رواية دنجوان الصعيد الفصل الثالث عشر 13 - بقلم سارة احمد

وفجأة يظهر حاتم، فيشهق الجميع بفزع وما زاد من رعبهم وجود هارون خلف حاتم الذي يشتعل وجهه من الغضب والعصبية.... فوقية برعب: يلا اهي كملت. ترتجف شمس وتتمسك بأمها. شمس: ماما احنا شكلنا مش هيطلع علينا نهارا.... فوقية: نقيتي فيها يا بومه غور من وشي.... هارون بشر: انا كنت عارف كل اللي هيحصل ده من أول ما خرجت من المستشفى بس انكم تتجرأوا وتلمسوا نادية ده إلا فاق كل حدود الصبر.... ونهايتكم دلوقتي... حاتم بغضب ناري:

انا صبرت كتير عشان أنتقم لي أمي بس دلوقتي انا هحرقكم عشان اتجرأتم ولمستم اختي الغالية.... تدعي فوقية القوة عكس ما هي ترتجف بداخلها من الرعب. فوقية: مش هتقدروا تلمسوا شعرة مننا ماهر مش هيسكت.... يضحك هارون بسخرية: ماهر اصلاً مش فاضي لكم هو في ورطة.... ويشير لمجموعة من النساء فتدخل وتمسك بفوقية وشمس وبسمة وأمينة وهن يصرخن... سبونا هتعملوا فينا إيه. يقرب حاتم من فوقية وبهمس لها. حاتم: متخفيش انا متوعدتش أضرب ست

بس ست تضرب ست مفيش مانع..... هارون: يلا جروهم وحطوهم في العربية واطلعوا على البيت الغربي وهناك أنتوا عارفين هتعملوا إيه... اه ومتنسوش في طريقكم تأخدوا حسنية.... وضبطوها لحد ما نجي لكم...... النساء: امرك يا دنجوان.... وانطلقن بعد ما قيدهن ..... ينزع حاتم الحزام بتاعه ويغطي بيه نادية... يقرب منها هارون وبكل رقة يحملها. هارون بحزن: انا آسف يا حبيبتي على كل اللي حصل بس والله هادفعهن الثمن غالي على كل اللي حصل لكي....

ويرجعوا للبيت لي يجدوا حورية في انتظارهم.... والقلق ظاهر عليها. حورية: هي نادية مالها عملوا فيها حاجة...... هارون بتعب: لا يا حورية هما ملحوش خصلة. حاتم: تعالي يا حورية وسبيهم شوية لي وحديهم. ترفض حورية أن تغادر وتجلس بجانب نادية وتضمها وتبكي. حورية: لا مش ماشية انا هبات مع نادية ..... اختي. ونامت وأخذتها في حضنها. يبتسم هارون: يعني انا اللي في الآخر انطردت.... حاتم بمشاكسة: معلش أصل لك ضرة..... هارون: طيب يا حورية

انا خارج بس غيري الهدوم لنادية وخليكي جانبها وإياك تغيب عن عينك ثانية..... حورية: ده في عيني.... يقبلها على جبهتها برفق: تسلمي يا أختي يلا يا حاتم..... يسير معه حاتم ويلتفت لحورية ويرسل لها قبلة في الهواء ويغمز لها فتبتسم حورية بخجل.... وتشير لأخوها بمعنى حاسب من هارون فيغمز لها حاتم أكثر..... حورية: والله مجنون بس بحبه. وتنظر لنادية التي تتعرق أثناء نومها وكأنها تحلم بكابوس سيء. حورية:

يا ترى إيه اللي حصل لك يا نادية..... وبكت حورية حزنًا على نادية بدلت لها ثيابها ودخلت تحت الغطاء وأخذتها في حضنها وطبطبت عليها بحنان حتى استكنت نادية وهدأت ملامحها. هارون وحاتم في السيارة. حاتم: هتعمل إيه معاهم يا هارون دول عقارب... وانا ليه طار بيت عندهم انا اختي دول قتلوا أبويا وأمي انا لازم أصفي حسابي معاهم وانت كمان لك حساب موت عمتك اللي هي أمي... لازم تصفيه. هارون بغضب: انا عارف جدي من ساعة موتها

وهو حزن ده لو عرف هو وجدك هتقوم حرب بين الثلاث عائلات عيلتي وعيلتك وعيلة مهران وهيروح فيها الرجلين ضحايا كتير مهلومش ذنب احنا لازم نفكر ونتصرف بعقل..... وقبل أن يكمل يرن هاتف هارون معلنًا عن وصول رسالة... فيقرأها هارون فتتبدل ملامحه للازعاج والضيق ويرجع بسيارته للخلف ويعدل طريقه وينطلق في الجهة الأخرى وهو يقول. هارون: يلا دي شكلها هتولع. حاتم: مالك غيرت طريقك ليه وإيه هي اللي هتولع. هارون:

منير بعت رسالة بيقولي إن ماهر عند أخته ومولعها حريقة عشان عايز ياخدها واكرم وقف له وكتب كتابه عليها من ورا ماهر ومصمم إنها مش هتخرج وماهر مصمم يخرجها عشان يقتلها. وطبعًا الجد سعيد راح هناك ومعه كل كبار البلد والمأمور.... حاتم: هاب دي ولعت..... انت عارف من مش هينفع أظهر دلوقتي نزلني هنا...... يوقف هارون سيارته فينزل حاتم. هارون: إياك تتهور يا حاتم فكر بحكمة... حاتم: متقلقش يا صاحبي وانا هراقب أختي

أصل انا عارفها مجنونة ممكن تعمل أي مصيبة من مصايبها لحد ما تحل المشكلة دي وترجع. هارون: شكرًا يا ابن عمتي.... وينطلق هارون للمستشفى لي يجد الدنيا مقلوبة والشرطة محاصرة المكان....... ينزل يجري بسرعة ويسأل أحد الضباط. هارون: هو إيه اللي حصل..... الضابط: مجهول أطلق نار على الحاج سعيد وهو بين الحي والموت والدنيا مقلوبة...