رواية دون وجه حق الفصل السادس 6 - بقلم انجي محمود

يونس: دارين فوقي دارين ليليان جهزي العربية بسرعة يلا. في الأسفل، ركب يونس ودارين السيارة وكانت ليليان في المقدمة تقودها. وصلوا المستشفى في عشر دقائق. يونس: دكتور دكتور أرجوك الحقها بسرعة. الدكتور: جهزوا الفحص بسرعة. ليليان: ماتخافش يا يونس هتبقى كويسة صدقني. يونس: إن شاء الله. بعد قليل خرج الدكتور. الدكتور: الحظ كان معاها وقدرنا ننقذها بس لازم أعرف مين سبب الضرب ده لأنه شروع في قتل شخص. يونس بصدمة: إزاي شخصين؟

الدكتور بابتسامة: أيوه لسه حمل جديد وكويس إننا لحقناه. ليليان: نقدر نشوفها؟ الدكتور: أكيد اتفضلوا. عن إذنكم أنا. في الداخل: دارين بتعب: يونس أنا متشكره أوي إنك أنقذتني. يونس: إيه السبب إنه عمل فيكي كده؟ دارين بخوف: ماعرفش. يونس بعصبية: إزاي ماتعرفيش ده كان هي.. قتل..ك انتي وابنك انتي حامل يا دارين. دارين: إيه لا أنا مش عايزة حاجة تربطني بيه أنا هطلق منه أنا هنزل البيبي.

ليليان: اهدي يا دارين ماينفعش اللي بتقوليه ده هو زمانه دلوقتي في السجن بسبب اللي عمله. يونس: ماتقلقيش أنا هفضل معاكي لحد ما تنزلي مصر بأمان. دارين بيأس: شكرًا. ليليان: طب أنا هعمل مكالمة وارجعلك. دارين: يونس أنا آسفة على كل اللي عملته أنا غلطانة في كل حاجة ماكنتش أعرف إني هخسر أكتر واحد حبني وأنا حبيته بس عرفت ده متأخر ارجوك ماتسبنيش.

يونس: الكلام ده خلص وقته دلوقتي أنا واحد متجوز وبحب مراتي وانتي هتبقي أم وأنا ماكنتش بحبك ده كان مجرد شغل وأنا مكلف إني أراقبك. دارين ببكاء: اطلع بره بره مش عايزة أشوفك تاني. خرج يونس بحزن وأكملت دارين بكائها. يونس: ماكنش لازم أفتح الجرح مرة تانية يا دارين أنا حبيتك أكتر من حياتي ولسه بحبك بس انتي مابقتيش ليا ولا ينفع تكوني سامحيني يا حبيبتي. ظل يونس يراقب تحركاتها على مدار يومين حتى جهزت جميع أوراقها وهمت بالسفر.

يونس: اتأكدت إنها وصلت الفيلا تمام طب وجوزها خلاص اقفل دلوقتي. ليليان: في إيه؟ يونس: خالد طلع بكفالة ورجع على مصر. ليليان: يا حرام وهتعمل إيه؟ يونس: ممكن تتطلق أو تفضل زي ما هي كده. ليليان: غريب مش دي دارين اللي كنت بتحكي لي عنها إنها قوية ومتعجرفة راح فين ده. يونس: دارين انكسرت يا ليليان وصعب ترجع زي الأول ادعيلها. دارين: بابا أنا هطلق.

عادل: هعمل اللي عايزاه بس بلاش العصبية علشان اللي في بطنك يا حبيبتي أنا هربي جوزك ده. دارين: ماتقولش جوزي أنا غلطانة في كل حاجة ياريتني سمعت كلامك يا بابا أنا آسفة. عادل: أهم حاجة إنك اتعلمتي من غلطك. سعاد: عادل بيه خالد بيه بره وعايز حضرتك. عادل: دخليه لما نشوف جاي ليه. خالد: عايز مراتي يا عمي. عادل: دي الأمانة يا خالد عايز ت..قتل.. بنتي. خالد: أظن ده شيء مايخصكش واعمل اللي عايزه.

