رواية دكتور جامعتي الفصل الخامس عشر 15 - بقلم ايمان محمد

الهام. مش قرارك لوحدك، أنا عاوزة أطلق. رسلان. اهدئي يا إلهام، أنا عارف إني اللي عملته غلط، بس على الأقل خليكي معايا الفترة دي، أنا محتاجك أوي. الهام. بس يا رسلان، أنت مش محتاجني، روح شوف بتعمل إيه، الله يصلح حالك. رسلان بيمسك إيديها. أنا آسف أوي يا إلهام، آسف على كل اللي عملته، مش هطلب تسامحيني، بس متبعديش عني، أنتِ بعدك بيقتلني. الهام بدموع جواها. لا يا رسلان.

رسلان. أنتِ دلوقتي مجروحة مني وزعلانة، عشان كده أنا مش هاخد بكلامك، بس ممكن تسامحيني؟ الهام بتسيبه وبتمشي. رسلان. أنا آسف يا إلهام. الهام بتكون قاعدة وواخدة عيالها في حضنها. الهام. أنا آسفة يا ولادي. حياة. يا ماما اصحي بقى. الهام. نعم يا قلب أمك. حياة. تعالي اختاري معايا الهدوم. الهام. مريام مش راضية تصحى. الهام. يا حبيبتي اهدي، أنتِ متوترة ليه؟ حياة. متوترة أوي أوي. الهام. معلش يا حبيبتي. أنتِ عاوزة تلبسي إيه؟

حياة. في دريس وفيه جيبة وتي شيرت، ألبس إيه؟ الهام. أنتِ قمر في أي حاجة يا حبيبتي، البسي اللي أنتِ عاوزاه. حياة. محلتيش معايا برد. الهام. روحي لأختك، هي أكيد فاهمة أكتر مني. حياة بتروح لـ ريهام. ريهام بضيق. اطلعي بره واقفلي الباب، أنا مش فضيالك. بيجي اتصال على موبايل ريهام. حياة. تلفونك بيرن. ريهام. ردي، تلاقيها البت نعمة. حياة. الوسخ. حياة بتقفل المكالمة في وشه. ريهام. ده صوت راجل. ريهام بتقوم واقفة من على السرير.

ريهام. راجل مين هاتِ الفون ده. ريهام بتبقي لسه هتتصل، بيرن. سيف. الو يا ريهام. ريهام. مين؟ سيف. أنتِ نسيتيني ولا أنتِ مش مسجلة رقمي؟ ريهام. آآآه خلاص افتكرتك، عامل إيه يا سيف؟ حياة بعيون مفتوحة بذهول. سيف؟! ريهام. سيف مين يا بت؟ حياة بتروح لـ ريهام. ريهام بتضربها تبعدها عنها. سيف. ممكن نتكلم يا ريهام عشان عايزك تروحي معايا النهاردة، خطوبته. ريهام. طب طب... أنا عندي خطوبة أختي النهاردة. سيف بضيق. خلاص تمام، شكراً ليك.

ريهام بتحس بنبرة صوته إنه زعلان. ريهام. خلاص خلاص، هاجيهي امتى؟ سيف. بليل، على الساعة سبعة كدا. ريهام. هكون عندك. سيف بابتسامة. ممكن طلب؟ بلاش لبس بناطيل، البسي دريس عشان هيكون في شباب. ريهام. وفيها إيه؟ سيف. البسي دريس يا ريهام، بقولك أهو. ريهام. تمام تمام، اقفلي بقى، عاوزة أنام. سيف. مستنيكي في الكافيه اللي بنقعد فيه. ريهام. تمام. حياة. مين ده؟ ريهام. ده خطيبي. حياة. يعني إيه خطيبك؟

ريهام. يعني خطيبي، هحكيلك، بس خطيبي في لعبة وكدا. حياة. أما نشوف آخرتها معاكي يا بنت أمي. ريهام. عاوزة دريس يا حياة من عندك. حياة بصدمة. هتلبسي دريس؟ ريهام. أيوا، عاوزة دريس كدا حلو. حياة بتطلعلها دريس بيكون جميل أوي باللون الأبيض مع نقوش سودا قليلة جداً. ريهام. حلو أوي كدا. أنتِ هتلبسي إيه قولتي؟ حياة. عاوزة ألبس جيبة وتي شيرت أو دريس. ريهام. البسي الجيبة أحلى، يلا اطلعي بره خليني أكمل نوم.

