رواية دموع الورد الفصل الحادي والعشرون 21 - بقلم نيفين عبد السلام

هي هنا بصفتها حرم مراد الحناوي. هذا صوت عائشة. اتصدمت فريدة من رد شوشو عليهم. علاء اتجه ناحية فريدة: كمان اتجوزتي من ورانا ياهانم. علا بضحكة تهكمية: بس واضح انك ارخص من انه يعلن جوازك. الا في السر وياترى بقى عرفي ولا ايه. هى اغلى عندي من الدنيا. بس واضح انها رخيصة عندك. هذا صوت مراد: انتم ازاي تتجرؤ انكم تهينوها بالشكل ده. ومين سمح ليكم تدخلوا بيتي. علاء بغل: انا اخوها يا حضرة. وانت تتجوزها ازاي من غير ما نعرف.

وقرب من فريدة بيشدها بعنف من ايديها. يلا يا هانم معانا. مراد مسك ايديه جامد: تروح معاك فين انت. ايه مش بتسمع بقولك مراتي. علا: انت اتجوزتي يافريدة. فريدة دموعها نزلت على وشها ونامت في حضن شوشو. مراد: كلمني انا. علا: تتجوزي يافريدة من غير اخواتكم. مراد: اخواتها. وانتوا كنتوا فين. مسألتوش عليها ليه. عموما يا مدام انتي والاستاذ. فريدة رفضت أنه يحصل أي ارتباط الا بعد ما سيادتكم تعرفوا علشان اخواتها.

وقال كلمته ده وهو بيضحك بسخرية. علاء: يعني مش متجوزة صح. وضحكتوا علينا. مراد: ده اللي فهمتوه من كلامي. صحيح انتوا الاتنين متستهلوش ان فريدة تبقى اختكم. ودلوقتي اتفضلوا بره البيت ده. واوعوا تفكروا بس انكم تدخلوا البيت ده تاني. علاء: احنا اللي ميشرفناش اننا ندخل البيت ده تاني. ومن النهارده احنا ملناش اخت اسمها فريدة. اللي تقبل تعيش مع واحد من غير ما يكون بينهم صفة. واخد اخته ومشيم. مراد بص لفريدة اللي

نامت في حضن شوشو بغضب: هم دول اللي انتي كنتي مستنياهم علشان تاخدي رأيهم. شوفتي انانيتك وسلبيتك معاهم وصلتهم لايه. وخلص جملته وابتعد بخطوات غاضبة. في هذه اللحظة أحست شوشو بثقل في جسد فريدة. نظرت إليها فوجدت فريدة اغمضت عينيها. صرخت شوشو: بابا الحق فريدة. جرى بسرعة مراد. حاول يضرب فريدة على وجهها لكى تفوق لكن دون جدوى. احس مراد بالعجز لأنه لن يقدر على حملها. ووجه كلامه لشوشو: اطلبي اسر يخليه يكلم الدكتور يجي بسرعة.

طلبت شوشو اسر وبلغته. وبعد شوية وصل اسر وحمل فريدة الى اوضة مراد. وبعد شوية وصل الدكتور وطلب منهم الخروج. لم يتبق منهم سوا شوشو الا أصرت على ذلك. قام الدكتور بالكشف على فريدة واعطى لها حقنة مهدئة. خرج الدكتور. جرى عليه مراد: خير يادكتور. الدكتور: طمني مفيش حاجة. هي تقريبا اتعرضت لصدمة عصبية وهي جسمها ضعيف فمستحملتش. انا اديتها حقنة هتخليها تنام لصبح. عن اذنكم. خرج الدكتور مع أسر.

دخل مراد شاف فريدة نائمة على السرير وجهها شاحب. شوشو قاعدة جمبها ودموعها نازلة. قرب مراد من شوشو: هتبقى كويسة. شوشو بدموع: صعبانة عليا اوي يا بابا. مراد استغرب من كلمة بابا وبص لشوشو. شوشو فهمت جريت على حضنه: سامحني يا بابا مش هي احسن من دادى. مراد رفع وجهها ليه: اي حاجة منك حلوة. ممكن تخرجي وتسيبيني. شوشو: انا عايزة افضل جنبها. مراد: معلش سبيني معاها. شوشو وافقته بس قبل ما تخرج قالت يابابا وخرجت.