عادل بعصبية: انت بتقول إيه انت واحد مش محترم. دارين: كلم بابي عدل وأنا هطلق منك. خالد: بصوا قبل ما تكونوا انتوا الاتنين عليا عايز أعرفكوا حاجة بسيطة وهي إن بنتك المصونة مضت على كل حاجة بيع وشراء ليا. عادل بصدمة: انت بتقول إيه إزاي. دارين: أنا ماعملتش كده. خالد: تؤتؤ أزعل منك كده فاكرة قبل سفرنا بيوم لما جيت ومضيتك على ورق تأمين على الحياة كان بين الورق ده بيع الشركة والمصانع والأراضي بتاعتكم يعني بقيتوا على الحديدة.

دارين بصراخ: أنا مني لله يا بابا أنا ماكنتش أعرف والله صدقني اعمل اللي عايزه فيا والله ماعرف. عادل بتعب: واللي عايزه دلوقتي. خالد بتكبر: أظن دلوقتي جبت حق أبويا اللي كنت بتذله ذليتك انت وبنتك اللي كانت طالعة بيك السما المطلوب بكرة بنتك تلم هدومها وترجع البيت وكلمة طالق دي اياك أسمعها منها سامعة. عادل: أنا موافق. خالد: عن إذنك يا حمايا العزيز. باي يا ديدو.

دارين: بابا أنا ما أستحقش أكون بنتك اق..تل..ني اعمل اللي عايزه بس ماتسكتش أنا مش وحشة علشان يحصلي كل ده والله. عادل أخدها في حضنه. عادل: انتي أجمل بنت في الدنيا وماحدش زيك أنا عارف ده اختبار من ربنا وهيقف معانا ماتزعليش انتي. دارين ببكاء: أنا بحبك أوي يا بابا. بعد مرور شهرين: ليليان: يونس عندي ليك مفاجأة. يونس: ها قولي. ليليان: مش بالسهولة دي أول حاجة تتبع تعليماتي. يونس: موافق يا ستي.

ليليان: خد الورقة دي وشوف بتقولك إيه. يونس: أووه شكلنا هنلعب. ظل يونس يتتبع العلامات حتى وصل إلى آخر ورقة وفتحها وجد رسمة لثلاث أشخاص. يونس بغباء: مين دول. ليليان: ركز أنا وانتي. يونس: طب مين التالت ده مش عارف. ليليان: والله ركز يا يونس. يونس: باباكي لا. ليليان باستغراب: لا والله صعبة أوي كده. يونس: طب لا استني انتي انتي حامل. ليليان بفرحة: أيوه في شهر بيتنا هيزيد واحد. يونس بخوف: طب لا لا يمكن البيبي هينزل.

ليليان بحزن: يونس أنا عارفة إن تعبانة وهم.وت زي مامي والبيبي مش مقدر إني أشوفه زي ما حصلي بس نفسي أجيب لك حاجة تفتكرني بيها. يونس بحزن: أنا هفتكرك طول عمري وعمري ما هنسيكي انتي عمري. ليليان: اللي ربنا كتبه هيكون يا يونس يلا نحتفل علشان كل ذكرى لازم تكون معاك في الفترة اللي جاية. نهال: بصي يا بت انتي انتي هتروقي كويس ولا لا إيه القرف ده. دارين بتعب: أنا تعبت ومش قادرة وأنا مش خدامة ليك.

نهال: انتي بتردي عليا يا قليلة الأدب. وجاءت لتضربها. خالد: ماما انتي بتعملي إيه. ظنت دارين أنه خائف عليها. خالد: انتي ناسيه إنها حامل. ضحكت بسخرية وقالت: لا كتر خيرك. ظلت تتوالى الأحداث والشهور حتى جاء اليوم الموعود.