاي. ليل.... عادي يا امي. مفيش حاجة حصلت. مجرد مقابلة. سهام.... بغضب. لا مش عادي ياليل. ومينفعش يكون عادي. وصدقني ياليل. دي مش مجرد مقابلة. ليل....

لا يا امي صدقيني مجرد مقابلة ودردشة عادية. مش اكتر. سهام....

وهي بتقف عشان تطلع اوضتها. صدقني انت ياليل. مش مجرد مقابلة عادية. ولا حتى دردشة. لان مينفعش بعد ده كله يبقى في بينك وبينها كلام. وهقولهالك تاني ياليل. صدقني مش مجرد مقابلة. انا ام. ياليل. وقلبي بيقولي انها مش مجرد مقابلة. وراحت. لا دي هتتكرر تاني وتالت ورابع. وبكرة هأكدلك كلامي. وشك وملامحك وابتسامتك اللي مفارقتش وشك من ساعة مادخلت بيأكدوا كلامي. بس صدقني ياليل لو حصل وريما رجعت لحياتك تاني. اعتبر وقت دخولها هو وقت خروجي انا من حياتك.

وسابته ومشيت. خد ليل نفس طويل بحزن. وفضل قاعد مده طويلة لحد ما النهار طلع. وطلع اوضته. خد شاور ونام. في صباح يوم جديد. صحي ابطالنا. وصحيت نور من نومها. كانت الساعة حوالي 12 الظهر. قامت نور من نومها. واول ما فتحت عينها بصت على نوح. لكن لقت مكانه فاضي. بصت في الاوضه كلها براحه ملقتهوش. فكرت انه ممكن يكون تحت. دخلت خدت شاور. وطلعت. خبطت الباب. نور.... ادخل. سهام.... صباح النور على احلى نور. نور....

بابتسامه جميله. صباح الخير يا طنط. سهام.... وشك رايق انهرده. يارب تكوني كويسه. نور.... الحمد لله يا طنط بخير. سهام.... انا قولت اجي اقولكم يلا عشان تفطروا. نور.... حاضر. هتسرح والبس الطرحه واجي ورا حضرتك. سهام.... ماشي يا حبيبتي. قولي لنوح ينزل. نور.... باستغراب. بس هو مش هنا. سهام.... هو مش بياخد شاور. نور.... لا انا صحيت مكنش في الاوضه. يمكن تحت. سهام.... باستغراب. تحت فين. لا مش تحت. انا من ساعة ما. تحت مشفتوش.

نور.... يمكن في الجنينه. سهام.... يمكن. عموما يلا متتأخريش. وانا هشوفه. نور.... حاضر. خرجت سهام وجهزت نور. وفتحت باب الاوضه ونزلت. كانت سهام وادم تحت. نور.... صباح الخير يا ادم. ادم.... بابتسامه. صباح النور يا نور. سهام.... لادم. مقفول برضو يا ادم. ادم.... هيكون راح على فين على الصبح كده. سهام.... معرفش. يمكن ليل قايله على شغل يعمله. ليل.... جه من وراهم. صباح الخير. الجميع.... صباح النور. ليل....

في ايه مالكم واقفين كده ليه. ادم.... مفيش. بس نوح مش موجود في الڤيلا وتليفونه مقفول. انت قايله على شغل ولا حاجة. ليل.... لا شغل ايه. احنا اجازة. تلاقيه خرج يتمشى بره. ادم.... يمكن. سهام.... نور حبيبتي مش قصدي اتدخل والله. انتوا اتخانقتوا او حاجة. يعني عشان ابقى عارفه بس. هو خرج ليه. نور.... لا والله يا طنط. انا مشفتوش من ساعة ما طلعت امبارح. بعد ما طلعت. سهام.... بقلق. هيكون راح فين. ليل....

ايه يا امي. هو نوح عيل. تلاقيه خرج يغير جو. سهام.... وهي مش بصاله. خير ان شاء الله. يلا عشان نفطر. قعدوا فطروا في صمت. مابين قلق نور على نوح. وشرود ليل. ونظرات ادم وسهام ل ليل. بعد مده بسيطه خلصوا فطار. سهام.... انا هدخل احضر الغدا مع الشغالين. عشان هنتغدا كلنا مع البنات. نور.... ممكن اجي اساعد حضرتك. سهام.... خليكي حبيبتي عشان متتتعبيش. انتي لسه مخفتيش اوي. نور.... انا كويسه صدقيني. بس انا زهقانه. ومليش حاجة اعملها.