اكتفى مراد بابتسامة. قرب مراد بالكرسي من فريدة: انتي عارفة نفسي في ايه دلوقتي. نفسي اخدك في حضني واطيب كل جروحك. انا عارف انك سمعاني بس اوعدك اني هدفعهم تمن ظلمهم ليكي. علشان انت انقى شخص انا عرفته. وعايز اقولك على سر. انا مش بحبك انا بعشقك. وباس ايديها. أما عند شوشو فمجرد ماخرجت من عند فريدة شافت اسر داخل من باب الفيلا. حاولت تهرب منه بس اسرع بالامساك بيها: لحد امتى هتفضلي تهربي مني. شوشو اغمضت عينيها:

انا مش بهرب منك ولا حاجة. اسر: امال تفسري بيه. كل ما احاول اشوفك تهربي. لا بتعندى معايا انت ما حرمتيش من العند ده وصلك لفين. شوشو كانت خلاص بدأت تنهار: طبعا لقيت حجة علشان تذلني بيها وتحسسني ان شخصيتي عنيدة وكل الاتهامات صح. اسر: هو ده اللي فهمتيه من كلامي. شوشو انهارت خلاص: انت عارف اني بسببك الحيوان ده كان هيعمل معايا ايه. اسر بصلها باستغراب. شوشو: ايوه انت السبب. وقال انه شافك يوم الحفلة وانت بتبوسني. وكملت بعياط.

واني شكلي مقضياها. عرفت بقى انك السبب. اسر: انا عملت كده علشان بحبك ياغبية. شوشو: بتحبني وكريستينا. اسر لم يتمالك نفسه من الضحك. شوشو ضربته في صدره: بتضحك ليها. اسر سحبها وراه: تعالى نتكلم في الجنينة بره. خرجت شوشو معه: ادينا خرجنا ممكن تفهمني ايه بقى. اسر: افهمك ايه. عايزاني اقولك اني يوم ما كنت ناوي اعترفلك بحبي اعرف انك بتحبي الزفت اللي اسمه مارك. شوشو برقت من الصدمة: ايه الكلام ده. مارك مين وجبت الكلام ده منين.

اسر: مارك صحبك اللي في لندن. ومين اللي قالي. كريستينا هي اللي قالت. شوشو: والست هانم قالتلك ده وهي عندك في الشقة سهرانين. ولا لم سبتني وبابا تعبان. ولا لم كانت بتجيلك الشركة. اسر ضحك على طريقة شوشو في الكلام ونبرة الغيرة اللي في صوتها. شوشو قامت تقف: واضح اني بقول نكتة. عن اذنك. اسر شدها من ايديها: اقعدي بس وانا هحكيلك اللي حصل. شوشو قعدت. اسر: أولا كريستينا جاتلي البيت وحاولت معايا بس طبعا اني طردتها من عندي.

ردت عليا وقالت اني لو رافضها علشان بحبك فبقا غلطان لأنك بتحبي مارك ونزلتي تشوفيه من وراء بابك علشان تودعيه. شوشو: طبعا صدقتيها. اسر: طبعا لازم اصدقها خصوصا بعد اللي قولتي يوم ما شفته بيهزر معاكي في الكافيه. وفاكرة لما طلبتي مني انا وباباكي ميعرفش عن حاجة. شوشو: علشان بابا كان رافض اني اصاحب مارك. كان مفكر اني ممكن احبه فحب يبعده عني. بس وهو لما حاولت مكلمهوش مشي يومها ورا كريستينا بس. اسر:

طب يوم ما كنتي تعبتي كنتي بتنادي على حبيبك. شوشو: طبعا حضرتك فسرت ان الزفت مارك واصدرت حكمك من غير ما تسألني صح. اسر قرب منها قوي: طب عرفيني الصح. شوشو اتوترت من قرب اسر ليها: ممكن تبعد. اسر: هبعد بس بشرط واحد. وطلع من جيبه فلاشة واداها لشوشو. شوشو: ايه ده. اسر: ده فيها كل الاجابات على الأسئلة. وبعد ما تشوفيها مش هتنازل عن كلمة واحدة. وسابها ومشي. اخدت شوشو الفلاشة وطلعت على أوضتها وجابت اللاب توب وحطت فيه الفلاشة.

