رواية دموع العشق الفصل الحادي عشر 11 - بقلم ايات الرحمن

ازاي رنيم هي اللي تقول ليه يا عاصم؟ انت عارف ان عاصي مش بيطيق سيرتها ولا عنده صبر يكلمها كلمة واحدة، يبقي ازاي هتروح تقول ليه اتزوجني يا عاصي؟ عاصم: ممكن تهدي شوية. مش ههدي غير لما تقول ليا انت بتفكر في ايه، وبعدين عاصي حالياً حالته ما تسمحش بكده خالص. بفكر في ايه؟ انتي عارفة كويس انا بفكر في ايه، أما عن حالة عاصي فمتهيألي ان هو كويس، وعشان أعصابه تكون هادية ونفسيته ماتتعبش.

هنأجل الموضوع ده شهر لحد ما ياخد كفايته من التحسن. طب. خلاص بقي، أنا هروح الشركة أشوف رنيم عملت ايه مع العملاء الصينيين، خايف بجد نخسر الصفقة دي، دي أهم صفقة عندي بجد. لو خسرناها يبقى مستحيل نلاقي زيها. ادعي لينا بس، وما تعرفيش عاصي إن رنيم بتشتغل من زمان معايا في الشركة وإن ليها في الأسهم زي عاصي بالظبط. حاضر، بإذن الله هتكسبوها، ومافيش خسارة أبداً يارب، يارب، بعد إذنك بقي. أنا. اتفضل.

عند عاصي كان بيحاول ينام لكن مش عارف، وبيفكر إزاي يتخلص من رنيم اللي حاجز كبير بينه وبين أهله. ماشي يا رنيم، نهايتك قربت أوي معايا، اصبري بس عليا، لازم أكرهك في نفسك وحياتك كلها. في الشركة. عاصم وصل ودخل مكتب رنيم بعد ما خبط وأمرته يدخل. بابا، تعالي نورت المكتب. بنورك يا حبيبتي. عملتي ايه؟ تخيل يا بابا إن قدرت أكسب العملاء دول. ايوه. إزاي؟ قالت بلماظة: ده شغلي بقي، المهم إن 80% الصفقة دي في إيدينا. انتي بتتكلمي بجد؟

ايوه يا بابا، يعني هزر في حاجة زي دي؟ طب والعشرين في المية التانيين؟ دول بقي سيبهم عليا أنا يا بابا، وفي أقرب وقت أكتر صفقة أتمناها هتكون بين إيديك. أنا حقيقي فخور بيكي بجد. مش وقته يا بابا، الفخر ده هيظهر لما نكسبها، وقتها لازم نعمل احتفال كبير أوي، لازم يشهد عليه كل منافسينا. عشان يعرفوا إن تعبنا ما ضاعش على الأرض. إن شاء الله هيكون احتفال كبير أوي. بإذن الله. وهنا هنسرع الأحداث شهر.

وهنقول إن هما كسبوا الصفقة وعملوا احتفال كبير، وعاصي أخد راحة كفاية. وفي ليلة من الليالي الكل كانوا متجمعين على طاولة الطعام. عاصم اتكلم بهدوء: عاصي. عاصي: ايوه يا بابا. عاصم: جهز نفسك، كتب كتابك انت ورنيم كمان يومين. عاصي: نعم. اللي سمعته. اه، ولو قلت إن ده من سابع المستحيلات. مش هتقدر تقولها تاني. افهم إن حضرتك مخطط لكل حاجة. افهم زي ما تفهم، اللي عندي قولته. وانا مستحيل أوافق. مش برضاك. يعني إيه؟

يعني لو ما اتزوجتش رنيم، لإنت ابني ولا أعرفك ومحروم من الميراث. حضرتك بتهددني. وانا قولت ليك اللي عندي. وانا كمان قولت اللي عندي يا بابا، زواج من البنت دي مستحيل، ولو على الميراث، فهيفيدني بإيه وأنا عشت طول عمري محروم من حنانكم وهي عايشة فيه. أنا مسافر تاني ومش راجع، واكتب كل حاجة باسمها وانسوني زي ما أنا عشت طول عمري ناسيك. وطلع أوضته يجهز نفسه عشان يمشي وحجز أول طيارة على أمريكا.

والدته طلعت تتكلم معاه لكن كان بدون سبب، وما سمعش ليها أي كلمة. ومشي من غير حتى ما يقول أي كلمة، ولما بعد شوية عن البيت رفع فونه وكلم شخص وقال ليه إن في أقرب وقت لازم تكون رنيم متوفية، وزي ما خرجوها من المية وأخدوها لبيت أهله، يقتلوها في المية، وطمنهم إن هو ساب ليهم مبلغ كويس في مكان هو قال ليهم عليه. في المطار. افندم. اتفضل معانا. ليه؟ لقينا في شنطتك كمية مخدرات كبيرة، ولازم تيجي معانا فوراً.