سهام.... لا في. تطلعي تذاكري شوية. عشان خاطري. افتحي الكتب كده حبة وفكري نفسك عشان تبتدي تذاكري. نور.... بس. سهام.... مفيش بس. الوقت بيجري يا نور. اسمعي كلامي. ادم.... ماما معاها حق يا نور. اسمعي الكلام. ذاكري شويه لحد ما البنات ييجوا. نور.... حاضر. سهام.... بالتوفيق يارب ياحبيبتي. نور.... شكرا. بعد اذنكم. طلعت نور ودخلت سهام عالمطبخ. ادم.... باصص لليل من غير ما يتكلم. ليل.... خير. ادم....

يعني شايفك باصصلي وحابب تسأل مية سؤال. ليل.... كويس انك عارف. ليل.... من غير ما اعرف باين في عينيك. ادم.... مش هتقولي كانت عايزة ايه. وليه وافقت. اصل. ليل.... ادم. انا مش فايق وصاحي مصدع. واصلا منمتش كويس. وهطلع انام تاني شويه. وقام وقف. وقبل ما يمشي. ادم.... يبقى مش خير يا ليل. وقف ليل وبصله. ليل.... ايه اللي مش خير. ادم.... هربت من اسئلتي. يبقى مش خير. وشكل اللي خايف منه هيحصل. وهتحن من تاني يا ليل.

بصله ليل وسابه وطلع على اوضته من غير ولا كلمة. ادم.... يارب. عدت الساعات بسرعه. وراح جاسر للبنات. كانت الساعة 4. وكل ده ولسه نوح مظهرش. ولا حتى فتح موبايله. وصل جاسر والبنات الڤيلا. سهام.... اهلا اهلا بالقمرات. عاملين ايه. تمارا.... حضرتك اللي عامله ايه. سهام.... بخير يا قلبي. ازيك يا عشق. عشق.... بابتسامه. الحمد لله. حضرتك عامله ايه. سهام.... بخير يا حبيبتي. ازيك يا زهره. زهره.... الحمد لله بخير يا طنط. ادم....

اهلا اهلا اهلا. الڤيلا نورت. جاسر.... اكيد عشان انا جيت. ادم.... انت لاجئ هنا على طول. هنمثل. ضحكوا البنات عليه. ادم.... اخباركم ايه. عشق.... الحمد لله. تمارا.... كله تمام. زهره.... وهي بصاله بنظرات مرتبكه. الحمد لله. سهام.... تعالوا يلا ادخلوا. دخلو معاها جوه. عشق.... امال فين نور. سهام.... هبلغها حالا تنزلكم. ثواني وكانت نور نازله عالسلم جري. سهام.... براحه براحه. هتقعي.

جريت نور بابتسامه على البنات. وكانت اولهم عشق. عشق.... وحشتيني. نور.... كده مش بشوفكم امبارح. تمارا.... وهي بتاخدها في حضنها. ما احنا قولنا كده كده هنيجي نشوفك انهرده. نور.... وحشتيني. وراحت لزهره. نور.... وحشتيني يا زهره. زهره.... عامله ايه يا قلبي. انتي وحشتيني اكتر. سهام.... لو اعرف انك هتفرحي لما تشوفيهم كده. كنت خلتهم جم من بدري. قعد البنات جمب بعض. ادم.... عينه على زهره. وهي قاعده مرتبكه كأنها عامله عَملة.

جاسر.... امال فين ليل ونوح. عشق.... مترقبه الرد. من ساعة ما جت وهي بتدور عليه بعينها. ادم.... ليل في اوضته. ونوح. منفهمش. جاسر.... باستغراب. يعني ايه منفهمش. ادم.... من ساعة ما صحينا عالضهر وهو مش هنا. جاسر.... يمكن ليل باعته لحاجة في الشغل. ادم.... ماهو ليل قال لا. جاسر.... طيب كلمتوه. سهام.... موبايله مقفول. جاسر.... غريبة. جالهم صوت ليل من وراهم بكل ثقة. ليل.... ولا غريبة ولا حاجة. اكيد خرج يغير جو.

