رواية فاتنة الزين الفصل العاشر 10 - بقلم صباح غمري

زين قرب من خد فاتن وباسه برقة. "فاتن أنا عاوز أعترفلك بحاجة." "سمعاك." "أنا بحبك." فاتن بعدت فجأة وبصتله. "زين أنت بتكلم جد؟ إزاي يعني؟ وإمتى؟ وطريقتك ليا." "زي ما سمعتي، أنا بحبك يا فاتن وعاوزك جنبي عمري كله." "و غادة ومازن؟ "طلقتها. اكتشفت إن أكتر حاجة عملتها غلط إني اتجوزتها." "أنا مش فاهمة." "فاتن، غادة مرات صاحبي. صاحبي كان أقرب واحد ليا، كان أخويا بمعنى الكلمة بعد ما أهلي سابوني." "وبعدين."

"غادة ياستي كانت مراته وهو لما مرض بالسرطان وصاني إني أتجوزها عشان أخلي بالي من ابنه. ولكن المصيبة إن مراته كانت بتحبني وكان نفسها في كده وحاولت تقرب مني كتير." "واللي حصل؟ "ولا قربتلها طبعًا، دي كانت مرات أخويا." "ليه مقولتليش كل ده؟ "مكنتش عاوزك تحبيني ولا أحبك حتى." "بس أنا... ولسه بتكمل. زين قرب منها وحط إيده على بقها. "متتكلميش، مش عاوزك تقوليها ولا تحكيلي غير في الوقت المناسب." فاتن بدموع. "هيجي إمتى ده يا زين؟

أنا تعبت." زين حضنها. "هيجي قريب يا فاتن." ومسك إيديها. "يلا بينا نروح نجيب حاجتك ونروح على بيتنا." فاتن بابتسامة ومسحت دموعها. "حاضر." *** "ابني وحشني أوي، أفضل كده طول عمري." ياسر دخل عليها وهو بيزعق. "إيه؟ هتفضلي مقلبة وشك كده؟ لا فوقي معايا، أنا اتخنقت من الوضع ده." "يا شيخ منك لله، أنت مش بترحم نفسك وأنت متخنقتش بقالك سنين. خلاص مش هتلاقي فيا محاولة، سيبني في حالي." ياسر قرب منها وضحك.

"لأ فيه طبعًا، تعالي أقولك." واغتصبها بدون إرادتها. *** محمد جه ومعاه هنا قدام زين وفاتن. "رايحين على فين بس يا عصافير." زين خد فاتن ورا ضهره. "عاوز إيه يا محمد." "عاوز فاتن، عاوز أريحها خالص." وقعد يضحك زي المجانين. هنا واقفة بدموع. "يا محمد قلتلك لأ." "إيه؟ بترجعي في كلامك ولا إيه ياحلوة." "محمد عشان خاطري سيبهم، حتى لو هاخد حقي بس مش هقتل حد." طلع محمد ساعتها المسدس من جيبه. فاتن بصويت.

"زين لا، عشان خاطري ابعد أنت." محمد بجنون. "والله لهقتلك، أنا حبيتك، أنا اللي ليا حق فيكي. ولما فكرت في إني أخليكي مش بنت، كنت عشان أتجوزك، وف الآخر هو اتجوزك." "هعملك كل اللي أنت عاوزه بس اهدى بالله عليك." محمد بيبدأ يشد وطلعت الرصاصة للأسف. فاتن بصريخ. "لأاااااااا." زين. "...