رواية دوار العمدة الفصل الرابع 4 - بقلم انجي محمود

داليدا. جاسر أنا ما عملتش حاجة، صدقني هي اللي وقعت، والله ما لمستها. جاسر بغضب. إزاي واحدة هتقع نفسها؟ انتي حسابك تقل معايا أوي، وقريب هعرفك قيمتك. جلال. في إيه يا ولاد؟ الصوت العالي ده. وانصدم من شكل زهرة. زينب. مالك يا حبيبتي؟ إيه جرالك؟ مين عمل فيكي كده؟ زهرة بتمثيل. داليدا هي اللي وقعتني من على السلم. آه مش قادرة يا عمتي. زينب. بكرة، انتي مش عارفة انتي عملتي إيه؟ إزاي تلمسيها أصلاً؟ انتي نسيتي نفسك؟

نادين. ماما ما حصلش حاجة، داليدا كانت لسه معانا في الأوضة فوق، مش ممكن تعمل كده. داليدا ببكاء. أنا ما وقعتش حد، ولو مش مصدقين براحتكم. أونكل جلال، أنا همشي من هنا دلوقتي، وشكراً جداً عشان اللي عملته معايا، أنا مش عايزة مشاكل أكتر من كده. جلال. المشاكل دي انتي مالكيش ذنب فيها، وكمان أنا لا يمكن أسيبك، انتي وصية أبوكي الله يرحمه. وعشان نخلص من الموضوع كله، أنا موافق إنك تتجوزي أسر ابن أخويا، وأظن ما حدش عنده مانع.

رغد بصدمة. إيه؟ اشمعنا أسر؟ طب ما مهران أهو، وجاسر. زهرة بفرحة. وأخيراً هنخلص منك. جلال. وإحنا من ميتا بنقول إشمعنا يا رغد؟ أنا قلت كلمة وخلاص. جاسر بغموض. وكلمتك يا بوي إن أنا اللي هتجوزها، وفرحنا الخميس الجاي، ومش العمده اللي يرجع في كلمته. جلال بفرحة مخفية. لا يا ولدي، أنا غصبت عليك، وادي زهرة أهي موجودة. جاسر. ومين قال إني مش هتجوز زهرة؟ أنا هتجوز الاتنين. الجميع في صدمة. إيه؟

جاسر. اللي سمعتوه. وهو ينظر إلى داليدا. جلال. انت بتجول إيه؟ انت اتجننت؟ إزاي الاتنين؟ انتي بتحطم مشاعرهم. جاسر. خلاص، عشان المشاعر، هتجوز داليدا، وبعدها بأسبوع زهرة، عشان مشاعر السنيورة على حسب كلامك، إنه جواز مؤقت. ثم حمل زهرة من على الكرسي وذهب. زهرة كانت تنظر لداليدا نظرات غيظ وكره. جلال. بنتي، أنا آسف بإيديك إنك ترفضي. داليدا. لا، موافقة. وهي توعد لجاسر. في الأعلى.

زهرة. أنا مش مصدقة نفسي يا حبيبي، أخيراً هنتجوز، أنا فرحانة أوي. جاسر. مش أكتر مني، حاسة بأي تعب؟ ابعتلك الدكتور. زهرة. كل تعبي راح خلاص، أنا بحبك أوي يا جاسر. جاسر بشك. أنا أكتر يا زهرة. في أوضة داليدا. داليدا ببكاء. عمري ما حسيت إني متهانة زي النهارده. نور. يا داليدا، عشان خاطري ماتعيطيش، ولو عايزة نمشي من هنا يلا، أهم حاجة انتي. انتي ناسيه إنك تعبانة وما ينفعش تزعلي.

داليدا. أنا الزعل عمره ما سابني، أهلي ماتوا وأنا مريضة قلب، وممكن أموت في أي لحظة. ليه ماليش نفس أفرح زي بقيت الناس؟ نور ببكاء. لا يا حبيبتي، هو مرض مؤقت، والدكتور مدينا العلاج، وفترة بسيطة وهتخفي، ونعمل اللي عايزينه. نادين بدخول مفاجئ. مالها داليدا؟ ومرض إيه اللي بتتكلموا عنه؟ نور. أبداً، مافيش حاجة. نادين. أنا سمعتكم غصب عني، بس لازم أعرف.

