رواية دموع روح الفصل الثاني عشر 12 - بقلم دعاء محمود

الباب رن فجأة، أسد قام عشان يفتح الباب. أسد فتح الباب، لكن ملامح الصدمة ظهرت على وشه. أسد: 😳😳 فجأة الشخص ده حضن أسد بقوة، وكان الشخص ده بيبكي على آخره. أسد بفرحة شديدة ومكنش مصدق إن روح رجعت، أسد حط إيده على شعر روح. روح بعياط: أنا خايفة أوي يا أسد. أسد بفرحة شديدة وبص لفوق بيحمد ربه. روح: كانوا عايزين يغتصبوني. أسد بص في عين روح وبفرحة شديدة وقال: أسد: إنتي كويسة؟ أنا كنت خايف عليكي أوي.

روح حضنت أسد تاني وقالت: أنا كويسة بس كنت هموت من الخوف. أسد باستغراب: بس إزاي عرفتي تخلصي منهم؟ روح: لقيتهم كلهم ناموا وهربت وطلعت على الطريق العام لحد ما شخص كويس وصلني هنا. أسد حط إيده على خد روح وقال: الحمد لله إنك بخير، أنا كنت هموت عليكي من الخوف. روح: أنت فعلًا كنت خايف عليا؟ أسد: ليه يا روح عندك شك؟ روح: مش عارفة بس... أسد: بس إيه يا روح؟ روح: لا لا مش قصدي حاجة أنا فعلًا فرحانة إنك خفت عليا.

أسد: طب نتكلم بكرة، روحي ارتاحي. روح كانت رايحة على أوضتها. أسد: إنتي رايحة فين يا روح؟ روح: رايحة على أوضتي مش أنت قولت روحي ارتاحي شوية؟ أسد: لا يا روح أوضتي دلوقتي هي أوضتك. روح باستغراب: إيه! أسد: متفهميش غلط أنا مش هنام جنبك أنا هنام في أوضة الضيوف. روح: لا مالوش لزوم أنا مرتاحة أوي هنا. أسد مسك إيد روح وقال ليها: أسد: لا يا روح إنتي هتنامي في أوضتي وده آخر كلام. روح أخدت نفس عميق: خلاص يا أسد اللي تشوفه.

روح طلعت على أوضتها وقفلت الباب وبصت لنفسها على المراية وكانت الدموع نازلة من عينيها، مسحت دموعها وطلعت هدوم من الدولاب عشان تغير وتنام. روح دخلت الحمام وأخدت شاور وطلعت ببرنس. أسد دخل على روح. أسد دار وشه على طول: مكنش قصدي أنا آسف. روح بصت في الأرض: لا عادي مفيش، وأنت مالك مكسوف كده ليه هو أنت حد غريب أنت جوزي. أسد دار وشه: إنتي عارفة إن أنا وإنتي مش بنحب بعض وواخدين بعض إزاي. روح: ده حقيقي.

أسد: المهم ده أكل عشان أنا عارف إنك ما أكلتيش بقالك يومين. روح: لا شكرًا مش جعانة. أسد مسك إيد روح وقعدها على السرير وقالها: أسد: إنتي لازم تاكلي. روح: لا أنا مش جعانة. أسد مسك المعلقة وبيحاول يوكل روح. روح: قولتلك مش عايزة آكل. أسد حط المعلقة في بوق روح وهي بتتكلم وقالها: أسد: بكره الشخص العنيد أوي. روح: بس أنا مش عنيدة أنت اللي عنيد أوي. أسد مكنش فاهم حاجة خالص من تلميحات روح ليه.

روح: المهم هات الأكل ده وأنا هاكله لوحدي. أسد قام وقال: تصبحي على خير. روح: وأنت من أهله. أسد: لو عوزتي أي حاجة أنا جنبك. روح: تمام. أسد طلع وقفل الباب وراه. روح مسكت الأكل وبكل عصبية ورمته على الأرض وقعدت تعيط. روح: مستحيل آكل عند الشخص اللي حاول يخطفني مش بس كده ده بعت شباب عشان يغتصبوني، أنا بكرهك يا أسد بكرهك. في الصباح التالي، روح فاقت من النوم ودخلت الحمام أخدت شاور ولبست فستان طويل لونه أبيض في أسود ونزلت تحت.

