رواية دواء قلبي الفصل السابع 7 - بقلم أسماء إبراهيم

ملك وهي بتهمس لخالد: مسمحاك. ووقعت على الأرض. خالد: مل... اااااكملك. وقعت بين إيدين خالد. خالد بخوف عليها: لالالالا مش هسمحلك تغمضي عينك أبداً. ركزي معايا يا ملك خليكِ معايا. بُصي عليا انا ماشي. ملك ارجوكِ خليكِ معايا انتِ سمعاني مش كده. فتحي عينك ارجوكِ يا ملك. احنا خلاص خمس دقايق ونوصل المستشفى. كل ده وهي ملك بتحاول تفتح عيونها ومركزه مع خالد، يمكن بتحاول تفتح على قد ما تقدر. وصلوا المستشفى وهو يحملها بين إيديه.

خالد: دكتور بسرعه مراتي بتموت. أخذه على غرفة العمليات. خالد فضل واقف برا. ياارب هي ملهاش أي ذنب في اللي حصل. ذهبت إليه حوريه. حوريه: بابي انتَ بتعيط. مسح دموعه وقال: لا يا حبيبتي مش بعيط اهو. حوريه: لا انتَ بتعيط عشان طنط ملك صح. هي قالت قبل كده إن الدعاء بيغير كل حاجة. عارف لما انتَ كنت تعبان هي أخدتني معاها وصلت ودعتلك كتييير أوي عشان تخف. وانتَ خفيت دلوقتي بقا لازم نروح نصلي وندعي تقوم بالسلامة.

هي علمتني كده يا بابي. ضمه لحضنه وفضل يعيط كتييير. أخدها وراح يصلي. فضل يدعي ليها كتيير لحد ما حس إنه مرتاح. أخد حوريه ورجع تاني. بعد شوية وقت خرج الدكتور. خالد: طمني يا دكتور أخبارها أي. الدكتور: الحمدلله قدرنا ننقذها. ودلوقتي هي هتفوق بعد 24 ساعه عشان تأثير البنج. خالد: أقدر أشوفها. الدكتور: اه تقدر. ربنا يطمنك عليها. خالد: شكرا يا دكتور. مشي الدكتور ودخل خالد الأوضة. قلبه وجعه عليها. حاسس إن هو السبب. قرب منها

ومسك إيدها وقال بدموع: أنا آسف. آسف على اللي حصل بسببي كل ده بسببي. أنا مكنش لازم أدخلك بيني وبين سلمي. سامحيني عشان شكيت فيكي زيهم. عارفه يا ملك أنا اتوجعت كتيير أوي من أقرب الناس ليا. أولهم ماما. زمان وأنا صغير كنت بشوفها بتتكلم مع رجالة غير بابا. ولما عرفت إن عرفت ضربتني كتيير لدرجة إنها حبستني في أوضة ضلمة. تخيلي طفل صغير يتعمل فيه كده. قالتلي لو قولت لبابا هتقتلني. تخيلي أم تقتل ابنها.

بعدها دخلت في حالة نفسية صعبة. لدرجة إنها جابتلي مرض القلب. بس بابا شافها بتخونه. ضربها كتيير وطردها برا البيت وطلقها. كرهت كل الستات في الوقت ده لحد ما كبرت ودخلت الجامعة. ساعتها سلمي قربت مني. هي كانت عارفة إني انطوائي ومش بكلم حد. بس هي قدرت تخدعني وتقرب مني لحد ما حبيتها واتجوزتها بعد ما خلصنا الجامعة. عارفه أكتشفت بعدها إنها اتجوزتني بس عشان أنا ابن أكبر راجل أعمال في مصر. ودي كانت صدمتي التانية.

مش عارفة أنا بحكيلك ليه بس أنا حاسس إني ضعيف وانتِ كده. قلبي خايف عليكِ. انتِ قدرتي تغيري حاجات كتيير جوايا. ملك انتِ خليتيني أحبك. أه يا ملك أنا بحبك. انتِ رديتي فيا الروح من تاني. عشان كده أنا مستعد أعمل أي حاجة عشانك بس انتِ قومي بالسلامة. بابا جه خدها ومشي. مفيش غيري معاكِ هناا. يلا بقا فوقي كده عشان أنا بمل وأنا لوحدي. فضل ماسك إيدها لحد ما نام. ******** في مكان تاني. "إزاي دا حصل."

"زي ما بقولك ملك اتضربت بالنار يا باشا." "وأنت كنت فين؟ "أنا مش قولتلك تكون وراها خطوة بخطوة." "كنت وراها يا باشا بس مش عارف إيه الحصل لما دخلت بيت سلمي الهواري." "بتقول إيه وهي إيه علاقتها بسلمي." "أنا هحجز على أول طيارة وهنزل مصر حالا." قفل الخط وعمل شوية اتصالات وحجز أول طيارة نزلها مصر. ******** أشرقت شمس يوم جديد. ملك فاقت لقيت خالد نايم جنبها وماسك إيدها. ابتسمت بحب وحاولت تسحب إيدها. بس خالد فاق. خالد:

ملك انتِ كويسة. طمنيني عليكِ في حاجة بتوجعك. ملك: اهدأ يا خالد أنا كويسة. خالد: حضنها جامد. بس ملك اتحرجت. ملك: خالد انت بتعمل أي. خالد: احممم أنا آسف بس من فرحتي إنك فوقتي. كنت خايف عليكِ أووي. ملك: فين حوريه. خالد: يعني انتِ سبتني كل ده وسألتي على حوريه. على العموم يا ستي بابا جه خدها البيت. ملك: خالد أنا عايزة أخرج من هناا. أنا مش بحب المستشفيات. خالد: حاضر يا ملك هشوف الدكتور وأجي. الباب اتفتح عليها. حوريه:

طنط ملك. طنط ملك. ملك بابتسامة: حبيبتي وحشتيني أووي. حوريه: حضنتها. حمدلله على السلامة. ملك: الله يسلمك يا حبيبتي. خالد راح جاب الدكتور وجهه. خالد: هاا يا دكتور تقدر تخرج النهارده. الدكتور: يعني خليها النهاردة نطمن عليها أكتر وتخرج بكرا إن شاء الله. خالد: تمام يا دكتور شكرا. الدكتور: العفو دا واجبي. خالد: أهو يا ستي هتخرجي بكرا خلاص. ملك: لسه بكرا. خالد ابتسم بحب: منا هكون جنبك هناا مش هسيبك.

وفجأة الباب اتفتح وجري عليها شخص حضنها جامد. "وحشتيني أوووي." خالد؟