رواية دكتورة من الصعيد الفصل الرابع 4 - بقلم شهد محمد

شمس فاقت من ذكرياتها ونزلت للأكل. الكل قاعد على السفرة بلا كلام، بس قطع الصمت دا صوت ثريا: "وانت بقا يا ست شمس كنت عايشة فين كل دا وبقيتي كدا إزاي؟ قوللي تلاقي جوزك ولا حاجة صح؟ "كينج": طب يارب تبقي مجوزة "يامن": لسه هيتكلم بس شمس قطعته واتكلمت. "شمس": هانم "ثريا": إيه؟

"شمس": اسمي شمس هانم أو دكتورة شمس أو بشمهندسة شمس. أوعي تنسي أنا مين. أنا هنا ممولة وراعية لمشروع ابنك وابن سلفك. يعني ببساطة أنا أقدر أمشي من هنا ووقتها هترجعي تاني لأصلك يا ثريا، تاكلي من الشارع وتمسحي سلالم. تقريبًا إن الشوكة والسكينة نسيوكي أصلك. أنا بس عادي، أنا منستش. "بشمهندس عماد": حبيت أفكرك إن الممول التاني جاي النهارده بليل. ابقي استقبله. "ماكس": يامن، عايزاكم تعالوا. شمس وأصحابها قاموا.

"ثريا": دي بنت جليلة التربية. "سامر": هي معملتش حاجة، هي بس كانت بتوضح المقامات. عماد، خلي بالك الممول التاني دا اللي هو الكينج. واللي أعرفه عن الشخص دا إنه مبيرحمش. شغله لازم يمشي على المسطرة. دا كان ضابط في القوات المسلحة واستقال، ودا كل اللي الناس والصحافة تعرفه عنه. والمعروف عنه إنه صعب جدا.

"عماد": هينور، هو هيقعد هنا 45 يوم هو وشمس هيتابعوا المشروع، وبعد كدا هيمشوا يتابعوا من شركتهم. المشروع دا لازم يكمل عشان كدا مضطر إني أستحمل الزفتة دي. "مريم": بس دي أختك يا واد عمي. "عماد": اخرسي عاد. مسمعش حسك وقومي شوفي بنيتك. "مريم": مرات عماد وبنت عمه، أخت كينج. شمس كلمت يامن وماكس في الشغل ورنت على خالتها وبنتها اللي هزقوها. طبعًا كلام كتير مش مهم. طبعًا كلام مخلّاش من وصايا الخالة لشمس.

عدى النهار بسرعة والكينج على وصول. بعد مدة الكينج وصل. "عماد": أهلًا أهلًا يا كينج، أنرت الصعيد كلها والله. "الكينج": بنورك. "سامر": منور يا كينج. "الكينج": نورك يا سامر. "الكينج": أهلًا يا بشمهندسة شمس، مش المفروض إنك ترحبي بشريكك الأول؟ "شمس": أنا شوفتك قبل كدا. "سراج" (صاحب الكينج) : مظنش. "شمس": يمكن. أهلًا، أنرت. بعد الفترة الكل طلع على غرفة عشان ينام. شمس يا دوب غمضت عينها وبعد دقايق صحت مفزوعة.

"شمس": مش معقول! لا أنا شوفته. أنا لازم أروح أكلمه. دا هو. شمس لبست الروب وراحت خبطت على باب أوضة الكينج. "شمس": أنا شوفتك قبل كدا، لي قولت إنك مشفتنيش؟ أنا عرفتك. أنت، أنت هو. "الكينج": هو مين؟ "شمس": الشخص اللي حكتله قمر ماتت إزاي، والوحيد اللي يعرف سري. أنت. "الكينج": أنا؟