رواية فقلبي زعيم مافيا الفصل السابع 7 - بقلم نعمة احمد

لقيته جاى من بعيد وبيشاورلى: "تعالى بسرعه" حاولت أقوم أمشي لكن وقعت على الأرض واغمى عليا بشكل جزئي. جرى عليا: "ملك ملك فوقى" بعد فترة من الوقت معرفش قد إيه بالظبط، فتحت عيني ببطء: "أنا فين" لقيت نفسي نايمة على سرير وفيه ست غريبة قاعدة جمبي. "أنتى مين" قامت قعدت: "وفين إلياس" تكلمت: "متخفيش يا حبيبتى" لقيت إلياس داخل. "هو إيه اللى بيحصل" قرب عليا:

"متخافيش، بعد ما أنا رجعتلك كان اغمى عليكي ولقيت البيت ده، خبطت عليه وفتحتلي الست الطيبة دي وجبتك هنا" بسعطت: "أنا عايزة ارجع البيت" طبطبت عليا: "مينفعش تخرجي فالجو ده وانتي كده يا بنتي، استنوا للصبح هنا يكون الجو اتحسن وبعدين امشوا" سكت شوية. "طيب حضرتك معاكي تليفون" "آه يا حبيبتي، خودي اهو" اتصلت على ماما. "الو يا ماما" بدموع: "ملك" "أيوه يا ماما أنا ملك" "انتي فين ده كله يا حبيبتي، قطعتى قلبي عليكي"

"أنا كويسه يا ماما متقلقيش عليا، لما أجي هفهمك كل حاجة" "طيب أنتي فين دلوقتي هخلي أبوكي يجي ياخدك" "لا يا ماما متخليهوش يطلع فالجو ده عشان خاطري، أنا هاجي بكرة الصبح" "يا بنتي فهميني، طب انتي فين وإيه اللي حصل، يابنتي متخوفنيش عليكي" "يا أمي بالله عليكي أنا كويسه، أنا هاجي بكرة إن شاء الله" "طيب خودي كلمي أبوكي" "لالا يا ماما، أنا مش ناقصه وهعيط أصلا، طمنيه انتي عليا" "طيب يا ملك بكرة الصبح هتصل عليكي"

"ماشي يا ماما، سلام" أديت للست التليفون. "شكراً" "على إيه يا بنتي، أنا هروح اجيبلك مرهم كده تحطيه على رجلك عشان يسكن مكان الكسر لحد بكرة" راحت الست تجيب المرهم وجه إلياس قعد جمبي. "أنا آسف" "لو قصدك على البهدلة وقلة القيمة دي لا مفيش داعي" ضحك: "خلاص آسف" سكت شوية. "شايف في عينيكي سؤال" "بعيداً عن الجو الرخيص ده بس أنا عندي سؤال فعلاً" "أفاجئك أكتر" "إيه" "أنا عارف السؤال كمان" "أم محمد المغربية لف السحر وجلب الحبيب"

ضحك: "عايزة تعرفي أنا جبتك هنا إزاي صح" "صح" "شيلتك" وديت وشي الناحية التانية. "... "خلاص خلاص بهزر، إنتي موافقتيش بكده وإنتي فايقة فمش هاجي أعمل كده وإنتي مش فوعيك" "آهي دي أخلاق المافيا المحترم" "صدفة غريبة" "مفيش حاجة اسمها صدفة، كل حاجة بتحصلنا لسبب معين، هنعرفه دلوقتي أو بعدين" "ويا ترى إيه سبب الصدفة دي" "مش عارفة بس أكيد هتعرف" لقيت الست داخلة ومعاها صنية أكل. "تعالوا يلا عشان تاكلوا" "معلش تعبناكي"

"ولا تعب ولا حاجة يبني، انتوا جيتوا ونستوني والله" حطت الأكل: "تعالى يبني يلا" جت عليا وفإيدها علبة المرهم. "تعالى يلا عشان أحطلك" مسكت إيدها: "انتي هتعملي إيه يا طنط، لالالا أنا هحط لنفسي" "يبنتي اسمعي الكلام أنا هحطلك" "يا طنط والله... "مش هقبل بأي كلام تاني" تدخل إلياس: "بصراحة كده أنا ميت من الجوع، متنجزي يا ست ملك" برقته: "كل انت ياخويا ملكش دعوة" اتغلبت عليا فالأخر وحطتهولي.

"مش عارفة أقولك إيه والله يا طنط على تعبك معانا" "انتوا زي عيالي يا حبيبتي، وبعدين يلا بقا عشان الولد اللي هيموت من الجوع ده" ضحكت: "يلا" قمت ورحنا ناكل وقعدنا نتكلم ونهزر وكان وقت لطيف. "عن إذنك يا طنط أنا هشيل" "لا يحبيبتي إنتي تعبانة اقعدي" إلياس: "بصراحة يا طنط ملك معاها حق المرة دي إنتي تعبتي معانا سيبينا إحنا نعملهم" "وأنا رجلي خفت أصلاً إيدك فيها بركة يا ست يا طيبة" وبعد نقاش دام لأكتر من ربع ساعة أخيرا وافقت.

