رواية ضحية الاختيار الفصل الخامس 5 - بقلم دوداا حوده

أحمد: جايبه فطار لحازم ليه؟ صدفة: أنا والله ما حصل. أحمد: لا والله، تعالي كده بوصي. وأخذها قدام مكتب حازم، شافت من الإزاز أنه بياكل الأكل. صدفة: معرفش. أحمد: صدفة، أنه جايب نفس الأكل صح؟ صدفة: آه آه، ممكن تكون مروة. أحمد: أنتي خدتي الأكل بتاعي لمروة؟ صدفة: لا والله، أنا جبت ليها الصبح أكلك جوا. أحمد: وازاي تجيبي ليها زيه؟ صدفة: أنت عايز مشكلة وخلاص، في إيه يا أحمد؟ أحمد: كنت فاكر أنك مميزة عندي.

صدفة: ماهي دي الحقيقة. أحمد: مهو واضح. وسابها ومشي. ودخلت صدفة لـ مروة. مروة: مالك، فيكي إيه؟ صدفة: فين الأكل اللي أنا جبته ليكي؟ مروة: أستاذ حازم دخل، لاقاني باكل، عزمت عليه، خدته. صدفة: وما قولتيش ليا ليه؟ مروة: هو في إيه؟ أنا مش فاهمة. صدفة: أبدًا، مافيش. ودخل أحمد. أحمد: صدفة، عايزك. صدفة: حاضر. أحمد: هاتي الأكل معاكي علشان نأكل. صدفة: أكل إيه؟ أحمد: الأكل يا صدفة. صدفة: آه آه، حاضر. وأخذت الأكل وهي ماشية.

معقول ده أحمد اللي أنا حبيته؟ لا صعب أوي أسلوبه. أحمد: حقك عليا يا صدفة، والله ما كان قصدي، أنا اتجننت لما شفت حازم بياكل الأكل ده. صدفة: مافيش حاجة. أحمد: الله، الأكل جميل أوي، تسلم إيدك. صدفة: بجد الأكل عجبك؟ حازم: الله الله، سيبين شغلنا وقاعدين ناكل؟ أحمد: معلش، بنفطر يا أستاذ حازم. اتفضل الفطار، أكل صدفة طعمه حلو أوي. حازم: لا، بالف هنا، شكراً، بس لو سمحت بسرعة علشان الشغل. صدفة: حاضر، أنا هقوم عالطول.

حازم: ياريت لو سمحت. صدفة: يلا يا أحمد بسرعة. أحمد: صدفة، لما تكوني معايا، لو سمحت بلاش أنتي تتكلمي خالص، مفهوم؟ صدفة: فيه إيه يا أحمد؟ إحنا كل شوية خناق. أحمد: أنا ياستي طبعي كده. صدفة: حاضر. واتكلمت مع نفسها: كل ده ولسه مش لبست دهب، أمال لو لبست الدهب إيه اللي هيحصل. وراحت البيت. عزة: صدفة حبيبتي، ادخلي غيري هدومك عقبال ما أخلص الأكل. صدفة: ماشي يا عمتو. عزة: ليكي مفاجأة عندي. صدفة: خير.

عزة: عمك أسامة نازل الأسبوع الجاي. صدفة: ليه؟ بسرعة كده؟ عزة: أول لما عرف أن في عريس جاي ليكي، قال لا لازم أنزل. صدفة: آه، ماشي. عزة: مالك يا صدفة؟ صدفة: هو عمي أسامة كان بيغير عليكي؟ عزة: أكيد طبعاً. صدفة: وكان بيزعق ليكي وانتوا مخطوبين؟ عزة: لا، عمرها ما حصلت، كفاية بس نظرة عينه، كنت بعرف هو زعلان ليه. بس بتسألي ليه؟ هو أحمد بيزعق عليكي؟ صدفة: لا لا خالص والله. عزة: صدفة.

صدفة: أبدًا يا عمتو، ده أحمد رقيق جدًا والله. عزة: أشك في كده، الست بطبعها غلبانة، ولو هو كده، مكنش طلق. صدفة: عمتو، مش كل الناس زيك. عزة: حبيبتي والله، أتمنى أن يكون كويس، يلا ادخلي غيري هدومك. صدفة: حاضر. وعدى أسبوع. وصدفة بين أه وبين لأ. والباب خبط. فتحت صدفة. أسامة: حبيبتي، أنا عاملة إيه؟ صدفة: عمي، الحمد لله بخير، أنت عامل إيه؟ ينفع كده؟ إزاي متتصلش بينا نيجي ناخدك من المطار؟ أسامة: حبيت أعملها مفاجأة.

صدفة: أحلى مفاجأة والله. عزة: أسامة حبيبي، عامل إيه؟ أسامة: بخير يا قلبي، وحشتوني جدًا جدًا، حبيبتي كبرت وبقى يجي ليها عرسان. عزة: آه شوفت، بس أي، هتكون عروسة قمر. صدفة: إن شاء الله. أسامة: مالك يا صدفة؟ صدفة: مافيش. أتصل بأحمد ييجي امتى؟ أسامة: ده انتي مستعجلة بقي. صدفة: لا، وقت ما تحب. أسامة: اسمعني يا صدفة، أنا عمري ما اعتبرتك بنت أخو مراتي، ربنا يعلم، بعمل لك زي بنتي وأكتر. صدفة: عارفة يا بابا.

