رواية دمعة من سمراء بقلم ايات الرحمن | كاملة

لسه فاكر يوم زفافي لما كشفت عن وجه زوجتي ولقيت بشرتها سوداء جدا. ومن وقتها وأنا قررت أزهقها في عيشتها عشان هي اللي تسيبني. لأن والدي قال لو سبتها، لأ أنا ابنه ولا يعرفني. طبعًا الكل مستغرب إزاي ما شفتش شكلها قبل الزواج وإزاي لسه بدأت أكتشف شكلها. أنا اسمي رامز، عندي 35 سنة، دكتور. شغلي كله برا مصر ومش برجع غير كل كام سنة. أهلي قرروا إنهم يزوجوني لأنهم شايفين إن كده عجزت ونفسهم يشوفوا أولادي والكلام ده. المهم إن في الوقت ده ما كنتش عارف أرجع بسبب ضغوط الشغل. والدي قال ما أشيلش هم، وإنه هو هيقوم بكل حاجة. بس اعمله توكيل عشان يمضي مكاني على عقد القران، وبعدها هيوصلوها المطار وأنا هستقبلها في البلد اللي أنا مسافر فيها. ودي طبعًا مشكلة كبيرة جدًا، ولازم أي شخص يختار شريكة حياته بنفسه. المهم إن تم الزواج وقابلتها في المطار. والناس كانوا فرحانين بينا، ما هو مش دايما بيحصل كده....