رواية دوار العمدة الفصل السابع 7 - بقلم انجي محمود

جاسر: داليدا داليدا انتي كويسه؟ داليدا: اه براحه شويه يا عم، كنت هموت في ايديك. جاسر: بس لتعرفي تمثلي كويس أوي، واهي ست زهره مشيت. داليدا: انا نفسي اجيب البت دي من زماره رقبتها، إيه ده تحس كده شعله ماشيه على الأرض. جاسر: اصبري بس، مصيبه كمان تعملها وكده تبقي جابت اخرها معايا. داليدا: جاسر عارف لو كنت شكيت فيا بجد كنت عملت فيك ايه؟

جاسر: ولا عمري شكيت ولا هشك فيكي، انتي حياتي واحمدي ربنا إن أول ما شفت حازم في الاتيليه خليت حد من رجالتي تراقبه وشافوه مع زهره وكمان هنيه جت واعترفت عالطول إن زهره ورا سبب اللي هي عملته. داليدا: وناوي تعمل ايه تاني؟ أنا أخاف على نفسي، دي ممكن تقتلني. جاسر: ماحدش يقدر يقربلك طول ما أنا عايش، ويلا ننام علشان ورانا سفر بكره. داليدا: حاضر يلا. في الصباح. زينب بتخبط عالباب. جاسر: صباح الخير يا اما.

زينب: صباح النور يا روح امك، قولى داليدا فين عايزه اسلم عليها وحشتني. جاسر: والله من ليله، عالعموم احنا نازلين علشان السفر. زينب: بالسرعه دي؟ داليدا من خلفه: صباح النور يا ماما وحشاني. جاسر: لا والله يعني أنا العزول اللي بينكوا دلوقتي؟ داليدا: على جوه ماما، على تحت يلا. زينب: ههههه دمك عسل والله. داليدا: القرد في عين أمه بقي. جاسر: بقي كده، ماشي أنا هوريك. زينب: بس بقي يلا خلصوا علشان تنزلوا تفطروا وتمشوا.

جاسر: حاضر هبابه وهكون وراك. داليدا: جاسر بقولك هنعمل ايه واحنا نازلين، وكمان لازم تصالح نور. جاسر: هننزل عادي، وكمان نور دي أختي وهتروق بسرعه. داليدا: انت طيوب أوي، ياريتني قابلتك من زمان. جاسر: أنا عمري قبلك ماكنش موجود، عمري بدأ معاكي وينتهي معاكي. داليدا: بعد الشر عليك، ألا قولى الكلام الحلو ده بتجيبه منين؟ جاسر: من عيونك. داليدا: احم يلا علشان متأخرين، هنروح المطار جري احنا. جاسر: يلا على الدرج.

مهران: زينه شباب العيله الحيله الحلوه دي جابت رجليه. جاسر: لا والله خفيف ياض. مهران: طول عمري. جلال: مبروك يا حبايبي، كنتوا زي الجمر امبارح، العيون كانت عليكوا كده. زينب: ربنا هو اللي حميهم، ربنا يبارك فيهم. عز: مبروك يا ديده يا حبيبتي، أنا مضطر اسافر بقي علشان الشغل، وكل فتره هبقي اجي اطمن عليكي. داليدا بحزن: طب هتسيب نور معايا؟ عز: لا علشان خلاص الفرح خلص وترجع لشغلها بقي.

مهران يلوح لأبيه: ابوي اتكلم اتكلم قبل ما يمشي. جلال: اصبر ياض عز باشا، أنا يشرفني إن العلاقات تزيد بينا، وبطلب ايد نور ليا. مهران: لا ليك مين؟ أنا اه. زينب: نعم يا خوي ليك مين؟ عز: والله الرأي رأي نور، تختاري مين فيهم؟ نور: هو مهران شاب ما يتعوضش. مهران ينظر بتفاخر. نور: بس اونكل جلال بردوا ملك الجنتله وما يترفضش.

مهران: نعم يا ختي، بصي انتي ليا قدام أبوكي اهو، واول لما تنزلى مصر هتلاقينا وراكي عالطول وجايبينك على هنا تاني. نور بتردد: وانا موافقه. داليدا بفرحه: مبروك يا نونو. جاسر: مبروك يا نور، واسف على اللي حصل. نور: ولا يهمك، علشان جوز دودي بس غير كده كنت عملت الصح. جاسر: انتوا متأكدين إنكوا بنات؟ ايه اللهجه دي بس. داليدا: اومال انت شفت حاجه، ويلا بقي سلام علشان الطياره هتسيبنا وتمشي.

معتز: أنا هاجي اوصلكوا للمطار، واهو بالمره اجرب فيكوا السواقه. جاسر: لا خلاص، ده إحنا نروح بحماره احسن. معتز: ما تخافش، تعالوا بس واحنا نجرب. داليدا بتمثيل: سلام يا جماعه، ابقوا اطمنوا بقي علينا. في الطريق. جاسر: يا بني حاسب، تعال يمين، ده انت اللي علمك حمار. معتز: قول بنفسك بقي. داليدا: هههه لا خبره يا جاسر. جاسر: مين اللي حمار يلا، انزل خدها مشي وأنا هسوق أنا. معتز: لا خلاص والله هتظبط. بعد عناء وصلوا المطار.

جاسر: خلي بالك من نفسك. معتز: في أمان الله. في الطياره. داليدا: واااو مش مصدقه إني أخيرا معاك. جاسر: لا صدقي، وكل حياتك بعد كده فرح وبس. مضيفه: اهلا يا فندم، تحبوا تشربوا ايه بمناسبه جوازكوا؟ جاسر بابتسامه: ممكن عصير برتقال فريش. مضيفه: تمام، عن إذنكوا. داليدا: لا والله أفهم، بتضحكلها ليه؟ جاسر: لا بصي، نظام الغيره ده مش بحبه، وبعدين عادي واحده بتسألنا، أقابلها بوش ريا وسكينه.

داليدا: خلاص أنا اللي هكلمها بعد كده، تمام؟ بغير عليك. جاسر: براحتك، كلميها بس بهدوء. داليدا: انت هتوصيني؟ مضيفه: اتفضل يا فندم، يارب يعجبك. داليدا: هيعجبه يا حبيبتي، ما تخافيش، ولو ما عجبهوش هحط صباعي ينقط سكر، ونفسي اشوفك طالعه من ورا الستاره تاني لما نطلب حاجه، هندوس عالزرار، سامعه؟ مضيفه: حاضر، أنا أسفه. جاسر بتصفيق: برافو عليكي، ده الثبات اللي أنا لسه معلمهولك.