رواية ضرتي الفصل السابع 7 - بقلم مني محمد

نور خلصتي تمثيلك، يلا بقى يا حبيبتي من غير مطرود. أميرة باستفزاز: ما لكيش حق تطرديني من بيت جوزي. رنا بغضب: جوزك مين يا حلوة، زياد طلقك. أميرة: بس أنا مش قصدي زياد، أقصد نادر. بص الكل بصدمة. زياد من صدمته مقدرش يقول ولا كلمة. أما نادر كان ماسك إيد أميرة عشان يطمنها، كان خايف من ردود أفعالهم، خصوصًا زوجته. نور بصدمة: جوزك مين! نادر جوزي وأبو ولادي؟ لا لا، انتي أكيد بتكذبي، بتنتقمي مني صح؟

أنا عارفة إنكم عاملين تمثيلية، رد عليا يا نادر، بتمثلوا عليا صح؟ نادر: لا يا نور، إحنا ولا بنكذب ولا بنمثل عليكي. كنتي مفكرة بعد ما فضحتِ واحدة بريئة هتخلي عنها وأسيبها؟ لازم تفكري ميت مرة قبل ما تعملي اللي عملتيه. مالك خد جنة ومعتز عشان ميشوفوش باباهم وماماتهم وهما بيتخانقوا. أمه: يا مصيبتي! انت إيه اللي عملته ده يا ابني؟ إزاي تتجوز طليقة أخوك؟ هوري وشي للناس إزاي! نور وهي بتقرب

عليهم وبصوت عالي وغضب: بقى انتي يا بت الـ*** يا اللي جاية من الشارع تجوزي جوزي؟ بس استحملي بقى اللي هيحصل فيكي. وقلعت الشبشب، كانت لسة هتضرب نور بس نادر وقف قدامها، ورنا وحماتها مسكوا نور. نور: سيبووووني عليها بقولكم، سيبوني أخلص عليها ونخلص منها، معدومة الكرامة اللي جوزها طلقها ورماها رمية الكلاب. رنا: اهدى بس يا نور.

نادر: اسمعوني كلكم كويس، اللي فيكم هيزعل أميرة أو يفكر يأذيها، كأنه بيأذيني. والكلام ليكي أول واحدة يا نور. وأي غلطة تانية منك، وعشان الكل يبقى شاهد، مش هتفضلي على ذمتي لحظة. يلا يا أميرة. كانت أميرة بتبص لرنا ونور وبتتبسم بانتصار إن أخيرًا خدت ولو جزء بسيط من حقها. بس لاحظت أميرة نظرات زياد ليها، واللي كانت كلها توعد وشر. جه نادر وأميرة عشان يمشوا، كانت نور مشيت بسرعة للمطبخ وجابت سكينة وراحت جري عليهم.

رنا وهي بتمسكها: بتعملي إيه يا مجنونة؟! هتودي نفسك في داهية. نور: سيبيني أشق بطنها وأطفي النار اللي جوايا. أمه: خد أميرة وامشي من هنا يا نادر، يلا. زياد بعد ما قرب منهم: إزاي قدرت تجوز حب عمري، وانتي معقولة هان عليكي حبنا؟ يا خسارة. أميرة وهي بتمسك إيد نادر: يلا يا نادر نطلع شقتنا. -نادر: أميرة، ما لكيش دعوة بنور ولا رنا، أنا خايف عليكي منهم. أميرة: انت دلوقتي تخاف عليهم هما مني؟ هو انت بجد خايف عليا؟

نادر وهو بيبوس إيدها: أنا بخاف عليكي أكتر من روحي يا أميرة، انتي متعرفيش انتي إيه بالنسبالي. حضنته أميرة وعيونها مدمعة، مكنتش تتوقع إنها هترجع تحب وتتحب تاني. أميرة: ربنا يديمك في حياتي يا رب. ابتسم نادر وبعدها سكت بحزن. أميرة: إيه يا نادر مالك؟ أكيد كلام زياد زعلك صح؟ هز نادر راسه بحزن. أميرة: ما تزعلش، هو مع الوقت هينسى، صدقني. بس لقوا الباب بيخبط جامد. نادر: مين الغبي اللي بيخبط كده؟ أميرة: تعالى كدة أما نشوف.

