رواية دكتور قلبي الفصل الثالث 3 - بقلم ملكة زماني

تاني يوم ليان دخلت المستشفى الساعة 9 بالظبط. سارة: لينو حبيبتي، عاملة إيه دلوقتي؟ ليان: تمام، ها، عندنا عمليات النهارده؟ سارة: لأ. ليان: أحسن. ليان شافت عمر داخل من باب المستشفى، فضلت باصة عليه، بتقول في نفسها: "يخرب بيت كده، بق بزمّة في مدير قمر كده؟ عمر بضحك: آه، فيه. ليان بخضة: يلهوي، أنت دخلت جوه دماغي إزاي؟ عمر بيضحك: أنتِ اللي بتفكري بصوت عالي. ليان بكسوف: سمعت كل حاجة، كل حاجة. عمر بضحك: كل حاجة، كل حاجة.

ليان وشها احمر. عمر محبش يكسفها أكتر من كده، فحب يغير الموضوع. عمر: احم، شطورة، جيتي على معادك بالظبط. ليان: الحمد لله، عرفت أهرب من ماما، كانت مُصرة أفطر. عمر: طب ما تقومي بدري وخلصي حالك. ليان: مش بعرف أقوم بدري، لازم أصحى على أبو وردة. عمر بستغراب: إيه أبو وردة ده؟ باباكي يعني؟ ليان بحزن: لأ، بابا متوفي. عمر: ربنا يرحمه. بس مين أبو وردة؟ ليان: شبشب أمي. عمر قعد شوية يستوعب، وبعد كده فتح في الضحك بصوت عالي.

عمر: ههههههه، بتهزري صح؟ ليان: أبداً والله، وفي تلج في الضهر كمان. عمر مابقاش قادر يقف على رجله من كتر الضحك. الدكاترة والممرضين مستغربين ضحك عمر مع ليان، عشان عمر أول مرة يقف يتكلم مع حد في هزار، طول عمره جد. إسراء دخلت، شافت عمر واقف يضحك هو وليان، بقت هتموت من الغيرة والغل. إسراء: لازم أخلص منك النهاردة. عمر: دانتي مصيبة. إسراء راحت عليهم بغل. إسراء: إيه يا عمر، إيه اللي موقفك مع الممرضة دي؟

ليان اتحرجت ونزلت راسها في الأرض. عمر اتضايق من كلام إسراء، راح قايلها: عمر: استني يا ليان. وراح باصص لإسراء: أنتِ مالك؟ إسراء بصدمة: عشان دي أول مرة عمر يتكلم معاها بالطريقة دي. إسراء: أنا مالي؟ عمر: آه، أنتِ مالك، أقف مع مين، مقفش مع مين، دي حاجة متخصكيش. الكل واقف مصدوم من طريقة عمر مع إسراء، عشان إسراء صديقة عمر من زمان، وهي الوحيدة اللي بتناديه باسمه من غير "دكتور".

إسراء سابت عمر ومشيت، وهي مقررة تخلص من ليان النهاردة. ليان بدموع: أنا آسفة أوي، أنا السبب. عمر مش عارف يضيق أول لما شاف دموعها. عمر: خلاص، محصلش حاجة، وأنتِ معملتيش حاجة. تعالي يلا عشان تفطري عشان النهاردة اليوم طويل. ليان: شكراً، مليش نفس، بعد إذنك. وسابته ومشيت. سارة: أيوا ياعم الدكتور عمر مهتم بيكِ يا جميل. ليان بستغراب: قصدك إيه؟

سارة: يعني عمره ما وقف وكلم حد زيك، ولا زعق للدكتورة إسراء عشان حد زيك. معملش عشانك أساساً. أنا مبسوطة عشان الدكتورة إسراء دي محدش بيحبها عشان مغرورة وبرضه وشايفة نفسها على الكل. ليان: أكيد أنتِ فاهمة غلط. سارة بغمزة: بكرة نشوف، لو مكنش الدكتور عمر معجب بيكي، مابقاش أنا سارة. ليان: بس كفاية كلام فارغ، أكيد لأ. إسراء دخلت على عمر. إسراء: احم، ممكن أتكلم معاك شوية؟ عمر: اتفضلي. إسراء بدموع تمثيل: حقك عليا، أنا آسفة.

