رواية دموع روح الفصل التاسع 9 - بقلم دعاء محمود

تليفون أسد رن. أسد: ألو. _تم تهريب مجموعة كبيرة من المخدرات وأنت نايم ولا على بالك يا حضرة الضابط. أسد بصدمة: 😳😳 روح: أسد يلا الطيارة هتقلع دلوقتي. أسد ما فكرش في روح خالص وطلع يجري على طول. روح: أسد أنت رايح فين؟ أسد أخد عربيته على طول وساق بأقصى سرعة ممكنة ورن على الرائد جاد. جاد: إيه يا أسد في إيه؟ أسد: إمتى تم تهريب مجموعة كبيرة من المخدرات؟ جاد باستغراب: مخدرات؟ محدش هرب مخدرات يا أسد بيه في إيه؟

أسد وقف العربية وقال: أنت بتقول إيه جالي مكالمة دلوقتي من الشرطة. جاد: صدقني مفيش مخدرات تم تهريبها. أسد: روح. جاد: روح مين؟ أسد: هكلمك بعدين سلااام. أسد دير عربيته على طول وكان خايف أوي إلا يكون اللي في باله حصل. أسد وصل المطار وراح عند المكان اللي كان قاعد فيه هو وروح. أسد: روح. أسد قعد يدور على روح بس روح فص ملح وداب. أسد بعصبية: روح! _في إيه يا فندم حضرتك بتزعق ليه؟

أسد: مراتي، مراتي كانت هنا يدوب سبتها برجع تاني ما لقيتهاش. _إزاي يا فندم؟ أسد: في هنا كاميرات مراقبة؟ _أيوه يا فندم. أسد: أنا عايز أشوف الكاميرات دي لو سمحت. _للأسف الشديد يا فندم كان في عطل في الكاميرات بيتم تصليحها دلوقتي. أسد مسك الراجل من الياقة: أنت مجنون إزاي الكاميرات توقف؟ إزاي أنت مطار مشهور؟ إزاي الغلطة دي؟ وربنا ما هسكت. _يا فندم مينفعش كده لازم تكون أذوق عن كده.

أسد ساب الراجل: أنا مش فاضيلك بس وربنا ما راح أحاسبك. _ألو. _إيه اللي حصل؟ _تم يا فندم كل شيء على ما يرام. _برافو عليكم المهم البنت فين دلوقتي؟ _البنت أخدناها في نفس المكان اللي أنت قولت عليه. _إزاي خطفتوها من أسد؟ Back to the past الوقت اللي ساب أسد فيه روح. روح: أسد أنت رايح فين؟ _لو سمحتي يا مدام تعالي معانا. روح: ليه؟ هو أنت تعرفني؟ _أيوه يا فندم أنا السواق بتاع جوز حضرتك. روح: بس أنا عمري ما شوفتك في القصر.

_أصلًا أنا لسه جديد يا فندم. روح: طب عايز مني إيه؟ _أستاذ أسد قالي إني أوصلك على البيت. روح: ليه؟ مش كان مسافر إنجلترا؟ _الحقيقة حصلت مشكلة في شغله عشان كده مشي. روح: خلاص ماشي فين العربية؟ _برا يا فندم. روح كانت رايحة تطلع من الباب الرئيسي. _أنتي رايحة فين يا فندم؟ روح: مش أنت بتقول العربية برا؟ _العربية مش عند الباب الرئيسي. روح: أومال العربية فين؟ _تعالي معي يا فندم.

روح راحت معاه بس كانت خايفة أوي وحاسة إن في حاجة غلط. روح: بقولك إيه؟ _اتفضلي. روح: ممكن تجيب تليفونك عشان أكلم أسد وأطمن عليه عشان خايفة عليه أوي وبالمرة أسأله إيه اللي حصل في الشغل؟ _بتوتر: طبعًا طبعًا. روح أخدت منه التليفون وفجأة وقعت على الأرض. _جيت في الوقت المناسب صح؟ تم تخدير روح عشان تفقد الوعي. _برافو مواعيدك كلها مظبوطة. _طب هنعمل إيه دلوقتي؟

_ساعدني نشيلها عشان نركبها العربية وهنأخدها على المكان اللي المعلم قال عليه. _مكان إيه اللي المعلم قال عليه؟ _أنت هتقعد تسأل كتير؟ لازم نتحرك قبل ما حد يجي ونتفضح. _الاتنين شالوا روح وركبوها العربية ومشوا. Back to event's _برافو! طب إزاي عطلتوا الكاميرات؟ Back to the past الراجل كان حاطط قناع على وشه ودخل غرفة الكاميرات. _أنت بتعمل إيه هنا؟ اطلع برا. _مسك قماشة متخدرة وحطها على فمه. الراجل أغمى عليه على طول.

