رواية فتاة اوقعت قلبي الفصل العاشر 10 - بقلم سماح عزت

فهد: خانتني مع أعز أصدقائي وكسروا قلبي. ريم: مش ممكن، سوء تفاهم. فهد بعصبية: أنا شفتهم مع بعض في السرير، يبقى إزاي سوء تفاهم؟ ريم بغيرة: آآآ كنت بتحبها قوي كده؟ فهد بحزن: كنت بحبه هو أكتر. نور: سيبك يا عم من الأشكال دي، وما تزعلش نفسك عشان حد، وبعدين هي واحدة ما تسواش؛ لأنها خانتك. فهد: هي بالنسبة لي فترة وعدت، لكن هو كان كل حياتي، إحنا متربيين مع بعض. ريم: حاولت تقعد وتتفاهم معاه؟ فهد: لا...

وبعدين انتوا قاعدين بتستجوبوني؟ نور: إحنا... هو إحنا قولنا حاجة؟ ده الكلام اللي جاب بعضه. فهد: قوموا من هنا، كل واحدة تروح مكانها. بهاء: ده أنت خريت بكل حاجة. فهد: غبي، سايبني عمال أحكي وأتكلم. بهاء: الأَه وأنا مالي أنا، أنت اللي عمال تتكلم وأنا عمال أزغر لك وأنت ولا هنا. فهد: تزغر لي... كنت قاطعني في الكلام. بهاء: خلاص يا عم، اللي حصل حصل بقى. فهد: بس بما إنهم فكروني بأحمد، أنا هأروح أكلمه.

بهاء بسعادة: هتقعد وتتفاهم معاه زي ما الآنسة ريم قالت؟ فهد: أقعد مع مين ولا أتفاهم في إيه يا غبي؟ أنا رايح أكلمه بخصوص الخطة اللي عاملينها. بهاء ببلاهة: آآآه. فهد: جتك أووووه. بهاء: معلش يعني إيه؟ أصل أمي بتقولها لي ومش فاهم معناها. فهد: وأنا إيه يعرفني؟ يلا أنا ماشي. بهاء: سلام في رعاية الله. فهد: سلام إيه؟ أنت هتيجي معي عشان تسوق العربية؛ عشان أنا كتفي واجعني. بهاء: طب والبنات هيفضلوا لوحدهم؟

فهد: أيوه، وبعدين أنا هتصرف. فهد وهو يخبط على غرفة ريم: آنسة ريم. نور وهي تفتح الباب: نعم، كنت عايز حاجة؟ فهد: هي ريم فين؟ نور: نايمة؛ لأنها ما نامتش من امبارح. فهد: آآه، طب أنا رايح أجيب أكل وهاخد بهاء معي يسوق العربية، تحبوا تأكلوا إيه؟ نور: طب ما أنت تعبان، خلي بهاء يروح لوحده. فهد: لا أنا كويس، وبعدين بهاء بيغرق في شبر مياه، لازم أروح معاه. نور: تمام. فهد: أجيب لك أنتِ وريم إيه؟ نور: هات لنا بيتزا.

فهد: بس كده من عينيا. نور: بس كده إيه؟ وهات فراخ مشوية ولحم مندي وهات شاورما لحمة وهات طاجن ورق عنب وهات طاجن ملوخية و... فهد بصدمة: هو لسه في "و" تاني؟ إحنا هناكل الأكل ده كله؟ نور: لا طبعًا، ده لي أنا وريم، شوفوا انتوا هتاكلوا إيه. فهد بنفاذ صبر: هتعوزوا حاجة تاني؟ نور: أيوه، ما أنا لسه ما كملتش، عايزين سمبوسة وهات كولا، وآه ما تنساش السلطات والطحينة. فهد بصدمة: مم... ماشي. نور: آآه صح، نسيت الرز، هات رز معاك.

آآآه هات الكولا دايت. فهد بعصبية: دايت إيه ده؟ هو بعد كل اللي قلتيه ده تيجي تقولي لي دايت؟ ولعلمك أنا هأجيب كولا عادية مش هأجيبها دايت. نور بخوف: تمام تمام، ما فيش مشكلة، أنا أصلًا ما بأحبش الكولا الدايت خالص. فهد: أنا ماشي، وآه ما حدش يطلع بره. بعيد عن المكان. فهد: بس هنا يا بهاء، سيبني أتكلم في الفون وخد الفيزا وروح جيب الحاجات اللي قلت لك عليها. بهاء: دي طلعت مفجوعة قوي.