عمر: بس خلاص، أهدي، محصلش حاجة. امسحي دموعك دي. وقام وراح عندها. عمر: أنتِ عارفة أنتِ غالية عندي إزاي؟ إسراء بفرحة: بجد؟ أنا غالية عندك؟ عمر: أكيد، أنتِ زي أختي بالظبط. إسراء: زي أختك؟ عمر: آه، ويستي، حقك عليا عشان زعقتلك بره. عمر: جهزي نفسك، في مؤتمر الساعة 8 بليل. إسراء بستغراب: مؤتمر إيه؟ عمر: دي حملة عملناها لمكافحة الأمراض الفيروسية. إسراء: ومين اللي هيحضر؟ عمر: المستشفى كلها. إسراء بستغراب: المستشفى كلها؟

عمر: عشان هيتعمل هنا في المستشفى. ورق مهم، عايزك تبصي عليه، بس احفظي عليه عشان ده مهم جداً، هو أساس المؤتمر. إسراء: متخافش. عمر خرج، وراح مسك الميكروفون. عمر: كل يسمعني، في مؤتمر الساعة 8 بليل، محدش يمشي، الكل تمام؟ الدكاترة: يدكتور. ليان رنت على أمها وعرفتها إنها هتعوق شوية لبليل. الكل: حاضر. ودكاترة من جميع أنحاء العالم. عمر: فين الملف يا إسراء؟ إسراء بخبث: نسيته جوه، معلش. ياليان، ممكن تروحي تجيبيه؟

ليان: أكيد طبعاً، هو فين؟ إسراء: على المكتب بتاعي جوه. ليان دخلت تجيبه وخرجت. إسراء غمزت للممرضة. الممرضة هزت راسها. ليان: الملف. ليان اديت الملف لعمر. واحد من الدكاترة اللي حضروا المؤتمر عمال يبص لي ليان ببصت إعجاب. وعمر لاحظ كده، بق واقف هيموت من الغيرة. عمر عايز يبعد ليان بأي طريقة عن الدكتور ده، راح قايلها: عمر: روحي يا ليان، جيبي المواد اللي هنجرب عليها العلاج. ليان: حاضر.

طبعاً المواد دي سايلة، وهي جاية، راحت الممرضة اللي متفقة مع إسراء مشنكلها، راحت المواد واقعة على الملف. عمر بعصبية وعيون حمراء: مش تفتحي؟ أنا بقالي شهرين بحضر الملف ده. وهو كان غيران أصلاً، فكان بيطلع كل عصبيته عليها. ليان بدموع: والله ما كان قصدي، أنا اتشنكلت غصب عني. عمر بعصبية: بلا غصب عنك بلا زفت. الدكتور أسر: خلاص حصل خير، أنتِ كويسة يا آنسة؟

عمر بغيره أكبر: مش عارف سببها. هو مكنش زعلان عشان خاطر الملف، هو غيران من الدكتور أسر. عمر بغيره: امشي من هنا. ليان بدموع: بس... عمر بصوت عالي خلاه الكل يخاف: روحي استنيني في مكتبي، سمعتي؟ ليان بخوف: حاضر. إسراء فرحانة إن خطتها مشيت زي ما هي عايزة. إسراء: خلاص يا عمر، حصل خير. ليان دخلت المكتب، قعدت تعيط وهي حاسة بدوخة عشان مفطرتش من الصبح.

بعد ما عمر خلص المؤتمر، دخل المكتب، وكل اللي في دماغه شكل الدكتور أسر وهو بيبص لي ليان أول لما دخل. ليان قامت مفزوعة. عمر غمض عينيه بندم. عمر: لعنت نفسي أول لما شفت شكل وشها أحمر من كتر العياط. عمر بيحاول يبقى هادي: ينفع اللي عملتيه ده؟ ليان بخوف وصوت متقطع: أنا... وهي حاسة بدوخة شديدة من كتر العياط وصورة عمر مشوشة قدامها. والله ما كان... ولسه هتكمل الكلمة، أغمي عليها. عمر بخوف وصدمة: ليان...