رواية دكاتره مجانين الفصل الأول 1 - بقلم مريم محمود

اسراء: هنفطر ولا نخش المحاضره الاول؟ مريم: لا طبعًا هندخل المحاضره الأول وبعد كده نفطر براحتنا. هنتعرف على الأشخاص. دول خمس بنات مع بعض من أيام الإعدادي، ودخلوا نفس الكلية طب مع بعض، وهما قريبين جدًا من بعض. اسراء: بنت جميلة جمالها هادي، بشرتها مخملية، مهتمة بمستقبلها جدًا وحابة المجال اللي هي فيه.

مريم: دي جميلة جدًا، من الشخصيات الهادية ومهتمة بدراستها جدًا، واخدة وضع الأم في الاهتمام بصحابها وبتاخد بالها منهم كويس. وهي مامتها متوفاة ومعندهاش غير أختها، وهي برضو بتشتغل عشان تعرف تصرف على نفسها وأختها. ملك: دي فرفوشة الشلة، بتحب الهزار والضحك قد عينها، بس ده ميمنعش إنها تكون من المتفوقين في الدراسة وحابة مجالها جدًا.

عنود: دي باباها متوفي وأخوها هو اللي بيصرف على البيت وساب التعليم عشان يعرف يصرف على كلية أخته. ندى: دي كيوت كده في نفسها، بس للأسف باباها ومامتها متوفيين وعايشة مع مريم. نتعرف على الشباب. مالك: ده مهتم بمستقبله جدًا مش زي الشباب التانية، ومالوش في الكلام مع البنات خالص. محمد: ده شخصيته جدية جدًا وقريبة من شخصية مريم، وعايش برضو دور الأب وسط صحابه.

عبدالله: ده مجنون الشلة، مش ممكن يعدي يوم واحد غير ما يوقف قلبهم من الرعب والمقالب اللي بيعملها فيهم. أحمد: ده عايش عشان يعاكس ويكلم بنات بس. كريم: ده شخصيته مختلطة كده، مرة يكون جدي ومرة يكون فرفوش، من الآخر كده مش مفهومة شخصيته. يلا نرجع. البنات وهما رايحين المحاضرة، مريم خبطت في محمد. مريم: أنا آسفة. محمد بجمود: ولا يهمك. ملك: ده موز أوي. مريم بجدية: يلا على المحاضرة يا ملك.

وبعد كده دخلوا المحاضرة، والولاد كانوا متأخرين. ملك: بت يا مريم مش ده الموز اللي خبطك من شوية؟ مريم: ركزي في المحاضرة يا ملك، ربنا يهديكي. ملك: عيلة قفيلة. عند الشباب. أحمد: ولا يا كريم البنات اللي قاعدين جنب بعض دول قمرات. كريم: بص اه والله عندك حق. محمد: ياريت تسكت انت وهو. أحمد: حاضر يا أينشتاين. وبعد شوية خلصت المحاضرة وخرجوا. أحمد نادى على ملك. أحمد: آنسة آنسة. ملك: نعم.

أحمد: إحنا هنا جداد وبندور على سكن، ولو تعرفي سكن قريب من هنا ممكن تقولي. ملك قلتله على مكان السكن اللي تعرفه. أحمد: تمام متشكر جدًا. كريم: هو انت لحقت تكلمها؟ أحمد: لا يا ظريف، ده كنت بسألها مكان سكن. كريم: وقلتلك. أحمد: اه. كريم: بجد والله، والنبي البت دي عسل. عبدالله: هي مين اللي عسل ياض، بس أعكسها من غيري. أحمد: هي البنات اللي واقفين هناك دول كلهم عسلات، منهم العسل اللي قلنا على السكن.

عبدالله بص على البنات بس مشافش غير واحدة بس من وسطهم اللي هي اسراء، أول ما شافها بقى متنح ومكنش بيرد على حد. كريم: عبدالله يا عبدالله. عبدالله وهو باصص لاسراء: حد يهش الدبانة اللي جنب وداني دي. أحمد: يا عم ما ترد علينا. عبدالله: عايز إيه ياض انت وهو. أحمد: كنت سرحان في إيه. عبدالله: في القمر اللي واقف هناك ده. أحمد: أنهي قمر فيهم، كلهم قمرات. عبدالله: لاااااا مسمحلكش، محدش يقول عليها قمر غيري.

أحمد: ما قلنا، واللي كان كان. عبدالله: طيب أنا زعلان. أحمد: بقلك إيه، تعالى نرحلهم. كريم: لا يا عم. أحمد: تعالى نرحلهم أنا وانت يا عبدالله، سيبك من الواد ده. هما رايحين عند الكافيه اهو. وبعد كده أحمد شد عبدالله من إيده وراح. أحمد: احم، ممكن نقعد معاكم. مريم بعصبية: هي من قلة الطربيزات في الكافيه جايين تقعدوا معانا. عبدالله وهو باصص لاسراء: أصلكم قمرات أوي بصراحة. مريم بعصبية: هي إيه البجاحة دي يا كابتن.

محمد: في حاجة يا آنسة، مالك بتتكلمي كده ليه. مريم: اعرف الأول هو عمل إيه، وبعد كده تعرف أنا بتكلم كده ليه. محمد: إيه اللي حصل. مريم حكت لمحمد اللي حصل. محمد: حقك عليا أنا يا آنسة، وانتو يلا عشان نروح. ملك: يا جامد انت، ياللي بتعرف ترد. مريم: عيب عليكي يا بت. ملك: بس أنا لو مكانك مفتحش بوقي بكلمة، ده موز. مريم قامت عشان تضربها. مريم: أنا هوريكى الموز.

وبعد شوية كلهم روحوا، وملك وهي بتفتح البلكونة لقت أحمد في السكن اللي قدامها، هو كمان كان بيفتح البلكونة، بصت ومهتمتش ودخلت. ملك: بت يا مريم. مريم: إيه. ملك: ده أنا بغبائي قلتلهم على السكن اللي قدامنا. مريم: هما مين دول معلش. ملك: الموزز. مريم: واحنا مالنا بيهم. عند الشباب. أحمد: كرييييييييييم. كريم: عايز إيه ياض. أحمد: الموزز طلعوا في السكن اللي قدامنا. كريم: قول وربنا. أحمد: وربنا. كريم: ده احنا هنعمل مشاكل للركب.