رواية دواء قلبي الفصل الثالث 3 - بقلم أسماء إبراهيم

ملك: اسم على مسمى.. أنا ملك. أنتِ أخت الكائن اللي جوه ده. حورية: تؤتؤ، بنته. ملك بصدمة: آآآي، بنته؟ فجأة سمعت صوت عالي: حووووورية، على أوضتك. مشيت حورية وهي الدموع في عيونها. ملك: مقولتليش ليه إنه عنده بنت؟ محمود بيه: شيء ما يخصكيش، كل اللي عليكي تهتمي بابني وبس. أنتِ هنا زيك زي أي حاجة في البيت. ملك: بس ده كان من حقي أعرف.

محمود: الفضول اللي أنتِ فيه ده هيجيب لك مشا مشاكل كتير. يا ريت تركزي على ابني وبس وتهتمي بعلاجه. اتفضلي، دي ورقة فيه كل المواعيد بتاعة الأدوية والأكل المناسب ليه. ملك أخدت الورقة من غير ما تتكلم وهي جواها أسئلة كتير عايزة تعرفها. فجأة سمعت صوت وخبط من أوضة خالد. فتحت الباب واتصدمت من شكل الأوضة. كل حاجة فيها متكسرة. ملك: إيه ده؟ إيه اللي أنتَ عملته ده؟ بصلي وسكت. ملك: أنا بكلمك، رد عليا. خالد: اطلعي بره الأوضة.

قربت منه. ملك: يلهوي، إيدك بتنزف. مسكت إيده. خالد: بس هو سحبها مني وقال بعصبية: اطلعي بره، مش هعيد كلامي. مسكت إيده تاني. ملك: إيدك محتاجة تتعالج. جبت علبة الإسعاف وبدأت أعالج الجرح. هو كان مركز معايا أوي، أنا لحظته عليه. ملك: بصتله كده، تمام أنا خلصت. خالد سرحان: أنتِ إزاي كده؟ ملك: كده إيه؟ خالد: احم، شكراً. ملك باستغراب: العفو. بس دلوقتي لازم تاخد العلاج. خالد: مش عايز حاجة، اتفضلي اخرجي.

ملك: مش بمزاجك على فكرة، ده غصبن عنك. اتفضل. خالد: اطفي النور واخرجي. ملك بعند: حلو أوي، أنا مش هخرج من هنا غير لما تاخد العلاج. وطبعاً وجودي مضايقك هنا، يبقى أنا مش هخرج غير لما تاخده. بصلي بعصبية وأخد العلاج. خالد: اتفضلي اخرجي واطفي النور. ابتسمت وطفيت النور وخرجت. ملك: أنا جعانة أوي. إيه ده؟ إيه صوت العياط ده؟ فتحت الباب لقيتها حورية بتعيط جامد. قربت منها مسحت دمعة. ملك: الحلوة بتعيط ليه؟ حورية: عشان جدو زعقلي.

ملك: متزعليش يا روحي، مش إحنا أصحاب؟ حورية بدموع: آه. ملك: طب أنا جعانة، مش أنتِ جعانة برضه؟ حورية: اممم. ملك: طب إيه رأيك ننزل نعمل مكرونة بشاميل دلوقتي؟ حورية بابتسامة: يلا، أنا بحبها أوي. ملك بحب: وأنا بحبك أنتِ. أخدتها ونزلنا المطبخ. فضلنا نلعب ونهزر وإحنا بنعمل المكرونة. كان فيه عيون بتراقبهم. ابتسم وقال: كنت عارف إن وجودك هيفرق كتير في حياتنا. محمود بيه: فيه ناس عايزين حضرتك بره. محمود: حاضر، جاي أهو.

خرج محمود بيه. شخص: أنتِ.. أنتِ بتعملي إيه هنا؟ ملك: فيه بنتي يا محمود بيه. أخدها وطلع الجنينة. محمود: أنتِ إيه اللي جابك؟ مش كفاية اللي عملتيه. شخص: مش ده موضوعنا، أنا جاية آخد بنتي وأمشي. محمود: مليكيش بنات عندنا، واتفضلي اخرجي بره بيتي. شخص: مش همشي من هنااا غير وبنتي في إيدي. كانت فيه عيون بتراقبهم. نزل بغضب شديد وقال بزعيق: أنتِ إيه اللي جابك هناا؟ كمان ليكي عين بعد اللي حصل؟ اخرجي بره بيتي يلا.

خرجوا حورية وملك على الصوت العالي. شخص: سيب إيدي يا حيوان. أنتَ كنت عايزني أعيش مع واحد مريض زيك؟ كفايا لحد كده، سبع سنين استحملت مرضك وقرفك وكل يوم في مستشفى شكل. خالد اتعصب. ضربها بالقلم. خالد: اخرجي بره البيت يلا، مشفش وشك تاني. شخص: آآآه. حورية بصريخ: بااابا.