رواية دكتور قلبي الفصل السادس 6 - بقلم ملكة زماني

بعد أسبوع، جه يوم الحفلة. ليان وسارة نزلوا سوا يجيبوا فساتين الحفلة. ليان اختارت فستان أحمر وسارة اختارت فستان زيتي. سارة: بقولك إيه يا لينو؟ ما تيجي تلبسي عندي، أعملك أنا الميك أب. ليان: بس أنا مش بحب أحط حاجة في وشي خالص. سارة: يا حبيبتي دي حفلة والكل هيبق حاطط. ليان: بس... سارة: لا مفيش بس، هتيجي يعني هتيجي. ليان: أمري لله، بس يكون حاجة رقيقة خالص. سارة: أشطا، تعالي ناكل. عمر بيجهز الحفلة وفرحان أن أخوه نازل.

أمه: ربنا يسعدك ويفرح قلبك يا حبيبي يا رب. عمر: باس إيديها. ربنا يخليكي ليا يا ست الكل. عمر: كنت بفكر أعمل مفاجأة وأطلب إيد ليان النهارده في الحفلة. أمه: بفرحة. بجد؟ عمر: بجد، بس الأول عايز أروح أطلب إيدها من أمها الأول عشان أكون ماشي تبع الأصول. أمه: عين العقل يا ابني. عمر: بفرحة. الحق أروح. ومشي. أم ليان لقت الباب بيخبط، فتحت اتلقت عمر في وشها. أم ليان: بطيبة. خير يا ابني، محتاج حاجة؟ عمر: احم. أنا مدير ليان.

أمها: أهلاً وسهلاً يا ابني، نورت. بس ليان مش هنا، عند سارة. عمر: كويس، أنا عايز أتكلم معاكي شوية. أمها: اتفضل يا ابني، خير. ليان عملت حاجة؟ عمر: لا متخفيش، ليان معملتش حاجة. احم. بصراحة أنا جاي أطلب إيد ليان من حضرتك. أنا بصراحة كنت ناوي أطلب إيدها في الحفلة النهارده، بس قولت أصول آخد موافقتك الأول. أمها: زين ما عملت يا ابني. بس ليان بنتي الوحيدة ومعنديش غيرها.

عمر: عارف والله وهحطها في عيني. أنا مش هكدب عليكي، أنا من ساعة لما شوفتها وأنا معجب بيها. أمها: أنت شاب كويس وألف واحدة تتمناك. عمر: بحب. بس أنا مش عايز غير ليان. أمها شافت الحب في عين عمر وهي عارفة أن ليان بتحب عمر، فوافقت. أمها: على بركة الله.

عمر: بفرحة. بجد مش عارف أقولك إيه. وأنا بوعدك أن ليان هتكون في قلبي قبل عيني. بس عايز منك طلب صغير، ممكن تيجي الحفلة عشان تكوني جمب ليان عشان أكيد هتعوز رأيك، وبالمناسبة تتعرفي على ماما. أمها: حاضر يا ابني، هاجي. عمر: هقوم أستأذن أنا، بس عايز ليان متعرفش حاجة عن الموضوع ده. أمها: متخفيش، مش هجيب سيرة.

بالليل، ليان لبست الفستان وعليه هيلز أبيض. وسارة حطيتلها ميكب رقيق، كانت فائقة الجمال. وسارة لبست الفستان وعليه هيلز أبيض برضه وحطت ميكب رقيق، وكانت لا تقل جمال عن ليان. سارة: إيه الجمال ده كله؟ هتتحسدي النهارده. ليان: والله أنتِ اللي طالعة قمر. سارة: يلا عشان نلحق نروح. ومشيو. إسراء دخلت الحفلة بفستانها اللي لونه أسود والميكب الصارخ اللي كانت حطاه. إسراء: قربت على عمر. إزيك يا عمر؟ عمر: إيه الحلوة دي؟

إسراء: بجد عجبك؟ أمه: قمر يا حبيبتي، ربنا يبعتلك ابن الحلال يا رب. إسراء: شكراً يا طنط. عمر متنح. أمه بصت ناحية اللي عمر باصص عليها، لقيت اتنين قمرات، بس ليان لفتت نظرها. إسراء: بتبص على عمر، لقيته متنح. بصت وراها لقت ليان. إسراء غارت منها موت عشان ليان كانت أحسن وأرق منها. عمر: راح عليها. إيه الجمال والحلاوة دي كله؟ ليان: بكسوف وخدودها احمرت. شكراً. عمر: في نفسه. أخبيكي فين بحلاوة أمك دي؟ سارة: احم احم، نحن هنا.

