رواية دينا الفهد الفصل السابع 7 - بقلم زهراء السعيد

سيف بغضب. ودينا سمحت لنفسها إزاي تتجوز واحد متجوز ومخلف قبل كده، وغير ده كله إزاي تقبل تتجوز واحد متجوز بنت خالتها؟ الحديدي. دينا ما كانتش موافقة، أنا وعمتك اللي خليناها توافق بالعافية، هي وفهد. ودي كانت رغبة مريم قبل ما تموت عشان عارفة إن دينا بتحب فهد، وفهد كان بيحب دينا زمان، وعارفة إن دينا بتحب انس وهتهتم بيه بعد ما تموت، وبتحاول تصلح غلطات عملتها زمان.

سيف بغضب. أنت إيه يا أخي مش بتحس، زمان لما طلقت أمي وخلتني أنا وأخويا وحيدين، ودلوقتي بتدمر حياة تلات أشخاص معاك. الحديدي بعصبية. سسسسسسسييييييف. سيف بغضب. بلا سيف بلا قرف. سيف لنهلة بغضب. يلااااا. نهلة اتخضت من صوت سيف، وكانت بتترعش جداً وخايفة منه ومرعوبة. نهلة برعب. حا. ضر. في غرفة نهلة وسيف... سيف بغضب. أنا عايزة أفهم بقى إيه حكاية إنك مسكينة وأنا متجوزك بس عشان أحميكي.

نهلة بخوف. ما هو أنا ما لقيتش حاجة أقولها غير إن إن إن. سيف بغضب. أنتي هتنهنهي، اخلصي قولي. نهلة بخوف. إن قرايب ماما عايزين يجوزوني لابن خالي بالغصب عشان ياخدوا كل ثروتي اللي ورثتها عن ماما. سيف بضحك بجنون وسخرية. وأنتي حيلتك حاجة أساساً، كلكم كذابين. نهلة بدموع. أولاً أنا ما كذبتش، أنا فعلاً لي ميراث من ماما، وخالي كان عايز يجوزني لابنه عشان ياخد مني الميراث.

سيف باستغراب. وليه أبوك ما طلبش بالميراث ده مدام هو عارف إنك معاكي فلوس؟ نهلة. بابا عارف إن طول ما هو عايش مش هيورث حاجة، لأن أمي قبل ما تموت قالت في الوصية ما ياخدش الميراث غير في حالتين اتنين: يتجوز، يا أما بابا يموت. أو تروح كل حاجة لدور الأيتام، لأن هي كانت عارفة إنه بيشرب.

سيف. وعشان كده لما قولتلك هترجعي الفلوس يا أما توافقي، وعشان كده وافقتي عشان ما تتجوزيش ابن خالك، طيب ليه ما فكرتيش لو حتى خمس دقايق على بعض إن أنا ممكن آخد ورثك ده؟ نهلة بابتسامة. أنت مش زيهم، حتى لو أنت دايماً متعصب ومتضايق، بس أنت قلبك أبيض ومستحيل تيجي على ست. ولو أنت فعلاً زيهم كنت وافقت بعرض أبويا وأخدتني ليلة واحدة ورمتني بعد كده، بس أنت وافقت إنك هتتجوزني.

سكت سيف واتجه إلى السرير لينام. هتفضل واقفة هناك كده كتير؟ نهلة بخوف. أمال أعمل إيه؟ سيف بيحاول يهدأ. تعالي تنامي جنبي مني. نهلة بخوف. إزاي؟ سيف بغضب. إزاي إزاي؟ أنتي هتيجي تتخمدي؟ ولا أنتِ عارفة أنا هعمل فيكي إيه؟ نهلة بخوف. لا لا لا خلاص. في صباح جديد... دينا سمعت صوت خبط على الباب جامد. دينا. حاضر حاضر، أنت. أنا مش عارف أقولك إيه، أنتِ كسرتي قلبي بعملتك دي. دينا ببكاء. سيف أنا. سيف بغضب. سسيييف إيه؟

أنتي يا دينا، أنتي. فهد من وراء دينا. أهلاً أهلاً بسيف، اتفضل واقف بره ليه؟ دينا حبيبتي روحي اعملي حاجة لسيف، باين إنه تعبان. دينا مصدومة من تصرفات فهد. ها؟ فهد بابتسامة صفراء وبيك على كلمة حبيبتي. بقولك روحي يااا حبيييييييتى، هاتي حاجة لسيف يشربها. دينا مصدومة. اهاا، ماشي. فهد باستفزاز. منور يا سيف والله. سيف باستغراب. أنت مالك يا فهد؟ فهد ببرود. مالي، ما أنا حلو أهو.

سيف بغضب. أنت عارف مالك إيه اللي خلاك تتجوز دينا بالغصب؟ فهد ببرود. ومين قالك إنه بالغصب؟ مش بالحب. سيف. أنت تقصد إيه؟ فهد بنفس طويل. يعني أنا بحب دينا وتجوزتها عشان كده، وعشان انس ابني. سيف بغضب. أنت عارف أنت بتقول إيه؟ ومريم؟ فهد بحزن. أم ابني. سيف بغضب. أنا مش عارف أقولك إيه غير إنك مريض نفسي. فهد ببرود. شكراً. آه، أنا سمعت إنك اتجوزت برضه. سيف. آه، نهلة مراتي.

