رواية دموع العشق الفصل الثاني عشر 12 - بقلم ايات الرحمن

اتفضل معانا يا عاصي بيه. انت عارف انت بتتكلم مع مين. شغلنا في الشرطة ما بيفرقش بين إذا كنت ابن بيه ولا ابن راجل عادي. أنا هخليك تندم على اللي عملته دا. اتفضل معانا لو سمحت. في بيت عاصم. عاصم كان معاه تليفون. طب كويس جدا حطيت كمية كبيرة زي ما اتفقنا. المجهول: أيوه. تمام وقفل معاه وقرب من صورة لعاصي على الحيط ومسح دموع نزلت من عيونه وقال:

سامحني يا عاصي، كان لازم اللي حصل دا يحصل عشان تتعلم إن زي ما ليك حق عليا، اليتيمة دي كمان ليها حق. لو أنت عيشتني في جنة على الدنيا، هي اللي هتوصلني لجنة الآخرة. وطبعًا يا جماعة كل دا مخطط ليه، واللي في شنطة عاصي مش مخدرات، سكر بودر مع اتفاقية بسيطة مع صديقة اللواء وبتوصية من اللواء لابنه الضابط اللي هيحقق مع عاصي. طب كل دا حصل امتى؟ وهما خلصوا المشكلة وعاصي طلع جهز نفسه ومشي. فلاش باك. اللواء: مالك يا عاصم؟

شكلك متضايق ليه. عاصم: عاصي. اللواء: ماله؟ لسه تعبان. عاصم: لا، بيجهز للسفر بس من غير ما يعرفني. اللواء: طب ما تحاول تمنعه أو تتكلم معاه. عاصم: مستحيل، مهما أقول له يقتنع. كل همه يبعد رنيم عننا، ودايمًا بيعصي أوامري ومفيش أي حاجة بقول له عليها وبينفذها. اللواء: واللي يخليه ييجي راكع تحت رجليك وبيطلب السماح، تعمل إيه؟

عاصم: لو طلب عمري كله، هتنازل له عنه، بس عاصي يفهم إن دي يتيمة، لازم يحتويها ويخاف عليها ويحس إن دي مسؤولة منه هو كمان. اللواء: طب في حاجة بس، هي خطيرة شوية. عاصم: إيه هي؟ اللواء: أول ما عاصي يقرر يسافر، كلمني. عاصم: هتعمل إيه؟

اللواء: هخلي حد أعرفه يحط له كمية سكر بودر على أساس إن هي مخدرات. وهكلم ابني ياخده من المطار. يومين تلاتة، أسبوع وهتطلع براءة، بس في خلال الأسبوع ده هيكون شاف حياة الناس في السجون عاملة إزاي وحياة الرفاهية اللي كان عايشها عاملة إزاي. لما ينام على الأرض يوم هيفتكر عصيانه ليك، وبعد كده هيتعلم يطيعك إزاي. عاصم: أيوه، بس دا ابني وما أقدرش أؤذيه.

اللواء: كلنا عندنا أولاد يا عاصم، ما تنساش كده. بس قدامنا اختيارين، يا إما نعلمهم على طاعتنا ويفضلوا جنبنا لحد ما يوصلونا لقبورنا ويغطونا بالتراب بإيديهم. يا إما نسيبهم للدنيا تلعب بيهم، ويعلم إذا كانوا هيدفنونا ولا لأ. عاصم: دي حقيقة مفيش مفر منها، بس أنا ما أقدرش أتحمل أشوفه بيتعذب. اللواء: خلاص، ما ترجعش تشتكي. عاصم: طب خلاص، اللي تشوفه. بس يومين بس. اللواء: ههههههه، زود المدة شوية.

عاصم: طب خلاص، ما تقلقش، سيبه لي. وفي أقرب فرصة هيرجع ليك ابنك. عاصم: أنت متأكد إن أنت لواء؟ اللواء: ههههههه، بيقولوا كده. باااااك. سامحني يا عاصي، أنا عايزك تكون أحسن واحد على الأرض. في الجامعة. كانت رنيم خارجة مع صديقة ليها، وجت عربية وقفت قدامهم ونزل منها ولدين أخدوا رنيم ومشوا.