رواية فاتنة الزين الفصل الرابع 4 - بقلم صباح غمري

غادة: هي مين دي؟ زين: مراتي. غادة بدموع: مراتك!!! اتجوزت وابني ولسه... فاتن بصدمة: هي دي مراتك وهنقعد سوا في نفس البيت؟ غادة: يا بجاحتك يا شيخة! عارفة إنه متجوز وجاية؟ خلي عندك دم. زين بزعيق: اطلعي فوق أوضتك. غادة: عاوزني أطلع أوضتي؟ وفي بيتك وانت معندكش دم يا أخي؟ وأنا بقول إن لو مرة أكيد هتحس بغيرك، لكن واضح إني غلطانة. أنا همشي من البيت ده وفوراً.

زين بزعيق وقرب منها: انتي عارفة إنك لو مشيتي عمرك ما هتشوفي ابنك أبداً، فاهمة يا غادة؟ اتلمي واطلعي أوضتك. غادة طلعت تجري ببكاء وهي بتدعي عليه. كل ده وفاتن واقفة بتترعش وخايفة منه وحست إنها داخلة على جحيم لا مخرج منه. زين: تعالي ورايا. فاتن برعشة: حااااضر. وطلعت وراه. دخلها زين الأوضة وقفل الباب. فاتن: هو أنا عارفة إن مالكش حق أحكيك، بس أنا بني آدمة كويسة مش زي ما مفكر. ممكن أحكيلك كل حاجة.

زين بضحكة: لا، انتي فهمتي غلط. أنا لا عاوز أسمعك ولا أفهمك. انتي مجرد واحدة سترت عليها مش أكتر. وبالنسبة للقوانين، فالقوانين دي مش هستناها من واحدة زيك. وقام عشان يمشي وفتح باب الغرفة. فاتن: زين! زين جاي يدور عشان يشوف مالها، فجأة حس بحاجة تقيلة على دماغه ووقع في الأرض غرقان في دمه. لا حول له. فاتن بضريخ: زييييين! *** في مكان آخر. هناء بابتسامة: ما أكلتش ليه؟ مش اتفقنا ناكل. مازن: بس أنا عاوز ماما وبابا زين.

هناء: طب إيه رأيك لو أكلت هجبلك لعبة حلوة أوي. مازن بفرحة: بجد يا طنط. هناء: أيوا يروحي بجد. مازن قرب منها وباسها: شكراً أوي ليكي. هناء تليفونها بيرن. هناء: الو. عاطف: كله تم، متقلقيش. فين حلاوتي؟ قولتيلي وافق وليك الحلاوة. هناء بضحك: هو انت مفكرني هبلة؟

ما أنا عارفة إنك لهفت من زين أد كده على قلبك. اسمع يابابا، أنا كلمتك عشان تساعدني في اللي عاوزاه، وأديك أخدت قرشين. لكن أنا بكرهك، انت السبب في كل حاجة. أوعى تفكر إن ف يوم هسامحك. واضح إنك عمرك ما هتتغير أبداً. قفلت هناء بدموع وقالت في سرها: "كان نفسي أكون وسط عيلتي وأكون أحسن من كده. منك لله يا فاتن، منك لله." *** عاطف قفل مع هناء. فوزية: طبعاً كنت بتكلم المصيبة. ليه عملت كده في البت؟ انطق. عاطف: يوووه!

انتي هتخرسي ولا أضربك؟ وبدل ما تسألي على بنتك زعلانة على واحدة ملهاش لازمة. فوزية: بنتي ماتت من زمان يا حج، والحي أبقى من الميت. عاطف بضحكة: لا، حلو التمثيل ده. بتتصلي تسمعي صوتها ليه؟ فوزية بصتله من فوق لتحت: لا حول ولا قوة إلا بالله. حسبي الله ونعم الوكيل فيك يا شيخ. الباب بيخبط. عاطف: روحي افتحي شوفي مين. نوال: السلام عليكم. عاوزة عاطف شوية يا فوزية. عاطف: أهلاً، اتفضلي يا نوال. ادخلي انتي يا فوزية.

نوال بكسرة: اللي قولته اتنفذ؟ فين الورق؟ عاطف: متقلقيش، محفوظ وهتاخديه. أنا أكتر واحد أخاف عليكي برضه يا نوال. نوال: بعينك. جوزي آه عاجز، بس انسي إنك تستغل ده. أنا بحب جوزي وباصونه، فاهم؟ عاطف: الله! وحد قال غير كده يا ست الحسن والجمال. أنا بس بنبهك. *** فاتن بصريخ: زييييين!!! انتي عملتي إيه يا مجرمة؟ ده أنا هوريكي في داهية. وقربت فاتن منه: فوق بالله عليك! أنا مش حمل أشوف حد قدامي كده. إيه الدم ده؟

وأخدت تصرخ: ياللي هنااااااا! حد يرد يا جماعة! أم محمد طلعت تجري من تحت: إيه فيه؟ يا مصيبتي! إيه اللي حصل؟ وتم نقل زين للمستشفى. فاتن مستنية برا، وأول ما الدكتور طلع. فاتن: طمني يا دكتور. الدكتور: انتي تقربيله إيه؟ فاتن وبلعت ريقها: أنا مراته. الدكتور: طيب، هو حالته كويسة الحمد لله. يومين ويطلع. فتح بسيط وخيطناه وأثر الخبطة بس اغمى عليه. فاتن: يعني هيبقي كويس؟ الدكتور: آه، بس لو متعمد لازم محضر. فاتن

بهدوء ومش عارفة تقول إيه: لا لا، ملوش داعي. كان من غير قصد. ممكن أدخله؟ الدكتور: اتفضلي. أكيد هو نايم شوية من البنج، لأن كانت خياطة صعبة وكان لازم أديله. فاتن: حاضر. دخلت فاتن الغرفة، لقت زين نايم على السرير مش بيتحرك. قعدت تدقق فيه كتير.

فاتن بدموع: أنا مظلومة أوي. كنت مفكرة إنك ممكن تكون سندي، وانت الوحيد اللي تسمعني. عارف يا زين، أنا اتظلمت في حياتي كتير. سبت تعليمي، ومعنديش صحاب، واتظلمت من عمي لما أبويا عجز. وأكبر ظلم وكسرة ليا لما حصل فيا ده. بس أنا متأكدة إن محدش لمسني. زين، انت شكلك جميل أوي وانت نايم كده، هادي وكويس. وضحكت، واحترم، مع إنه حاساك مش محترم. زين، أنا نفسي حد يسمعني. لو محدش سمعني في يوم، أنا مش هلاقي شي غير إني أنتحر وأخلص من حياتي. أنا مؤمنة بالله بس تعبت، طاقتي راحت. أنا هقعد معاك لحد ما تصحى.

وقربت فاتن إيديها من إيده، وترددت شوية بس مسكت إيده وريحت على كتفه ونامت. *** زين صحي، وبدأ يفتح عينه، لقي حاجة تقيلة على كتفه، وجاي يبص، لقيها نايمة، طرحتها مبعثرة وبعض الخصلات طلعت من شعرها، ووشها الرقيق الناعم. زين بجمود: فاتن. فاتن. فاتن بنوم: هه، أيوا أيوا، أنا صاحية. ماله بابا؟ حصله حاجة؟ زين بهدوء: افوقي يا فاتن. أنا إيه اللي حصلي؟ فاتن ومش عاوزة تقول على غادة حاجة: أصل... أصل...