داليدا. عندي عضلات القلب ضعيفة، هو مرض مؤقت، مع العلاج هيروح، بس أهم حاجة أواظب على العلاج عشان ما يتضاعفش. نادين بطيبة. يا حبيبتي، ما تخافيش، أنا معاكي، وإن شاء الله هتخفي، وصدقيني جاسر هيحبك. كانت رغد تنزل من على السلم. أسر. احم، ألا صحيح، الناس قطاعة الأرزاق عاملة إيه؟ رغد بعصبية. الحمد لله يا سخيف، إيه؟ كنت عايزها أوي كده؟ عالعموم، إحنا لسه فيها. أسر. لا، أصل أنا بحب واحدة جوي جوي، بس البعيدة طرشان. رغد. والله؟

طب اشبع بيها بقي، واحد بتاع بنات. وكادت أن تمشي إلا أن مسكها أسر من إيديها. أسر. ههه، والله بحب طفلة، إيه يا بت، عمرك شكيتي في حبي ليكي؟ رغد بفرحة. بجد يا أسر؟ انت كمان بتحبني؟ وما طلعتش لوح ثلج صحيح. أسر. بموت فيكي من صغرنا، وقريب هفاتح عمي عادي في الموضوع ده. رغد. أنا مبسوطة أوي. وجرت على الخارج. أسر. بحب طفلة. والله. زينب. ليه ما وافقتيش على جواز البت من جاسر؟

البلد كلها عارفة إن زهرة لجاسر، وحرام نقطع رزقها. انتي عارف هي بترفض كام عريس كل يوم. جلال. مالكيش دخل في الموضوع ده، وياريتها توافق على الجواز من أي حد، أنا مش عايز أناسب أخوكي واصل. زينب. ليه ماله أخويا؟ عاد، انت طول عمرك كاره أخويا، مش عارفة ليه. جلال بعصبية. أقولك أنا ليه؟

عشان خد الإنسانة الوحيدة اللي حبيتها، وبلاني بيكي أبوكي، عشان عمي غصب عليا إني اتجوزك، ودي كانت أكبر غلطة في حياتي. وبنته جايه تعمل اللي أبوها عمله. زينب. يعني انت بتحب صابرين لسه؟ ما نسيتهاش؟ جلال. ولا عمري نسيتها، الله يرحمها. أخوكي خلاها تموت بحسرتها في شبابها قبل ما تفرح حتى، واتجوز واحدة بعدها بشهر عشان يغيظني، وده نفس اللي ابنك هيعمله، وأنا عمري ما أوافق على كده. زينب ببكاء. كده يا جلال؟

أنا اللي عشت عمري كله بحلم بيك، تقوم تحطمني كده؟ تركها جلال وخرج للجنينة. في الجنينة. كان يجلس جاسر. جلال. ازيك يا ولدي؟ جاسر. الحمد لله يا بوي، كيفك؟ جلال بحزن. تعبان جوي يا ولدي، وفي إيديك علاجي. جاسر بصدمة. أنا أفديك يا بوي بروحي، جول لي انت بس، وأنا تحت أمرك. جلال. داليدا يا ولدي، عمرك ما هتلاقي زيها. مش عايزك تندم زي ما ندمت. فكر بقلبك يا جاسر، وشوف الموضوع من ناحية تانية، وانسي زهرة دي واصل.

جاسر. هشوف يا بوي، واللي فيه الخير يقدمه ربنا. كانت داليدا جالسة في البلكونة. داليدا. امتى هخلص من الموضوع ده بقي؟ عمي ياخد الورث كله، بس أرتاح من اللي أنا فيه ده. جاسر. بسس بس انتي يا بت، إيه اللي موجفك كده بشعرك؟ داليدا بتذمر. مالكش دعوة بيه انت، ده حتى شوية الهوا اللي بشمهم طالع لي فيهم. جاسر. قسماً بالله، انتي لو ما دخلتيش، لاطلعك يا دالي. داليدا بغضب. إيه؟ دالي مين؟ انت اتجننت يا ياض انت؟ جاسر. ياض!