عمر: انتبه. أهلاً يا سارة، إيه الحلاوة دي؟ سارة: شكراً يا دكتور. سارة حبت تسيب ليان مع عمر. سارة: احم. بعد إذنكم، هروح أشوف إيمان فين. وسابته ومشيت. عمر: تعرفي إن الأحمر عليكي يجنن. ليان: ميرسي لذوقك. عمر: تعالي أعرفك على ماما. عمر خد ليان وراح عند أمه. عمر: ماما، دي ليان. ليان، دي ماما. ليان: بكسوف. إزي حضرتك يا طنط؟ أمه: خدتها بالحضن. الحمد لله يا حبيبتي. إيه القمر والحلوة دي كلها؟ ما شاء الله عليكي بجد.

إسراء: بغيره. شكلها عادي يعني. الكل بصلها باستغراب. إسراء: بتوتر. قصدي إن هي كل يوم حلوة. ليان بتبص لقت أمها داخلة. ليان: باستغراب. ماما؟ وراحت عليها. ماما، بتعملي إيه هنا؟ عمر: جه من ورا. أنا اللي عزمتها. ليان: باستغراب. ليه؟ أمها: إيه؟ ليان، مكنتيش عايزاني أجي؟ ليان: أبداً، ده أنا مبسوطة إنك جيتي. إسراء: انت فين؟ المجهول: موجود، مستني الوقت المناسب. إسراء: مش عاوزة تخرج من هنا، عايشة.

سارة ماشية خبطت في واحد ووقعت على الأرض. هو: انتي كويسة يا آنسة؟ سارة: مش تفتح وانت ماشي. هو: انتي اللي كنتي مش مركزة؟ سارة: انت اللي غبي وعامل زي الحيطة. هو: بصدمة. أنا زي الحيطة؟ سارة: وعامل زي الطور كمان. هو: بعصبية، نزل لمستواها ومسك إيديها جامد. أنا طور؟ سارة: عينيها دمعت بسبب المسكة عشان هي بتوجعها مكان ما وقعت وهو مسكها جامد. سارة: بدموع وبصت في عينه. أنت بتوجعني.

هو: فضل سرحان في عنيها وقلبه رق لدموعها وساب إيديها وقومها من على الأرض. حقك عليا، بتوجعك جامد؟ سارة: هزت راسها زي الأطفال. آه. الحركة دي جننته. هو: تحبي أوريها لدكتور من اللي واقفين دول؟ سارة: لأ شكراً، أنا هكون تمام. هو: متأكدة؟ سارة: آه. بعد إذنك. وسبته ومشيت. هو: فضل باصص لآثرها بابتسامة. شكلي هتجوز قريب. ومشي. واحد راح على ليان. واحد: عصير، دي من الدكتور عمر بيقولك اشربيها عشان متتعبيش.

ليان: خدتها. اتفضلي يا ماما. أمها: لأ يا حبيبتي، مش عايزة. اشربي انتي. ليان: شربتها كلها. المجهول: الو. إسراء: عملتي إيه؟ المجهول: كلها تمام، شربت العصير ودلوقتي السم هيخد مفعوله. إسراء: حلو أوي، فلوسك هتكون عندك بكرة. وقفل. عمر طلع على المسرح وتكلم والكل انتبه معاه. عمر: طبعاً الحفلة دي بتتعمل كل سنة، بس السنة دي غير لسببين. أول سبب هو رجوع أخويا وحبيبي الدكتور مالك. مالك راح على أخوه وحضنه.

سارة: ينهار أسود، ده طلع أخوه؟ يخربيتك السودة يا سارة، كان لازم تطلعي لسانك يعني؟ أووف. مالك: بدموع. وحشتني أوي يا عمر. عمر: وأنت كمان وحشتني أوي يا مالك. مفيش سفر تاني؟ مالك: حاضر، مش هسافر تاني. عمر: وتاني سبب... وراح نادى ليان. عمر: تعالي. ليان: راحت بكسوف. عمر: ليان، تقبلي تتجوزيني؟ ليان: بصدمة. أنا؟ عمر: آه، أنا بحبك وعايز أتوزجك. ليان بصت على أمها. أمها هزت راسها بالموافقة. إسراء: هتموت من الغيرة والغل. إزاي؟

مستحيل. عمر: رجع سأل تاني. موافقة؟ ليان: حست إن هي بتدوخ أوي وجسمها سخن مرة واحدة. عمر شاف وشها احمر فجأة وجسمها بيروح شمال ويمين. عمر: ليان، انتي كوي... وقبل ما يكمل الكلمة، وقعت في حضنه. عمر بصدمة وخوف ولهفة. عمر: ليان، ليان. مالك: بيحسس، اتلقى جسمها سخن نار وبيزيد. أمها: جريت عليها والكل جري عليها. مالك: وسعوا كده، أما أشوفها. مالك: بصدمة. دي متسممة بسم خطير جداً. عمر: بصدمة. إيه؟

بيبص اتلقى بيخرج من بوقها سائل أبيض. عمر: بعياط. ليان، لأ.