رواية فقلبي زعيم مافيا الفصل السادس 6 - بقلم نعمة احمد

لسه بفتح الشباك: عاااااااااا فيه إيه يا بنت المجانين؟ فيه صرصار كبير وبيطير. معلش يا ملك، معلش أبوس إيدك افتحي أم الشباك. كان يوم أخبر لما خطفتك. طب اسكت عشان أركز. حاضر، خلصي بقى. وأنا بفتح الشباك رجلي اتشنكلت ووقعت عالأرض. آاااااااااه يا ضهري. كان واقف على جمب وبيضحك. انت واقف وبتضحك عليا، مش المفروض بقا إنك تشيلني بقا وكده، أومال شغل الروايات ده مش شغال معايا ليه. مد إيده: قومي قومي.

شكرًا، مش محتاجة مساعدتك، هقوم لوحدي. انتي حرة. سندت عالأرض عشان أقوم: عااااا آااااه يا رجلي ياني. فيه إيه؟ رجلي وجعاني أوي، شكلها اتكسرت أو اتلوت معرفش. قرب عليا وكان هيحط إيده على رجلي. شديتها بسرعة: أنت بتعمل إيه؟ بصلي بصدمة: هشوف رجلك مالها. لا يا حبيبي، شغل التلزيق ده أنا عارفاه. تلزيق إيه يابنتي، انتي مجنونة، منا لو كنت عايز أعمل فيكي حاجة كنت عملت من بدري. أيوه صح. خليني أشوفها بقى.

حط إيده على رجلي وضغط عليها. آااااه إيه يا عم أنت، بتوجع. شكلها اتكسرت. اهي، كملت. سندني وطلعنا بره وقعدت عالأرض. بقولك إيه. خير. أنا شفت حتة حديدة طويلة كده، جرب أفتح بيها الباب. طيب. راح جاب الحديدة ودخلها من فتحة الباب وقعد يشد. سمي الله. حاضر. قعد يشد فالباب مرة واتنين وتلاتة لحد ما أخيرا اتفتح. هييييييه أخيراً، إيه ده الرؤية مالها هباب كده ليه؟ ضباب يا حبيبتي، عشان الدنيا كانت بتمطر، طبيعي يعني. طب هنعمل إيه؟

إيه، عاوزة تخرجي ف حتة مقطوعة والدنيا ضباب والجو شكله هيمطر تاني!!!! مش مستعدة أقعد هنا يوم كمان. يعني!!! يعني هنمشي ونتوكل على الله. انتر عارف إننا عشان نطلع عالطريق بس محتاج ساعة إلا ربع. ومالو. هتمشي وانتي رجلك مكسورة. عادي. انتي مجنونة. المهم مستناش هنا أكتر من كده، أنا معرفش زمان ماما وبابا عاملين إيه دلوقتي. طيب. سندت على إيده وحاولت أضغط على رجلي جامد. انشفي بقا كده عشان لسه قدامنا مشوار. أنا تمام، متقلقش.

طلعنا بره وكان الجو هوا جداً والرؤية شبه معدومة. لسه زي مانتي عند مبدأك، مستعدة تورطي نفسك عشان متشوفيش الغلط بيحصل قدامك. بتفكير: مش عارفة، بص هوا جزء من مبدئي موجود. والجزء التاني؟ تلاشى خلاص. سكتنا شوية. بتعب: مش قادرة خلاص. بصلي: مال وشك أصفر كده ليه؟ فجأة وقعت عالأرض وقعدت أعيط. بعياط: مش قادرة، رجلي وجعاني خالص، مش هقدر أكمل. بصلي بحزن: معلش والله انتي قدها، يعني اللي استحملت ده كله مش هتستحمل آخر حاجة.

عيطت: .... طب تعالي يلا. انت هتعمل إيه؟ هشيلك. لالا، خلاص أنا هقوم. تعالي بس عشان انتي مش قادرة تمشي. لا أنا قادرة أمشي عادي. سندت عليه وقمت. قعد يضحك. بصتله: انت بتضحك على إيه؟ عليكي. شايفني أراجوز قدامك؟ عشان مشوفتيش منظرك أول ما قولتلك هشيلك. انت فاكر يعني هسمحلك. أنا كنت عارف إنك هتعملي كده، عشان كده قولتلك كده. نينينينيني. عدى نص ساعة والوجع بيزداد أكتر. طيب ممكن نقعد هنا بس، عشر دقايق عشان بجد مش قادرة.

تعالى طيب. قعدنا على كرسي كان على جنب. ده أسوأ يوم عدى عليا في حياتي. وانا كمان. كان نفسي نتقابل في ظروف أحسن من كده. كان إيه اللي هيحصل؟ مش عارفة، بس يعني... يعني إيه؟ بص اعتبرني متكلمتش. بس انتي اتكلمتي. ده انت رخم. السما عملت صوت بتعلن عن نزول المطر. الدنيا هتمطر يلا بقى. سندت عليه وقمت، وبعدين لقيته بيقلع الجاكيت وحطه على راسه. وانا قولت هتكون جنتل وتدهوني، جتِك البلا. ضحك: م أنا قولتلك بطلي روايات. من عيني هبطل.

شدني من إيدي ولزقت فيه. عشان المطرة متجيش عليكي. بإحراج: احم ماشي. فضلنا ماشيين لحد ما طلعنا عالشارع. اقعدي هنا لحد ما أوقف أي عربية معدية. لالا، هقف معاك. طيب تعالي. فضلنا واقفين أكتر من ساعة إلا ربع ومفيش ولا عربية عدت. م أنا قولتلك مفيش عربيات هتعدي في الوضع ده. طب يلا نمشي لقدام. مشينا حبة لقدام. وأنا ماشية كنت هقع: آاااه. انتي كويسة؟ لا مش قادرة أتحرك. طيب اقعدي عندك في الحتة دي وأنا هبص لقدام كده وأجي.

مسكت إيده بخوف: متسبنيش. حط إيده على إيدي: متخفيش، فين ملك القوية اللي أعرفها. كنت فاكرة نفسي قوية، بس.. طلعت غلطانة. لا انتي قوية وأقوى حد أنا شوفته، اللي تمر بكل المواقف دي وتفضل صامدة تبقى قوية، وبعدين مش انتي واثقة في ربنا؟ آه. خلاص بقا أومال إيه. طيب متتأخرش. ماشي. قام وراح لقدام وأنا كنت أضعف ما يكون وكنت بحاول أطمن نفسي. after 15 minutes لقيته جاي من بعيد وبيشاورلي: تعالي بسرعة تعالي.