اللي كانت بتحتوي على مقاطع فيديو لكريستينا لما راحت لأسر وطرد ليها. وكمان لما راحت الشركة. وكانت شوشو بتتفرج هي في قمة سعادتها. ظلت تتابع الفلاشة مرات عديدة وهي سعيدة. عدى وقت وبعدها نزلت شوشو للاطمئنان على والدها. خبطت ودخلت لقت والدها قاعد على الكرسي جمب فريدة. شوشو: ايه الاخبار. مراد: تعالي ادخلي. شوشو راحت ناحية بابها: ممكن حضرتك تتفضل تستريح. انا هاخد مكانك. مراد: لا انا كويس. مش هقدر اسبها. شوشو: يعني على الحب.

لا متقلقش. هقوم وانا هخلي بالي منها. بعد شد وجذب خرج مراد تحت إصرار شوشو. وهو خارج فضل نظره متعلق بيها. شوشو: والله ما تقلق. هاخد بالي منها. قعدة شوشو بجوار فريدة وأخذت تحدثها: انا مش عارفة لقيت قلبي اتعلق بيكي من اول مرة شوفتك فيها. وانا حاسة انك حد قلبه طيب قوي. بس خفت اتعلق بيكي اخسرك. وكملت بدموع: اصل انا كل ما قلبي يحب حد يسبني زي اسر. وحاجة كمان بابا لما شفته متعلق بيكي خوفت اخسره وتاخديه مني.

وانا بصراحة مليش حد غيره. بس بعد صبرك على كل تصرفاتي حسيت بقلبك الابيض. وبعدين بصراحة اكتر. شوفت الفرحة في عيون بابا والسعادة. علشان كده استحالة اقف ما بينكم تاني. بس قومي انتي. عدى الليل سريعا وجاء النهار. بدأت فريدة تفتح عيونها وبدأت تفتكر اللي حصل وبكت وزادت الشهقات. استمعت إليها شوشو فقامت مخضوضة: فريدة انتي تعبانة. فريدة من بين الشهقات: آه كويسة. بس صعبانة عليا اخواتي. ازاي يفكروا فيه كده. شوشو وهى بتطبطب عليها:

أهدي وصدقيني بكرة هيعرفوا الحقيقة وساعتها هيندموا. دخل مراد شاف فريدة: جرى عليها ايه بتعيطي ليه. شوشو: مفيش. هي واضح انها أول ما شافتني اتفجعت. وكملت بطريقة الأطفال: هو انا شكلي منكوش ولا حاجة. فريدة ابتسمت من بين شهقاته: لا يا حبيبتي انتي زي القمر. شوشو: عموما انا هروح اخليهم يجهزوا الفطار. وشاورت بصوابعها بمعنى تحذير: انا راجعة على طول. مراد قرب من فريدة بدء يمسح دموعها. شوشو دخلت فجأة: اوبا هو انا مش قولت راجعة.

مراد بنرفزة: نعم يا شوشو. شوشو بضحكة: كنت بسأل هتفطروا هنا ولا في الجنينة. كل ده وفريدة بتكتم ضحكاتها. شوشو: طيب. خرجت شوشو وقرب مراد تاني من فريدة: حبيبتي مش عايز اشوف دموعك تاني. دخلت شوشو تاني وهى بتحاول تداري ضحكتها: بابا انا. وقبل ما تكمل كلامها كان مراد حدفها بالوسادة. فريدة وهى بتحاول تقوم من مكانها: انا اروح اغير هدومي علشان نفطر احسن. شوشو مش هتسكت. شوشو فتحت الباب ودخلت رأسها: صح يادادي.

