رواية دمعة من سمراء الفصل التاسع 9 - بقلم ايات الرحمن

مطلوب القبض عليك بتهمة تهريب أدوية. أنت مش عارف أنت بتتكلم مع مين. أنا عارف، دكتور رامز زين الشافعي، أشهر دكتور في الجراحة العامة. اتفضل بقي معانا. الشرطة أخذت رامز اللي كان قرب يتجنن. هو عمره ما عمل حاجة زي كده. وبتبدأ التحقيقات. وهنا بنروح لنرمين، اللي القدر دايمًا معاند معاها، وكل مرة بيحطها في موقف أشد من اللي قبله. جرس الباب رن. فتحت نرمين. "أيوة حضرتك مين؟ "أنتِ اللي مين؟ أنا أيمن صاحب الشقة دي."

"ده، الشقة دي لمدام ألفت؟ "ما هي مدام ألفت دي تبقى مامتي." "بجد يعني؟ بهزر معاكي. أنتِ بقي الشغالة الجديدة؟ سكتت شوية وبعدين قالت: "أيوة أنا الشغالة الجديدة، وأسفة لو أزعجت حضرتك." بتيجي ألفت وتقول: "إيه دا! إيه المفاجأة الهايلة دي. معقول دكتور أيمن بنفسه هنا؟ "وحشتيني يا ست الكل، وجيت أطمن عليكي وأفضل معاكي الإجازة دي." "بجد دا أجمل خبر سمعته. تعالي يا حبيبي أعرفك، دي نرمين، زي ما تقول كدا بنتي اللي ما جبتهاش."

"أهلاً وسهلاً. كويس يا ماما إن بعد الوقت دا كله لقيتي شغالة تراضيكي كدا." "شغالة إيه يا حبيبي، مين قال كدا؟ "هي قالت كدا." "لأ يا حبيبي، دي مش شغالة. دي الوحيدة اللي تنفع تأمنها على أسرارك وتنام وأنت مرتاح بوجودها." "ودا يا سيدي أيمن ابني، دكتور معروف، تخصص جراحة عامة." "هو كمان؟ "لأ يا روحي، مش كل الناس زي بعض." "طب إيه؟ أنا هفضل واقف كدا؟ "لأ يا حبيبي، اتفضلوا."

تبادلوا السلام والضحك. وقامت ألفت مع نرمين يجهزوا الأكل مع بعض. جت نرمين تأكل في المطبخ، ألفت منعتها وقالت مش هتأكل من غيرها. بعد الأكل، دخلت نرمين تعمل نسكافيه، وألفت وأيمن طلعوا البلكون. وبدأت ألفت تحكي لأيمن حكاية نرمين. "ياااه، هو في حد ممكن يتحمل وييجي على كرامته بالشكل الصعب دا؟ "تخيلي. والآخر الندل أخد بنتها منها وطردها." "طب ليه كل دا يعني، عشان حاجة مش بإيديها؟ وربنا خلقها بيها."

"بفكر نتواصل مع جمعية حقوق المرأة ونحكي لهم حكايتها ونوصلها للرأي العام. لازم نقف جنبها، مش لازم نسيبها لوحدها." "لأ يا ماما، مش هنتواصل مع حد. سيبي الموضوع دا عليا، وفي أقرب وقت هتكون بنتها معاها." وبعد يومين فعلاً، أيمن كان بيتحرك عشان يجيب ليها حقها من رامز. وبعدها عرف إن رامز متهم في قضية تهريب أدوية. طلب زيارة ليه، واتقابلت. "أنت مين؟ "مش مهم أنا مين، المهم أنا جاي أعرض عليك عرض. ولو قبلته هخرجك من التهمة دي."

"إيه هو؟ "تطلق نرمين." "حاضر، هي طالق. وبالتلاتة كمان." "وترجع ليها بنتها." "لأ طبعًا." "خلاص، للأسف مضطر أمشي عشان شكلك حابب القعدة." "لأ، خلاص. تاخدها." "فعلاً زي ما سمعت عنك. ودلوقتي أمضيلي على ورقة الطلاق دي." رامز أخد ورقة الطلاق ومضى عليها وهو ما يعرفش إن هو طلقها واتنازل ليها عن حقوقها، وكمان مضى على عقد إن الفيلا بقت ملكها، وإن ملوش أي حق على بنته ولا يقرب عليها غير بإذن من نرمين.

رجع أيمن البيت وسلّم نرمين كل الأوراق، وقال ليها: "حقك رجع، ورجع ليكي كمان بنتك." وبعد كام يوم، ظهرت براءة رامز من خلال كاميرات المراقبة اللي قدام المستشفى، ظهر فيها شخص فتح عربية رامز وحط ليه فيها الأدوية. وكلم الشرطة من نفس المكان. ولما استمروا في البحث عنه ووصلوا ليه، عرفوا إن دا بسبب أطباء استأجروه عشان يحط لرامز الأدوية دي ويبلغوا عنه، عشان الشهرة تفضل ليهم هما ويبعد عن طريقهم.

رامز خرج من القسم وهو مش قادر من قلة النوم والتعب. راح الفيلا الخاصة بيه، لقي نرمين فيها. "إنتِ بتعملي إيه هنا؟ هو أنا مش طلقتك؟ ولسه هيمد إيديه عليها، أيمن وقف قدامه وقال: "هو دكتور رامز ما يعرفش إن الفيلا دي بقت باسم نرمين؟ "إنت بتقول إيه؟ "زي ما سمعت كدا. لآ ومش بس الفيلا، والعربية كمان، وفوقهم بنتها ونفقة شهرية مش أقل من 5000 جنيه."

"انت زي ما قولتلك، ما أنا مضيتك وأنت في القسم على كل دا. ويلا بقي عشان نرمين عايزة ترتاح هي وبنتها." "أنا مش هسكت على اللي بيحصل دا." "اعمل اللي تقدر عليه. اتفضل يلا." رامز مشي وهو مقرر إن لازم يتصرف ويرجع كل اللي نرمين أخدته منه. وفضل يتوعد ليها إن مش هيسيبها ولازم يحرق قلبها من جديد.

وهو ماشي وسط وعوده، في حد ضرب عليه رصاص كتير جدًا. ومن خلال بحث الشرطة عرفوا إن اللي ضرب رامز دا والده كان مريض ولازم يعمل عملية في أسرع وقت ممكن. تكاليف العملية كانت كبيرة. رامز رفض يعمل لوالده العملية بسبب إن ابن الشخص المريض مفيش معاه غير نص المبلغ. وقتها رامز رفض إنه يعمل للاب العملية، وبعدها الاب ما اتحملش وتوفى. وهنا الابن قرر ينتقم من رامز.

أما عن نرمين، فهي خلاص قررت تعيش الباقي لبنتها. وبعد وفاة رامز، أخدت والده ووالدته يعيشوا معاها لأن هما مالهمش ذنب في اللي رامز عمله. وألفت كمان باعتبار إن دول هما عيلتها الحقيقية. "طب ما تتجوزي من أيمن وتعيشي حياتك وتكوني كدا أخدتي العوض الجميل؟ أيمن متزوج وشغله كله برا مصر، وبيرجع زيارات لوالدته. نرمين ربنا عوضها فعلاً بأهل رامز وألفت وبروضه بنتها.

نرمين اتوظفت في شركة كبيرة بواسطه من أيمن، واللي ساعدها أكتر إنها بتتكلم تلات لغات مختلفة.