طب والله لهطلع لك. داليدا. اطلع ونشوف. الهوي ده طالع بجد، استخبي فينج. جاسر. اطلعي يا حلوة، يلا، فين المرآة الحديدية اللي كان واقفة بره دي؟ خرجت داليدا من الدولاب وهي تعدل خصلاتها. داليدا. احم، عايز إيه؟ ودخلت هنا إزاي؟ وإلا هصوت وألم الناس عليك. جاسر بضحك. انتي بتعملي إيه في الدولاب؟ مستخبية مني يعني؟ داليدا. لا، كنت بس بطلع هدوم عشان أنام، يقوم الدولاب الليئم يعمل إيه؟ يشدني فيه غصب عني.

جاسر. يعني ما كنتيش خايفة مني؟ داليدا. تؤتؤ، الدولاب هو اللي ليئم. جاسر اقترب منها ببطء. جاسر. أنا قلت إيه على شعرك اللي مطلعاه ده؟ فرحانة بيه يعني؟ بتحسبي نفسك أنجلينا جولي يا؟ داليدا بدلع. أنجلينا جولي؟ وانت مين براد بيت؟ مثلاً؟ أنا أحلى من أي واحدة. قاطعها جاسر. ما أنا عارف إنك أحلى واحدة شفتها عيني. داليدا بخجل. انت مركز؟ بتقول إيه؟ يعني مش هتيجي تقول زهرة حياتي وحب عمري؟

جاسر. أنا من وقت ما شفتك في المطار وأنا نسيت نفسي. مش هنسى زهرة، يعني انتي ملكة جمال قدامي، بعيونك الجميلة وشعرك الطويل اللي قريب هنغطيه بالحجاب، وضحكك وهزارك، كل حاجة فيكي حلوة. ومش بحب أشوفك زعلانة أو بتبكي واصل. داليدا. يا ربي، أنا بحلم ولا إيه؟ خايفة أقوم على خازوق جامد أوي. جاسر بحب. الأيام هي اللي هتثبتلك حبك ليا يا دالي. داليدا. تاني دالي؟

جاسر. خلاص، أحلى ديده في حياتي. سلام بقي، لازم أمشي، وما تفتحيش البلكونة تاني عشان بغير عليكي. داليدا بفضول. جاسر، لو كنت اتجوزت أسر، كنت عملت إيه؟ جاسر بغضب. كنت قتلتك وقتلته. داليدا. يا باي عليك، انت واحد خنيق، ما كنا ماشيين كويس. جاسر. سلام يا ديده. داليدا. سلام يا جسورة. في الصباح. جاسر. أبوي، أنا هطلع أنا عشان أجهز كل حاجة، وكمان عشان نلحق ندعي الناس، البلد كبيرة.

جلال. ماشي يا ابني، خد أخوك وولاد عمك معاك، ومهران هيطلع مع البنات عشان يجيبوا الفساتين. داليدا. صباح الخير يا بابا، عامل إيه؟ جلال. أحلى بابا سمعتها منك. نادين. الله الله، ده الحب كله بقي، ولا إيه؟ جرا إيه يا ديده؟ هتاخدي قمري بتاعي مني؟ جلال. كلكم حبايبي وولادي، ونفس المعزة في قلبي، ربنا يحفظكم كلكم. الجميع. آمين.

داليدا. أنا كنت سمعت إن مهران هياخدنا نجيب الفساتين، من رأي نطلب أوردر وخلاص بالفساتين، وكمان في أتيلييه مشهور أعرفه، وكمان اخترت فستان حلو أوي ليا. نادين. وريني كده. داليدا. أهو. نادين بمكر. متأكدة مش قصير شوية؟ داليدا. لا خالص. جاسر. وريني كده، عايز أشوفه. نادين. أهو يا جاسر. جاسر. نعم يا روح أمك، إيه ده؟ ده قصير، هو السؤال أنا عايز أشوف الفستان بس، هو فين؟ أنا كل اللي شايفه خلجة بتعرى أكتر ما بتستره.

