رواية دقات مؤتلفه الفصل الثاني 2 - بقلم زهرة الربيع

كان قاصد يخلي خطيبها يشوفهم وهيه بين إيديه، كانت بتضربه وتزقه وبالفعل دخل رحيم واتصدم بالمنظر. قال بصدمة وغضب: "حنان! حنان اتفزعت وعصام اصطنع الخضة وبعد بسرعة وقال: "يا خبر، هو الباب مفتوح ولا إيه؟ رحيم قال بذهول: "أنتوا بتعملوا إيه؟ حنان لسه هترد، عصام قال بسرعة: "هنكون بنعمل إيه يعني؟ وشد حنان عليه بقوة وقال: "تحب نعيد؟ حنان دفعته بغضب وبقت تبص لرحيم بدموع وقالت: "رحيم أنا هأشرح لك و...

بس رحيم بصلها بغضب رهيب واتقدم عليها وهو هيتجنن ومسكها من شعرها بقوة وبقى يجرجرها معاه. حنان كانت بتتألم وبقت تقول ببكاء: "آي... اسمعني... اسمعني الأول يا رحيم... رحيم اسمعني أرجوك! بس لسه هيطلع بيها من المكتب، عصام مسك إيده وقال بغضب: "استنى هنا... سيب البنت... سيبها بأقول لك! رحيم بص له بغضب وعصام بص له بتحدي وقال: "لو عايز تطلع على رجليك سيبها." حنان قالت بغضب وزعيق: "وأنت مالك أنت متدخلش...

حسبي الله أنت السبب في كل ده! عصام قال باصطناع: "ليه ضربتك على إيدك ولا هتعمليهم قدامه؟ لا على فكرة ده راجل وفاهم الحركات دي كويس وأكيد مش هيتخدع يعني." حنان بصت له بذهول ورحيم شدها بغضب لما سمع كده وهيه اتألمت قوي ودفعته بكل قوتها وقالت بعصبية: "سيبني... أنت مصدقه؟ إلا ما شوفتك ضربته قلم واحد حتى يا سيد الرجالة... أنا بأقول لك أهوه... الزفت ده قرب لي بالعافية... شايفاك ساكت يعني!

رحيم بلع ريقه بصعوبة وبقى يبص لهم بس شدها ثاني من شعرها وقال بغضب: "أنا مش عايز أعرف اللي حصل، اللي شفته كفاية، أنا قولت لأبوكي أنتي ملكيش شغل محدش سمعني." لسه هيطلع بيها دفعته ثاني وقالت: "ابعد عني ابعد مش عايزة أعرفك مرة تانية! مشيت خطوات بس شدها من شعرها وضربها قلم قوي وقال بغضب: "أنتِ عايزة تعملي الحق معاكي بعد اللي شفته وليكي عين تنطقي!

وبقى يجرجرها وهي بتصرخ، بص عصام مسك إيدها قبل ما ينزل بيها وشدها من بين إيديه ووقف قدامه وبص له بغضب وقال: "أنت متخيل أنك تيجي شركتي تاخد موظفة بالشكل ده وأسكت لك؟ رحيم قال بغضب: "ما أنا ساكت يا باشا... ساكت على اللي شفته بعيني... الموضوع ده بيني وبين خطيبتي وياريت حضرتك تخليك على جنب أنا ما دخلتكش في الموضوع عشان أنت تتدخل." حنان بصت

له بذهول وقالت بدموع وغضب: "لا راجل يا لا راجل قوي ما شاء الله عليا وعلى بختي اللي زي العسل! رحيم بص لها بغضب وقال: "حنان امشي معايا من سكات بدل ما هأطلع دلوقتي على أبوكي وأقول له أنا شفت إيه." حنان قالت بغضب وعناد: "مش هأجي معاك يا رحيم وقول لأبويا اللي تقوله." رحيم بص لها بغضب وقال: "كده طيب يا حنان أنا هأعرف إزاي أحاسبك." ومشي وهو متعصب جداً. حنان نزلت دموعها بحسرة وعصام

حط إيده على كتفها وقال: "ولا تزعلي نفسك قرد وغار فيه غيره كتير." حنان بصت له بغيظ شديد وقالت: "معاك حق في غيره بالهبل وأهي عينه منهم واقفة قدامي." عصام مسكها من دراعها بغضب وقال: "ما تلمي نفسك وتهدي هو أنتي عشان مزة وأنا ساكت لك تسوقي فيها... يلا اخلصي مروحين." حنان قالت باستغراب: "إيه مروحين دي... أنت بتجمع ليه؟ قال بابتسامة مستفزة: "علشان إحنا اتنين مروحين أنا وأنتي."

