رواية دميتي الجميلة الفصل الخمسون 50 - بقلم ايلا ابراهيم

حمزه: طب انتي عايزة إيه.. دلوقتي.. جيجي ببكاء: مش عارفة.. انا حاسة اني مخنوقة وقلبي وجعني ازاي يعمل فيا كده. حمزه: عمل فيكي إيه.. هو انتي مش قلتي كل الكلام ده كان قبل مايعترف بحبه ليكي.. هزت رأسها بإيجاب.. حمزه: يبقى إيه يا جيجي.. انتي هتحاسبيه على الماضي.. طب هسألك حاجة عامر حاسبك على الماضي بتاعك وانا متأكد انه كان عارف باعجابك بمهران مش كده.. مسحت دموعها بشهقات: انا جاية اشتكيلك وانت بقيت بصفة..

حمزه: انا مش بصف حد انا مع الحق بصي يا جيجي انتي زي شوق.. وانا هتكلم معاكي زي ما بتكلم معاها بالضبط وزي ما انا عايز الخير لبنت أخويا كمان عايزه ليكي فهماني.. هزت رأسها بإيجاب ورفعت نظرها لتنظر إليه وتستمع لحديثه الناضج باهتمام… حمزه: الدنيا مش جنة وبالدنيا دي مش هناخد كل حاجة ومفيش حد كامل....

زمان لما اتكلمنا عن مهران قلتلك متجريش ورى سراب عشان مهران عمره ما هيكون ليكي.. وانتي اللي قررتي متضيعيش وقتك ومستقبلك على وهم وبعدتي عشان انتي متأكدة ان مهران عمره ما هيشوفك الا زي أخته.. إنما دلوقتي الوضع مختلف.. جيجي: مختلف ازاي ده بيقولي مش هيعرف ينساها… حمزه: هو قالك انه بيحيها.. جيجي: لا.. حمزه: طيب.. هو اعترفلك انه بيحبك.. جيجي: أه.. حمزه: كم مرة.. جيجي: دايما بيقولها..

حمزه: طب انتي مش شايفة الفرق.. عامر صادق معاكي وعايز يبدأ معاكي بصراحة وانا شايف ان ده مش غلط.. جيجي: بس انا موجوعة أوووي ومقهورة.. أجابها بابتسامة: طب انتي زعلانة ليه. ومقهورة ليه مسألتيش نفسك السؤال ده.. جيجي….. حمزه: انا هقولك انتي زعلانة عشان بتحبيه وغيرانة عليه مش كده.. جيجي بدموع: مش عارفة.. حمزه: لا انتي عارفة ومتأكدة بس بتهربي عشان بس متعصبة.. جيجي: بس انا مش هقبل اني وحدة تانية تشاركني بيه..

حمزه: طب مسألتيش نفسك هي فين الوحدة التانية اللي هتشاركك بيه.. هو انتي مش قلتي طلقها وسافرت… طب انتي عايزة تتحكمي حتى بذكرياته.. جيجي عاوزك تفهمي اللي يحب يتحمل وهقولك على حاجة أي ست بالدنيا لو حبت بجد هتعرف تاخد عقل وقلب جوزها فهماني… جيجي: بس.. حمزه: مبسش انا عايزاك تفكري انتي جاهزة تخسري الراجل اللي حبيته دلوقتي.. جيجي.. بااااااك.. استيقظت من شرودها على صوت عامر المليء بالحب والسعادة.

عامر وضع كوب القهوة أمامها وجلس مقابلها ممسكاً يدها بين كفيه مردداً بحب يظهر على ملامحه: مش مصدق انك رجعتي… انا مبسوط مبسوط أوووي الفرحة مش هتعاني يا جيجي. جيجي: عامر… عامر: عيون عامر وقلب عامر انتي اطلبي أي حاجة بالدنيا دي وهتكون عندك.. رفعت جيجي وجهها لتنظر إلى عينيه مباشرة: مش هتسيبني مش كده.. عامر: عمري ما هسيبك يا جيجي انا بحبك والله بحبك. جيجي وعيناها مليئتان بالدموع: مش هتحمل تخوني يا عامر..