فهد بابتسامة. ألف مبروك يا سيف، النهاردة هسيب الشقة تقعد فيها أنت ومراتك، وأنا ودينا هنقعد في الشقة بتاعتي. جات دينا ومعاها عصير ليمون. دينا بابتسامة. اتفضل يا سيف. فهد بيمسك إيديها وقاعدها جنبه على الكنبة وبياخدها في حضنه. فهد لدينا. مش تقولي لسيف مبروك عشان اتجوز؟ دينا بفرح. ألف ألف مبروك يا سيف، ما جبتهاش معاك ليه نتعرف عليها؟ سيف ببرود. هي تعبانة شوية.

دينا اتضايقت جداً من نبرة كلام سيف معاها، لأنه دايماً كان بيتكلم معاها وبيضحك ويهزر، بس المرة دي طريقة كلامه مش زي كل مرة. وفهد حاسس إن دينا زعلت، فحب يغير الجو. فهد لدينا. أمال فين انس؟ دينا بابتسامة. بيذاكر. فهد بابتسامة. طب ممكن تروحي تقعدي معاه شوية عشان عايز سيف في كلمتين. دينا بابتسامة. أكيد طبعاً، نورت يا سيف، وألف مبروك للمرة التانية على جوزك. سيف ببرود. الله يبارك فيكي.

بعد أن ذهبت دينا، جلس فهد بجوار سيف وتكلم بجدية وبعض من الغضب. فهد. بص يا سيف، أنا مش هضحك عليك وأقولك إن أنا لسه بحب دينا، معرفش صدقني معرفش. هو برضه مقدرش أكذب عليك وأقولك إن أنا حبيت مريم ولا لأ. جوازي من دينا كان لسببين، السبب الأول عشان أبوك كان هيرميني في الشارع أنا وابني ومريم، والسبب تاني إنه يمكن مش متأكد إن لسه في شعور جوايا لدينا، بس مش هنسى اللي حصل زمان لما حبيتها.

وجت في يوم قالتلي إن هي عمرها في حياتها ما حبتني، وقالتلي إن إحنا ما نقدرش نكمل مع بعض قبل فرحنا بيوم، وافقت إن أنا اتجوز مريم وعشت معاها، مش هنكر إن هي كانت أمي، مثاليه، زوجة مثالية، بس عمري في حياتي ما حسيت بإحساس الحب معاها. وبعدها بأربع شهور دينا اتجوزت وبعدت عني، وفضلت خمس سنين ما أشوفهاش، وأول ما شفتها كانت مراتي وعلى ذمتي، بس صدقني مش قادر أسامحها على اللي عملته زمان.

سيف بحزن. بس أنت ظالم دينا، وفي حاجات كتيرة أنت ما تعرفهاش. أيوه دينا وافقت على جوازها منك، وما قالتليش، بس قالتلي على اللي حصل زمان. فهد باستغراب. وإيه اللي حصل زمان؟ سيف بدأ يحكي. فلاش باك. مريم ببكاء. دينا دينا، لو بتحبيني وبتعتبريني زي أختك بجد، ابعدي عن فهد. أنا بحبه وما أقدرش أبعد عنه، أنا ممكن أعمل أي حاجة في نفسي لو فضلتِ معاه، أرجوكي يا دينا، أرجوكي.

دينا بدموع في عينيها. بس أنا بحبه أنا كمان، وهو بيحبني، وما أقدرش أبعد عن فهد، فهد ده روحي، ما فيش حد يقدر يبعد عن روحه. مريم بجنون. يعني إيه مش هتبعدي عن فهد؟ ماشي. وجرت مريم على طبق الفاكهة ومسكت السكينة بإيديها وحطتها على شرايين إيديها. مريم ببكاء. دينا لو ما بعدتيش عن فهد، هقتل نفسي وهتشيلي ذنبي مدى حياتك. دينا بزعيق. أنتي اتجننتي يا مريم؟ سيبي القرف اللي في إيدك ده، هتعوري نفسك يا مجنونة.

مريم ببكاء. أنا ممكن أعمل أي حاجة عشان آخد فهد ليا أنا. دينا بخوف وقلق. طيب خلاص، خلاص، هعمل اللي أنتِ عايزاه، بس حوشي القرف ده بعيد عنك. مريم عشان عارفة إن دينا لما بتوعد بحاجة مش بتخلف بيها، صممت إن هي توعدها إنها تبعد عن فهد بأي طريقة. دينا بدموع بتحاول تخفيها. فهد، أنا عايزة أقولك على حاجة مهمة. فهد باستغراب. قولي يا دينا. دينا بتوتر. فهد، أنا مش قادرة أكمل معاك.

فهد حاسس إن قلبه هيقف. دينا، ده لو مقلب من بتوعك، صدقيني هتزعلي مني قوي. دينا ببكاء. أنا آسفة يا فهد، بس لازم كل واحد فينا يروح لحاله. فهد بجنون وغضب. أنتي اتجننتي؟ بعد إيه؟ بعد عشر سنين حب، جاية النهاردة تقوليلي مش هقدر نكمل مع بعض؟ إحنا فرحنا بكرة يا هانم، ولا أنتِ ناسيه؟ دينا ببكاء. أنا آسفة يا فهد، أنا مش بحبك ولا عمري حبيتك، سلام يا فهد. باااك. فهد بصدمة. مستحيل مريم تعمل كده.