رواية فوزية القوية الفصل الثالث 3 - بقلم اسراء ابراهيم

فوزية بصت ليهم برعب: بتقولوا إيه؟ سمعوني تاني كده. عمار ومحمد بتهته: م بنقولش حاجة، انتي عارفه إننا منقدرش نقول عليكي حاجة يا بنت. فوزية بعصبية: أنتم مفكريني هبلة يالا منك ليه؟ أبقى أنا مفجوعة. عمار برجفة: لا والله أبدا، احنا اللي مفجوعين. محمد: أيوا يا حبيبتي، احنا اللي مفجوعين. فوزية بتقرب عليهم وهجوم: ومسكتهم، أدتهم علقة محترمة. دا أنا يالا منك ليه سرسجية، عارفين يعني إيه؟ وبتضربهم. محمد بيحاول يهرب، مسكته بسرعة.

على فين يا أبو حميد؟ لازم تتروق الأول. محمد: يا شيخة حرام عليكي، جسمي مش حاسس بيه. ارحميني عشان يرحمك من في السماء. عمار بوجع: خلاص آخر مرة، ومعنتش هقول عليكي حاجة. فوزية: اممم، بردك مش هسيبكوا يا شوية عرر. دا أنا فيا رجولة عنكم يا خيخة منك ليه. ومسكتهم، ربطت كل واحد في كرسي ورافعة رجليهم لفوق ونازلة ضرب فيهم. عمار ومحمد ببصرخوا: اها خلاص، حرام عليكي. آخر مررررررة. فوزية ماسكة العصاية: نزلت على رجل محمد.

محمد بصريخ: خلاص يا زيزي، آسف. فوزية بصت على عمار. عمار بيترجاها: فوزية، أنا كنت بهزر معاكي، أنتي زي أختي. فوزية: منا زي أختك فعلا، ونزلت على رجليه بالعصاية. عمار: اهاااااااااا، خلاص حرام عليكي. فوزية كانت رايحة تكمل فيهم ضرب، ولكن آذان العصر آذن. فوزية: نجوتوا مني يالا عشان تنزلوا تصلوا، وأنا أدخل أصلي. محمد: الحمد لله يارب. وفكتهم. محمد: يالا يا عمار عشان نروح نصلي. عمار: احم،

وبص لفوزية وقال: منتا عارف يا محمد إني مصلتش قبل كده. فوزية بصتله بشرار وقربت منه. عمار استخبى ورا محمد. فوزية: سمعني تاني كده قولت إيه يا عنيا. عمار بيرجف بس مش بيتكلم. فوزية: اها، يعني الأمور مش بيصلي؟ ممكن اعرف ليه؟ قالتها بصوت عالٍ. ليه مش بتصلي؟ أنت يهودي ولا صليبي عشان متصليش؟ أنت مش مسلم يالا. عمار برعب: ايوا والله مسلم. فوزية: مسلم إزاي وأنت مبتصليش ومبتركعهاش؟ ممكن أفهم؟

أنت مش عارف اللي بيفرق مسلم عن كافر هى الصلاة. الصلاة دي جاية من الصلة، يعني حضرتك قاطع الصلة اللي بينك وبين ربنا. طب ممكن أعرف إزاي بيبقى ليك عين تطلب من ربنا حاجة وأنت بعيد عنه، ومبتبقاش مكسوف وأنت سامع ربنا بينادي عليك وأنت بتطنش؟ طب مش خايف تموت في اللحظة دي وأنت مركعتش ركعة لربنا؟ أنت عارف اللي مش بيصلي صحفه مش هتتفتح وهتفضل مقفولة. طب مش عارف أول حاجة الواحد هيحاسب عليها يوم القيامة هى الصلاة؟

عارف أنت فاقد نعمة كبيرة أوي والله. أنت عارف الواحد بيكون من غير الصلاة بيكون ضعيف ومهموم وحزين وبيكون قلبه قاس ومشتت. الصلاة يعني أنت بتكلم ربنا، يعني ممكن تحكيله وتطلب منه اللي أنت عاوزه، بس أنت كده بعيد وخسران كمان راحة وطمأنينة. الصلاة عماد الدين وأحب الأعمال إلى الله هى الصلاة. محمد واقف ومتاثر بكلام أخته.

عمار قعد على الأرض بيبكي إنه ازاي كان في غفلة عن دينه، إزاي كان مستهتر بالطريقة دي، وقام وقرر إنه يبدأ من جديد ويقرب أكتر من ربنا ويطيعه. وبص لمحمد وقال: يالا عشان ننزل نصلي، أنا مشتاق إني اتكلم مع ربنا واطلب إنه يسامحنى. محمد كان مبسوط اوي عشان صاحبه بدأ يتغير. عمار وقف قدام فوزية وقال: شكرا ليكي، أنتي فعلا أحلى أخت. فوزية ابتسمت وقالت: مفيش شكر بين الأخوات. يالا انزلوا على بال ما اجهز الأكل وابقوا هاتوا مسليات.

عمار ومحمد: ماشي. ونزلوا عشان يصلوا. فوزية دخلت المطبخ وبدأت تحضر أكل ليهم. وبعد نص ساعة جرس الباب رن. راحت تفتح. ولكن اتفاجئت. وقالت بصدمة: زاهي.