رواية دميتي الجميلة الفصل السادس والعشرون 26 - بقلم ايلا ابراهيم

بعد مرور فترة، كانت تجفف شعرها أمام المرآة بعد أن خرجت من الحمام، لتشهق عندما شعرت به يحتضنها من الخلف ويستنشق رائحتها. ابتعدت عنه بارتباك واستدارت إليه مرددة بخجل: "مهران أنت دخلت هنااا ازاي." مهران بابتسامة جذابة أظهرت غمازتيه الجميلتين: "من الباب." شوق غطت شعرها بحرج وقد تشبعت وجنتيها بالحمرة المحببة لديه. لكنه أمسك يدها يمنعها بضيق: "بتعملي إيه." شوق بحرج: "أنا أنا."

جذبها مهران إليه بحب وقد أحاط خصرها بتملك هامساً عند أذنيها: "أنا مقدر إنك مش فاكرة حاجة، لكن انتي كمان قدري إني جوزك ومستحمل بعدك عني." قبل وجنتها بهدوء جعل قشعريرة تسري بجسدها. فقد نسيت كل شيء ولا تذكر أي شيء من الماضي. ومهما حاول مهران تذكيرها بأنه زوجها يفشل. ابتعد عنها وأزاح خصلات شعرها المبللة، أحاط وجهها مردداً بحب: "هسبقك تحت، خلصي وحصليني." أومأت برأسه بخجل وتيه وغادر بسرعة قبل أن يضعف. *** غيث:

"احم، هتفضلي نايمة كده كتير." مريم. غيث: "ممكن تقومي من السرير عشان نتكلم." مريم. جلس غيث بجانبها على السرير ومسح شعرها بحنو. لم تتحرك ولم تبدِ أي ردة فعل. فمنذ ذلك اليوم تجلس لوحدها بالغرفة. عبثاً يحاول غيث ووالدته إخراجها من حالة الاكتئاب هذه. تجبرها والدة غيث على تناول بضع اللقيمات حتى بهتت ملامحها. غيث: "لو فضلتِ كده هتموتي، محدش هيخسر غيرك. مريم انتي ما كنتيش كده، كنتِ مليانة بالحياة، مالك؟

إيه اللي حصل عند أهلك خلاكي تبقي كده." مريم. جذبها إليه ليرفعها. حاولت الامتناع لكنها استسلمت له، فليس لديها القوة لمقاومته. أحاط وجنتيها بقلق وهو ينظر إلى عينيها مردداً بخوف عليها: "مالك يامريم، اتكلمي، إيه اللي حصلك، في إيه، وشك بهتان ونومك الطويل وحبستك بالأوضة كده مبتكلميش حد. مالك." وأكمل بابتسامة يتصنعها: "وكمان مش بتتخانقي معايا زي الأول."

كانت حدقت عينيها تنظر إلى الفراغ. حتى حملها إلى الحمام ليفتح الدوش عليها. شهقت وكأنها استيقظت من سبات طويل، تشبثت بقميصه المبتل خوفاً من السقوط. أنزلها غيث بهدوء مردداً: "خدي شور عشان تصحصحي، هطلع أجهزلك هدومك." نزلت دمعة ساخنة على وجهها ليمسحها بحنان مردداً بهدوء: "مريم كل حاجة هتتحل صدقيني. هنتكلم ونحل كل حاجة، ماشي؟ خلصي الشاور بتاعك وحصليني. واللي انتي عايزاه هيحصل." هزت رأسها بإيجاب دون التكلم وهي تراه يغادر.

*** سمع طرقات على باب شقته، نهض بتعب ليفتح الباب. ابتسم بسخرية عندما وجد حسن ينظر إليه بقلق. لحيته كثيفة، وجهه شاحب، عيناه ذابلتين، يمشي بتعب. حسن بحدة: "إيه اللي عامله بنفسك ده، كل ده عشان إيه." أدار عامر وجهه عن أخيه الأكبر بملل واتجه إلى الأريكة ليرتمي عليها بإهمال. دخل حسن خلفه بقلق على أخيه الأصغر، صدم من المنظر الذي رآه. أعقاب السجائر المرمية بكل مكان، أكواب القهوة المتسخة، وأخيه يجلس بوسط كل هذا. حسن:

"كل ده عشان إيه، عشان حتة بنت جايبها من *****." ضحك عامر بسخرية مردداً ببرود: "عارف البنت اللي بتعايرني إني جايبها من **** دي تبقى بنت مين." رمقه حسن بنظرات متسائلة ليكمل عامر: "تبقى بنت محمود النجار." صدمة ألجمت فمه. "إزاي،" قالها بتعجب. عامر: "زي ما سمعت، دنيا تبقى بنت محمود النجار، وهي وأختها الوريثتين الوحيدتين لكل ثروته. مش ده المستوى اللي حضرتك بتهتم بيه." حسن: "اومال كانت بالشقة هناك ليه."

"وسلمتك نفسها كأنها بنت ***** وبشقة مشبوهة. كمان كل ده حصل إزاي." عامر باختناق: "عشان أبوها شبه أبوك." حسن بتحذير: "عاااامر." أدار عامر وجهه عن أخيه يشعر بالاختناق. إنه يشتاق إليها كثيراً، يفتقدها جداً. دنيا الوحيدة التي منحته الحب والاهتمام والاحتواء. لكنه ماذا منحها بالمقابل؟ الهجران والذل والإهانة. لكنه مجبر، مجبر على كل ذلك. نزلت دمعة ساخنة على وجنته، سرعان ما مسحها قبل أن يلاحظها أخوه. ليسمع حسن يقول بهدوء:

"طلقتها ليه، أنت ممكن ترجعها، إن كنت بتحبها بجد." عامر: "خلاص ما عادش ينفع." حسن: "ليه، البنت بتحبك." عامر: "عشان دوري بحياتها خلاص خلص." *** عواطف عمة مهران بابتسامة: "والله شايفاك مبسوط جداً عشان شوق مش فاكرة حاجة." مهران قبل كفها بابتسامة جذابة: "إنتي قفشاني دايماً ياحبيبتي." عواطف: "طيب ممكن أعرف ليه." مهران: "عشان دي فرصة أصلح كل حاجة ياعمتو وأحاول أعوضها عشان لما تفتكر الفتره دي تشفع لي عندها." عواطف بحب:

"إنت بتحبها يامهران." مهران بابتسامة: "أكتر من الحب ياعمتو، شوق دي حياتي، النفس اللي بتنفسه. هي بس تسامحني والله هحطها بعنيا." عواطف بسعادة لتجاوز مهران تلك المشاعر السلبية التي كانت تسيطر عليه: "ربنا يهدي سركم يابني." دخلت شوق ترتسم ابتسامة هادئة على شفتيها، قبلت خد عواطف، فقد أحبتها جداً، فمنذ أن فتحت عينيها وعواطف ومهران يهتمان بها. شوق: "صباح الخير ياعمتو." عواطف: "صباح الفل ياقلب عمتك." مهران بتذمر:

"إيه، وأنا مفيش صباح الخير ياجوزي. مش كفاية رامياني بوضة لوحدي." شوق بحرج: "صباح الخير." مهران بجرأة جذبها لتجلس بجانبه: "تؤ تؤ، مش كده. صبحي عليا زي عمتو، مع بوسة و...