حياة. يا بت اصحي، العريس جاي كمان شوية. ريهام. هو عريسي ولا عريسك يختي، روحي حلي عني. جاسر. أنا همشي يا بابا. كريمان. رايح فين يا جاسر؟ جاسر. هروح عشان في عريس جاي لأختي، أنا اللي هقعد معاه. كريمان. أنت مش كنت جاي أسبوع وهتمشي؟ جاسر. معرفش يا عمتو، لسه هشوف، بس خواتي وأطمن عنهم. رسلان بيكون عايز يروح الخطوبة، عايز يعرف مين حياة دي، عايز يعرف كل حاجة، في دماغه ميت سؤال. معقول اتجوزت وكملت حياتها؟ معقول بقت لغيري؟

معقول... معقول؟ بيكون مشتت التفكير. جاسر. يا بابا... يا بابا. رسلان. ها نعم؟ جاسر. أنا همشي تمام. رسلان. سلملي عليهم يا ابني. جاسر. حاضر. كريمان وهي بتكلم نفسها. لازم تتصرفي يا كريمان، دي هتاخد منك جاسر. جاسر بيروح لشقة أمه. تكون حياة جهزت وبقت زي القمر، خلصت لبس. جاسر بـ يخبط على الباب. ريهام. روحي افتحي الباب يا عروسة، شكله حبيب القلب جه. حياة. المفروض مش أنا اللي أفتح. ريهام. هتكسفي ي بت، وسعي يختي، هروح أفتح أنا.

جاسر. مساء الخير. ريهام. مساء الخير يا جاسر. تصدق ياض اسمك فيه شخصية كدا. جاسر بضحكة. ماشي يا حجة، شخصية، وسعي بقى خليني أدخل، ولا هتخليني على الباب؟ ريهام. اتفضل يا أخي الحبيب. جاسر بضحكة. بتتريقي؟ حياة بتطلع... أنت جيت يا جاسر؟ وبتروح تحضنه. جاسر. مالك يا بنتي؟ حاسك زعلانة. حياة. أنا زعلانة؟ أنا بس مكنتش متخيلة إني يطلع لي أخ، أهو ويكون سندي. جاسر. هفضل سندك على طول يا قلب أخوكي، اهدي بقى. حياة. حاضر.

جاسر. وبعدين أنتِ طالعة قمر كدا لمين؟ الله! البت ريهام دي ي بت يا حياة؟ ريهام بتدخل بقى. أنا بومة يابارد. جاسر. يا بت هما سحبينك من لسانك. ريهام. ولا لساني ولا لسانك يا خويا، وسعلي كدا خليني أروح ألبس. جاسر. تلبسي؟ رايحة فين؟ ريهام. رايحة مشوار. جاسر. مشوار إيه؟ ريهام. طب بص، تعالي اقعد واحكيلك. وأنتِ يا حياة تعالي. ريهام. أنا كنت بحب حسن. جاسر. الولا الـ... ده. ريهام. إيه؟ جاسر بغضب. كملي.

ريهام. وكنت ضربته كف وكدا، وبعدين رحت كافيهات، تعرفت على شخص هناك اسمه سيف، بس هو شافني بعيط، جيه وفضل يهدّي فيا وحكالي قصته. جاسر. وبعدين؟ ريهام. أنتو فهمتو لحد دلوقتي صح؟ جاسر. أيوا، كملي. ريهام. هو دلوقتي هيروح خطوبة حبيبته، وطلب مني أروح معاه. جاسر. مفيش مرواح، أنتِ عبيطة؟ ريهام. معلش يا جاسر عشان خاطري، هو بس عشان قال لحبيبته إنه خطب هو كمان. جاسر. هروح معاكي بدل كده. ريهام. تمام. بيقطع كلامهم صوت الجرس.

