رواية دقات مؤتلفه الفصل الثالث 3 - بقلم زهرة الربيع

جريت بسرعة على البلكونة وقالت وهي بتترعش: أنا هرمي نفسي من هنا وأجيب لك مصيبة. عصام اتصدم وقال بارتباك: إنتي اتجننتي؟ تعالي من عندك بلاش هبل. حنان قالت: لا لا مش جاية وهرمي نفسي ويارب أموت وأرتاح. عصام قال بارتباك: طيب طيب اهدي وتعالي، خلاص مش هقرب لك تاني بس بلاش تهور. حنان قالت بخوف ودموع: لا لا مش هاجي، هرمي نفسي. عصام بقى يقرب منها خطوات بحذر وهو بيقول: اهدي واعقلي بلاش فضايح، قلت لك مش هقرب لك تاني يلا. حنان

بقت تقرب عليه بحذر وقالت: طيب أنا هنزل تحت وأنت مالكش دعوة بيا. عصام قال بسرعة: تمام تمام، انزلي روحي على المطبخ جهزي لنا حاجة للغداء عشان الخدم إجازة النهاردة. حنان هزت راسها بارتباك وراحت ناحية الباب بس مسك إيدها وقال: إيه رأيك تسمعي الكلام وأكتب لك البيت اللي قاعدة فيه أنت وأبوكي، هكتبهولك باسمك. حنان بَعَدَت إيده بغضب وقالت: وبعدين معاك؟ عصام قال بسرعة: خلاص خلاص اهدي، ربنا على كل بخيل ومفتري.

حنان نفخت بغيظ ونزلت جري على السلم. عصام بصلها وهي نازلة وقال: بالراحة وأنتِ نازلة، الصحة بقت في النازل. حنان التفتت له بنظرة غضب وهزت راسها بيأس وكملت على المطبخ. بعد شوية كانت بتحضر الغداء وبتدندن، وعصام دخل وبصلها وقال: الفستان ده ضيق أوي، ما تبقيش تيجي بيه مرة تانية. حنان اتخضت جدًا وقالت: مش تكح ولا تعطس حتى، سيبت رجليه. ونفخت بغيظ وبقت تكمل شغل.

عصام قرب منها وقال: كنت بقول الفستان ضيق ما تجيش بيه تاني، مجنن أمي والتضاريس بتقول يا مغيث. اتنهدت وقالت بغيظ: ده أنا اللي بقول يا مغيث منك، يعني هتبطل سفالة إمتى؟ عصام ضحك وقال: لا والله ما أوعدكيش. وقعد على الكرسي وقال: هتغدى هنا يلا هاتي الأكل. حنان ابتسمت بسخرية وقالت: الباشا بنفسه هيتغدى هنا في المطبخ. عصام ابتسم وقال بغمز: الباشا يحب أي مكان طراوة. حطت له الأكل بضيق وقالت: أحم.. هو سؤال معلش يعني، فين أهلك؟

عصام اتنهد بضيق وهو بياكل وقال: ليه عايزة تشكيني لحد فيهم؟ حنان قالت: يا ريت لك حد يتشكي له، أنا بسأل بس. عصام اتنهد وقال: عادي شايفين حياتهم، بابا وماما منفصلين وكل واحد في دنيته، ماما اتجوزت وعايشة مع جوزها وأولادها الجداد.. وبابا مسافر ومقضيها، بيجوا هنا زيهم زي الضيوف بمعاد مسبق. حنان حست بحزن عليه وبصت له وقالت: أنا آسفة.. أكيد الموضوع ده بيضايقك.

عصام قال بسخرية: بالعكس كده أحسن.. على الأقل ألحق أفضي الفيلا لو فيها واحدة كده ولا كده. حنان بصت له بقرف وقالت: آه طبعًا أنا نسيت الموضوع ده. عصام ضحك وشدها قعدها على الكرسي وقال: اقعدي كلي معايا. حنان قالت بارتباك: لا لا أنا مش جعانة. عصام ابتسم وقال بسرعة: ماليش دعوة، اقعدي كلي معايا تفتحي نفسي شوية.. ها بقى.. احكيلي عنك، مين اللي جه الشركة ده؟ حنان قالت بضيق وغيظ منه: ده خطيبي أو بمعنى أصح كان خطيبي.

عصام ضحك وقال: إيه كان دي؟ حنان قالت بسخرية: يعني بعد اللي حصل أكيد خلاص مستحيل نفضل سوا والبركة فيك. عصام ضحك وقال: ممكن أنتِ تكوني خلاص كده.. إنما من ناحيته هو مش هيسيبك ما تقلقيش هيلاقي ماكينة زيك فين. حنان اتنهدت وقالت: ممكن تأكل وأنت ساكت؟ عصام ابتسم وبقى يأكل وقال: أحم.. هو أنا.. ممكن أعترف لك بحاجة.. أنا معجب بيكي.. أوي، كل حاجة فيكي جميلة مضبوطة بالملي. حنان اتسعت عينيها من كلامه المفاجئ