حنان بصت له بغضب وقالت: "وأنا أروح معاك ليه إن شاء الله؟ أنا شغلي هنا في المكتب ده إذا فضلت فيه أصلاً بعد اللي حصل ده." عصام قرب عليها خطوات وقال: "هتقعدي ما تقلقيش وبعدين أنا قولت لك... أنتي شغلك مش بس المكتب، أنتِ شغلك معايا مكان ما أنا موجود تكوني موجودة أنتي المساعد الخاص بتاعي." حنان بصت له بذهول شديد وقالت: "بس أنا يا دوبك فراشة هنا مش مساعدة ولا أي حاجة." عصام لبس نظارته وقال بلا مبالاة: "أنا قررت وانتهى...

يلا ادخلي المكتب هاتي لي مفاتيح العربية والفون بتاعي علشان نمشي." حنان قالت بغضب شديد: "أنا مش جاية معاك أصلاً وشغلانتك دي كلها مش عايزاها." ولسه هتمشي قال بسرعة: "طب وبالنسبة لأبوكي العيان؟ عادي كده تخسريه شغلته اللي قاعد فيها 25 سنة من أول يوم شغل ليكي... هيقدر يستحمل تروحي تقوليلو إنه اترفض؟ حنان بصت له بدموع وقالت: "أبويا دخله إيه بكل ده... هو هيخلص إجازته زي ما اتفقت معاه ويرجع شغله."

عصام ابتسم بسخرية وقال: "أنا هنا اللي أقرر... ولو ما قبلتيش تقعدي لحد ما أبوكي يجي هأجيب غيره وينسى يرجع هنا تاني... والكلام خلصان." قال كده ومشي وهو بيبتسم بخبث وحنان وقفت بحيرة وحزن شديد واتنهدت ودخلت المكتب جابت له حاجته ونزلت وراه. بعد شوية كانوا سوا في العربية وعصام بصلها بطرف عينه وقال: "أنتِ عندك كام سنة؟ حنان قالت بغضب مكبوت: "وأنت مال أهلك؟ ضحك بخفة وقال: "دي مش إجابة سؤالي...

أنتي عارفة إن أنا ما حدش بيقدر يكلمني كده أبداً بس أنتي حالة خاصة، أنا ليا نظرة في الواحدة اللي المفروض أستحملها من اللي أديها كارت أحمر فوري... يعني بأتساهل مع اللي تستاهل." حنان بصت له بخنقة وقالت: "أنا فاهمة كويس ومن أول ما دخلت عندك المكتب وأنا فاهمة." والتفتت له وقالت: "ولا أي حاجة من اللي في دماغك دي ممكن تحصل، تلمس نجوم السما أقرب لك."

عصام ضحك جامد وقال: "أنا اللي في دماغي بأعمله ومحدش بيقدر يوقفني دي مش أول مرة، أنا مش تلميذ أنا بأعرف أقدر كل واحدة بالطريقة اللي تناسبها وتخليها تيجي برجليها." حنان بصت له بغضب وقالت: "بطل وساخة بقى أوف! عصام ضحك وقال بغمز: "هو فعلاً أوف... وأووووف قوي كمان! حنان بصت له بغضب فقال: "قصدي على الجو، الجو أاوف حر خالص." حنان بصت الناحية التانية وحطت إيدها على دماغها وفضلت ساكتة طول الطريق.