خرجوا كلهم يفطروا في الجنينة في جو كله سعادة وضحك ومشاغبة شوشو ليهم. وبعد شوية انضم ليهم اسر وحسن وحنان بعد ما عرفوا بتعب فريدة علشان يطمنوا عليها. حنان كانت ملاحظة نظرات اسر لشوشو وكانت فرحانة من جواها. وكمان نظرات فريدة ومراد ومتابعة شوشو ليهم. استأذن حسن ومراد واسر علشان يدخلوا المكتب يرجعوا اوراق خاصة بشغل. وفريدة هي كمان استأذنت تدخل تاخد الدواء لأنها حست أن حنان محتاجة تتكلم مع شوشو. فعلا اول ما

دخلت فريدة لفت حنان لشوشو: حاسة أنك اتغيرتي كتير. شوشو ابتسمت لأنها فهمت هي تقصد ايه: قصدك علشان فريدة وبابا. حنان: آه. شوشو: ابدا بس كل لما اشوف نظرة السعادة في عينيه ابقى سعيدة. انا بحب بابا قوي واطمني هو متغيرش معايا. حنان: لا أنا واثقة أن حبه ليكي اقوى من أي حاجة تانية. شوشو: حضرتك كنت تعرفي ماما الله يرحمها. كلميني عنها؟ بابا كان بيحبها؟ حنان ابتسمت بس بسمة حزن عند ذكر شوشو لوالدتها:

عارف ياشوشو أنك فيكي شبه كتير قوي. مش في الملامح لا في الروح كمان. كانت زيك كده مرحة وبتحب الحياة. والأهم انها كانت بتحب السعادة لكل اللي حولها. أما علاقتها بباباكي كانت علاقة ناجحة وبس ياخسارة كانت قصيرة قوي. شوشو: طب حضرتك كنتي فين كل السنين اللي فاتت. حنان: تقدري تقولي إني كنت فاهمة أمور غلط هي السبب في بعدنا. و حاولت تغير الحوار وبعدين انتي شقية قوي. انتي محسسني اني قاعدة قدام وكيل نيابة. شوشو: ضحكت.

ماشي براحتك اهربي. حنان: مش بقول شقية. انا بقى اللي عايزة اسالك انتي بتحبي اسر. شوشو برقت من السؤال واتكسفت. حنان: اللي انا واثقة فيه أن اسر بيحبك. وعارفه أنك انت كمان بتحبيه. ياريت متضيعيش عمرك في العند. عيشوا حياتكم. شوشو اتكسفت ووشها احمر. عن اذنك هدخل أطمن على فريدة. عدى يومين كانت فريدة قدرت تتعافى من صدمة اخواتها. وفي يوم فريدة ومراد وهما سهرانين في الجنينة. مراد: تعرفي يافريدة أنا بغير عليكي من خطيبك.

فريدة بصتله بدهشة. مراد: ما تبصيليش كده. اه بغير أن في واحد قبلي مسك ايديك او قالك كلمة حلوة. وكنت بتحلمي معاه بحياة وأسرة. فريدة: لدرجة دي. مراد: واكتر. فريدة: هتصدقني لو قولتلك أن أول مرة أعيش معاك الإحساس بالحب ده. مراد انا بحبك انت. مراد بسعادة ورفع ايديها وباسها: انا مش بحبك انا بعشقك. فريدة اتكسفت وحطت وشها في الأرض. مراد رفع وشها: لا خلي الكسوف لبكرة. فريدة: اشمعنى بكرة. مراد وهو قام واقف: كلها بكرة.

عدى الليل سريعا وجاء النهار سريعا ملئ بالمفاجآت منها السارة ومنها اللي غير سارة. خبطت شوشو على اوضة فريدة: ادخل. شوشو: صباح الورد. فريدة: صباح الورد والياسمين عليكي. تعالي. شوشو: تعالي ايه بس ده احنا ورانا مشاوير كتير قوي النهاردة. فريدة: مشاوير ايه بس. شوشو وهى بتشد ايد فريدة: يلا وبابا يعرفك بره. احسن اسر من بدري مستني. خرجوا سوا. مراد اول ما شافهم فرح. أهم اثنين عنده خلاص بقى قريبين من بعض.

