رواية دموع سيليا الفصل الحادي عشر 11 - بقلم منة سامح

مراد بصدمة: انتي بتقولي إيه؟ زينب بدموع وقهرة: بقول إن أختك بتضيع مني تاني بعد ما لقيتها. آآه يوجع قلبي. الله. مراد بص لها بحزن ودموع وخرج من غير ولا كلمة. *** تاني يوم. سارة بقلق: رايحة فين يا سيليا؟ انتي لسه تعبانة. سيليا بهدوء وابتسامة خفيفة: لا يا حبيبتي أنا كويسة، بس لازم أطلع دلوقتي أروح مشوار وجاية. سارة: طب استني أجي معاكي.

سيليا بحب: لا لا خليكي. أنا هروح ومش هتأخر. متقلقيش، بس روحي انتي الشركة عشان كان فيه شغل كتير. سارة بابتسامة حب: طيب يا حبيبتي، خلي بالك من نفسك. خرجت سيليا وسارة تنهدت بحزن. *** مراد: نهى، سيليا جوة؟ نهى: لا يا مراد بيه، مجتش النهاردة. بس سارة هانم موجودة لو عايزها في شغل يعني. مراد نفخ بضيق وحزن: طب هي فين سارة؟ نهى باستغراب: في مكتبها يا فندم. مراد بص على أوضة سيليا بحزن ومشي. ... مراد خبط.

سارة وهي باصة في الأوراق: اتفضل. مراد دخل. سارة وهي لسه باصة للأوراق: هتفضل ساكت؟ مراد: آنسة سارة، ممكن أتكلم مع حضرتك شوية؟ سارة بصت له شوية وقالت ببرود: لا. لو فيه شغل، اتفضل. لو مش فيه شغل، يبقى الباب في إيدك. مراد بغيظ: يابنتي هو أنا عملتلك حاجة؟ بقولك عايز أتزفت أتكلم معاكي في موضوع مهم. سارة بحزن ودموع: عملت لأختي وصحبة عمري، اللي بسببكم اختارت الموت أهون عليها وهتسيبني وتمشي وهبقى لوحدي تاني.

مراد بترجي وحزن: طب أرجوكي عايزة أعرف حاجة. بجد أنا عايزها تسامحني. سارة بصت له شوية وقالت بجمود: قول. مراد بحزن: عايز أعرف هي تعبانة فعلاً؟ سارة بصت له بدموع وكسرة: امممم. تعبانة، تعبانة وخلاص. كلها أيام ومش هتبقى موجودة خلاص. هتسيبني زي ما كلهم سابوني. مراد بص لها بحزن ودموع محبوسة: يعني مفيش أمل؟ مفيش أمل تتعالج؟ هسافرها برة، المهم نرجع زي الأول. سارة بصت له بابتسامة وجع وهزت رأسها بمعني لا.

مراد بص لها والدموع اتملت في عينه وخرج من غير ما ينطق ولا كلمة وهو مش شايف قدامه. *** سيليا ماشية بالعربية، بس وقفها صوت عياط طفل. نزلت سيليا وقربت عليه. سيليا بحنية: مالك يا حبيبي؟ ياسين بدموع: م.. ما ماما سابتني. سابتني ومشيت. سيليا بعدم فهم: يعني إيه؟ ياسين بطفولة وحزن: انتي مين؟ أنا معرفكيش. انتي هتخطفيني صح؟ ... وأكمل بترجي وعياط: سيبني والله و... قاطعته سيليا بحنية وحب: شششش بس بس. أنا والله طيبة.

ياسين بص لها بشك طفولي. أكملت سيليا: طب استني. وطلعت حاجة من جيبها. خد دي يا عاام، متغلاش عليك. ياسين بص لها ومد يده بتوتر وخدها: ش.. شكراً. سيليا بحنية وهدوء: قولي بقى كنت بتعيط لي؟ ياسين بدأ الدموع تتجمع في عينه: ماما سابتني هنا ومشيت. وأنا معرفش حد. سيليا بصت له بعدم فهم: يعني أنت تهت منها ولا إيه؟ ياسين بطفولة وحزن: مش عارف. هي قالت لي: أنا مش عايزاك. ابعد عني أنا همشي ومتجيش ورايا. ...

وأكمل بعياط: هي قالت كده عشان أنا شقي. قعدت أقولها استني متسبنيش وأنا هبقى حلو ومش هعمل شقاوة. والله خديني معاكي. بس أنا مليش غيرك. سابتني ومشيت وملقيتهاش بعد كده. سيليا بصت له بحزن ودموع وخدته في حضنها من غير أي كلام. سيليا بوجع ودموع: أنا عارفة. أنا عارفة وحاسة بيك. حاسة بكل حاجة أنت حاسس بيها. ضياع ووحدة وألم وحزن وكل حاجة. ياسين بص لها بحزن وطفولة: انتي برضه مامتك سابتك؟ سيليا بصت

له وابتسمت ابتسامة وجع: اممم. كنت قدك كده وقالت لي نفس الكلام. هه. تقريباً الزمن بيعيد نفسه معاك يا حبيبي. ياسين بحزن ودموع: أنا بحبها أوي. مليش غيرها. مش عارف هي ليه سبتني؟ هي مبتحبنيش ليه؟ سيليا بصت له بدموع كسرة وسكتوا شوية. بعد وقت. سيليا مسكت

وشه بحنية ومسحت دموعه: مش عايزة أشوفك بتعيط تاني. عارف أنا لما كنت قدك نفس الكلام حصل معايا. ويمكن أكتر كمان. عيطت وتعبت في نفسي ومرت بحاجات كتير أوي واتعلمت حاجات أكتر وأكتر. أكتر حاجة ندمت عليها دلوقتي هو إني تعبت في نفسي زمان وعيطت على ناس متستاهلش عياطي. فهمتني يا حبيبي؟ ...