"ده انتوا فظاع" "اتعلمنا منك يا طنط والله" ضحكت. شيلنا الحاجة أنا والياس ودخلناها المطبخ. "حط الأكل ده في التلاجة وهات الطباق عشان أغسلها" "لالا اقعدي إنتي هنا بس، أنا هغسلهم" "يا عم اقعد على جنب وإنت بتعرف تعمل حاجة" "اقعدي بس عشان رجلك" "لا أنا رجلي خفت" "إنتي قدرتي تقنعي الست آه، لكن أنا لا" قعدنا نتناقش أكتر من ربع ساعة. "مش عارفة إيه الناس اللي بالها طويل دي" "خلاص أنا هقعد، يخربيت اللوك لوك يا شيخ"

ضحك وقعد يغسل المواعين. خلصنا وطلعنا على بره. "تعالي يا بنتي إنتي نامي فالأوضة دي وإنت يا ابني نام هنا" "وإنتي يا طنط هتنامي فين" "هنام هنا" "وأنا مش هسيبك تنامي هنا" "إنتي لسه فيكي حيل تناهدى" "بصي لو هنتكلم للصبح أنا معنديش مشاكل، فمنعاً لده كله نامي إنتي مكانك وأنا هنام فالصالة، ده مكاني المفضل أصلًا" بصت لإلياس: "ما تقولها حاجة يبني" "دي ولا هتاخدي معاها لا حق ولا باطل" ضحكت:

"طيب أنا هدخل جوه ولو احتجتوا حاجة نادوني" روحت حضنتها: "شكراً" دخلت جوه. إلياس: "ادخلي نامي جوه" "مش هنام جوه" "لا ماهو بصي أنا مش الست الطيبة دي هتتكلمي للصبح هتكلم ومش هزهق" ضحكت: "خلاص يا سيدي أنا داخلة، تصبح على خير" "وإنتي من أهله" دخلت الأوضة وفضلت قاعدة لحد ما روحت فالنوم. صحيت تاني يوم على صوت التليفون بيرن. "الو" "إيه يا ملك يا حبيبتي هتيجي امتى" "ساعة بالكتير وهكون عندك" "ماشي يحبيبتي متتأخريش، سلام"

قومت طلعت بره لقيت إلياس قاعد وطنط لسه بتحط الأكل. "صباح الخير" ردو عليا: "صباح الخير" "تعالي يا حبيبتي يلا عشان تفطري" "لا أفطر إيه ماما لسه مكلماني دلوقتي وقولتلها جايه" "خلاص هحطلك الأكل وتاخديه" "يا طنط والله... "مفيش يا طنط" "إنت ساكت ليه ما تقول حاجة" "وأنا مالي" "طب كلم سي زفت صاحبك خلينا نمشي بقا" "مش مستني سيادتك تقولي، عملت كده من بدري وهو جاي فالطريق" "أخيراً عملت حاجة صح" جت طنط ومعاها كيس مليان أكل.

"خودي يا حبيبتي يلا" "إيه ده كله يا طنط" "كان إيه لزمته التعب بس" "ولا تعب ولا حاجة عشان تسلوا نفسكم وإنتوا ماشيين" روحت حضنتها: "شكراً" طبطبت عليا: "خلي بالك على نفسك" "حاضر" "وإنت كمان يبني خلي بالك على نفسك وخد بالك منها، ومتنسوش تعزموني عالفرح بقا" "احم لا حضرتك فهمتي غلط والله" إلياس ضحك عليا. برقته: "ده لو آخر واحد فالدنيا مستحيل أتجوزه" "ربنا يوفقكم فحياتكم يا بنتي" بعد شوية نادر جه وركبنا معاه.

قعدوا يتخانقوا شوية ويزعقوا وأنا باكل. بصلي فمراية العربية: "هاتي سندوتش" "لا" "متخلنيش أنزلك وأبقى روحي بيتكم زحف بقا" "لا وعلى إيه قلة القيمة خود خود، وإنت يا نادر تاخد واحد" كان لسه هيقول لأ: "خود إنت كمان متتكسفش مش ناقصه وجع بطن عالصبح" بعد شوية وجع رجلي زاد أوي. "بتعب: إلياس" لف لي: "فيه إيه" "رجلي وجعاني أوي مش قادرة" كلم نادر: "اطلع على أقرب مستشفى بسرعة"

طلعنا عالمستشفى والدكتور جبس رجلي وكان كسر بسيط واتصلت على ماما وبابا عشان يجولي عالمستشفى. "بقولك إيه" "مفيش داعي للشكر" "شكر إيه، هاتلي كيس السندوتشات اللي جمبك ده" "سندوتشات!!! "خودي يختي" بعدين قرب عليا. "إيه ده فيه إيه، إنت جاي تطلع روح المافيا اللي جواك" "هاتي سندوتش" "اديته الكيس: إطفح" بعد شوية لقيت ماما وبابا داخلين جري. ماما: "ملك"