رواية دليل برائتي الفصل الثامن 8 - بقلم سارة عادل

انتي قتلتي ابني إذاكي في أي عشان تعملي كدا دا طفل ردي عليا انتي جالك قلب تعملي كدا روز ببكاء: أنا ما قتلتهوش صدقني أنا لا يمكن أعمل كدا سامر مسكها من رقبتها وخنقها وقال بغضب: أنا هموتك زي ما مت ابني يا قاتلة روز بخنقة: أنا أنا ما قتلتهوش صحيت روز بخنقة رهيبة وقلبها بيدق جامد بصت قدامها بعد أن استوعبت أنه حلم عيطت أكتر وباخر قوتها لعند لما أغمي عليها ....... سامر بزعيق: قوليلي روز فين عملتي فيها إيه عزيزة ببرود:

مالك محموق عليها أوي ليه كدا إنتي ناسيا هي مين وعملت إيه سامر بغضب: أنا اللي أقرر تفضل ولا تمشي إنتي مالكيش دخل بأي أمور تخصني أنا وعيلتي قوليلي هي فين عزيزة ببرود: متخافش مش هتلحقها زمانها ماتت سامر بزعيق: إنتي عملتي إيه أنا أعمل إيه دلوقتي حرام عليكي مبقاش فيا طاقة للكلام معاكي لولا إنك أمي كنتي هتشوفي مني وش عمرك ما تتمنيه قوليلي هي فين دلوقتي عزيزة ببرود: اتفضل دا المكان اللي هي فيه يدوب تروح تشوفها وهي ميتة

وقتها تحس بعذاب الضمير إنك سبتها للوقت دا ....... قاسم: جريمة إيه اللي بتتكلمي عليها ريم برعب: أنا أقصد إني خرجت بالليل من ورا أمي مسمياها جريمة يعني قاسم بشك: و مالك خايفة وإنتي بتتكلمي ليه شوفي وشك بقى أصفر إزاي ريم بخوف: أنا لا أنا كويسة وبعدين إنت اللي دخلت أوضتي بالطريقة دي المفروض تخبط على الباب الأول قاسم: مالك مش على طبيعتك على العموم حاضر هبقى أستأذن الأول كنت جايلك عايزك في خدمة ضرورية ريم: عايز إيه

ياريت متبقاش مصيبة من ناحيتك قاسم: لا أنا عايزك في حاجة أهم بكتير إنتي عارفة إني بحب بنت عمك نوران عايز أجبلها هدية لعيد ميلادها بس متبانش أوي إني مبالغ فيها ريم بملل: مفكرة هتبصلك يعني على العموم تمام اتفضل إنت بس دلوقتي وأنا هتصرفلك قاسم بضيق: ماشي متشكرين على رفع معنوياتي ....... راشد بغضب: بقى طلعتيني مسخرة قدام الناس دي كلها مفكرة يعني هعدي لك باللي عملتيه أم روز ببرود: اللي عندك اعمله راشد بهدوء:

هنفضل قصاد بعض كدا أنا مش عايز أذيكي ولا إنتي حابة تفهمي كدا وبنتك تبقى بنت أخويا يعني من دمي أنا مستحيل أذيها أم روز بغضب: قولي بنتي فين إنت إنسان مريض عايز مني إيه إنت كداب ولا عمري هصدقك في حاجة راشد: أنا قعدت طول السنين دي كلها عايزك وقبل ما تتجوزي أخويا وإنتي ولا مرة حسيتي بيا حتى من بعد ما أخويا مات كنت مستعد أعملك اللي إنتي عايزاه بس بردو صدتيني متخافيش بنتك عايشة أنا مش هكون وحش للدرجادي وأذيها أم روز:

عرفيني بس بنتي فين وأنا أعملك اللي إنت عايزه راشد بحزن: أنا معتش عايز منك حاجة أنا جيت معاكي بالهداوة منفعش بالغصب منفعش طول عمرك شايفاني وحش وبس ولا مرة اديتي نفسك فرصة من ناحيتي خدي دا عنوان القصر اللي بنتك موجودة فيه ....... سامر كان بينادي عليها بصوت عالي وهو بيدور عليها من ساعات بص قدامه لقي حلق واقع على الأرض سامر لنفسه: أكيد كانت هنا فضل ماشي لمدة لعند لما لقي الكوخ قرب بخطوات مسرعة ودخل بدون ما يخبط

أول ما شافها في الحالة دي جري عليها وهو بينزل الشنطة من على ضهره قرب منها وشاف نبضها لقاها لسه عايشة سامر بقلق فضل يخبط على وشها ملقاش أي استجابة منها طلع المية من الشنطة وشربها وكان عامل حسابه وطلع محلول وركبه ليها وفضل قاعد مستنيها تفوق بعد ساعة روز فتحت عينيها ببطء وجسمها بقى مرة واحدة بيرجف جامد سامر قرب منها ومسك إيديها وقال: روز إنتي سامعاني اهدي أنا هنا قام بسرعة يدور على أي حاجة يغطيها بيها غطاها وقعد جنبها

روز بدموع: أنا ما قتلتش ابنك سامر بهدوء: وأنا متأكد إنك ما قتلتهوش لو في لحظة كنت شاكك إنك قتل تيه مكنتش سبتك عايشة