رواية فوزية القوية الفصل السابع 7 - بقلم اسراء ابراهيم

فوزية راحت تنادي عمار ومحمد وزاهد وفتحت الباب ولكن شافت شيء صدمها. فوزية: يا سواد الحلل يا برعي أنتم بتغتصبوا عمار يا ولاد الكلب. عمار: الحقيني يا فوزية هيقلعوني هدومي بالغصب. فوزية جريت عليه وشدته وراها. فوزية: إيه ده يا محترم منك ليه يعني رايحين تغتصبوا عمار. ليه أنتم اتهبلتوا. وبصت لزاهد وقالت: أنت عشان بقيت رائد وكده تعمل اللي أنت بتعمله مع البنات جاي تعمله مع عمار. وكمان بتعلم أخويا المحترم يا قليل الأدب يا عرة.

ومسكتهم عضتهم ومسكتهم من شعرهم. زاهد فلت منها لأنه قوي وكده يعني وقال: يعني احنا هنسيب المزز ونروح نتحك في عمار المعفن اللي مبيستحماش غير كل أسبوع وجاي على نفسه. احنا بدنا نحطله مسكن على جسمه ومش راضي. فوزية: طب والله كتر خيره. أنا بقى مبستحماش غير كل شهر مرة وبحس إني عملت إنجاز. زاهد: نعم أنت معفنة على كده.

فوزية: مين دي ياض اللي معفنة. أنت اللي معفن وزبالة وعرة كمان يا قليل الرباية يا سرير من غير ملاية يا تسريحة من غير مراية يا إبرة مصدية في كومة زبالة يا صابونة من غير ريحة. وبتبص على زاهد لقيت عينه حمرا وبتطلع شرار وبيـقرب عليها. فوزية: إيه في إيه يا شبح بتقرب ليه كده استهدى بالله ده شيطان دخل بينا وانحسدنا. وطلعت تجري. زاهد بيجري وراها: مش هسيبك يام شبر ونص دا انتي مش واصلة لكتفي وبتقوليلي كده. صباحك زي وشي.

فوزية وهى بتجري وهو بيجري وراها في الشقة كلها: بس يا نخلة يا عمود نور ياللي مش عارف تمسكني. زاهد: تعالي هنا يا امنا الغولة يا يام لسان طويل وعايز قصف. فوزية وبتجري وبتنهج: هبقى اوديه للخياط يقص مترين تستر نفسك بيهم. عمار ومحمد واقفين بيضحكوا وعايزين يشوفوا إيه اللي هيحصل. زاهد: مش هسيبك شايفاني ماشي عريان يا مزغودة هانم. إسراء: الله في خناقة يا بت يا سلمى تعالي نتفرج.

وبصت لعمار ومحمد: ازيكوا يا شوباب هى سابتكوا النهاردة ومسكت في زهزوه. سلمى: إيه البت اللي مش محترمة دي وبتجري زي فرقع لوز كده ليه. فوزية بصت لسلمى بغضب: وانتي مين يا عسل تحبي اوريكي اللي مش محترمة دي هتعمل فيكي إيه. بس استني لما اخلص من التور اللي بيجري ورايا ده وهربيكي انتي واسراء. إسراء: وانا مالي يا جدع أنا كلمتك ولا بترمي بلاكي عليا وخلاص. فوزية: انتي نسيتي امبارح ولا ايه لما هربت مني ومخدتيش عقابك.

إسراء: آسفين يابا غلطة ومش هتتكرر المسامح كريم. فوزية: لا طبعا هتتعاقبي برضوا. إسراء: هنشوف معايا سلومة حبيبة قلبي هدافع عني. نسيت اقولك في ناس عايزة تاخد كورس عندك. فوزية: بعدين نشوف الكلام ده لغاية ما اخلص من الحمار اللي بيجري ورايا ده. زاهد جري بسرعة أكبر ونط من عالسفرة ومسكها. فوزية صرخت أول ما مسكها: زاهد صلي على النبي كده وبلاش تهور أنا واحدة نسوان واللي بيمد ايده على نسوان هيروح النار. زاهد: مش يخصك.

ومسكها من ودانها وقال: أنت عايزة تتربي من جديد يا مفترية مش كفاية مدغدغة العيال يا بقرة هانم. فوزية: ملكش فيه أخويا وصاحبه عادي يابا واوعى ايدك كده لتوحشك. زاهد مسكها أكتر ونصف جسمها كان عالسفرة وزاهد قرب منها. فوزية: ولا ابعد ياض عشان مش انفخك هتكسر دراعي يا حيوان وسيب شعري يا غبي. زاهد: اعتذري الأول وأنا هسيبك لاما هنزل اعلقك على باب العمارة وكل اللي رايح واللي جاي يلطش فيكي ويرزعك كف خماسي.