وهو بص لعيونها جامد وقال: عينيكي يقتلوا.. فيكي حاجة تشد القلب. حاولت تتجاهل كلامه وتأثرها بيه وقالت بسخرية: القلب متأكد؟ عصام ضحك جامد وقال: والله القلب.. ليكي سحر خاص مش مفهوم. حنان كانت متأثرة جدًا بكلامه الجميل ونظرات الإعجاب اللي في عيونه بس وقفت بسرعة وبقت تلم الأطباق وقالت بارتباك: ماشي على العموم شكرًا ده من ذوقك. عصام قرب عليها وقال بهمس: لو سمعتي الكلام هتتفتح لك طاقة القدر. حنان التفتت

له وفاجأته لما قالت: بجد؟ عصام قال بسرعة ولهفة: جد الجد وأي حاجة تطلبيها هتبقى تحت رجليكي. حنان ابتسمت وقالت: أي حاجة؟ عصام قرب أكتر وقال: أي حاجة أؤمري. حنان قالت بابتسامة: حل عن دماغ أمي بس كده. عصام اتسعت عينيه بدهشة وبصلها بذهول وقال بغضب: أنتِ فاكرة نفسك إيه يا بنت أنتِ، ده أنتِ حتة شحاتة، فيكي إيه زيادة عن أي بنت رخيصة علشان تتأمري كده، بصي لنفسك ده أنتِ حتة مزة توقع أجدع شنب يخرب بيت جمال أمك!

حنان ضحكت جامد على الطريقة اللي اتكلم بيها وهزت راسها بيأس وقالت: عايز إيه يا عصام بيه؟ عصام ابتسم وقال: أنا قلت لك عايز إيه.. وبعدها الفيلا وصاحب الفيلا ملك إيديكي. حنان اتنهدت وقالت: اسمع يا عصام بيه، جايز يكون الكلام اللي هقوله لك ده ما يفرقش معاك أصلاً، بس أنا مش زي حضرتك، أنا اتربيت من العدم ومعنديش أي حاجة في الدنيا غير هو بس شرفي ده اللي أنت مصترخصه.

عصام قال بسرعة: حلو جدًا.. يعني حاجة واحدة اخسريها واكسبي حاجات كتير، فلوس ومكانة وكل اللي تتمنيه. حنان بصت له بغيظ وقالت: أنا غلطانة إني بكلمك أصلاً، ربنا يشفيك. ولسه هتمشي قال بغضب: أنا محدش يقولي لا وأقدر آخدك عافية بس أنا عايزك برضاكي فما تعنديش وتزوديها. حنان قالت بغضب: أنا ليا شغل تاني هنا ولا خلصت أمشي؟ عصام اتنهد بغضب وقال: طب غوري خلاص مش عايز حاجة. حنان قالت بفرحة: أمشي يعني؟

عصام اتنهد وقال: أمشي بس بكرة من الصبح تكوني على المكتب. جريت بسرعة وسعادة وقالت: شكرًا يا باشا. عصام اتنهد مشى إيده على شعره وقال: إيه السحر ده أبوكي كان مخبيكي عني فين؟ حنان رجعت على بيتها وأول ما دخلت أبوها قال بغضب: تعالي هنا يا حنان. حنان بصت له بارتباك وقالت: إزيك يا بابا.. هو رحيم جه هنا؟ أبوها قال بغضب: آه جه هنا يا بنت مرزوق، إيه اللي بيقوله خطيبك ده؟

حنان قعدت بارتباك وقالت: أنا هحكي لك اللي حصل يا بابا هو.. هو. بس قبل ما تتكلم أبوها قال بسرعة: اخلصي اتكلمي، صحيح اتخانقتي مع الباشا وكان عايز يمشيكي.. أنا بعتك علشان تشتغلي ولا علشان تخسريني شغلي؟ حنان استغربت اللي بيقوله وقالت: أنت بتقول إيه؟ هو رحيم حكالك إيه بالظبط؟

أبوها قال بغضب: حكالي كل حاجة، قالي إنه راح علشان يجيبك لقاكي بتتخانقي مع الباشا علشان عايزك تروحي تعملي له شغل في البيت وأنتِ مش راضية، أنا مش قولتلك تسمعي كلامه في أي حاجة؟ حنان استغربت جدًا وقالت: ما أنا روحت معاه يا بابا روحت والله وخلاص تمام شغلك زي ما هو. أبوها قال: طب تمام وما تتخانقيش مع الباشا أبدًا، أي حاجة يطلبها تعمليها، إحنا ما عندناش باب رزق غيره والبيت ده كمان بتاعه. حنان

هزت راسها بعدم فهم وقالت: طب أنا تعبانة هروح أنريح شوية. ودخلت علشان تنام بس كان تليفونها بيرن برقم غريب استغربت وقالت: ألو مين معايا؟ اتصدمت بصوته بيقول: إيه وصلتي؟ قلت أطمن عليكي إن شاء الله ما حصلش مشاكل في البيت؟ حنان قالت باستغراب: أنت جبت رقمي منين؟ عصام ابتسم وقال: من المكتب يا جميلة، ولا ناسية إنك موظفة عندي وبياناتك كلها هناك، ده أنا مش بس جبت رقمك جبت رقم خطيبك كمان. حنان اتسعت عينيها بذهول وووو.