رواية ديجور الشاهين الفصل السادس 6 - بقلم ايلا ابراهيم

شدها ليه ودفن وشه برقبتها وهو بيقول: بتعملي ايه. سندس بابتسامه: بسم الله خضتني.. انت رجعت امتى. شاهين: من شويه.. بس انتي مالك سرحانه ووشك بهتان كده ليه. سندس: مفيش.. هروح احضرلك الاكل. شاهين: سندس. سندس: همم. شاهين: مالك.. انتي مخبية عليا حاجة. سندس بابتسامه: لا ابداً.. هكون مخبية ايه يعني. شاهين: متأكدة. سندس: همم. شاهين وهو بيقرب منها وبيحاوط خصرها: طب حيث كده غيري عشان هنروح مشوار. سندس: مشوار فين. شاهين:

متسأليش كتير. سندس: طب مش هتتعشى الأول. شاهين وهو بيدفن وشه برقبتها: بعدين بعدين.. اجهزي الأول. سندس بابتسامه: طيب.. ابعد عشان اجهز. شاهين بتيه: واللي مش عارف يبعد. سندس بتوهان من لمساته: ششاهين. بعد فترة. سندس بعدم فهم: انت جايبني بيتنا ليه. شاهين: عاوزك تقضي يومين تلاتة لحد ما اعدي ليك. سندس: هو انا عملت حاجة. شاهين: هتكوني عملتي ايه.. يعني انا جايبك تقضي شوية وقت عند اهلك. سندس بضيق:

لكن انا مش عايزة.. الا لو انت عايز تخلص مني. شاهين: احصل منك ايه.. بقولك هتقضي يومين تلاتة عشان انا عندي سفرية. سندس: سفرية ايه. شاهين: مش ملاحظة انك بتسألي كتير. سندس: ما هو انا عايزة افهم. مسك أيدها وباسها وهو بيبص فعنيها عشان يطمنها: صدقيني اول ما هخلص شغلي هعدي عليكي وبرضو عندي مفاجأة ليكي. سندس بابتسامه وحاسة أن قلبها طائر من اهتمامه بيها وهمست بكسوف: مفاجأة ايه. شاهين: تعرفي بعدين.. يلا انزلي. تاني يوم بالليل.

وصلت سندس رسايل وبلغوها أن شاهين مش مسافر ولسا في البلد مع وحدة تانية في وحدة من الشقق ووصلتها صور لشاهين مع وحدة وعنوان كاتبين عليه "بو حابه تشوفيه بعينيكي تعالي على العنوان ده" ومن غير ما تفكر نزلت بالسرعة ومش واخده بالها من الوقت المتأخر.