عامر: أخونك إيه انا مش هجرحك يا جيجي انتي قبل ما تكوني بنت خالي.. انتي حبيبتي والله مش هعرف ابعد عنك يا جيجي انتي روحي.. جيجي… عامر: طب هكلم ماما وخالي عشان نستعجل بالفرح مش عايز أي حاجة تبعدنا عن بعض ماشي يا حبيبتي.. جيجي….. أوقف سيارته أمام سيارة الأجرة لينزل من سيارته بسرعة.. سائق السيارة: انت اتجننت كنت هتموتنا….

تجاهل سائق السيارة واتجه إلى المقعد الخلفي كانت تجلس تحاول إخفاء آثار دموعها عنه منذ أن رأته وهي تعلم جيداً بأنه تبعها لأنه علم بما حدث معها…… مهران بجدية: انزلي… نزلت شوق من السيارة دون أي اعتراض ليحمل حقيبتها ويضعها بسيارته بعد أن دفع لسائق السيارة مبلغ من المال واعتذر منه وصعد بجانبها يقود السيارة دون التحدث معها حل الصمت بينهما طوال الطريق كانت تسترق النظر إليه بين الحين والآخر…

مسح حمزه وجهه باختناق وأمر الخادمة بأخذ ابنته إلى غرفتها بعد أن اجتمع الجميع على صوته الحاد.. أما زوجته مصدومة لم ترَ زوجها الهادئ العقلاني هكذا من قبل.. ترتجف خوفاً من هذا الغضب الذي يظهر عليه.. أمسك حمزه ذراعها بعنف مردداً بغضب: انتي طردتي شوق من البيت.. هيام بارتباك: اااانن.. حمزه: انتي إيه طردتي شوق ولا لا.. هيام: انا والله كنت كنت.. حمزه وهو يهزه بعنف: انطقي.. هيام بخوف: انا… دفعها حمزه إلى الأرض مردداً

بغضب أعمى: انتي طلاق.. صدمة الجميع وهي تراه يغادر المنزل بسرعة… أخرج حمزه هاتفه محاولاً الاتصال بشوق لكن هاتفها مغلق…… صعد سيارته وأسرع يبحث عنها… وحاول الاتصال بمهران لكنه يفصل ولا يجيبه… مما زاد غضب حمزه أضعاف.. أوقف السيارة أمام مزرعة لأول مرة تزورها شوق.. نزل من السيارة ليأمرها بأن تتبعه..

نزلت دون التكلم بأي كلمة تتبع خطواته بريبة وخوف ترى مدى الغضب الظاهر على ملامحه وتعلم جيداً بأنها أوصلته منتهاه.. وهو غاضب منها جداً… لذلك يجب عليها تحمل كل شيء منه.. دخل إحدى الغرف لتتبعه.. وسمعت صوته الجاد.. دي أوضتك من النهاردة.. وفي شغالين هنا ولو عوزتي حاجة بلغيهم عشان يتصلوا بيا وانا هبقى أعدي عليكي كل فترة.. هم بالمغادرة ليشعر بها تحتضنه من الخلف وتجهش بالبكاء ووووووووو

يم بانفعال: يعني إيه يقفل الشكة بوشي هو أكيد اتجنن.. كانت تردد كلماتها وهي تجوب المكتب ذهاباً وإياباً.. يم: والله هتندم يا مهران على عملتك دي هو مش عارف انا مين.. دي الناس تتمنى مني بصح بس.. وهو شايف نفسه على إيه.. ال***** كان منصور يجلس بمكتبه يعمل على بعض الملفات.. صدم بمن يقتحم مكتبه دون استئذان… رفع رأسه بغضب ليصدم بوالدة مهران تقف أمامه حرك رأسه يميناً ويساراً غير مصدقاً لما يراه… ووو

حسن: انا عاوز أقولك حاجة بس عايزك تتأكد ان مكنش ينفع أقولك الكلام ده قبل كده.. غيث بابتسامة: إيه الجدية اللي انت فيها دي يا حسن.. هتكون عملت إيه يعني. حسن: عمتك… قطب غيث حاجبيه باستغراب مردداً: عمتي مين.. حسن: عمتك أم مهران لسه عايشة.. غيث بصدمة: انت بتقول إيه.. حسن: … غيث: اقتحم حمزه مكتب مهران في شركته ليصدم بي…..