_أنا لازم أعطل كل الكاميرات قبل ما حد يجي. _إيه عملت إيه؟ _لازم نعطل الكاميرات على طول قبل ما حد يجي. _أنا عندي فكرة إحنا نقفل الكمبيوتر ونمسح كل التسجيلات اللي عليه ومش بس كده نقطع السلك اللي متصل بكل الكاميرات. _طب يلا على طول. _بدأوا يعملوا كل اللي قالوا عليه وبالفعل تم تعطيل الكاميرات. في واحد دخل. الشابين: 😳😳 _أنت بتعمل إيه هنا وإيه اللي أنت عملته في زميلي؟ أنا لازم أبلغ البوليس.

في واحد جه من العصابة ورفع عليه المسدس. _كويس أنك جيت كنا هنقع في ورطة بسبب المتخلف ده. _إزاي وأنا موجود؟ هو يقدر ولا إيه؟ مسكوا الراجل وخنقوه لحد ما مات. _طب ده مات هنعمل إيه في التاني ده لو فاق هيفضحنا؟ _مين قال كده؟ هيموت هو كمان. الراجل نزل بغطاء على وشه وكتم نفسه لحد ما مات هو كمان. _طب كويس هنعمل فيهم إيه دلوقتي؟ بصمات إيدنا عليهم. _لازم ترن على الشباب يساعدونا على طول نأخدهم ونرميهم في أي داهية.

_طب استنى. ألو لازم تيجوا على طول. بعد عشر دقائق وصلوا مجموعة كبيرة من العصابة وبالفعل شالوا الرجلين وأخدوهم ورموهم في نهر. Back to event's _رجالاتي. _كله منك يا كبير الذكاء ده منك المهم. _إيه هو المهم؟ _مين اللي بعت رسالة لأسد وقاله الخبر الكاذب ده؟ _أنااا. ما أنا قولت لازم أعمل حاجة عشان أساعدكم وكنت متأكد أن لما أسد يعرف في حاجة حصلت لبلده هينسى الدنيا كلها عشان بلده. _مش قولتلك جبنا الذكاء ده منك يا كبير.

_الفلوس هتكون موجودة في الموعد. _ماشي يا كبير. أسد كان سايق العربية وكان متعصب أوي. أسد رن على إياد. إياد: أسد لسه في مصر؟ (طبعًا لما شخص بيرن من برا بيبقى مكتوب دولي أما لما الشخص بيبقى في بلده بيبقى مكتوب اسم الدولة اللي هو فيه للتوضيح يا قمرااات) إياد: أنت لسه في مصر؟ أسد: روح انخطفت. إياد: أنت بتقول إيه يا أسد؟ مش كنت مع روح؟ إزاي ده حصل؟

أسد: رقم غريب رن عليا وقالي تم تهريب مجموعة كبيرة من المخدرات وأنت نايم ومش داري بحاجة يا حضرة الظابط وبعدها قفل التليفون. إياد: طب كنت شوف كاميرات المراقبة. أسد: اللي خطفوا روح كانوا مرتبين كل حاجة، اللي مش قادر أفهمه مفيش إلا أنا وأنت وجهاد وروح وأمها وأبوها اللي يعرفوا بموضوع السفر إزاي حصل كده؟ إياد: طب هتعمل إيه دلوقتي؟

أسد: لازم أدور على روح بقولك أنا هبعتلك رقم الشخص ده وتعرفلي كل الأكونتات اللي معمولة بالرقم ده ولو عرفت تحدد الموقع اللي هو كلمني منه قولي. إياد: خلاص ابعت الرقم وهحاول أعرف كل حاجة. أسد قفل مع إياد وكتب الرقم في رسالة وبعتها. إياد جاله الرقم. إياد فتح الكمبيوتر وبدأ يبحث عن أي أكونت معمول بالرقم ده بس للأسف الشديد مفيش ولا أكونت معمول بالرقم ده.