وفضل يبص على فريدة كتير. شوشو لاحظت ده: طب عن اذنكم انا. وياريت نخلص علشان نلحق. فريدة وهى بتبص لمراد: ممكن افهم ايه الموضوع. مراد: ببساطة كده انا قررت اننا نتجوز النهاردة. فريدة بدهشة: نتجوز ازاي. مراد: ازاي دي بتاعتي انا. وغمز بعينيه. فريدة اتكسفت من تلميح مراد: انا بتكلم بجد. مراد شدها من ايديها: تعالى افهمك. بس يا ستي انتي كنتي بتأجلي علشان خاطر شوشو. وخلاص دلوقتي اتحلت. وبعدين انا مش قادر على بعدك.

وكمان علشان اخواتك دول اعرف اجيب حقك منهم. شوشو: لا يا مراد اخواتي معذورين ارجوك. مراد: لسه بعد ده كله. شوشو: اخواتي. مراد: طب خلاص يبقى توافقي على طلبي. فريدة: بس. مراد: من غير بس. وافقي انتي كل حاجة هتبقى تمام. فريدة هزت راسها بالموافقة. مراد لسه هيقرب جات شوشو: اوبا دايما باجي في الأوقات الغلط. مراد: فعلا. شوشو مش هوصيكي. شوشو: كله تحت السيطرة. خرجت شوشو وفريدة واتجهوا ناحية المول لمحل معين.

مراد مكلمه ومتفق معاه على الفستان. واول مادخلوا شوشو عرفتهم بنفسها. البائعة في المحل: أهلا. اخدتهم على البروفة. فريدة: ايه ده هى جابتنا هنا ليه. شوشو: أهدي كده كله هيبقى تمام. بعد شوية دخلت البنت ومعاها فستان فضي شيك جدا: اتفضلي. فريدة: ايه ده. البنت: ده الفستان اللي مراد بيه اختاره. واعتقد أنه هيكون مظبوط. شوشو: وهي بتمسك الفستان: واو زوقه حلو قوي مش كده يافريدة. فريدة منبهره: عندك حق. شوشو: طب يلا قياسيه.

فريدة فعلا لبسته وكان شكله يجنن عليها قوي. اخدوا الفستان وكمان كان حاجز لشوشو فستان روز وكان جنان عليها. اخدوهم وراحوا على مركز التجميل. فريدة: انتي مظبطين كل حاجة. شوشو: طبعا مش مراد الحناوي. كان مراد في هذه الأثناء قام بتزيين الجنينة وأرسل سيارة للاسكندرية لإحضار زينات وماما سعاد وماما كوثر وكمال. لكن توحيدة اعتذرت لعدم قدرتها على السفر. عدى الوقت وجاء موعد تجميع العشاق. وقف مراد بطلته البهية ووسامته.

نعم في الحب عندما يدخل قلب إنسان فهو يقوم بتبديل الحال. وقف مراد أمام مركز التجميل في انتظار حوريته. اخيرا خرجت فريدة بفستان فضي الذي كان ضيق من منطقة الصدر ومتسع من أسفل. واول ماشافها مراد راح ناحيتها وابتسم ومسك ايديها باسها: ألف مبروك يا عمري. فريدة اكتفت بابتسامة. أما شوشو كان فستانها روز وبسيط للغاية بس كان عليها حاجة تانية. اول ماشافها أسر قرب منها: هو انا قولتلك قبل كده انك زي القمر. شوشو هزت راسها بالنفي.

اسر ضرب مقدمة رأسه: غبي بس ملحوقة. خدها ومشي وركبوا العربية. كان اسر مكان السائق وشوشو بجوارها وبالخلف مراد وفريدة. وصلوا الفيلا اللي كانت مزينة بطريقة جميلة. وكان في استقبالهم حسن وحنان وزينات وماما سعاد وماما كوثر وكمال واكرام وبعض الموظفين. فرحت فريدة بوجود الكل حواليها. وتمت مراسم عقد القران وكان كمال هو الوكيل وحسن واكرام الشهود. وكانت فريدة ومراد ينظرون للبعض وبينهم فرحة. واخيرا انتهى المأذون

وقال جملته الشهيرة: بارك الله لهم وجمع بينهم في الخير. وتعلت الزغاريد. ياترى الحياة مخبية ليهم ايه. هنعرف الحلقة الجاية.