رواية دكاتره مجانين الفصل التاسع عشر 19 - بقلم مريم محمود

أحمد فضل مرمي على الأرض وسايح في دمه. وملك إيدها مخدرة، وأغمى عليها في العربية. عند مريم ومحمد: مريم بخوف: هي ملك تليفونها مقفول ليه؟ محمد: أكيد مع أحمد. استنى أرن عليه. محمد رن فعلاً، وراجل تاني هو اللي رد. محمد: الو، أيوه يا أحمد انت فين؟ الراجل: أيوه يا ابني، صاحب التليفون ده لقيته غرقان في دمه قدام كافيه. محمد بصدمة: إيه؟ طب هو فين دلوقتي؟ الراجل: أنا رايح بيه المستشفى أهو. محمد: طب اسم المستشفى إيه؟

الراجل قال لمحمد على اسم المستشفى. محمد: تمام، أنا جايلك أهو. مريم: في إيه يا محمد؟ محمد حكى لمريم اللي حصل. مريم بخوف: طب استنى هاجي معاك. فعلاً مريم راحت مع محمد. كان الدكتور بيكشف على أحمد، وبعد كده خيط الجرح وخرج. محمد بلهفة: خير يا دكتور؟ الدكتور: هو كويس، بس هيبقى عنده فقدان ذاكرة مؤقت. لأن دماغه اتخبطت خبطة جامدة، وده أثر عليه جداً. محمد: طب هو هيفوق إمتى؟ الدكتور: هو دلوقتي تحت تأثير البنج. عند ملك:

العربية اللي كانت راكباها راحت لمكان مهجور. وهي كان لسه مغمى عليها. كان فيه بيت صغير جداً في المكان ده. والشباب اللي خدها شالوها ودخلوها البيت الصغير، وحطوها على كرسي وربطوها. وبقوا مستنيين تفوق. عند أحمد في المستشفى: أحمد وهو تحت تأثير البنج: الحقوووووني! عايزين ياخدوا مني الجاكت! يا اللي هنا يا اللي هناك، حد يلحقني! محمد بسرعة جرى وحط إيده على بقه، وغصب عنه ضحك. أحمد بيعيط بجد. محمد: بتعيط ليه؟

أحمد: خدوا الجاكت والشبشب الجديد، ولاد الـ... محمد: هما مين دول؟ أحمد: مش عارف. وهنا عبدالله وبقية الشلة جم. عند ملك: فاقت وكانت مدروخة. ملك: أنا... أنا فين؟ الشاب: جيتي في ملعبي يا حلوة. ملك: هو... هو انت مين؟ الشاب: أنا عمر يا ملك. ملك رفعت وشها، كان عمر ابن خالتها. ملك بصدمة: انت؟! عند أحمد في المستشفى: أحمد هو كمان فاق من البنج، وبقى عمال يبص حواليه. مش فاكر ولا واحد فيهم، ومش فاهم هو جه هنا إزاي.

أحمد بخوف: هو... هو انتو مين؟ طبعاً كل واحد بقى يعرف نفسه عشان أحمد يعرف. أحمد: طيب أنا إيه اللي حصلي؟ محمد: إحنا معرفش حاجة. أنا بتصل عليك، الراجل الغلبان ده هو اللي رد عليا، وقال إنه لقاك غرقان في دمك قدام كافيه وجابك المستشفى. وأنا جيت بعدها. أحمد مسك دماغه بيحاول إنه يفتكر أي حاجة، مش عارف. أحمد: أنا مش فاكر أي حاجة خالص ومش عارف أفتكر. محمد: طيب مضغطش على نفسك عشان متتعبش زيادة. عند ملك: عمر: أيوه أنا.

ملك: انت عايز مني إيه يا عمر؟ عمر: انتي عارفة كويس أنا عايز إيه، وأنا قلتلك لو مكنش بيرضاكي هيكون غصب عنك. ملك: وأنا قلتلك مش عايزاك! إيه مافيش دم خالص! أنت مجنون؟ عمر: أيوه مجنون بيكي. ملك: يا عم سيبني في حالي. عمر: أنا قلتلك لو مش هتكوني ليا، مش هتكوني لغيري. ويا قاتل يا مقتول. ملك: انت قصدك إيه؟ عمر: قصدي لو مش هتتجوزيني، هتموتي. ملك بصدمة: إيه؟!