رواية دكتور قلبي الفصل الرابع 4 - بقلم ملكة زماني

عمر جري عليها بلهفة وخوف: ليان مالك ردي عليا، والله ما كان قصدي أزعلك. أمسكها بخوف ودخلها أوضة الكشف. إسراء أول لما شافت عمر شايل ليان وهي مغمي عليها، جريت عليها. إسراء: مالها؟ عمر بخوف: مش عارف، وسّعي. كشف عليها وعلق لها محلول. إسراء: خلاص، عملت اللي عليك، اخرج وخلي سارة جنبها. عمر من كتر خوفه على ليان، مكنش طايق كلمة من حد. عمر: اخرجي برا. إسراء: بس... عمر: قولت اخرجي برا، أنا مش هسيب ليان لوحدها غير لما تفوق.

إسراء خافت من نبرة صوته. إسراء: حاضر. وخرجت. ليان ابتدت تفوق. ليان: اممم... عمر راح عليها بلهفة: ليان، انتي كويسة؟ ليان بدموع: إيه اللي حصل؟ عمر: ضغطك واطي عشان مفطرتيش. ليان اتعدلت وقعدت تعيط. عمر اتخض عليها: مالك، في حاجة وجعاكي؟ ليان: أنا آسفة أوي، والله مكان قصدي. عمر: خلاص، اهدي عشان الضغط. ليان: أنا عايزة أمشي، أوعدك مش هتشوفني تاني. عمر قلبه وجعه من فكرة إنه مش هيشوف ضحكتها. عمر: ليه بتقولي كده؟

ليان: عشان أكيد انت مش هتعوزني تاني وهتمشيني. عمر: وأنا مقولتش كده، مفيش مشيان، انتي هتيجي المستشفى عادي جداً، بس ده طبعاً لما تبقي كويسة. ليان بفرحة: يعني مش هترفدني؟ عمر: آه. ليان: أقدر أجي بكرة؟ عمر: لأ. ليان: ليه؟ مش انت قولت أقدر أجي عادي؟ عمر: عشان انتي تعبانة، استريحي يومين وتعالي، وبعد كده متخرجيش من غير فطار، طالما مش هتاكلي. ليان: ما أنا مش هلحق. عمر: يبقى تحضري سندوتشات. ليان: حاضر. ليان: أقدر أمشي؟

عمر: آه، تعالي أروحك. ليان: لأ مش هينفع. عمر: أنا مش هسيبك تروحي مواصلات وانتي تعبانة، قدر أغم عليكي في الشارع، هتكوني مبسوطة؟ ليان: بس... عمر: مفيش بس، يلا. ليان قامت مشيت خطوتين، حست إن الأرض بتلف بيها. كانت هتقع. عمر مسكها بسرعة: انتي كويسة؟ تعالي اقعدي. ليان: أنا كويسة، بس دوخت شوية. عمر: تعالي. راح شالها. ليان بكسوف: نزلني لو سمحت. عمر: لأ. ليان: مينفعش، المستشفى كلها بتتفرج علينا. عمر: طظ.

ليان لقت إن مفيش فايدة، سكتت. إسراء واقفة هتموت من الغيظ. إسراء: أنا أعمل كل ده عشان يقربوا من بعض؟ مستحيل، حتى لو اضطريت أموتك يا ليان. عمر نزل ليان قدام العربية. عمر: اركبي. ليان ركبت العربية وعمر مشي بيها. ليان حست بدوخة شديدة. ليان: ممكن توقف على جنب. عمر بخوف عليها: مالك؟ ليان: حاسة إني دايخة أوي. عمر سابها ونزل، ورجع معاه أكل. عمر: خدي كلي، وانتي هتكوني تمام. ليان شكرت ليان. ليان: اديت لي عمر سندوتش.

عمر: خد، كلي انتي، وأنا هاكل مع أمي في البيت. ليان: مليش دعوة، هتاكل يعني هتاكل، انت كمان مأكلتش حاجة من الصبح، وبعدين يا عم اعتبره عيش وملح. عمر ابتسم وخد منها السندوتش. عمر: ماشى. بعد لما خلصوا أكل، شغل العربية ومشي. عمر وصل ليان البيت. ليان: أنا هاجي بكرة المستشفى. عمر: لأ. ليان: والله بقيت أحسن، هاجي، انبى. عمر بص لها بحب: اللي انتي عايزاه، بس لو تعبانة متجيش، تمام؟ ليان: تمام. ليان: يلا، تصبحي على خير.

عمر: وانتي من أهل الخير. ليان طلعت البيت وهي مبسوطة. أمها: اتأخرتي كده ليه؟ ليان: كان في مؤتمر. أمها: ادخلي خدي شور وتعالي عشان تاكلي. ليان: أنا أكلت برا، تصبحي على خير عشان تعبانة ومش قادرة أقف على رجلي. عمر روح البيت وهو طاير من الفرحة. أمه: مالك يحبيبي مبسوط وفرحان كده ليه؟ عمر بابتسامة: مفيش يحبيبتي. أمه: عليا أنا الكلام ده؟ ها، بتحب مين؟ عمر بصدمة: بحب مرة واحدة؟ أمه: انت مش شايف عينيك بتلمع إزاي؟

عمر نام على رجليها: مقدرش أقول عليه حب، بس أنا بحب أشوفها، بحبها تكون قريبة مني. تعرفي يا ماما، النهارده كان فيه دكتور بيبصلها، بصت إعجاب، كنت هموت من جوايا مش عارف ليه، حتى لما أغم عليها، وقعت قدامي، كنت حاسس إن روحي راحت مني، كنت خايف عليها أوي، ولما شفتها بتفتح عينيها، حسيت إن روحي رجعتلي تاني. أمه بابتسامة: ده كله ومش حب؟ حلوة.

عمر بهيام: أوي، حلوة أوي يا ماما، عينيها زرقا، وبيضا بتنور في الضلمة، ولا شعرها الطويل، وخدودها حمر رباني، وشفايفها زي لون الفراولة. أمه: يا دانت واقع. عمر فاق على نفسه: ها؟ بعد إذنك هدخل أنام. أمه بابتسامة: عرفت إنه بيتهرب. عمر: أنا عايز أشوفها. أمه بفرحة: بجد؟ أمه: آه، عايزة أشوف اللي خطفت ابني. عمر: هعمل حفلة كمان أسبوعين. أمه: ادخل غير، لما أحضر الأكل. عمر: شبعان لسه واكل. أمه: ماشي يحبيبي.

عمر دخل الأوضة وهو بيفتكر ليان وهي في حضنه وشايلها بين إيديه. قعد يضحك. ليان قاعدة في الأوضة وبتفتكر خوف عمر عليها ولهفة اللي كانت في عينيه. بتفرح من غير سبب. ليان في نفسها: أوعي تحبيه، هو فين، وانتي فين. إسراء اتفقت مع واحد. إسراء: فهمت هتعمل إيه؟ مجهول: متخافيش، عايزني أنفذ إمتى؟ إسراء: في الحفلة اللي بيعملها عمر كل سنة، كمان أسبوعين كده. المجهول: تمام، بس أنا عايز نص المبلغ. إسراء: ساعة وهيكون في حسابك.

المجهول: تمام. إسراء بغل: لما نشوف هتخدي عمر إزاي.