فوزية بدلع: واهون عليك يا زهودة يا عسل. زاهد بتوهان: ها لا يا قلب زهودة. وفاق وقال: أي. فوزية بنرفزة: مش هتقدر وأعلى ما في خيلك اركبه. زاهد: خلاص أنتي حرة. وقرب من بوقها وقال: هعمل حاجة نفسي اعملها أوي. فوزية بصت حواليها ولقيت الكل بيتفرج قامت رافعة رجليها وخبطتها في بطنه. زاهد أتألم ورجع لورا وفوزية جريت منه وقربت على إسراء وسلمى وشدتهم ودخلت الاوضة وقفلت عليهم. فوزية: سمعوني كده اللي قولتوه ليا.

سلمى: مقولناش حاجة يا عسل مكنتش اعرفك. ومسكت في إسراء. إسراء: اهدي كده يا حجة دا الواد كان هيكسر عضمك في ايده. احنا آسفين والله. فوزية قربت على إسراء ومسكت شعرها وادتها بوكس عوج بوقها. إسراء: اها يا بنت الهبل سيبي شعري دا مفيش غير شعرايتين بس هتقلعيهم الحقيني يا سلمى. سلمى طبعا كانت هربت وفوزية مشغولة مع إسراء كأن فص ملح وداب. فوزية: ههههههههههه هربت يا معلم بس هتقع تحت أيدي متخفيش.

إسراء: يا حزن الحزن الحقوووووووووني يا ناس يلي براف. فوزية ادتها علقة محترمة مخدهاش حرامي غسيل. زاهد دخل ومحمد وعمار وطبعا سلمى هى اللي فتحت الباب عشان تناديهم يحوشوها عني. كلهم شالوها من على إسراء. وفضلوا يعدلوا لاسراء طرحتها وبيطمنوا عليها. فوزية استغلت انشغالهم مع إسراء ومسكت سلمى وهاتها ضرب يا رجب. ادتها علقة هي كمان. وسلمى بتصوت طبعا كانت شدت سلمى بسرعة في الصالة وظبطتها وزاهد ومحمد وعمار جريوا على برا يحوشوها.

إسراء طلعت ومسكوا فوزية بعد لما ورمت البت سلمى. واسراء شدت سلمى وشتموا فوزية وطلعوا جري على تحت. وهنا نور جت لما لقيتهم اتاخروا ودخلت تناديهم. نور: إيه يا جماعة مش جيتوا تفطروا ليه عالعموم احنا فطرنا لما لقيناكوا اتاخرتوا تعالوا افطروا أنتم يالا. ومشوا مع نور. زاهد ماشي جمب فوزية: صدقوا اللي قالوا عليكي قوية وكمان طلعتي مفترية. ادتي العيال علقة محترمة تقعدهم شهر في السرير. فوزية: شئ مش يخصك ومش تدخل في اللي ملكش فيه.

زاهد: هنشوف يا قلبي. فوزية: وجع في قلبك. وجريت على زينب والدة زاهد عشان مش يعمل فيها حاجة. وفطروا وزاهد اتكلم وبص لمحمد وقال: أنا طالب إيد فوزية والفرح بعد بكرة وأنت عارف إني بقالي شهر قبل ما انزل كنت بجهز ليه وهيبقى أكبر فرح. فوزية: نعم يا عنيا أنا مش موافقة أنت اخرك تتجوز كلبة جربانة. زاهد: ما انتي الكلبة الجربانة اهو اسكتي احسنلك والا أنتي عارفة عايز أعمل إيه.

محمد: موافق وأنا بطلب إيد أختك نور تبقى مراتي على سنة الله ورسوله. نور كانت مكسوفة وزاهد بصلها وقال: موافقة يا نور. نور: بصت في الأرض وقالت: اللي تشوفوه. زاهد: تمام يبقى فرحنا بعد بكرة. عمار اتكلم بسرعة وقال: أنا كمان عايز اتجوز. وبص لنورا اللي مدغدغة وقال: أنا طالب إيد الآنسة نورا. نورا كانت مصدومة وزاهد بص لنورر وقال: رأيك إيه يا نور. نورا: مش عارفة تعمل إيه لأن لسه أول مرة تشوفه امبارح.

زاهد: يبقى موافقة يبقى كده فرحنا بعد بكرة. زينب قامت حضنتهم وبتقول: مبارك يا حبايب قلبي. وكل واحد قام يجهز حاجاته ونزلوا يجيبوا الفساتين وطبعا فوزية مطلعة عينهم. ووجه يوم الفرح وكان في قاعة كبيرة وشكلها تحفة. والعرايس كانوا بيخطفوا الأنظار والعرسان برضوا. وقعدوا. المأذون جه وقعدوا حواليه. وفوزية طلبت مايه لأنها كانت عطشانة جدا. واحد جاب ليها عصير وبيديه ليها اتقلب كله على فستانها. فوزية برقت

ليه وقامت مرة واحدة وقالت: إيه اللي أنت عملته ده يا حيوان. والراجل خايف منها وجري وهى جريت وراه في القاعة ومسكته.