رواية ضحية الاختيار الفصل الثالث 3 - بقلم دوداا حوده

حازم: انتي بتقولي إيه؟ مروة: والله بتحبه لدرجة الجنون، دي بتشوف أحمد نفسه في أي حاجة عشان يكون مبسوط. حازم: للدرجة دي؟ مروة: والله، أنتِ فعلاً بنت كويسة أوي ومحترمة. حازم: وأحمد قالك إيه؟ مروة: على إيه؟ حازم: مش كنتِ رايحة تكلمي عنها؟ مروة: آه آه، لسه ما اتكلمتش معاه. حازم: ماشي يا مروة. مروة: هو إيه اللي شدك فيها؟ حازم: نعم؟ مروة: أصل صدفه هادية أوي وملهاش في أي حاجة، استغربت. حازم: على مكتبك يا مروة. مروة: حاضر.

وخرجت من مكتبه. مروة: لا ده العريس اللي بجد، أحمد إيه بس! أنا هشده ناحيتي إزاي بس؟ لأ لازم أفكر، مينفعش يضيع من إيدي. صدفة: مالك يا مروة؟ مروة: أبداً، مفيش. صدفة: عملتي إيه مع أحمد؟ مروة: بصي يا بنت الناس، اسمعي اللي هقولك عليه. صدفة: معاكي. مروة: الرجالة بتحب البنت الجريئة، لازم تكوني جريئة أكتر من كده. صدفة: أعمل إيه يعني؟ مروة: ادخلي مكتبه وقولي له عجبتك الهدية بتاعت امبارح. صدفة: لأ طبعاً، مقدرش.

مروة: خلاص، خليكي لما يروح منك. صدفة: خلاص، كملي. مروة: وقُولي له الحقيقة. صدفة: قلبي وجعني أوي. مروة: يا بنتي، فيه ناس كده، لازم تتكلمي معاهم بصراحة. صدفة: ماشي. وراحت على مكتب أحمد. أحمد: خير يا صدفه، عاملة إيه؟ صدفة: الحمد لله. أحمد: مالك، فيكي إيه؟ صدفة: كويسة. أحمد: طيب، عايزه حاجة؟ صدفة: لأ، شكراً، بعد إذنك. أحمد: خدي هنا، فيه إيه؟ صدفة: عجبتك الهدية بتاعت امبارح؟ أحمد: هدية إيه؟

صدفة: أطقم ملايات، أنا سمعتك وانت بتكلم أختك في التليفون وبتقولها إنك محتاج ملايات جديدة. أحمد: لأ والله، وانتِ بقي اللي جبتيها؟ صدفة: بصراحة، أنا بحبك أوي ومليش في كلام البنات ده، مش بعرف أقول اللي جوايا. أحمد: ممكن معلش، عندي شغل. نكمل كلامنا بعدين. صدفة: آه، تمام. أحمد: صدفه، معلش، ابعتي ليا مروة. صدفة: حاضر. وخرجت من مكتبه. مروة: ها، عملتي إيه؟ صدفة: الله يسامحك، كسفني. مروة: قالك إيه بالظبط؟

صدفة: بعدين، روحي كلمي، عايزك. مروة: هو قالك حاجة عني؟ صدفة: لأ، اخلصي بقي، روحي كلميه. مروة: ربنا يستر. وراحت مكتب أحمد. أحمد: تعالي. مروة: خير يا أستاذ أحمد، حضرتك عايزني؟ أحمد: مروة، الهدية اللي جبتيها امبارح كانت إيه؟ مروة: أنا مجبتش هدايا. أحمد: نعم؟ مروة: أنا كنت داخلة أقولك إن صدفه بتحبك، اعترفت ليا بحبك. أحمد: وازاي متقوليش إن هي اللي بتعمل كده؟ مروة: والله أنا كنت شايفاك بتدعي عليها ومش طايق تسمع اسمها.

أحمد: ولسه لحد دلوقتي، بس لازم أرجع ليها حاجتها أو أديها فلوسها. مروة: ليه؟ أحمد: وده سؤال يعني؟ انتي فاكرة لما أخطبك هكون مبسوط إن واحدة تانية اللي كانت بتجيب ليا الحاجة؟ مروة: لأ، مهو إحنا مش هنتخطب. أحمد: بتقولي إيه؟ مروة: ما تجرب تحب صدفه. أحمد: انتي سخنة صح؟ مروة: لأ والله، دي إنسانة بتحبك جداً. أحمد: مروة، انتي بتتكلمي بجد؟ وإشمعنى دلوقتي؟ مروة: علشان أنا مش بحبك. أحمد: امال كنتي معايا ليه؟

مروة: كنت بجرب والله، بس أنا صغيرة، إيه اللي يخليني أتجوز واحد متجوز ومطلق؟ أحمد: اطلعي بره. مروة: حاضر، بعد إذنك. أحمد: إنسانة زبالة. ورمى الورق على الأرض. ودخلت صدفه. أحمد: عايزة إيه انتي كمان؟ صدفة: الشحنة لازم تخرج، وحضرتك لازم تمضي على الورقة دي. أحمد: أنا آسف يا صدفه. صدفة: ولا يهمك، انت كويس؟ أحمد: الحمد لله، معلش، مخنوق شوية. صدفة: استغفر ربنا 100 مرة وانت هتهدى. أحمد: حاضر. وخرجت. ودخل الأوفيس بوي.

الأوفيس بوي: اتفضل. أحمد: إيه ده؟ الأوفيس بوي: ليمون. أحمد: من أمتي وأنا بشرب ليمون؟ الأوفيس بوي: آنسة صدفه قالت إنك طلبته منها. أحمد: طيب، سيب الكوباية واخرج. وفي بيت صدفه كانت قاعدة عند عمتها عزه. عزه: مالك، فيكي إيه؟ صدفة: لأ، أبداً، مفيش. عزه: شكلك متغير أوي. صدفة: أصل مروة مخنوقة أوي اليومين دول، مش عارفة ليه. عزه: بصراحة، مش برتاح ليها. صدفة: مين مروة دي؟ صحبتي الوحيدة يا عمتو.

عزه: حبيبتي، بحس إن عينها كلها غيره منك. صدفة: على إيه يعني؟ دي أحلى مني. عزه: شكلك عايزة نظارة. صدفة: أنا هدخل أنام، تصبحي على خير. وموبايلها رن. صدفة: مين الرقم ده؟ وفضلت تكنسل وهو يتصل. صدفة: الو، أيوه، مين؟ أحمد: إيه ده؟ انتي مش معاكي رقمي؟ صدفة: مين أنت عشان يكون معايا رقمك؟ أحمد: أنا أحمد يا صدفه. صدفة: مين أستاذ أحمد؟ إزاي حضرتك؟