فتحت أميرة الباب. أميرة ونادر: نوووور! نور: ادخلوا يا عيال شقة باباكم، ادخلوا. نادر: خدوا هنا يا عياااال! إيه اللي جابك يا نور؟ ما روحتيش على شقتك ليه؟ نور: جاية أتفرج على شقة جوزي حبيبي. نادر: ابقي تعالي الصبح اتفرجي. نور: لا يا حبيبي، هو أنا مقلتلكيش ولا إيه؟ أصل أنا ناوية أستقر هنا. نادر: انتي بت... مسكت أميرة إيده: خلاص سيبها يا حبيبي، يلا احنا نروح على أوضتنا. جنة: ماما ماما، هو ليه مرات عمو مش أنكل زياد وبابا؟

نور بعصبية وهي بتبص على أوضة أميرة ونادر اللي اتقفلت: رووحي من وشي يا بت. جنة ببكاء: يلا يا معتز، هننزل عند تيته. نور: يلا في داهية، وانتوا طالعين كدة رخمين لأبوكم. -مالك: إيه يا عيال؟ انتوا إيه اللي جابكم؟ معتز: مخاصمين ماما وبابا ومش هنقعد معاهم. مالك: طب ادخلوا ناموا مع تيته. جنة: لا، إحنا هنام معاك. مالك: نعم يا أختي، مع مين؟ أنا بنام متأخر ومش هتطفي النور. جنة: إيه يعني، واحنا كمان هننام زيك.

مالك: طب ادخلي يا لمضة. -رنا: بقى أخوك نادر يطلع منه كل ده؟ وأنا اللي كنت فاكرة غلبان، بس أكيد البت اللي اسمها أميرة دي اللي ضحكت عليه. زياد: خلاص يا رنا، اقفلي على الموضوع بدل ما تختم بيكي. رنا: لا مش هقفل، يا زياد انت فاكرني مكنتش ملاحظة نظراتك ليها ولا إيه؟ عشان حضرتك لسة بتحبها. زياد: انتي زودتيها أوي، أنا سايبالك الشقة ونازل أبِيت عند ماما، عن إذنك.

طلعت رنا تجري وراه: خلاص يا زياد، تعالي، أنا آسفة، مش هكلمك تاني. -بعد مرور أسبوع. فضلت نور موجودة في شقة أميرة، وأميرة سبتها عشان تفضل تغظيها وتكيد فيها. أما زياد كان هادي جدًا، بس هل يا ترى الهدوء ده استسلام ولا ده هدوء ما قبل العاصفة؟ رنا ونور كانوا بيقعدوا مع بعض كتير، شكلهم كده بيدبروا لحاجة. نادر: خد يا أميرة، كل دي كمان. أميرة: يا حبيبتي، كلت وشبعت والله، كفاية. رمى زياد المعلقة ومشي.

أمه: خد يا زياد يابني، تعالى كمل أكلك. عجبك اللي بتعمليه ده؟ أميرة: إيه يا حماتي، هو أنا كنت كلمته؟ نادر: خلاص يا جماعة. بصت أمه ليهم بقرف ومشيت. أمه: عشنا وشوفنا المحن على أصوله. فضلت نور شوية وبعدين مشيت هي كمان بغيظ. أميرة: وانتي لسة قاعدة، أقصد كلي، يا رنا، مش بتاكلي ليه؟ رنا: نووور، استني، دي بقت عيشة تقرف. أميرة: يلا مع السلامة، هما عاملين اتفاقية، اللي هتنقم*ص فيهم، الباقي هيتقم*ص زيها.

نادر وهو بيضحك: طب أنا هروح بقى عشان الشغل. خلي بالك من نفسك. وبعدين حب راسها ومشي. لسة أميرة بتبص وراها، لقت نور ورنا وكانوا بيصولها بشر. بصت أميرة حواليها. رنا: ما تتعبيش نفسك، محدش موجود هنا، كلهم خرجوا. نور: تعااليلنا بقى يا حلوة، وأخيرًا وقعتي في إيدينا. ومسكوها هما الاتنين و...