فهد: يا عم هي طالبة الأكل ده كله تعجيز بس، لكن هي مش هتقدر تكمل طبق واحد. بهاء: ما هو فعلًا جسمها ضعيف، لو كانت بتاكل الأكل ده كله كانت زمانها قد البقرة. فهد بسخرية: امشي يا بهاء امشي وما تتأخرش، أنا هستناك هنا. بهاء وهو يشغل العربية: سلام. "عند أحمد" أحمد: لازم نوصل لفهد في أقرب وقت. الجد عبد الله: عايزك أنت ومراد توصلوا له بسرعة، أنا قلقان على البنات.

أحمد: بلاش مراد، أصل قلبه طيب ومش هيمسك فهد، هيخاف عليه من السجن. مراد: القضية دي بتاعتي زي ما هي بتاعتك. ومش عشان بأقول كلمة الحق أبقى وحش. أحمد: برضه هيقول للحق. الجد عبد الله: بس أنتُ الاثنين، إحنا مش في حضانة، أنا عايز البنات ترجع و... أحمد: الصقر اللي بيتصل. الجد عبد الله: رد عليه. أحمد: ألو. فهد: حبيبي عامل إيه؟ أحمد: بتتشطر على بنات، ما هو عشان ما فيش فيكوا راجل. فهد: لا لا، جرحتني بقى، أنا مش راجل ليه؟

كنت خونتك مع حبيبتك زي ما عملت معي وأثبت لي إنك مش راجل؟ أحمد: مش دي اللي هأوسخ نفسي معها أو بسببها، وبعدين اللي حصل... فهد: اللي حصل حصل، البنات أنا هأرجعهم بس بشرط إن كل حاجة تثبت على سعد إنه خطف البنت دي تختفي. أحمد: زي ما خليت حد يخفي دليل إنك قتلت أمي؟ فهد: أنا عمري ما أأذي ماما صفاء. أحمد بعصبية وصوت عالي: عشان كده كنت عايز تقتلها؟

فهد: أنا ما خفيتش أدلة ولا عملت حاجة؛ لأني كنت عايز أعرف مين حاول يقتل ماما صفاء. أحمد: أنت هتعملهم علي؟ فهد: من الآخر هتنفذ اللي قلت لك عليه هأرجع البنات، مش هتنفذ قول عليهم يا رحمن يا رحيم. أحمد: تمام هأعمل لك اللي أنت عايزه. فهد: لا أنا عايز أسمع الكلام ده من اللواء، أصله قد كلمته مش زيك. أحمد: تقصد إني مش قد كلمتي؟ الجد عبد الله: هات التليفون يا أحمد... ألو يا فهد.

فهد: تنفذ كلامي، ما نفذتش كلامي نور هتبقى في خبر كان وريم كمان، ومش بس كده أنا هأعمل لنور DNA وهأثبت إنها مش بنتكوا، وهأقول إن ريم قتلتها؛ لأنها أخدت مكان اختها، ولما قتلتها انهارت وانتحرت. ها إيه رأيك؟ غير بقى تزوير في أوراق رسمية. الجد عبد الله: أنا هأعمل لك اللي أنت عايزه بس ما تأذيش البنات. فهد: تمام يلا سلام. عند نور. نور: اتأخرتوا كده ليه؟ فهد: مش عقبال ما جبنا الأكل اللي أنتِ طلباه... هي ريم لسه نايمة؟

نور: هأدخل أصحيها عشان تأكل. نور صحت ريم وفهد وبهاء حطوا الأكل. ريم انصدمت وهي تنظر للأكل. ريم بصدمة: إيه ده؟ فهد: أنا عارف إن الأكل كتير بس نور اللي طلبته. ريم: نوووور. نور وهي تأتي مسرعة: إيه في إيه؟ ريم: أنتِ اللي طلبتِ الأكل؟ نور: آه أنا بس أنا قلت له يجيب الكولا دايت وهو ما سمعش الكلام. ريم: كولا إيه ودايت إيه؟ فهد: أنا عارف هي طالبة الأكل ده كله وجابه على الكولا تقول دايت.

ريم بعصبية: أنتِ إزاي مستهترة كده وما طلبتيش عيش مع إنك عارفة إني بأحب آكل الملوخية بعيش؟ نور: آه صحيح أنا نسيت العيش خال... فهد بصدمة: ثانية واحدة! أنتِ كل ده زعلانة عشان العيش وأنا فكرك بتقولي الأكل كتير؟ ريم: طبعًا وهي دي حاجة تتنسي؟ فهد: اقعدوا كلوا اقعدوا... بهاء تعالى عايزك. بعد بضع دقائق خرج بهاء وفهد. فهد بصدمة: راح فين الأكل؟