رواية فاطمة الفصل الحادي عشر 11 - بقلم زهرة وسط اشواك

عند فاطمة و هي تضع رأسها على قدم إبراهيم: "ملس على راسي واقرأ قرآن يا هيما عشان مصدعة." إبراهيم: ملس على رأسها وقرأ الفاتحة والإخلاص والمعوذتين، وذهبت في النوم. خبط الباب، وضع رأسها عن قدمه بهدوء وذهب ليفتح. إبراهيم: "أهلاً يا جمعة." جمعة بابتسامة: "والله وفرج معاك الزواج يا إبراهيم، يا ريتنا جوزناك من زمان." إبراهيم: "وطي صوتك، أحسن فاطمة نايمة مصدعة." جمعة: "هي نايمة فين؟ إبراهيم: "جوه في أوضة النوم." جمعة:

"طب تعال، إحنا في الجاعة دي." ودخلا حجرة الأطفال. جمعة: "إن كانت تعبانة، نوديها للدكتور." إبراهيم: "لأ، أنا قرأت لها قرآن على راسها وراحت في النوم." جمعه: "ما شاء الله، بتعرف قرآن يا إبراهيم؟ إبراهيم بفخر: "أمال، فاطمة علمتني لحد دلوقتي 12 سورة، وعلمتني أصلي، وجالتلي من الجمعة الجاية جاهز أصلي معاكم صلاة الجمعة." جمعة بفرحة: "ربنا يحميها ويحفظها." ثم تلعثم بالكلام لا يعرف ماذا يقول. جمعة:

"منفسكش يبقى عندك عيال يا إبراهيم؟ إبراهيم بفرحة: "إيه؟ فاطمة هتجيبلي عيل؟ جمعه: "ما أنت فاهم أهوه." إبراهيم: "أمال، كيف مرت علاء ما جابتش نسمة؟ هخلي فاطمة تاكل كتير وبطنها تكبر كيف ليلي وتجيبلي عيل، وأنت خلي مراتك تاكل كتير عشان يخلفوا مع بعض." ضحك جمعه من جلده: "مراتي أنا بتاخد علاج عشان الخلفة وعندها عملية وإن شاء الله تخلف، والخلفة مش بالأكل يا إبراهيم." إبراهيم بخضة:

"لأ، أنا ما أخليش حد يعالج فاطمة ويفتح بطنها ويحطلها عيل، إن كان ولا بد يحطهولي أنا." انفجر جمعة ضحكاً. وبعد وقت هدأ. جمعة: "بص يا إبراهيم، ربنا خلق الست هي اللي تخلف، واسمعني زين عشان أعرف أفهمك كيف." في منزل أهل ليلي. صفاء: "عجبك كده؟ كل يوم والتاني سايبة بيتك وغضبانه." ليلي: "يوووه يمه، بدل ما ترحبي بيه وتشوفي إيش مزعلني." صفاء: "عمايلك يا أختي، وهو أنا مش عارفاكي." ليلي: "محدش له صالح بيه." صفاء:

"يا بتي أنا خايفة عليكي، هو مش هيفضل العمر خايفين على زعلي عشان عمتو." ليلي بثقة: "متخافيش، ميقدرش يعمل حاجة، حتى من غيرك." دخل الأب: "من غير حكي فاضي، دلوقتي قبل الليل على بيت زوجك." ليلي: "بس يا بابا." صالح والدها: "هي كلمة واحدة، الحاج عبد الرحيم لسه قافل معايا، وأنت اللي غالية." ليلي: "يا بوي." صالح بشخط: "كلمة واحدة." انتفضت مكانها وخرجت دون كلمة. عند الشباب. زين: "مبقاش إلا أنت يا مختار ونفرح فيك." مختار:

"أمي كل يوم تلح علي، بس قلت لها شوفيلي واحدة كيف مرت إبراهيم وأنا أتجوزها على طول." ضحك زين: "سبحان الخالق، كنا هنضحك على إبراهيم واللي هيتجوزها، شوف دلوقتي،" ثم نظر لعلاء الجالس سرحان، "كنك يا علوه اللي واخد عقلك." علاء بانتباه: "ها، لأ ولا حاجة، بس موضوع شاغلني. أنت حتروح معاهم لخالك يا مختار؟ مختار: "أيوه، أمي أصرت، عارفها، عاوزاني آخد أخت رجية، وأنا باريحها بس." زين: "يعني بتوافق؟ مختار:

"لأ، دماغي فيها واحدة تانية خالص." علاء وزين باستفهام: "مني مين." مختار: "بت خالة فاطمة." زين: "وتقولش لئيم، أها، تعرف أنا اللي غبي، إزاي مختش بالي إنك كنت بتجرب منها يوم الفرح." علاء: "ودي هتوافق تسيب إسكندرية وتيجي هنا." مختار: "بت خالتها عندنا أهيه." زين: "كلنا عارفين إن الدكتور جوز أمها هو اللي رضمها على الجوازة دي. بس الغريبة إنها اتعايشت مع إبراهيم عادي ومعرفتش واصل." علاء:

"ما هو دا اللي مجنني، مر أكتر من شهر وهي مزهجتش منه ولا اشتكت." مختار: "لأ وما شاء الله، إبراهيم اتغير كتير. تحس عقله كبر." علاء بغيرة: "وكله كوم ولما تسمعهم يلعبوا ويضحكوا سوا." زين: "أباه، كنك غاير يا علاء." علاء: "أنا غاير، شفتش مرتي، نكد 24 ساعة، شايفة نفسها ملكة الكون، وهي كابوس ابتليت بيه." مختار: "ربنا يهديها، عندك مرت عز بردك مبتجبش حد وتحسها مغرورة وعاملة فيها بنت البندر، بس عز شكمها ومعادهاش فرصة." علاء:

"تصدق إيه." عند فاطمة وكانت ما زالت نائمة، دخل إبراهيم وتمدد بجوارها على السرير، وأسند على يده واليد الأخرى تملس على شعر فاطمة الأسود كما الليل.