إياد: أسد هيتعصب أوي كانت الفرصة الوحيدة عشان يعرف أي معلومة عن اللي خطف روح. إياد بيجرب يشوف الموقع اللي اتكلم منه الشخص ده وبالفعل عرف الموقع ورن على أسد على طول. أسد: إيه يا إياد عرفت حاجة؟ إياد: للأسف الشديد مفيش ولا أكونت معمول بالرقم ده. أسد قعد يضرب في الدركسون بكل عصبية وقال اللعنة. إياد: اهدى يا أسد بس في خبر حلو أوي قدرت أعرف موقع الشخص ده يعني كلمك منين. أسد بفرحة: طب كويس ابعت اللوكيشن على طول.

إياد: بقولك أنا هجيلك. أسد: لا يا إياد خليك أنت جنب جهاد عشان العصابة أكيد مراقبة كل حاجة دلوقتي. إياد: طيب خد بالك من نفسك. أسد قفل التليفون مع إياد وحدد المكان اللي اتكلم فيه الراجل معاه وشغل العربية ومشي. والدة روح رجعت من عند قصر أسد الجارحي. والدة روح فتحت الباب ودخلت ولكن انصدمت. والدة روح جرت على طول على والد روح اللي كان مغمى عليه. والدة روح: أبو روح فوق.

والدة روح جابت مياه وبتحاول تفوق أبو روح ولكن للأسف الشديد لا يستجيب. والدة روح بتحاول تشوف في نبض ولا لأ. والدة روح بصدمة: مفيش نبض خالص أنا لازم أخده المستشفى على طول. والدة روح طلعت نادت على جار. _في إيه يا أم روح مالك؟ والدة روح: أبو روح مغمى عليه جوا. _بفزعة: لازم نأخده المستشفى على طول. والدة روح راحت هي والجار سندوا والد روح وركبوا العربية ومشوا. والدة روح: خير يا رب خير. في مخزن غريب.

روح كانت مربوطة في كرسي وبدأت تفوق من التخدير. روح فاقت كان محطوط على فمها لزجة ما كانتش عارفة تتكلم بس كانت خايفة أوي وبدأت تهز في الكرسي على آخره. _البت فاقت هنعمل إيه دلوقتي؟ _ولا إيه؟ المعلم قال ممنوع نعمل حاجة إلا لما هو يجي. روح عمالة تهز في الكرسي على آخرها. _في إيه يا بت مالك؟ الشاب كان حاطط قناع عشان ده أوامر من الكبير. روح عمالة تهز في الكرسي. _يمكن تكون عايزة حاجة يا ابني.

_لا يا عم المعلم قال ممنوع نعمل حاجة من ورايا. _الشاب شال اللزجة من فم روح. روح بتحاول تأخد نفسها وبتقول أنا عايزة أدخل الحمام. _خلاص ماشي استني. _ضربه حتة قلم أنت مجنون يااض؟ أنت شكلك اتجننت. _يعني تعمل حمام على نفسها حرام. _أنت طول عمرك غبي كده؟ ما بتسمعش مسلسلات خالص؟ هما بيقولوا كده عشان يهربوا يا خفيف. _وهي هتقول كده ليه يعني؟ _أنت شكلك مجنون. الشاب حط اللزجة تاني على فم روح وقالها اعمليها على روحك يختي.

_حرام عليك. _مسكه من إيده وقاله تعالى أنت معي يا حنين. _إيه يا عم في إيه؟ _أنت مجنون ولا عقلك كده؟ وربنا المعلم لو عرف حاجة زي دي هيكون آخر يوم ليك مش في الشغل هيكون آخر يوم في حياتك. _خلاص يا عم اهدى مش هعمل كده تاني بقولك إيه أنا جعان أوي. _والله وأنا كمان. _طب خلاص روح هات أكل وأنا هاخد بالي من البنت. _متأكد بس أوعك تعمل حاجة كده ولا كده. _يا عم ما تخافش مش هعمل حاجة أنا هقعد هنا هفضل مستنيك.