أسد كان قاعد على السفرة بيفطر. أسد: تعالي يا روح افطري. روح: لا مش عايزة. أسد: أمال إنتي رايحة فين كده؟ روح: رايحة عند ماما وحشاني أوي. أسد بفزعة: أمك! روح: أيوه أمي مالك خفت كده ليه؟ أسد: مش هينفع تروحي. روح: ليه بقى مش هينفع أروح؟ أسد مش عارف يقول إيه. روح: ساكت ليه؟ أسد: عشان لازم تروحي جامعتك. روح: أنا مش عايزة أروح النهاردة الجامعة، ماما وحشاني أوي. أسد بارتباك: مش هتطلعي يا روح.

روح: هطلع يا أسد وشوف هتوقفني إزاي. أسد قام ومسك إيد روح. روح زقت أسد وقالت: أوعى كده أنا هروح يعني هروح أنا مبقتش خايفة منك زي الأول. أسد: مش هتخرجي برا وده آخر كلامي فاهمة. روح اتعصبت وطلعت على أوضتها. أسد قعد وقال: المرة دي نجحت مش كل مرة هتنجح يا أسد، أكيد في يوم من الأيام هتعرف إن أبوها مات. روح طلعت على أوضتها ورمت الشنطة على الأرض وكانت متعصبة أوي وقالت: روح: إيه السبب اللي خلى أسد يرفض يطلعني برا؟

روح: جهاد أنا لازم أروح لجهاد هي اللي هتعرفني إيه السبب. روح رايحة تطلع الباب مش راضي ينفتح. روح: الباب علق ولا إيه؟ روح بتحاول تفتحه بس مش راضي. أسد مسك المفتاح اللي قفل بيه على روح عشان ما تطلعش. روح سمعت صوت. روح قعدت تخبط على الباب وتقول: روح: أسد لو سمحت ما تعملش كده أرجوك ما تقفلش الباب عليا أنا مستعدة أقعد وما أطلعش برا، أسد أنت سامعني؟ أسد كان سامع روح بس مردش عليها.

أسد: معلش يا روح بس اللي أنا بعمله في مصلحتك. روح قعدت على الأرض وقالت: روح: كل مرة هتمنعني كده بس صدقني هتندم على كل حاجة بتعملها معايا ولسه هتعملها. في المخزن. _معلم معلم. _إيه في إيه مالك خايف كده ليه؟ _البت يا معلم شكلها هربت. المعلم بصدمة: أنت بتقول إيه؟ _روحت عشان أوديلها الأكل بس مالقيتهاش هناك. _يعني البت هربت؟ _شكله كده يا معلم. المعلم ضربه قلم وقال له بكل عصبية: _أمال أنتوا كنتوا فين يا شوية بهايم؟

_والله يا معلم كنا عايزين ننام. _ده أنتوا يومكم أسود. _طب نروح ندور عليها يا معلم. _تدور عليها فين تلاقيها نايمة في حضن أسد دلوقتي يا بهايم. _طب اسكتوا هحاول أرن على أسد بهدف التهديد هشوف رد فعله إيه. المعلم رن على أسد. أسد: ألو. _هقتل البنت لو ما خرجتش العربية برا مصر. أسد بضحك: بجد وهتقتلها إزاي وهي عندي أصلًا! المعلم ورجالته كانوا في حالة صدمة. أسد: إيه صوتك اختفى يعني ما كنت بتهدد من شوية إيه اللي حصل؟

_البت امتى وصلت عندك؟ أسد قفل التليفون في وشه. _آه يا ابن الـ***. _قالك إيه يا معلم؟ المعلم ضربه قلم. _قالي البنت عنده يا خفيف أنت وهو. _يعني كده خلاص يا معلم كل شيء انتهى؟ _كله منكم يا حمير. في بيت روح. جهاد: خالتي أنا لازم أمشي دلوقتي. والدة روح: هتمشي تروحي فين خليكي قاعدة معايا. جهاد: أنا آسفة يا خالتي بس لازم أمشي عشان الجامعة وكده. والدة روح: جهاد. جهاد: إيه يا خالتي؟

والدة روح: لما روح تكلمك يبقى طمنيني عليها أصلًا قلبي واكلني عليها أوي. جهاد: حاضر يا خالتي. جهاد طلعت برا وكان إياد مستنيها. إياد: عندي ليكي خبر حلو أوي. جهاد بفرحة: هنتجوز صح وأسد وافق؟ إياد بتريقة: نتجوز؟ جهاد: أيوه نتجوز ومالك بتقولها بقرف كده ليه؟ إياد: أصلًا الخبر اللي عندي أهم منك ومني. جهاد: طب يا خفيف إيه هو الخبر اللي أهم منك ومني؟ إياد: أسد رن عليا امبارح وقالي إن روح رجعت الحمد لله. جهاد: بتهزر؟

