رواية ضرتي الفصل الأول 1 - بقلم مني محمد

بتعملي إيه؟ عايزة تقتلي ابني؟ قالتها بعصبية وصوت عالي وشدت منه ابنها بخوف. بصيتلها أميرة بذهول وقالت: انتي بتقولي إيه؟ والله ما عملته حاجة. رنا بغضب: انتي كدابة، انتي كنتي بتحاولي تقتلِيه، حرام عليكي، بتعملي ليه كده؟ ده طفل. دخل الكل على صوت زعقهم. "في إيه يا رنا؟ صوتكم عالي ليه؟ رنا بغضب: مرات ابنك حاولت تقتل ابني يا ماما. أميرة ببكاء: والله يا ماما ما عملت حاجة، الواد كان بيعيط وكنت بحاول أسكته.

"وهي رنا هتكدب يعني؟ بتعملي ده كله عشان مش بتخلفي؟ قالتها نور، سلفة رنا. نادر (زوج نور) خلاص يا جماعة، اهدوا، انتوا أكيد فاهمين غلط. نور بصوت عالي: خليك دايماً كده، اقف جنبها يا خويا، دي واحدة مجرمة، كانت عايزة تقتل طفل. أميرة بزعيق: انتوا ليه مش مصدقيني؟ أنا معملتش حاجة للواد. حماتها بلوم: يا بنتي، مش انتي اللي قلتي لجوزك يتجوز عليكي عشان يخلف؟ دلوقتي بتحاولي تأذي ابنه ليه؟ أميرة بصدمة: انتي كمان يا ماما؟ مصدقاها؟

دي كدابة وبتحاول توقع ما بينا. رنا ببكاء: حرام عليكي يا شيخة، أنا هوقع بينكم ليه؟ أنا من ساعة ما جيت البيت وانتي بتحاولي تأذيني كتير وكنت ساكتة ومش بتكلم، بس متوصلش لابني. "انتي كدابة وأنا هوريكي إزاي تكدبي تاني." قربت منها أميرة بغضب وكانت هتضربها. "أميرة! قالها بغضب، وبعدين قرب منها وكمل: انتي إزاي ترفعي إيدك عليها؟ كانت لسه هتتكلم لكن رنا سبقتها وكانت شايلة ابنها، حضنت زياد وهيا بتبكي وقالت:

كانت عايزة تقتل ابننا، شوفتها وهيا بتكتم نفسه، والحمد لله لحقته منها. قربت منها أميرة بغضب تاني، بس زياد مسك إيديها جامد وقال بعصبية: أنا مكنتش أعرف إنك كده يا أميرة، أنا خلاص زهقت ومعتش قادر استحمل عمايلك. أميرة وهي بتبصله بعدم فهم: تقصد إيه؟ زياد ببرود: يعني تاخدي هدومك وتمشي انتي…