_خلاص ماشي ربع ساعة وهكون عندك. الشاب طلع من المخزن. _التاني فتح الباب ودخل لروح. روح بلعت ريقها وكانت خايفة أوي. _شالها اللزجة من على فمها. روح: أرجوك ساعدني أطلع من هنا الله يخليك. _أنتي حلوة أوي. روح خافت أوي لأنها ساعتها فهمت هو عايز منها إيه. _مالك يا حلوة خفتي كده ليه؟ مفيش إلا أنا وأنتي لوحدينا بس. روح: أنت هتعمل إيه؟ _هنلعب مع بعض شوية. روح: وأنا مش عايزة ألعب. _إزاي بس؟ مش أنتي عايزة تطلعي من هنا؟

روح: أيوه أنت هتساعدني صح؟ _بشرط نلعب شوية. روح: أنا موافقة بس فكيني. _بس كده من عيوني. الشاب فك روح. روح: قامت من على الكرسي. _الشاب مسكها من وسطها وبيحاول يبوسها. راحت روح مسكت خشبة وضربته على دماغه. _الشاب مسك راسه ولقى دم كتير ووقع على الأرض. روح رمت الخشبة على الأرض وبتحاول تشوف باب عشان تطلع منه. روح راحت عند الباب الرئيسي لقت حراس واقفين برا فدخلت على طول. روح: أكيدًا في باب خلفي هنا بس فين مش عارفة.

روح بالفعل لقت باب خلفي ولسه طالعة لقت اللي حاطط المسدس على رأسها. روح بلعت ريقها وديرت ضهرها. _أنتي مفكرة إيه يا بت أنك هتهربي بكل سهولة؟ روح كانت خايفة أوي. _شايفة الموبايل ده؟ أي مشكلة أو غلطة بتحصل التليفون ده بيعطي إشارة سودة على طول. الشاب مسك روح من شعرها وبعدها على الكرسي وربطها تاني. _جاب مياه ورشها على اللي وقع على الأرض اللي روح ضربته بالخشبة. _بدأ يفوق ويقول البت هربت البت هربت.

_مسكه من الياقة وضربه حتة قلم. _إيه في إيه؟ _ده أنتي يومك أسود يا كلب كنت عايز تغتصب البنت؟ ده المعلم لو عرف هيموتك. _نزل على ركبته على طول وبكل خوف: سامحني مش هعمل كده تاني بس والنبي المعلم ما يعرفش. _طب قوم بس وربنا لو تنعاد تاني لأقول للمعلم. _خلاص ماشي. روح بتقول في سرها: (فينك يا أسد فينك؟ أسد راح المكان اللي إياد قاله عليه. جاد: إيه يا بيه؟ رنيت عليا ليه؟ أسد: إياد قالي اللي رن عليا كان مكلمني من هنا.

جاد: بس مفيش حد هنا يا بيه. أسد بعصبية: إزاي يا جاد؟ روح كانت جنب أسد وسمعت صوته وكانت بتحاول تهز الكرسي روح قامت بالكرسي بالعافية وبصت من خرم كان موجود. أسد: الخطة اللي أنا قولتها دلوقتي لازم تتنفذ والفلوس أهااا. _فاهم يا بيه كل حاجة على ما يرام وما تخافش هنكون حارسين كل حاجة. أسد: أوعى حد يحس باللي بنعمله بالذات. _خلاص يا بيه فهمت كل حاجة.

روح كانت مصدومة ومفكرة أن أسد هو اللي خطفها وهو اللي كان مرتب ده كله عشان يخطفها. أم روح وصلت المستشفى. الممرضة: ماله ده؟ أم روح: ما بيردش مش عارفة. الممرضة: طب يا ممرضين خدوه بسرعة. الممرضين خدوه ودخلوا أوضة العمليات. أم روح: كانت خايفة أوي وبتقول استر يا رب. الدكتور طلع على طول. أم روح: إيه يا دكتور؟ الدكتور: للأسف الشديد جوزك كان عنده القلب ضعيف فمات. أم روح: 😳