رواية دكتور قلبي الفصل الحادي والعشرون 21 - بقلم ملكة زماني

عمر بغل ولاد الكلب ورحمة أبويا أنا مش هسيبكم. مالك هتعمل إيه؟ عمر ابتسم بشر: هتشوف هعمل إيه. اسراء: كل حاجة تمام. است: آه، خليتها متنفعش تاني، مش بس تسقط. اسراء بخوف من رد فعل عمر: لو عرف، أنتِ لازم تختفي خالص. است: تمام، بس بقيت الحساب. اسراء: هيوصلك دلوقتي. عمر راح عند ليان، اتلقى سارة واخدها في حضنها وليان بتعيط. عمر راح عليها بلهفة: مالك يا قلبي؟ سارة بحزن: مش راضية تبطل عياط.

عمر راح عليها وخدها من سارة في حضنه، وشاور لسارة إنها تخرج. سارة هزت راسها بحزن وخرجت. ليان بعياط: قلبي وجعني أوي يا عمر. عمر: بعد الشر عليكي من الوجع يا حبيبتي. وبعدين مالك؟ رايح أخطب بعد بكرة، يرضيكي ناجل الموضوع ونزعلهم؟ ليان بصوت مبحوح من كتر العياط: لا، ما يرضينيش. عمر: يبقى توعديني إنك تكوني أحسن عشان تقفي جنب صحبتك، ماشي يا قلبي؟ ليان: حاضر. عمر اتكلم بمشاكسة وقرب منها وبسها: إيه رأيك نجيب واحد تاني؟

مالك اتكلم بضحك: مش في المستشفى، عيب كده. ليان اتحرجت وخبت وشها في عمر. عمر اتكلم بغيظ: أنت بتطلع منين؟ والله ما أنا قاعد هنا. يلا يا لي لي. وشالها وخرج بيها. مالك بصوت عالي: براحة على البت، لسه خارجة من عملية. عمر: ملكش دعوة، اطلع منها أنت بس، خليك في عروستك. وركب العربية ومشي. مالك: آه صح، أومال فين البت سارة؟ وراح يدور عليها. اسر: بتعملي إيه؟ حور بخضة: بسم الله الرحمن الرحيم. حرام عليك يا اسر، قطعت لي الخلف.

اسر بغمزة: هنشوف الموضوع ده بعد الجواز. حور بصدمة: نعم! اسر بضحك على شكلها: وبعدين كمل بمشاكسة، اتلقيتك بورتي، قلت أكسب فيكي صواب وأتجوزك أنا. حور بغيظ: أنا بايرة، ماشي يا اسر. أنا بق مش موافقة، بس كده. روح شوف لك واحدة مش بايرة. وسبته ومشيت. اسر بضحك: خدي ياهبلة، والله بحبك. عمر روح ليان البيت وخدها في حضنه لغاية لما نامت. تلفون رن. عمر: الو. مجهول: كل حاجة تمام يا دكتور، وعرفت هما مين.

عمر بخبث: حلو أوي. اسمع مني هتعمل إيه. مجهول: تمام يا دكتور، فهمت. هعمل اللي أنت عاوزه. عمر قفل وباس ليان من راسها: وحياتك عندي ما هرحمهم، عشان يعرفوا إزاي يجوا جنب حاجة تخص عمر الجبالي كويس. مالك: سارة، بتعملي إيه عندك؟ سارة: مش بعمل، مخنوقة شوية. مالك: فكر شوية، امم. بق مالك يبقى موجود وحبيبت قلبي مخنوقة، دي حتة عيبة في حقي. وشدها ومشي. سارة: هتخدني فين؟ مالك: هتشوفي، تعالي معايا وأنتي ساكتة.

ادم دخل البيت، اتلقى ريحة أكل جميلة. ادم: أكيد دي مش عندنا. ادم دخل المطبخ، اتلقى نور واقفة تعمل الأكل. ادم: أنتِ إيه اللي قومك من السرير؟ أنتِ لسه تعبانة. نور بابتسامة: مليت، قولت أقوم أسلي نفسي في حاجة. ادم: بصراحة، ريحة الأكل تجنن، أنا جوعت. نور: من عيوني، ثواني والأكل يكون جاهز. ممكن بس تاخد الطبق ده برا على السفرة؟ ادم: حاضر. نور: إيه رأيك في طعمه؟

ادم: ده يجنن، أصل أنتِ متعرفيش، بطني جاله تلبك معوي من الأكل الجاهز. نور: هي سارة مش بتعرف تطبخ؟ ادم: آه. ادم: أنا رفعت قضية خلع على جوزك. نور هزت راسها: ماشي. هتقعد قد إيه؟ ادم: مش كتير، هي كلها يوم وتكوني مطلقة. نور بدموع: هو ممكن؟ ادم: من غير ما تكملي، مش هينفع نرجع لبعض تاني، فيه حاجات كتيرة جوايا اتكسرت. نور بحزن: تمام، بعد إذنك هدخل أستريح شوية. عمر: الو. اسراء: عمور، أخيراً افتكرت إنك متجوزني.

عمر: أومال أنتِ متعرفيش، من ساعة ما ليان سقطت وهي نكدية بطريقة مش مطاقة. اسراء بفرحة: بجد؟ عمر: أمم. عاوز أشوفك. اسراء بفرحة: بكرة إن شاء الله، هستناك. عمر: تمام. اسراء قفلت وهي فرحانة وفاكرة إن عمر هيكون ليها. في عربية اسر. اسر: يابنتي، والله العظيم بحبك. حور: بردو زعلانة منك. اسر: حقق عليا. حور: لا. اسر: طب قولي إنك موافقة تتجوزيني. حور: هفكر. فجأة جات عربية بنور جامد، دخلت فيهم. حور بصويت: احاسب يا اسر. ...

يتبع ...