حياة. شكله جه. ريهام. أنا هدخل ألبس. حياة. استني، خديني معاكي. الهام بتطلع تقعد معاه. ياسر. السلام عليكم. وبيبدأ ياسر يوجه كلامه للهام. جاسر. كلامك معايا أنا. ياسر. تمام. جاسر. ها، كنت بتقول إيه؟ رسلان. أنا هطلع بره يا كريمان شوية. كريمان. رايح فين؟ رسلان. رايح مشوار كدا. كريمان. تمام. رسلان. خلي بالك على نفسك. كريمان. حاضر. ياسر. أنا بحب حياة جداً، وطالب القرب منك، وعايزاها تكون مراتي على سنة الله ورسوله.

بيبدأ جاسر يسأله أسئلة، وبيكون ياسر كأنه تحت ضغط من أسئلة جاسر. بيقطعهم دخول حياة بالقهوة. ياسر بيكون عينه على حياة، مش قادر يشيلها. في نهاية القاعدة. جاسر. اتشرفنا بمعرفتك يا أستاذ ياسر، إن شاء الله يوصلك الرد كمان كام يوم. ياسر. أنا أكتر يا أستاذ جاسر، بس هو سؤال معلش. جاسر. اتفضل. ياسر. حضرتك تقرب لـ حياة إيه؟ جاسر. أخوها. ياسر. أخوها ولا زي أخوها؟ جاسر. لا، أخوها، دي أمي وأبوها أبويا.

ياسر. آه، اتشرفت أوي بمعرفتك. بيـ يمشي ياسر، وبتنتهي القاعدة. ريهام. بتطلع. خلاص، أنا خلصت. جاسر. أنتِ حاطة إيه على وشك يا ريهام؟ ريهام. شوية ميكب عشان حفلة وكدا. جاسر. امسحي القرف ده. ريهام. طب سيبه بس عشان الحفلة، وهمسحه أول ما أخلص اللي إحنا رايحين عشانه. جاسر. بقولك امسحي، مفيش مرواح. ريهام. عشان خاطري، خليه بس المرة دي. جاسر. تمام يا ست ريهام، أما نشوف آخرتها. حياة. أنت إيه رأيك يا جاسر؟

جاسر. الصراحة عجبني، بس لازم أسأل عنه، وأنتِ رأيك كلنا عارفينه. حياة بكسوف. بمعني. جاسر. يعني هسأل عنه وبعدين أقولك الموافقة أو لا، وأنتِ يلا يا ست هانم عشان نرجع بسرعة. ريهام. يلا. سيف بيكون مستنيها في الكافيه، مع بدلة سودا جميلة عليه، مع عضلاته اللي بـ يفصلها التيشرت. ريهام. هو ده الكافيه؟ جاسر وريهام بينزلوا، بيكون سيف على باب الكافيه مستنيهم. ريهام. هاي سيف. سيف. هاي. حضرتك تعرفني؟

ريهام بكسوف. يعني إيه أنت بتقول إيه؟ سيف. ريهام؟ ريهام. لا، خيالها يا شبح. جاسر. شبح ي بت، أنتِ بيئة كدا ليه؟ وبيمد إيده. أهلاً، أنا أخو ريهام. سيف. وأنا سيف سعد نصر. جاسر. تشرفنا. سيف. إيه اللي أنتِ حاطاه على وشك ده؟ ريهام. حاطة إيه؟ سيف بيطلع منديل وبيمسح وشها وبيديها منديل. سيف. كملي مسح. أنا قولتلك فستان، مقولتلكيش هتروحي تجبلك عريس ونيجي. جاسر بيشوف في خوف عليها بعض الشيء. سيف. امسحي القرف ده.

ريهام. على فكرة، أنتوا اللي مقرفين. جاسر. جدع يا سيف، والله كنت هعمل كدا، بس لولا إني قولت ممكن ينفع في الحوار بتاعكم. سيف. اممم. جاسر. ها، يلا. وبيروحوا الحفلة، مع إن سيف مدايق إن جاسر موجود معاهم، بس فرحان واتأكد إن ريهام كدا فاهمة إن مينفعش تثق في حد. بيدخله كلهم الحفلة، وفجأة بتلاقي بنت دخلت في حضن جاسر و...