إياد: وههزر ليه هي دي عايزة هزار؟ جهاد بفرحة شديدة حضنت إياد. جهاد: فعلًا خبر أهم مني ومنك أنا فرحت أوي. إياد: طب يلا نروح روح هتكون محتاجكي أوي. جهاد وإياد ركبوا العربية ومشوا. في قصر الجارحي. روح كانت لسه قاعدة في الأوضة وفجأة تليفونها رن. روح: ألو. _إيه ده كله فين اللي أنا طلبته منك؟ روح: أنا مش عارفة أطلع أسد حبسني هنا. _اتصرفي اعملي أي حاجة أسد الجارحي لازم يتمسك بأي طريقة ده مجرم (مجرم 🤔)

روح: طبعًا طبعًا هجيبلك اللي أنت عايزه بس مهلة بس عشان أقدر أجيب كل حاجة. ما تيجوا نعرف إيه اللي بيحصل عشان ما تروحش في حتة تانية. Back to the past. المعلم دخل لروح وكان حاطط قناع على وشه وقماش عشان روح ما تعرفهوش. روح مكنتش شايفة حاجة من الغطا اللي على عينيها بس كانت سامعة صوت حد. _عاملة إيه يا روح؟ روح اتخضت عشان الصوت كان حاد أوي. روح بتحاول تتكلم بس مش عارفة، راح المعلم شالها الغطا اللي على فمها. روح: مين أنت؟

_مش مهم أنا مين أنا جاي أساعدك يا روح تطلعي من هنا وتخلصي من جحيم أسد. روح بفرحة: بجد أنت هتطلعني من هنا بس أنت مين؟ _قولتلك مش مهم أنا مين المهم اسمعي اللي أنا هقوله. روح: إيه هو اللي أنت عايز تقوله؟ _عشان أقدر أساعدك تخرجي من هنا عندي ليكي طلب. روح: طلب إيه؟ _تساعديني. روح: أساعدك وإزاي أساعدك؟ _عايزك تراقبي أسد وتجيبي كل المعلومات عن أسد. روح: بس أنا عمري ما أرجع للشخص ده. _لازم تنتقمي منه يا روح ده اللي كان خطفك.

روح افتكرت أسد وهو كان بيتكلم مع جاد. روح: بس على الأكيد هتطلعني من هنا. _أكيد يا روح بس الأهم إنك تساعديني. روح: أنا مستعدة أساعدك أنت عايز مني إيه؟ _نقطة ضعف أسد الجارحي. روح: أكيد هتكون جهاد. _لا يا روح صحيح أسد بيحب جهاد بس مش نقطة ضعفها. روح: أمال مين نقطة ضعفه؟ _ما أنا عايزك تجيبي نقطة ضعفه. روح: طب وأجيبها إزاي ده؟ _إنتي هتكوني عايشة في بيت أسد الجارحي من كلامه هتلاحظي عليه من شخصيته على الأكيد هتعرفي يا روح.

روح: طب لما أروح لأسد وسألني إزاي قدرتي تهربي؟ _سهلة إنتي هتقولي لأسد إنك قدرتي تهربي لما هما كانوا نايمين قدرتي أهرب منهم في الوقت ده من غير ما حد يحس. روح: خلاص موافقة فكوني بقى. _مش بالسهولة دي أنا إيش ضماني إنك تضحكي عليا؟ روح: متخافش عشان أنا كمان عايزة انتقام من أسد الجارحي على اللي عمله معايا. خلاص: اتفقنا أي حاجة تحصل رني عليا. المعلم عطى روح موبايل وقالها أوعى حد يشوفه لما أرن عليكي ردي.

روح: خلاص ماشي فكوني بقى. بالفعل واحد من الرجالة هو اللي كان عارف بالخطة دي وفك روح، روح قامت. _المعلم بيقولك خدي بالك من نفسك عشان أسد ذكي أوي. روح: هو فين المعلم؟ _المعلم ما بيحبش حد يشوفه. روح طلعت وكانت في عربية برا، روح ركبت فيها. Back to events. _أهم حاجة أسد ما يعرفش باللي إحنا بنعمله ده، تاجر مخدرات ممكن يقتلك فيها. (المعلم كان مفهم روح إن أسد تاجر المخدرات عشان يعرف يستغلها) روح: متخافش محدش هيعرف سلام.

_سلام.