داليدا. إيه يا بيبي، ماهو حلو أهو، عشان الحنة هتبقى حريم بس، زي ما نادين قالت لي. جاسر. لو ما حلفتيش بس، خلاص، ممكن تلبسيه، بس تغيري في اللوك أو تزودي قماش فيه. الجميع. ههههه. لا، مسيطر يا جاسر. زهرة بغيظ. عمتي، إيه اللي بيحصل ده؟ جاسر من امتى بقي كده؟ من ليلة. زينب. ماليش صالح بالموضوع ده، ابني اللي عايز يختاره، يختاره، أنا ما فيش حاجة تخصني. زهرة بغضب. أكده ماشي، أما أوريك يا داليدا.

جلال. يلا يا ولاد، كل واحد يشوف المشاغل اللي حواليه. زهرة. الو، يا أم الزفت، انتي؟ خلاص هيتجوز أهو، وآخر حاجة ادتهالي مش جايبة مفعول. المجهول. يا ست زهرة، أنا ما أخبرش، أنا عملت اللي عليا، واديتك العمل. زهرة. عمل مطين فوق راسك، أنا غلطانة إني مشيت ورا واحدة كذابة زيك، اقفلي، لإما أنهيكي من على وش الدنيا. زينب من خلفها. انتي بتعملي لابني عمل يا بت انتي؟ انتي عارفة انتي بتعملي إيه؟

لا، أنا طوعتك كتير، بس لحد هنا وكفاية، أنا هفضحك قدام الكل، انتي فعلاً ما تستاهليش ابني. زهرة ببكاء مزيف. خلاص يا عمتي، أنا آسفة والله، آخر مرة، وصدقيني مش هقرب من جاسر أبداً، بس ما تقوليش لحد، أنا ممكن انتهي. زينب بغضب. تكرماً لأخويا، هسامحك، بس نفسي حاجة تحصل تاني. ثم تركتها وذهبت. زهرة. عمتي، أنا بحبك، بس مش أكتر من نفسي، ولو حصلت إني أقتلك، هعمل كده، ومش هفكر لحظة، جاسر ده يبقى ليا أنا.

مهران. يلا يا بنات، نخلص بسرعة، ومش عايزين تأخير. داليدا. من أولها كده، روح انت وتعالى، خدنا إحنا هنخلص على بالليل كده. نور. بالظبط كده، وكمان لسه هناكل ونتلكع، يعني بص، إنسي إننا نخلص بدري. مهران. خلاص، ادخلوا خلصوا، وأنا مستني. خديجة. تعالوا الأول نختار فستان كتب الكتاب، وبعد كده نخلص الباقي. رقية. بصوا، الفستان الأبيض ده حلو أوي. رغد. ادخلي شوفيه يا داليدا، واحنا مستنين. داليدا. اشطا. نور. جاسر؟ إيه اللي جابك؟

جاسر. لازم أكون مع مراتي المستقبلية في يوم زي ده، ويلا اطلعوا شوفوا حالكم عقبال ما نخلص. البنات. تمام. خرجت داليدا وهي ترتدي فستان أبيض طويل، ضيق من الخصر وواسع قليلاً من أسفل. داليدا. إيه ده؟ البنات فين؟ أه، جاسر، إيه اللي جابك هنا؟ جاسر. تعرفي إنك جميلة جداً. داليدا بخجل. شكراً. حازم. ديده حبيبة قلبي، تصدقي وحشتني؟ وما كنتش أتوقع أشوفك هنا. داليدا. ح... حازم. جاسر. مش تعرفيني يا حبيبة قلبي؟

داليدا بخوف. ده حازم ابن عمي. حازم. وخطيبها. يتبع