بعد شوية وصلوا الفيلا بتاعته، عصام دخل وهي دخلت وراه بهدوء وقلق. عصام قعد على الكنبة أول ما دخل واستغرب أنها ما انبهرتش بالمكان أبداً وقال: "إيه الفيلا ما عجبتكيش ولا إيه؟ حنان بصت للمكان بنظرة سريعة وقالت: "مش بطالة." ضحك جامد وقال: "مش بطالة... أممم هي من بره كده تبان مش بطالة بس من جوه روعة، تحبي أفرجك عليها؟ حنان بصت له بغضب وقالت: "هو إحنا هنا ليه يا باشا؟ أنا بأعمل إيه هنا؟

إذا حضرتك معاك شغل هنا وأنا لازم أكون معاك فيه ياريت تقولي عليه... ولو عندك حاجة عايزة تنضفها، حاجة عايزة ترتبها، مع إني مش خدامة عشان أجي أنضف لك البيت وأرتبه، بس مع ذلك قول اللي أنت عايزه علشان نخلص." عصام وقف وقال: "أقول اللي أنا عايزه؟ حنان ارتبكت وقالت: "اتفضل قول." عصام قرب أكثر وقال: "أنتِ عارفة... واللي تأمري بيه أنا جاهز." حنان غمضت عينيها بضيق شديد وفتحتهم وقالت: "أنا قولت إيه على الطريق؟

عصام ابتسم وقال: "قولتِ نجوم السما أقرب بس أنا مش عايز نجوم السما أنا عايزك أنتي." حنان نفخت بغيظ وقالت: "تمام يعني حضرتك مش ناوي تحترم نفسك؟ طيب أنا همشي وأعمل اللي تعمله ورزقي ورزق أبويا على الله." لسه هتمشي ابتسم وقال: "أنتِ عادي كده تزعلي أبوكي العيان اللي ممكن يروح فيها لما تخسريه شغله؟ طب بالنسبة للبيت اللي أنتوا قاعدين فيه... أنتِ ناسيه إني أنا اللي أمنته لكم ورا الفيلا... إيه هتاخديه وتروحي تقعدي في الشارع؟

حنان بصت له بذهول وقالت: "يعني إيه... يعني أنا لو ما سمعتش كلامك في اللي أنت عايزه هأرفد أبويا من الشغل وهتمشينا من البيت كمان؟ عصام ابتسم وقعد على الكنب بأريحية وقال: "أنا مش شيطان للدرجة دي، مش شرط تعملي اللي أنا عايزه أنا هأعرف أوصله بس ما تسيبيش الشغل." حنان بصت له بخنقة وقالت: "إذا كده تمام بس لعلمك مش هتستفيد حاجة." عصام وقف وقال: "أنا مش محتاج رأيك." وطلع

على أوضته وقال وهو طالع: "خمس دقايق وتحصليني على فوق عندي مكتبة عايزك توضبي لي الدوسيهات فيها." حنان اتنهدت بغيظ وقالت: "يا رب استر ما أخبطهوش بحاجة أجيب أجله." بعد شوية طلعت وراه وخبطت على الباب وقالت: "عصام بيه." بس محدش رد عليها، لقيت الباب مفتوح، فتحته شوية ونادت تاني وقالت: "عصام بيه! بس برضه مفيش رد... استغربت وقالت: "ده مات ده ولا إيه؟ ولسه هتنادي مرة تانية اتصدمت لما شدها من إيدها وقفل الباب وقال: "يا نعم؟

حنان بصت له بارتباك وقالت: "حضرتك... حضرتك كنت عايزني؟ عصام قرب أكثر وقال: "حد قال لك قبل كده إن عيونك يسحروا؟ حنان قالت بارتباك: "رحيم على طول بيقولي عنيكي زي عيون البقرة." عصام اتسعت عينيه بدهشة وقال: "بقرة؟ واتنهد وقال: "طيب ما علينا، قولتِ إيه في اللي عرضته عليكي؟ وافقي وهنغنغك." بصت له بغضب ولسه هتمشي شدها عليه وقال: "أنتِ فاكرة نفسك هتغلي عليا يا زبالة أنتي؟ طب إيه رأيك مش هيبقى بمزاجك! وهجم عليها بقوة.

بقت تحاول تبعده وبتزعق فيه بس كان مصر. ضربت رجله برجلها جامد فك إيديه بألم وهيه جريت بسرعة على البلكونة وقالت وهي بتترعش: "أنا هأرمي نفسي من هنا وأجيب لك مصيبة! عصام اتصدم وووو.