رواية فراشة المقابر الفصل الحادي عشر 11 - بقلم اسماعيل موسي

تيمور قعد يصرخ، لا لا المعلم فتحي أمرهم يطلعوا بتيمور خارج الغرفة. ومع صرخات تيمور اللي كانت بتشق سكون العمارة، في الصالة كانت فيه صرخات تانية. صرخات مايا. منتصر بينهش جسمها. المعلم فتحي، كفايه يا منتصر، إحنا خلصنا. خد الفيديو ده وابعتُه لمهند، قله لو مظهرش كل يوم هنبعتله فيديو جديد مع شخص مختلف. قله المرة الجاية هنجيب واحد من الشارع، أنا عايزة هنا تحت رجليه. ألفت همست لمنتصر بمكر: إيه ده يا ولا؟

أنت مكنتش بتأدي مهمة، أنت كنت بتنتقم. المعلم فتحي صرخ: استغفر الله العظيم، كفاية مش عايز أسمع كلام وسخ تاني. *** فَكّوا قيود مايا. كانوا لسه واقفين، مايا زحفت على الأرض، جرت جسمها للصالة. هناك رمت نفسها في حضن تيمور وقعدت تعيط. ألفت: أبكي يا أختي، اتمسكنى، أنتو كده أصل. تيمور طبطب عليها. بصلهم كلهم بعيون بتغلي: أنتم لوثتم شرف مراتي. المعلم فتحي بنبرة غليظة: أنت فاكرها مراتك بجد؟

تيمور بتحدي: مراتي على سنة الله ورسوله، وأنتم اعتدِيتوا عليها. ومن اليوم ده أنتم أعدائي مش عيلتي. ألفت: متقولش كده يا حبيبي، اطلع بس شقتك ارتاح شوية وأنت هتهدى. تيمور وقف في مكانه، شد مايا، سندها وطلع بيها شقته. تيمور: أهدى إزاي؟ بتغتصبوا مراتي قدامي؟ منتصر بنبرة فيها غل: أنت كمان اغتصبتها قبلي، هيفرق إيه واحد من اتنين؟ تيمور بغضب: اسكت يا كلب، أنا عمري ما هكون وسخ زيك. المعلم فتحي بزعيق: خلاص مش عايز أسمع كلام تاني.

مايا جسمها عمال يرتعش. تيمور سحبها على شقته. *** مايا عمالة تعيط، بكى يقطع القلب. تيمور حاسس بالذنب، عايز ينفجر. تيمور: مايا؟ لأول مرة تيمور ينطق اسمها. أنا آسف، مقدرتش أدافع عنك. الدموع منهمرة كالمطر من عيون مايا ولسانها عالق ببلعومها. أنا من الممكن أن لا أعني لك أي شيء، لكنى زوجتك. إزاي ترضى إن مراتك تُغتصب قدامك؟ تيمور: كان غصب عني، إنتي شفتي اللي حصل بنفسك.

مايا: مشفتش غير إنسان مغلوب على أمره، مكسور الجناح، مظلوم بيغتصب قدام رجال من غير نخوة. تيمور حس إن مايا طعنته في صدره، عارف إن كلامها صح. تيمور: أقسم بالله مش هسيبهم. مايا بحزن: هتقف قدام عيلتك عشانى أنا؟ تيمور: إنتي لسه متعرفيش تيمور يا مايا. مايا: مش عايزة أعرف حد، أنا هنتحر. تيمور: مش هسمحلك تعملي كده، أنا _وقف الكلام في زوره. تيمور ساعد مايا تنام على السرير، ونام جنبها حاطط إيده عليها لحد ما نامت.

الفيديو وصل مهند في المكان اللي مستخبي فيه، كان تاني يوم الصبح مسافر إيطاليا. قطع جواز السفر، ساب كل حاجة وخد أول عربية على القاهرة. المعلومة وصلت للمعلم فتحي إن مهند خرج من مخبأه. جمع أولاده ما عدا تيمور، قلهم عايز يموت قبل ما يوصل هنا. فرّقوا العربية. منتصر والناس اللي راكبة معاه في العربية؟ المعلم فتحي: نصيبهم بقى، هنعمل إيه؟ هو فيه حد بيهرب من نصيبه؟ عايز الموضوع يتم بسرعة ومن غير ديول، فاهمين؟ فاهمين.