وقف قلب عشق بمجرد ما سمعت صوته. كان نفسها تلف ضهرها بسرعه وتشوفه. لكن مقدرتش تحط عينها في عينه. ليل.... مساء الخير. الجميع.... مساء النور. فضلت عشق عينها بعيد عنه ومردتش. لاحظ ليل عشق. بس قرر انه يتعامل عادي. جاسر.... بيقولك خرج من بدري وموبايله مقفول. تقول ولا غريبة ولا حاجة. ليل.... عادي يعني يا جاسر. مكبر الموضوع ليه. انت مش حاسس بالضغط اللي حوالينا وبالشغل ولا ايه. وبعدين انهرده اجازة. اكيد حابب يغير جو. جاسر....

يمكن. ليل.... ايه اخباركم يا بنات. زهره.... بخير الحمد لله. تمارا.... تمام. الحمد لله. عشق............................. ليل.... عامله ايه يا عشق. عشق.... باختصار. بخير. بصلها ليل. وبعد وشه عنها. ليل.... تعالو نعد بره احسن. جاسر.... يلا.

خرجوا كلهم بره في الجنينه. كان الجو جميل بوجود تمارا وجاسر وادم وزهره. حتى نور كانت حاسه انها فاكه خالص. وليل اللي كان غريب بالنسبالهم كلهم. كان بيضحك على غير العاده وبيتكلم. عشق كانت ملتزمة الصمت خالص. فجأة جه تليفون ل ليل من ريما. ليل.... هستأذنكم ارد عالتليفون. قام ليل بعد عنهم شويه. هما فضلو يتكلموا ويهزروا. لكن عشق كانت عينها على ليل اللي بيبتسم ويضحك وملامحه باينه هاديه. حست عشق بخنقة فظيعه. قامت وقفت. ادم....

راحه فين يا عشق. عشق.... بارتباك. ابدا. بس يعني. كنت هروح اشوف مهره وعشق. بقالي كتير مشوفتهمش. جاسر.... خلي بالك. احسن دي عصبية. عشق.... بابتسامه. لا متخافش. احنا خلاص بقينا صحاب. دخلت عشق لمهره وعشق. اللي اول ما شافوها كانوا مبسوطين. وفضلت مهره تلف حواليها تعبيرا عن فرحتها. فضلت عشق تطبطب عليها وعلى عشق. ونزلت منها غصب عنها دمعة. وانتبهت بصدمة عالسؤال. ادم.... حبتيه ياعشق. عشق.... 😧😧😧🥺. ادم....

مردتيش على السؤال يعني. عشق.... مش فاهمه تقصد ايه. ادم.... لا فاهمه ياعشق. وعارف انك حبتيه. عشق.... بصت بعيد وسكتت. ادم.... بس اللي بيحب ياعشق. بيبقى عارف انه داخل حرب. ولازم يكون ادها. ويدافع عن حبه. عشق.... مش صح يا ادم. ادافع لو في عالاقل شعور متبادل. لكن ادخل حرب وانا عارفه اني هطلع خسرانة. مينفعش. وانا اصلا طول حياتي بحارب. تعبت من الحرب. وجه الوقت اللي ارتاح بقى شويه. قلبي تعب من كتر الوجع. ادم....

ومين قال ان مفيش شعور متبادل يا عشق. انتي مشوفتيهوش لما دخل علينا المكتب. ليل. اخويا مش بس ابن خالتي. متخيله ان ليل يغير مني. عشق.... بيتهيألك. ادم.... ولو اثبتلك ده هتدافعي عن الحب ده. عشق.... صدقني بيتهيألك يا ادم. وانا حقيقي مش عايزه اعلق نفسي بحاجة توجعني. خليني كده احسن. ادم.... بردو مردتيش. لو اثبتلك ده هتدافعي عن الحب ده؟؟؟؟؟ عشق.... تثبتلي ايه. ادم....

عايزك بس تشوفي رد فعل ليل لما ييجي ويشوفني معاكي. شوفي شكله وملامحه وطريقته. عشق.... انا محتاج اتكلم معاك ضروري جدا في حاجات لازم تعرفيها ولازم نتكلم مع بعض. ادم.... امته. وفين. ادم.... هظبط واكلمك انا. تمام. عشق.... تمام. ليل.... خير واقفين كده ليه. سايبنهم يعني وجيتوا هنا. ادم.... بص لعشق. ورجع بص لليل. ابدا. عشق جت تشوف مهره وعشق. وانا جيت اشوفها احسن مهره تتهور. ليل....

