رواية دهب الفصل الرابع 4 - بقلم شروق الحاوي

دهب بصدمة: هههو الشعر ياسين هناك. ياسين بتوتر: دهب مالك في إيه، مفيش حاجة هناك. دهب برعب: لا لا أنا شفت عفريت بص هناك شعره شوف كدا. ياسين بضحك مصطنع: عفريت إيه بس ياصغنن، يعني يوم ما تشوفي عفريت تشوفي شعرة، تعالي ندخل جوة مفيش حاجة اسمها عفاريت يلا ندخل. دهب برعب: مش هتسبني صح أنا خايفة. ياسين بحنية: متخافيش ياصغيرتي مش هسيبك أبداً. دهب بطفولة: طيب تعالي نام معايا. ياسين: طيب ينفع آنسة كبيرة زيك تقول لحد نام معايا.

دهب: بس أنا خايفة ومش عايزة أسيبك. ياسين: وأنا مش هسيبك. دهب وقد تناست خوفها: طيب يلا ناكل مع بعض عشان جعانة. محمد بابتسامة: طيب 3 دقايق بالظبط ويكون جاهز لست البنات كلها. دهب بابتسامة: ياسين تعالي معايا احكيلي حدوتة الجني العاشق يلا. ياسين بحب: ماشي ياصغيرتي. كان يامكان، كان في مرة شاب جميل أوي شبهي كدا. دهب بضحك: إيه يا عم التكبر دا. ياسين بتذمر: أنا مش حلو، طب مش هقول.

دهب: لا لا خلاص والله مهتكلم، هاكل وأنت بتحكيلي. ياسين: موافق. كان شاب شبهي كدا، كان عنده 16 سنة. وكان بيحب بنت جميلة جداً، ملاك صغير، كان عندها 9 سنين. وكان رايح في يوم يجبلها هدية عشان عيد ميلادها، بس حصل معاه مشكلة واتخانق مع شباب وهو كان لوحده. فضل يجري لحد ما وصل بيت مهجور، أول ما دخل لاقى البيت اتحول لقصر كبير أوي وكان جميل. وكان في كرسي من دهب ومرصع بالياقوت، الشاب دا عجبة الكرسي دا وقعد عليه.

وقتها وهو ميعرفش إن الكرسي دا اللي بيلعب جنبه بيدمره. دهب بتأثر: والشاب دا حصل له إيه. ياسين: الشاب دا وقتها اتفاجئ بشكله، لاقى شكله بقى حد تاني وهو مش فاهم إيه اللي بيحصل، بقى له أنياب وشعره كبير وملفوف على رقبته. بس إيديه محصلهاش حاجة، كان بيطلع نار من بوقه. وأول ما الساعة عدت 12 رجع طبيعي والقصر اختفى ورجع للبنت، بس لاقى حد مستنيه. دهب بتأثر: أنا شفت القصر وكان فيه ملك، وأنت كمان جيت وقولتلي ابعد عن العرش.

وكمان بابا، كنت سامعة صوته وهو بيقولي ابعدي، بس هو كان واقف جنبي وكان لابس لبس زي الملوك اللي في التلفزيون وكان عايزني أقعد على الكرسي. ياسين بحزن: بس أنا موجود عشان أحمي أميرتي دايماً. دهب: هو الشاب دا بقى عفريت مش هيرجع جميل تاني، ومين اللي مستنيه. ياسين: شاب لما وصل البيت لقى أبوها للبنت مستنيه، والشاب كانت حالته صعبة.

أبوها للبنت سأله وهو كان خايف وعايز حد يحكيله فحكاله، وهو ميعرفش بإن اللي بيعرف حكايته اللعنة بتطول. ووالد البنت بقى زي الشاب، بس الاختلاف إن الشاب بيقدر يرجع ويختفي، بس والد البنت لا. والد البنت كان بيبقى له أنياب وتحول بسيط في شكله لما بيغضب. دهب: مين اللي عمل كدا وليه يأذيهم. ياسين: عمل كدا ملك كان بيكره البشر وبيشتغل في السحر، والسحر بتاعه قتله واللعنة فضلت موجودة. بمجرد ذكر اسمه اللعنة بتصيب أي حد بيسمع اسمه.

دهب بفضول: هو اسمه إيه. حمزة بغضب: دهبببببب تعالي هنا. دهب بخوف: بابا أنا. ولكن رأت ما صعقها. دهب بصدمة: بابا.