رواية دكاتره مجانين الفصل الثاني عشر 12 - بقلم مريم محمود

وهنا أحمد من غيرته على ملك نزل فيه ضرب. ملك كانت حاطة إيدها على بقها ومش عارفة تعمل إيه. في عميد في الكلية جه وخد التلاتة وراح على مدير الكلية. مدير الكلية: وانت مفكر نفسك مين إنكم كده رجالة لما تتخانقوا عشان بنت. ملك بدموع: لا حضرتك الكابتن ده هو اللي كان بيعاكس وأحمد كان أخ ليا مش أكتر عشان كده اتحميت فيه.

المدير: انت يا أستاذ مفصول عن الكلية وانت يا أحمد شكراً على رجولتك وشهامتك، لولا شهادة البنت دي كنت فصلتك انت كمان. وبعد كده أحمد خد ملك وخرج. لما خرجوا من المكتب: الشاب: عليا النعمة منا سايبك في حالك يا ملك وهتشوفي. أحمد: يلا يا شاطر وريني جمال خطوتك. والشاب بص بقرف ومشي. أحمد: انتي كويسة. ملك كانت بتمسح دموعها: آه كويسة.

أحمد: تعرفي على قد ما إنك متفترية وبتضربيني كتير، بس ما بحبش أشوفك وإنتي بتعيطي، ممكن تهدّي بقى. ملك بضحك برغم دموعها: أنا مفترية. أحمد: لا خالص، ده مين اللي قال كده؟ ملك: محدش قال كده. أحمد: طيب خلاص، إيه اللي مزعلك؟ بقلك إيه. ملك: قول. أحمد: إيه رأيك أخرجك. ملك: نروح فين. أحمد: انتي أكتر مكان نفسك تروحي فين وأنا أهو مصباح علاء الدين وهنفذ. ملك: اممممم، تعالى نقعد على البحر ونشرب عصير مانجا.

أحمد: لا اصدقي غالي، لا أنا عايز خروجة جامدة. ملك: وأنا عايزة خروجة تهدّي أعصابي، الهوا مع صوت البحر مع العصير ومزيكا هدية مافيش أحلى من كده، إيه رأيك. أحمد: اتصدقي أقنعتيني، يلا. وبعد كده أحمد خد ملك عشان يروحوا على البحر. عند مريم محمد كان كل خمس دقايق يرن عليها. محمد: طمنيني عليكي. مريم بضحك: يابني ارحمني، ده أنا لسه مكملتش نص ساعة وكنت قافلة معاك.

محمد: ما أنا لو أطول مقفلش معاكي العمر كله أنا راضي، وبنسبة لخوفي عليكي امبارح، أنا المفروض كده أسبوع متواصل من غير ما أقفل معاكي خالص. مريم: أسبوع يا مفترى؟ آه ما رصيدك كتير. محمد: التليفون هيولع دلوقتي. مريم قعدت تضحك عليه. عند ملك وأحمد وصلوا البحر وملك قعدت على الشط وغمضت عينها وكانت بتستنشق الهوا. أحمد سرح في جمالها وهي عاملة كده والهوا اللي بيطير شعرها لورا. أحمد: احم، أنا هروح أجيب العصير. ملك: متغبش طيب.

أحمد: حاضر. وبعد كده مشي وهي فضلت مغمضة عينها برضو. عند إسراء وعبدالله. عبدالله: تعرفي برغم إني كنت بجح أوي أنا وأحمد لما جينا وقلنا نقعد معاكم، بس صدقيني إنتي أول بنت أكلمها. إسراء بكسوف: طيب ماشي، وده شئ كويس، بس أنا مالي. عبدالله: لا أبداً، بس أنا حبيت أعرفك، أصل زمانك بتقولي عليا صايع وبتاع بنات. إسراء: لا أبداً، على فكرة مقلتش عليك كده خالص. عبدالله: طب الحمد لله.

عبدالله وإسراء كانوا كل مادة بيقربوا من بعض أكتر، عبدالله كل مادة إعجابه بيها بيزيد. عند كريم وندي. كريم رن على ندي وندي فرحت أوي. ندي: الو. كريم: عاملة إيه. ندي: الحمد لله، وانت. كريم: أنا بخير طول ما إنتي معايا... احم، قصدي طول ما إنتي بخير. ندي اتكسفت جداً: تسلملي ولله، عملت إيه النهارده في الكلية. كريم: اهو الحمد لله، إنتي هتفكي الجبس إمتى. ندي: كده فاضل أسبوع.

كريم: على خير إن شاء الله، ممكن أجي السكن أطمن عليكي لو كان ينفع. ندي كانت مترددة. ندي: خليكي معايا دقيقة. ندي بهمس: مريييييم يا مريييييم. مريم: إيه. ندي: كريم عايز ييجي يطمن عليا، أقوله إيه. مريم: خليه ييجي. ندي: تمام. ندي: الو. كريم: امممم. ندي: انت هتيجي إمتى. كريم: إنتي فاضية دلوقتي. ندي: آه. كريم: طيب أنا جي اهو. عند أحمد وملك. أحمد جه ومع العصير. أحمد: خدي. ملك: شكراً.

أحمد: تعرفي إن شكلك قمر أوي وإنتي قاعدة في الهوا وشعرك بيطير لورا. ملك اتكسفت ووشها احمر: شكراً. أحمد مكنش مركز في حاجة أكتر ما كان مركز مع ملك وجمالها. وكريم راح لندي. كريم: عاملة إيه دلوقتي؟ لسه بتحسي بوجع. ندي: لا الحمد لله. كريم: طب كويس، ديماً تكوني بخير. ندي: أنا وانت. كريم: أنااااا. ندي: انت إيه. كريم: أنا عايز أتكلم معاكي في حاجة كده. ندي: اتكلم. كريم: بصراحة أنا سمعت كلامك عليا في المستشفى. ندي بصدمة: إيه.