رواية فاتنة الزين الفصل الأول 1 - بقلم صباح غمري

هو: ممكن أعرف بتعيطي ليه؟ كانت قاعدة على البحر حزينة و بتبكي لوحدها. هي بخضه: انت مين؟ هو: مش مهم، عاوز أعرف ليه بتعيطي. هي: مش عاوزة أتجوز، بكرة فرحي، مش عاوزة ومش قادرة. وأخذت تبكي بقهرة. زين: هتقوليلي السبب ولا أمشي أحسن؟ اتلفتت لي فاتن بالكامل، وأخذت تنظر لي، فكان هو طويل القامة، قاسي العينين، يرتدي بدلة أنيقة تظهر جماله وجاذبيته. فاتن بدمعات خفيفة تسيل على وجهها، فهي فتاة العشرين التي ظلمت ولم يسمعها أحد أو يسمع

لرغبتها لمرة واحدة فقط: هتصدقني ولا هتكدبني زيهم؟ زين قعد جنبها بهدوء. فاتن: أنا بنت. زين بصدمة من جرأتها، ليكون قصدها ألف دماغه: مش فاهم. فاتن بشجاعة: أيوا، الفهمته، أنا بنت، هما مش مصدقيني، والله محدش لمسني. وأخذت تبكي: عاوزين يستروا عليا ويجوزوني، وهو كداب، والله والله أنا كويسة، ليه محدش مصدقني؟ ليه؟ وأخذت تبكييي أكثررر.

زين: أنا مش فاهمك بس بحاول أجمع الكلام، هقولك حل أحسن، بس هتسمعي كلامي، عارف إنك متعرفنيش بس اسمعي وفكري. فاتن: سمعاك. زين: اتجوزيني، وساعتها تقولي إنك متجوزة ومش هتقدري تتجوزي، وكده كده أنا هقدر أحميكي بطريقتي لحد ما تظهر الحقيقة وتفهمني كل حاجة، ووقتها هرجعلك تاني لأهلك. وضحك ضحكة خفيفة: وإنتي بنت عادي زي ما إنتي. فاتن فضلت ساكتة. زين: قولتي إيه؟ *** في مكان آخر.

روان: يماما متعمليش في نفسك كدا، أكيد والله كداب، أنا عارفه حركاته. نوال بعياط ولطم: عارفه إيه؟ اخرسي، شوفينا اختك. وأخذت تقطع في الكلام: اختك كانت في حضنه يا روان، وجمبه، وكانت صاحية وفايقة. روان بصدمة: ليه بس كدا يا فاتن؟ ليه؟ اهدي يماما، أكيد فيه حاجة غلط، أنا متأكدة. نوال بعياط: لا صدقي، صدقي، أهي عملتها، حسبي الله فيها وفيها لله على تربيتي. *** هي: أنا مبسوطة منك.

محمد بزعل: أنا ضيعتلها مستقبلها، خايف من عقاب ربنا. هي: ههههههه، وماكنش حرام لما ضيعتلي مستقبلي زمان؟ ماكنشششش حرااام يا محمدددد! أنا كمان رمتلها حد في سكتها، هيوريها عذاب الدنيا والآخرة، هخليها تاخد قرار تندم عليه عمرها كله، كلههه يا محمد. محمد بزعيق: خلاص كفاية، أنا همشي، اسكتي. *** فاتن: ولو وافقت هبقى كدا بحل المشكلة، كدا بعقدها، أنا مش موافقة على المبدأ كله، مش الشخص، ويعتبر زيك زيي غريب عني.

زين: ما قدامكيش حل تاني، قولتي إيه؟ فاتن وهي بتفكر إن ما قدامهاش غير الحل دا، وإلا محمد هيعمل اللي عاوزه وهيذلها طول عمره. فاتن: موافقة. ولسه هتكمل. زين: بس أنا متجوز وعندي ولد عشان تبقي عارفة. فاتن بصدمة: .........