رواية ضرتي الفصل السادس 6 - بقلم مني محمد

بدل ماكنتي تروحي لأخويا، كنت أنا أولى، على الأقل كنت جوزك. بس أنا هندمك على خيانتك ليا. بدأ يفك حزامه ويقرب منها. أميرة بشجاعة عكس الخوف اللي جواها: ماله؟ اضربني عشان تقلل من نظري أكتر. هو أنت فاكراني زي المجرمين اللي أنت بتتعامل معاهم؟ زياد: عايز أعرف كنتي بتعملي إيه عند نادر؟ أميرة: نور دي كدابة، أنا كنت رايحة عشان... هو أنا ببرلك ليه؟ أنت تبقا مين؟

أنت مش من حقك أصلاً تسألني سؤال زي ده، يا ريت تلزم حدودك وتخليك في حالك. زياد: أميييييرة، ردي على قد السؤال أحسن لك، ده لو مش عايزني أتعصب عليكِ. حكتله أميرة كل اللي حصل. زياد: بس أنتِ غلطانة. أميرة بصوت عالي: أنا محتاجالكش عشان تقول لي رأيك وكلامك التافه ده، خليه لنفسك. زياد: صوتك ما يعلاش تاني، وإلا هتزعلي مني. أميرة بسخرية: ومن إمتى يا حضرة الظابط وأنت بتتعامل معايا بالشكل ده؟ شكلي فعلاً كنت مخدوعة فيك.

زياد: ارجوكي يا أميرة ماتقوليش كده، أنتِ عارفة أنا بحبك قد إيه. أميرة بسخرية وعينها مدمعة: وكانت عينها مدمعة. وهو في حد بيحب حد مش بيثق فيه؟

أي حد يقول لك عليا أي كلمة تصدقها على طول. وكلكم عارفين إن نور دي كدابة. بس تعرف إيه أكتر حاجة جرحتني بجد، إنك صدقت إني كنت عايزة أأذي حمزة. حمزة ده اللي كانت الست رنا تبقى نايمة في حضنك وأنا اللي منماه معايا، وكنت بهتم بيه أكتر منها هي. ويشهد ربنا إني عمري ما كرهته رغم كل حاجة عملتها أمه، ولا حاولت أأذيه. وبعدين إيه أم هتحاول تأذي ابنها؟ إزاي كنت شايف كل معاملتي لابنك وتصدق إني كنت عايزة أقتله؟ ردددد علياااا.

مقدرتش تمسك دموعها وعيطت. وده وجع. زياد قرب منها وكان هيحضنها، بس أميرة زقته. أميرة: ابعد عني يا زياد، واوعى تفكر تلمسني في حياتك تاني. *** كان داخل بيتسحب. مالك: عمو مالك، عمو مالك، جهمالك. جنة: بس يابت منك ليه، وطوا صوتكم. واد ياجنة، بت يامعتز، يووه. نور: مالك! كويس إنك جيت يا مالك، العيال وراها مذاكرة كتير، خدهم بقى ذاكرلهم وحفظهم. مالك: يا أختي مش لما أبقى أفلح وأذاكر لنفسي الأول.

رنا بفرحة: عمو جه يا حمزة، شوف حمزة فرح إزاي أول ما شافك. خد بقى خلي بالك منه ونيمه معاك النهاردة. حمزة أول ما شافه فضل يصرخ. مالك: في إيه يا ضنا أنت بعفري*ته ولا إيه! جنة: لا يا عمو ده عشان بس شافك. مالك: إيه يابت يا جنة، ده أنتِ طلعتي عقربة زي أمك. نور بصوت واطي لمالك: مالك أخويا مقاطعني ومش بيكلمني، روح حنن قلبه عليا.

مالك بقرف: أكيد عملتي مصيبة، والله أنا لو مكانه كنت طلقتك وبالتلاتة. إذا كنتي انتي ولا الحرباية التانية جتلك. القر*ف. بعد مرور ثلاثة أشهر. زياد: يابني ماتسكت بقى، أنا مش عارفة أعمله إيه أكتر من كده. رنا: فيه إيه يا زياد؟ حمزة بيعيط ليه؟ ردت رنا بغضب: معررررفش، أناااا زهق*ت، مش عارفة أعمله إيه ده. حماتها: فيه إيه يابنتي؟ حمزة ماله؟ مالك: أكيد عايز أميرة، من ساعة ما مشيت وهو حالته بقت كده، ماهي اللي مربياه.

ردت رنا بعصبية: مالك، يا تقول حاجة مفيدة يا تسكت. مالك: طب ما تاخده يابني عند الدكتور. زياد بقلق: ما إحنا خدناه يا ماما، قال معندوش حاجة. سكتوا لما لقوا الباب بيخبط. فتح مالك الباب وانصدم لما لقى... أميرة. دخلت أميرة بخوف وخدت حمزة من زياد. كان زياد بيبصلها بشوق. جت رنا بغضب عشان تاخد منها حمزة. رنا: سيبى ابنى. حماتها: بس يارنا، سيبيه، ممكن يسكت معاها. أميرة بحنية: حبيبي متعيطش، ماما جت خلاص يا قلب ماما.

بدأ حمزة يسكت معاها وبعدها نام، كل ده تحت نظرات رنا اللي كانت على آخرها. أميرة: خد يامالك حمزة، نيمه. رنا: أنتِ إيه اللي جابك هنا؟ جاية عشان تخربي بيتي مش كده؟ مالك: لا، أنا اللي كلمتها. حس زياد لأول مرة بألم في قلبه لما شاف خوفها على حمزة، وحس إنه ظلمها وطلقها من غير سبب. راحت نور عند أميرة وقالت بغضب: وهو زياد طردك من البيت قبل كده؟ أنتِ إيه معندكيش كرامة؟

وبعدين عاملة نفسك بتحبي حمزة، وأنتِ اللي حاولتِ تقتليه قبل كده. أنتِ واحدة مش بتخلفي وعمرك ما هتحسي بإحساس الأمومة في حياتك عشان أنتِ عق*يم. ضربتها أميرة بالكف على وشها. أميرة: اتكلمي عدل، أنتِ فاكراني هسكتلك ولا إيه. كانت لسه نور هتردها بالكف بس أميرة مسكت إيدها. أميرة: على فكرة أنا مكنتش هاجي، بس جيت عشان خاطر حمزة. نور بغيظ: خلصتي تمثيلك؟ يلا بقى ياحبيبتي من غير مطرود. أميرة باستفزاز: ملكيش حق تطرديني من بيت جوزي.

رنا بغضب: جوزك مين ياحلوة؟ زياد طلقك. أميرة: بس أنا مش قصدي زياد، أقصد نادر.