بابتسامه غاضبه. لا متقلقش. مهره مبتعملهاليش حاجة. بقولك ايه صحيح. جاسر كان بيسأل عليك. ادم.... تمام. انا خارجلهم اهو. وبص لعشق. هنبقى نكمل كلامنا. وغمز لعشق. ابتسمت عشق. ادم.... تمام. مشي ادم. اما ليل كان غضب الدنيا فيه. ليل.... كلام ايه اللي تبقو تكملوه. عشق.... نعم. ليل.... سمعتيني على فكرة. عشق.... سمعتك. بس معنديش رد. ليل.... اللي هو ازاي. عشق....

زي الناس. عادي بنتكلم مع بعض في حاجة. بيتهيألي احنا الوقت مش في الشركة. واكيد مش هيضايق حضرتك. ليل.... قرب منها ومسك ايدها بعنف. عشق.... اتعدلي معايا وبلاش طريقتك دي. عشق.... وهي بتنطر ايده. بلاش انت طريقتك دي من فضلك. وياريت انت اللي تعدل تصرفاتك معايا. ليل.... وهو بيمسك ايدها تاني. انتي متقوليليش اعمل ايه ومعملش ايه. انا اللي بقوله يتنفذ. عشق.... ليه ربنا. وانا معرفش. ليل....

لا مش ربنا. بس كلامي هيتسمع يا عشق. ومتفكريش تعاندي معايا. واللي قولته قبل كده هيتعمل. مفهوم. ملمحكيش تقفي مع ادم تاني. عشق.... ما تروح تقوله هو كده. ليل.... بس كده. حاضر. ومشي ليل بغضب. وقفت عشق بذهول من جنانه. جريت بسرعه وراه. ومسكت ايده. عشق.... ليل. من فضلك متعملش كده. بلاش جنان. ليل.... انتي مش طلبتي مني اقوله. عشق.... انت بتعمل كده ليه. ليل.... في ايه بينك وبين ادم. عشق....

ولا حاجة. وحتى لو في. انت مضايق ليه. ممكن اعرف. ليل.... مينفعش يكون في حاجة بينك وبينه ياعشق. انتي فاهمه. مينفعش. وقسما بالله لو شوفتك واقفه معاه تاني هتزعلي مني. بجد. عشق.... ليل متقفش في طريقي من فضلك. وملكش دعوه بيا ولا بحياتي. ليل.... ليه. مش انا اللي بتستمدي منه قوتك. عشق.... لا. كنت بقول كده عشان انت كنت محتاج حد يقويك. ليل.... انتي كدابة يا عشق. عارفه ليه. عشق.... 🥺🥺🥺🥺. ليل.... عشان انتي بتحبيني يا عشق.

عشق.... 🥺🥺🥺🥺🥺🥺. سابها ليل وخرج بسرعه. فضلت عشق واقفه تعيط ومضايقه انها معترضتش على كلامه وبانت ضعيفة قدامه. فضلت واقفه شويه. وخرجت بعد ما ظبطت شكلها. قعدت. فضل ليل عينه عليها. وفجأه سمعوا صوت فرملة عربية. انتبه الكل عالصوت. لقوه نوح. نزل وقرب منهم بسرعه. تخوف. سهام.... نوح حبيبي. انت فين وتليفونك مقفول ليه. نوح.... مش وقته يا امي. نور.... تعالي معايا. نور.... نعم. اجي معاك فين. ليل....

في ايه يانوح. ومالك داخل كده وكنت فين. نوح.... انا قولت مش وقته. يلا يا نور. نور.... انا مش هاجي معاك في حته. نوح.... نور. اخلصي. وبسرعة من فضلك. نور.... قولتلك مش هاجي. نوح.... مسكها بغضب من ايدها. صرخت نور. جاسر.... نوح في ايه. ليل.... انت اتجننت ولا ايه. هتاخدها فين. نوح.... ايه يا ليل باشا. نسيت انها مراتي ولا انا محتاج اخد الاذن. ليل.... لا منستش. بس قولي واخدها فين. نوح....

لما نيجي هتعرفو. وبص لنور. يلا ومتخافيش. انا مش هاكلك. ليل.... روحي يا نور. متخافيش. نوح.... يلاااا. مشت نور وراه. وهي خايفة. وفضل الكل قاعد مصدوم ومستني يعرف نوح خدها فين. وليه جاي بالشكل ده.