أكملت سيليا بحنية: خدها نصيحة مني. متبصش على الماضي لأنه يعطل ويتعب. لا بص على المستقبل. ابنِ حياتك انت وشوف بعد كده إيه اللي هيحصل. مش عايزة أحرقلك وأقولك إيه اللي هيحصل. خليها متعة ليك انت أحسن. ياسين بص لها ومسح دموعه واتكلم بطفولة: هو انتي اسمك إيه؟ انتي بجد جميلة أوي. سيليا بضحك: والله مفيش أجمل منك. أنا بقى ياسيدي اسمي سيليا. وانت؟ ياسين بابتسامة: ياسين. عندي ٩ سنين. سيليا بمرح: أجمل من اسمي يا بطل. ...

وأكملت بابتسامة حب: فهمتني؟ ياسين بص لها بابتسامة خفيفة وهز رأسه بمعني اه. سيليا بصت له بحب وكسرة ووجع. قد إيه هو هيعاني في حياته، فهي عارفة ومجربة. سيليا بهدوء ودموع محبوسة: هو أنا ينفع أحضنك صح؟ ياسين بص لها بصة حب وبصة محدش يفهمها غيرها وحضنها جامد. وهي كذلك، كأنها كانت محتاجة الحضن ده أكتر منه. بعد وقت. ياسين بحزن: هتسبيني صح؟ سيليا بصت له بحب: أنا مصدقت لقيتك. ينفع تيجي تعيش معايا يا بطل؟

ياسين فرح جداً: ينفع جداً. أنا حبيتك أوي بجد. سيليا وهي بتقوم وتقومه: وأنا أكتر والله. وركبوا العربية. سيليا بحنية: بس ممكن قبل أي حاجة نروح مشوار أنا كنت هروحه ومهم جداً بالنسبة لي. ياسين هز رأسه بمعني اه. وسيليا بدأت تتحرك. *** كريم بقلق: سارة، بقولك مشوفتيش سيليا؟ سارة: هي مجتش النهاردة يا كريم. قالت هتروح مشوار. في شغل عايزها فيه. كريم: لا أنا كنت بطمن عليها بس. سارة

بصت له بحزن وابتسامة كسرة: تمام. يلا أنا ماشية. ومشيت. وكريم بص لها بقلة راحة ومشي. *** سيليا وهي بتنزل ياسين بابتسامة: بص ياسيدي، ده المكان اللي أنا كنت عايشة فيه. ياسين وهو بيبص حواليه باستغراب: هو إيه ده؟ ده غريب أوي. سيليا وهي ماشية ماسكة ياسين: ده اسمه ميتم. وأنا صغيرة محدش كان عايزني. فجوا سابوني هنا ومشوا. والميتم ده يعني إيه طفل مش عنده أم أو أب عايشين هنا. ياسين يبص لها بحزن ودموع: وانتي هتسبيني هنا صح؟

سيليا بصت له بحب ونزلت لمستواه: لا. مين اللي قال كده؟ مش هسيبك أبداً يا ياسين. أنا جيت هنا عشان أزور الأطفال. وانت هتحب الموضوع ده على فكرة. بس أهم حاجة إنك متفكرش إني أسيبك تاني. ممكن؟ ياسين ابتسم بحب وطفولة: انتي طيبة أوي أوي. أنا بحبك أوي يا سيليا. سيليا حضنته بحب ودخلوا. وأول ما دخلوا، كل الأطفال جريوا على سيليا بفرحة وحب. _ياااه بقالك كتير يابنتي مش بتيجي لي. سيليا بحب: معلش بقى كان فيه شوية ظروف. _ابنك ده؟

سيليا بصت لياسين بحب وابتسامة: امم. ابني. ياسين فرح جداً أنها قالت كده وابتسم لها بحب. _ربنا يخليهولك ياحبيبتي. سيليا بصت لها بحب وحضنتها جامد: انتي اللي ربتيني يعتبر. بجد أنا ممنونة ليكي أوي. مش عارفة أشكرك إزاي. _ياعبيطة، في حد يقول كده لمو؟ ده انتي بنتي. سيليا بصت لها وابتسمت بحب وبدأت تلعب مع الأطفال وياسين فرحان جداً. *** عمر: الو سارة، يابنتي ممكن تيجي ثواني؟ سارة بقلق: إيه يا دكتور؟ سيليا فيها حاجة؟

عمر: لا، بس تعالي دلوقتي. فيه موضوع مهم لازم أكلمك فيه. سارة وهي بتلف بالعربية: تمام. نص ساعة وأبقى عندك. وقفلت بقلق. وعمر بص على الأشعة اللي في إيده بأمل. بعد وقت دخلت سارة بقلق وخوف. سارة بخوف: ها يا دكتور؟ س.. سيليا فيها حاجة؟ عمر.........