رواية فوزية القوية الفصل الثاني 2 - بقلم اسراء ابراهيم

انتهوا. محمد: أنتم تعرفوا بعض! عمار: عز المعرفة يا خويا. فوزية: أنت جاي تعمل إيه هنا ياض؟ اها تلاقيك جاي تشتكي لأخويا، بس جيت للشخص الغلط والله. عمار: أنا بشتكي لربنا بس، أنتي محدش يقدر عليكي إلا هو. إلهي يسخطك قردة. فوزية: قردة لما تلهفك يا سيد قشطة يا أبو خرتي. محمد: خلاص يا فوزية. عمار وقع على الأرض من الضحك: بقا انتي اسمك فوزية؟ ههههههههههه هموت. فوزية: أمك غازية يا حيوان، امشي من وشي يالا بدل ما أفرمك.

محمد همس لعمار: اسكت يا عم لتاكلنا. وبص لفوزية: بقولك يا زيزي، يعني ده صاحبي وجاي يشوفني من مكان بعيد، فهيقعد معنا يومين. فوزية: نعم يا عنيا؟ إحنا فاتحينها لوكاندة ولا إيه؟ وبعدين البيت فيه حرمة. عمار: لو مؤاخذة يعني، فين الحرمة دي؟ أصل مش شايفها. فوزية: تعالى وأنا أخليك تشوفها. ومسكته طحن. محمد بيشيلها من عليه: خلاص يا فوزية، الواد هيموت. عمار: الحقوني يا ناس، همووووووووت. محمد شالها بصعوبة

وقامت بتنهج من عليه: عيال عرة وملقتش حد يربيها. عمار: البت عملتلي إعاقة، اها ياني حرام عليكي، دا أنا لسه مدخلتش دنيا. فوزية: دنيا دي تبقى أمك، دا أنا مسجلة خطر يالا واسمي متسجل في سجل المجرمين. عمار: شيلني يا محمد، اها على شبابي اللي راح وأنا لسه متجوزتش. بتقولك اسمها متسجل في الجرايم، أنا عملت إيه في دنيتي؟ أختك أخدتني غسيل وكوي. محمد: قوم يا خويا يا حبيبي يا ضنايا قوم، ربنا عالظالم والمفتري يا خويا.

فوزية: سمعني بتقول إيه يا محمد. محمد: ها مبقولش حاجة ياختي، ساعديني ندخله جوه. عمار: أختك دي شبه هولاكو وبلطجية أوي، نمبر وان. فوزية: مين دي يا حيوان؟ دا أنا كريم كراميل. عمار عوج بقه ودخل. بعد شوية كان قاعد بيعقمله الجرح. وهي قاعدة بتمص قصب. لسه: ابقى خلي أمك تغذيك وتشربك لبن قبل النوم عشان الكالسيوم بدل ما أنت شبه النايتي كده. عمار: حاضر يا كبيرة، اللي انتي عايزاه.

فوزية: شطور يا روح ماما، بتسمع الكلام. خودي مصوا قصب. ورمت عليهم عودين. بعد ساعة خلصوا والصالة اتبهدلت. فوزية: بقولك إيه ياض منك ليه؟ الصالة دي تنضفوها لغاية ما أعمل قهوة لينا وأجي ألاقيكم، خلتوها بتلمع لمعان، فاهمين؟ محمد وعمار بخوف: فاهمين يا رايسة. بعد ربع ساعة جابت القهوة وهما خلصوا، حطت القهوة وقالت: اطفحوا. عمار ومحمد بصوا لبعض وبصوا للقهوة. عمار: احم، متأكدة إن دي قهوة ولا ماية مجاري؟

فوزية: بتقول إيه يا عين أمك؟ عمار بخوف: ولا حاجة، ولا حاجة. وبص لمحمد ومحمد بص له وقالوا: اها عالحزن والعذاب والجراح. باين له مرار طافح. فوزية بزعيق: فزوا من مكانكم. هما انخضوا وقاموا بسرعة: في إيه؟ فوزية: مفيش أكل والاربعة كيلو لحمة فطرت بيهم، وأنا جوعت. محمد: حرام عليكي يا شيخة، انتي عملتي مجاعة في البلد وخربتي الميزانية يا فطسة.

عمار: نهار أسوح يا جدع، ياريتني ما جيت ولا عرفتك، دي هتاكلنا ومش بيبان عليها، وهى شبه العصاية. محمد: ما العصاية لسه مدغدغاك. فوزية: أنت ياض منك ليه؟ سمعوني تاني كده بتقولوا إيه عليا؟ هما بخوف: ولا حاجة يا معلمة. فوزية بتقرب عليهم بشرار: الظاهر كده عايزيني أطلع روح الشرشوحة اللي جوايا، صح يالا؟ هما واقفين مروعبين.