رواية دليل برائتي الفصل التاسع 9 - بقلم سارة عادل

روز بصدمة بصتله بغضب وقالت بصراخ: امال بتعذبني ليه ومعيشني في الهم دا كله ليه؟ سامر بهدوء: ممكن تهدي. أنا كان عندي شك فيكي بس مش متأكد. وعرفت من فترة الحقيقة بس مستني دليل عشان اعرف أحاسب اللي قتلت ابني. روز بدموع: مقلتليش ليه؟ أنا ضميري كان بياكل فيا. انت مفكرتش غير في نفسك. سامر بحزن: أتمنى تسامحيني وتعذريني. أنا هديكي كل حريتك. عايزك تمشي وتشوفي حياتك وأنا هعوضك عن كل اللي أذيتك فيه. بس ممكن تديني فرصة أكشفهم؟

روز بغضب: ملكش دعوة بيا تاني. أنا مش هفضل معاك ثانية واحدة. سامر بهدوء: أنا مش هترجاكي بس فكري في ابني. اعتبريه زي ابنك. حسي بإحساسي لو لحظة. قرب منها وقالها: بصي ليا يا روز. روز بغضب بعدت وشها أكتر ونفخت بضيق. سامر بيأس: خلاص. أنا هسيبك على راحتك. يلا لازم نمشي من هنا. جسمك ضعيف لازم تروحي المستشفى. روز قامت بتعب ومشيت قدامه. كانت بتقرب على الباب جسمها متحملش ووقعت. سامر جري عليها ولسه هيقرب يمسكها. روز بغضب:

اياك. أوعي تلمسني. قامت بكل طاقتها وقالت ببرود: أنا همشي لوحدي. سامر بضيق: انتي شايفة حالتك عاملة ازاي؟ هسندك طيب وبلاش تعارضي. محتاجين نخرج من المكان دا بسرعة. *** قاسم بهزار: مالك زعلانة ليه؟ ليكون طنط عزيزة نكدت عليكي بطاقتها السلبية دي؟ نوران بسخرية: ههه دمك خفيف. وبعدين لو أمي سمعتك قلت طنط دي ساعتها طاقتها السلبية دي هتطلعلك. قاسم بتغير الموضوع:

بقلك ما تقولي لسامر أخوكي إني عايز أشتغل في الشركة معاه بدل ما أبويا ممرمطني في الشركة ومش عارف أخلع منه بأي طريقة. نوران ببرود: وأنا مالي. ما تروح تقله. قاسم: نوري انتي عارفة أخوكي مزاجه بيبقى عامل ازاي. شوفتي آخر مرة كان خلاص تكه ويخلص عليا. نوران: منتا اللي عصبته استحمل. أنا هروح بقي عشان أظبط حاجتي وأروح للقصر. *** ريم برعب لما وصلها رسالة محتواها: أنا عارف اللي عملتيه وأنا اللي هفضحك. استني قريب دا هيحصل.

ريم بخوف: يلهوي. مين دا وعرف إزاي؟ أنا خلاص اتكشفت. أعمل إيه دلوقتي؟ بصت للتليفون خدته بسرعة وإيدها بترجف ورنت على الرقم لقته مغلق. بعتت رسالة ليه وقالت: انت مين وعايز إيه؟ فضلت قاعدة طول اليوم بتوتر وهي بتفتح تشوف الشخص دا فتح الرسالة ولا لأ.

بعد كام دقيقة سمعت إشعار من التليفون فتحته بسرعة لقت صورة ليها وهي نازلة من العربية وواقفة في المكان اللي رمت فيه الطفل. أول ما شافت الصورة التليفون وقع من إيدها وحطت إيدها على بقها بصدمة. فضلت كام دقيقة بالمنظر ده لعند لما جالها إشعار تاني. ... دي مجرد صورة من الفيديو اللي معايا واللي موضح الجريمة اللي عملتيها. تحبي نتفاوض ولا أبعتها لابن عمك وهو يشوف شغله معاك. ريم بسرعة: قولي عايز إيه وأنا هعملهولك. ...

عايز 10 مليون يكونوا جاهزين بكرة تسلميني الفلوس من هنا الفيديو يتمسح من هنا. قدامك 24 ساعة لو اتأخرتي دقيقة واحدة ساعتها انسي الفيديو. ريم بصدمة في نفسها: أنا هجيب المبلغ ده كله منين؟ أنا إيه اللي عملته في نفسي ده.