أسامة: أنتي عندي والله غالية أوي، والغالي لازم الناس تتعب فيه علشان تحس بقيمته. صدفة: أكيد طبعاً. أسامة: دلوقتي إحنا بعنا شقة بابكي والفلوس في البنك، وكمان ورث أبوكي معانا، كل ده هيكون معاكي أول ما أحس أنك تقدري تصوني. صدفة: إزاي يا عمي؟ أنا معرفش بالموضوع ده. عزة: دي وصية أبوكي يا بنتي، وقال لينا نصرف عليكي من الفلوس دي، وربنا يعلم أن كل فلوسك زي ما هي، محدش قرب ليها. صدفة: عمتي، أنا مش عايزة حاجة.

عزة: ده حقك يا بنتي، مينفعش. صدفة: حقي خدته منك ومن عمي، حنان وتربية وتعليم يا عمتو. أسامة: بأمانة، كنت عارف أن ده ردك، بس برضه فلوسك هتبقي معاكي. صدفة: نتكلم في الموضوع ده بعدين، أنا هدخل أكلم أحمد. أسامة: خليها الصبح، أنا محتاج أشبع منكم، خليكي معانا دلوقتي. وتاني يوم كلمت أحمد. أحمد: إيه يا صدفة؟ فينك؟ صدفة: أنا ممكن مجيش النهارده. أحمد: خير، ليه؟ صدفة: عمي أسامة جه. أحمد: أيوه، برضه مش جايه ليه؟

صدفة: عايزني أقعد معاه. أحمد: وأنا الولع صح؟ ودخل أسامة: يلا يا صدفة علشان نروح البنك. صدفة: تاني قولتك يا عمي، مش وقته. أسامة: أنتي بتتكلمي؟ طيب خلصي وتعالي. صدفة: حاضر. أحمد: آه، مش جايه علشان خارجه. صدفة: والله ما خارجه، وانت سمعت أنا قولت إيه. أحمد: بنك إيه بقى؟ صدفة: ورثي كله مع عمي، وهو عايز يخليه باسمي. أحمد: إيه ده؟ انتي عندك ورث؟ مقولتيش يعني. صدفة: أنا مكنتش أعرف إلا امبارح بس. أحمد: تمام، قد إيه بقى؟

صدفة: والله ما أعرف. أحمد: أنتي عبيطة يا صدفة؟ مش لازم تعرفي كام؟ افرضي عمك خد من. صدفة: لا طبعاً، هو لو كان عايز ياخد، كان خد من الأول، وأنا مكنتش هعرف. أحمد: طيب هنيجي امتى بقى؟ صدفة: ممكن بكرة. أحمد: ماشي، هكلم هالة أختي ونيجي بكرة. صدفة: هستناك يا حبيبي. أحمد: سلام. صدفة: سلام. وفي شقة أحمد. هالة: حلوة أوي البدلة دي. أحمد: بقولك إيه، مش هلبس بدل. هالة: مالك يا أحمد؟ أحمد: مافيش.

هالة: أحمد، أنت مش عايز الجوازة دي صح؟ أحمد: إزاي يعني؟ أمال رايح فين؟ هالة: واضح على شكلك أوي إنك مش بتحبها. أحمد: خد اللي بحبها، عملت فيا إيه. هالة: يا حبيبي، طيب اختار صح المرة دي. أحمد: صدفة دي هتكون خاتم في صباعي، وده اللي أنا عايزه. ومش المثل بيقول: خد اللي بتحبك، مش اللي بتحبه. هالة: لا طبعاً، لازم انتوا الاتنين تحبوا بعض، هي وحشة؟ أحمد: كلها نص ساعة وتشوفيها. هالة: طيب يلا بينا، اتأخرنا.

أحمد: عادي يعني، مهما قعدنا. وفي بيت أسامة. أسامة: دي مواعيد. عزة: معلش، والنبي ما تزعلها. أسامة: أنا بحب أوي اللي يحترم مواعيده. عزة: وطّي صوتك والنبي. أسامة: حطي الأكل. عزة: ينهار أسود، إزاي يعني؟ أسامة: ده معاده الساعة تلاتة، دلوقتي الساعة ستة. حطي الأكل. صدفة: اسمعي كلام عمي يا عمتو. عزة: طيب، نصبر ساعة كمان. والجرس رن. عزة: الحمد لله. وفتحت. هالة: آسفة عن التأخير والله، بس العربية عملتها معانا.

أسامة: بعد الغدا نتكلم. واتغدوا واتفقوا يروحوا. واتصل أحمد بـ صدفة. أحمد: جوز عمتك ده قليل الذوق. صدفة: ليه بس؟ ده زي بابا. أحمد: مشوفتيش عمل معانا إيه. صدفة: أحمد، والنبي عدي الموضوع. أحمد: هتروحي البنك امتى؟ صدفة: ليه؟ أحمد: علشان تهدي حاجتك. صدفة: بس أنا مش عايزها. أحمد: صدفة، انتي عبيطة؟

ده حقك، وأنا مش هاجي جنبه، بس لازم يكون باسمك، وبعدين أنا كده أفهم أنك مفضلة عمك عليا، ياه، تاخدي نصيبك يا كل شيء قسمة ونصيب، سلام. صدفة: حرام عليك بقى، كده كتير. وبعد ساعة خرجت. أسامة: مالك يا صدفة؟ صدفة: أنا كويسة والله. عزة: مش باين عليكي. صدفة: عمي، هنروح البنك بكرة. أسامة: هههههههههههه، معقول؟ بسرعة كده؟ ده الكلام اللي جالي صح، بقي.