رواية فتاة الملجأ الفصل الخامس 5 - بقلم اية صالح

تم القبض على عمر. نُقلت جهاد إلى المشفى، وعلم الجميع بما فعلته منار. اقتربت منها والدتها بعد ما عرفت الحقيقة. تهاني: أنا عمري ما كنت أتخيل إنك طلعتي رخيصة أوي كدا. أنا عملت إيه في الدنيا عشان ربنا يبتليني بيكي؟ وسفعطها على وجهها بقوة وانصرفت. منار: إيه اللي أنا عملته دا يارب؟ ياريتني ما كنت عملت كدا. ياريتني كنت مكانك يا جهاد. يارب خدني أنا السبب في اللي هي فيه دلوقتي. خرج الطبيب من غرفة العمليات والتف حوله أخواتها.

تهاني: بنتي عاملة إيه دلوقتي؟ الدكتور: للأسف خسرت دم كتير وهنحتاج دم فصيلة O وبأسرع وقت ممكن. تهاني: يالهوي، طيب إحنا محدش فينا فصيلة دمه O، هنعمل إيه يا دكتور؟ الدكتور: شوفوا حد يقدر يتبرع لها. نظرت إليها تهاني وهي في العناية المركزة وعيناها مليئة بالدموع. تهاني: سامحيني يابنتي. أمسكت سلوى هاتفها وفتحت الفيس بوك ونشرت في كل مكان عن احتياجها لفصيلة دم O. *** اتفضل يافندم الملف اهو. طيب روح انت دلوقتي.

تفحص الملف جيداً وعلم قصتها. خالد لنفسه: مكنش ينفع اللي عملته معاها دا يا خالد، إنت برضه اللي غلطان. خالد مجددا لنفسه: طيب ماهي غلطت برضو. خالد: برضو إنت اللي غلطان. شعر بتأنيب الضمير تجاهها وتمنى لو لم يفعل كل هذا. حتى ظهر إشعار على شاشة هاتفه، وكان الإشعار من جروب الدفعة بفتاة تحتاج لفصيلة دم O لأن حالتها حرجة. أخذ هاتفه ومفاتيح سيارته وذهب إلى المشفى. *** إيه يابني، فطسان في إيه؟

شادي: لا ياعم الظريف مش فاضي اليومين دول بس. علي: بقيت في سنة كام دلوقتي؟ شادي: لسه زي في سنة أولى. علي: إيه هو الدكتور لسه كارفلك ولا إيه؟ شادي: بقولك أنا هقوم أمشي أحسن. علي: أهدى ياعم، بهزر معاك، ولا إنت بتقفش ولا إيه؟ شادي: ارميلي السم في العسل وقول إن أنا بقفش، دا إنت عيل مش سالك. علي: ياسطا، كنت سامع من يومين إنك لسه مطرود مع بت ماسك إيدها اسمها جهاد. شادي: لا دا عشان أغظ الدكتور بس مش أكتر.

علي: آهو شكل الدكتور دا مش ناوي يطلعك من دماغه. حتى لاحظ اقتراب رنا منهم. قال في نفسه: يووووه، كانت ناقصاكي هيرنا. رنا: هاي ياشباب، عاملين إيه؟ علي: هاي رنا. رنا: ازيك يا شادي؟ شادي: تمام، بعد إذنكم بقى علشان مش فاضي. لمست رنا يداه وقالت: لا ليه كدا، خليك قاعد معانا. شادي: مرة تانية. رنا: كويس أنه مشي، بقولك إيه، عايزاك في حوار. علي: حوار إيه؟ رنا: شوفي الفيديو دا ونظبط المواضيع مع بعض. علي بصدمة: يالهوي.

وصل خالد إلى المشفى. وبعد نصف ساعة كان يسحب منه الدم للمريض الذي لا يعرف من هو بعد أن انتهى. تهاني: ربنا يباركلك يابني، أنا مش عارفة أودي جمايلك فين. خالد: متقوليش كدا يا أمي، أكيد أي حد مكاني كان عمل كدا وزيادة. تهاني: يابني إنت اللي زيك خلصوا من زمان. روان بصوت منخفض: سلوى، هو مش دا المعيد اللي في الكلية؟ سلوى: إيه ده هو، تفتكري يعرف جهاد؟ روان: أكيد يابنتي، هو اللي بيديها محاضرات. سلوى: اممم.

انتهى خالد من عمله وذهب حتى يدفع تكاليف علاج المريض. الممرضة: اتفضل أمضي هنا. قبل أن يكتب اسمه وجد إسمها مكتوباً، حتى تسارعت نبضات قلبه.